Kynvilltur stóðhestur kostar eigendur sína milljarða kr.

Menn vita ekki hvort hann er kynvilltur, kyndaufur eða bara húðlatur. Allavega hafa eigendur stóðhestsins War Emblem séð á eftir milljörðum kr. í tapaða folatolla því hesturinn vill ekki fjölga sér.

Roman Abramovich hættir sem ríkisstjóri

Rússneski auðkýfingurinn Roman Abramovich hefur látið af embætti ríkisstjóra í hinu afskekkta Chukotka-héraði sem er í Síberíu, nálægt Alaska.

Markaðir í Asíu dauflegir í morgun

Dauflegt var um að litast á asískum fjármálamörkuðum í morgun en nú hefur það gerst í fyrsta sinn síðan um miðja síðustu öld að Nikkei-vísitalan hefur lækkað tólf daga í röð.

Gjaldþrotum fyrirtækja í Danmörku fjölgar ört

Alls urðu 261 fyrirtæki í Danmörku gjaldþrota í júnímánuði. Er þetta 28,6% aukning miðað við júnímánuð í fyrra.

Carlsberg seldi yfir 1,5 milljón lítra af bjór á EM

Carlsberg seldi yfir 1,5 milljón lítra af bjór á EM í knattspyrnu í síðasta mánuði. Er þetta mesta bjórsala hjá brugghúsinu síðan það varð stuðningsaðili að EM árið 1988.

Olíuverðið fór yfir 146 dollara tunnan

Heimsmarksverð á olíu fór yfir 146 dollara á tunnuna núna fyrir hádegið. Hefur verðið þá hækkað um 55% frá því í janúar.

Stýrivextir hækka á evrusvæðinu

Bankastjórn evrópska seðlabankans ákvað í dag að hækka stýrivexti um 25 punkta og fara þeir við það í 4,25 prósent. Vöxtunum hefur verið haldið óbreyttum í rétt rúmt ár.

Norrænu hlutabréfin lækka hratt

Gengi hlutabréfa hefur lækkað nokkuð í evrópskum kauphöllum í dag. C-20 vísitalan í kauphöllinni í Kaupmannahöfn hefur fallið um rúm þrjú prósent í morgun.

Olíutunnan í sögulegu hámarksverði

Heimsmarkaðsverð olíutunnunnar náði í morgun rúmum 144 bandaríkjadölum á mörkuðum í Asíu og kenna greiningaraðilar eldfimu andrúmslofti í Íran um

Nyhedsavisen ógnað af sektum og lokun

Fríblaðið Nyhedsavisen í Danmörku stendur nú frammi fyrir röð af sektargreiðslum og jafnvel að útgáfa þess verði stöðvuð.

Hækkun stýrivaxta líklegt útspil Seðlabanka Evrópu

Almennt er talið að Seðlabanki Evrópu hækki stýrivexti sína um 0,25 prósentustig í dag, úr fjórum prósentum í 4,25.

Segja atvinnuleysi meðal ríkra aðildarþjóða OECD aukast töluvert

Búast má við að atvinnuleysi aukist töluvert á árinu meðal flestra af ríkari aðildarþjóðum OECD. Þetta kemur fram í nýbirtu riti Efnahags- og framfarastofnunarinnar um stöðu á vinnumörkuðum aðildarlandanna.

Tilgangslaust að eiga hlutabréf í augnablikinu

Verðbréfasalar víða í Evrópu segja nær tilgangslaust að eiga hlutabréf í augnablikinu vegna hækkandi olíuverðs og versnandi stöðu bankanna. Verð á hlutabréfum um gjörvallan heim hefur lækkað.

Hlutabréfin leita upp í Evrópu

Gengi hlutabréfa hefur almennt hækkað í evrópskum hlutabréfamörkuðum í dag eftir skell í gær.

Óveður í aðsigi í breski smásöluverslun

Gengi bréfa í bresku verslanakeðjunni Marks & Spencer hrundi um rúm tuttugu prósent í bresku kauphöllinni í dag eftir sir Stuart Rose, forstjóri verslunarinnar, lýsti því yfir að óveður væri í aðsigi í breska smásölugeiranum. Muni það koma harkalega niður á afkomu verslana.

Lækkun á mörkuðum í Asíu

Töluverð lækkun varð á asískum hlutabréfamörkuðum í morgun en bifreiðaframleiðendur og skipafélög voru í fararbroddi hennar, einkum vegna eldsneytishækkana en verð olíutunnu stendur nú í 142,45 bandaríkjadölum á heimsmarkaði.

Starbucks lokar 500 sölustöðum

Kaffihúsakeðjan Starbucks áformar að loka fimmhundruð sölustöðum í Bandaríkjunum til viðbótar við aðrar hundrað sem þegar hafði verið tilkynnt um að yrði lokað.

Hlutabréf féllu í Evrópu

Gengi hlutabréfa féll almennt á evrópskum mörkuðum á þessum fyrsta viðskiptadegi fjórðungsins sem jafnframt markar seinni hluta ársins. Lækkun er sömuleiðis á bandarískum hlutabréfamörkuðum.

Bandaríkjadalur að snúa við

Gengi bandaríkjadals gagnvart öðrum gjaldmiðlum er að nálgast lægsta gildi og mun hækka fljótlega á ný. Þetta sagði David Darst, forstöðumaður hjá bandaríska fjárfestingabankanum Morgan Stanley á viðskiptafréttastöðinni CNBC í dag.

Baugur og Fons selja Woodward Foodservice

Baugur og Fons hafa selt bresku matvælakeðjuna Woodward Foodservice eftir því sem fram kemur í Daily Telegraph í dag. Áætlað söluverð er um þrír milljarðar samkvæmt heimildum Vísis.

Fjögurra prósenta verðbólga á evrusvæðinu

Verðbólga á evrusvæðinu mældist fjögur prósent á ársgrundvelli í júní samkvæmt bráðabirgðamati Eurostat, evrópsku hagstofunnar, sem birt var í morgun.

Heimsmarkaðsverð á olíu hækkaði um einn dal í morgun

Heimsmarkaðsverð á olíutunnu hækkaði um einn dal í morgun og stendur nú í 142 bandaríkjadölum. Reuters fréttastofan hefur eftir Mark Pervan sérfræðingi hjá ANZ bankanum í Melbourne í Ástralíu að ástæðuna megi rekja lágs gengis Bandaríkjadals og spennu í samskiptum Ísraela og Írana

Vilja flytja Moss Bros af aðallista kauphallarinnar í London

Hluthafar í Moss Bros hafa farið fram á að félagið verði tekið af aðallista kauphallarinnar í London og skráð á AIM-listann sem er hliðarlisti í kauphöllinni. Telja menn að menn því sé hægt að spara töluverða peninga.

Forseti OPEC segir olíuverðið fara í 170 dollara fyrir árslok

Chakib Khelil forseti OPEC, samtaka olíuframleiðsluríkja, segir að heimsmarkaðsverð á olíu muni fara í 170 dollara á tunnuna fyrir árslok. Þetta sé einkum vegna þess að gengi dollarans heldur áfram að veikjast.

Hamborgari seldist upp á Burger King

Burger King veitingastaður í London sem keppir um að afgreiða dýrasta hamborgara í heimi lenti í því að sá hamborgari seldist upp. Og þó kostaði stykkið af honum tæplega 15.000 kr.

Borgar 109% skatt í Danmörku og fær því ekki breytt

Daninn Peter Holm er rukkaður um 109% skatt af þarlendum skattyfirvöldum og fær því ekki breytt. Af hverjum 100 krónum sem hann vinnur sér inn krefst skatturinn 109 króna í sinn hlut.

Kaupþing skráir indverskan sjóð á AIM markaðinum í London

Kaupþing mun á mánudag skrá indverskan fjárfestingasjóð á AIM markaðinum sem er einn af undirmörkuðum kauphallarinnar í London. Sjóðurinn ber nafnið Infrastructure India og ræður yfir 40 milljónum punda, eða um 6 milljörðum kr. til að byrja með.

Úrvalsvísitalan ekki lægri í næstum tvö ár - versti júní í BNA í 80 ár

Júnímánuðurinn sem er að líða er sá versti á bandarískum hlutabréfamarkaði frá því í kreppunni 1930 eftir því sem segir í hálffimmfréttum Kaupþings.

Olíuverð hefur hækkað um 50 prósent frá áramótum

Verð á hráolíu fór í nærri 142 dali tunnan í New York í dag þegar ásókn fjárfesta í hrávörur jókst í kjölfar veikingar Bandaríkjadals.

Enn minnkar atvinnuleysi í Danmörku

Atvinnuleysi í Danmörku er nú hið minnsta sem það hefur verið í yfir 30 ár. Samkvæmt nýjum tölum er atvinnuleysið nú aðeins 1,7% eða sem svarar til 47.500 manns.

Alan Greenspan: Bandaríkin á mörkum kreppu

Fyrrverandi seðlabankastjóri Bandaríkjanna segir landið á mörkum kreppu. Hann segir að í kjölfar kredit-krísunnar svokölluðu sé ástandið slæmt.

Norðmenn hækka stýrivexti

Norski seðlabankinn hefur ákveðið að hækka stýrivexti um 25 punkta. Við það fara vextirnir í 5,75 prósent.

Volvo að komast í eigu Kínverja

Ford á nú í samningum við kínverskt félag um kaup á Volvo bílunum. Þetta kemur fram á vefsíðu Börsen í morgun.

Saddam Hussein var meginóvinur Al-Kaída-samtakanna

Dr. Tom G. Palmer, varaforseti alþjóðamála hjá Cato-samtökunum, var á Íslandi á dögunum á vegum Sumarháskóla Rannsóknar­miðstöðvar samfélags- og efnahagsmála á Bifröst. Hann telur árásina í Írak hafa verið vind í segl Al-Kaída.

DeCode fellur eftir flug

Gengi hlutabréfa í DeCode, móðurfélagi Íslenskrar erfðagreiningar, féll um rúm 5,3 prósent og fór í 0,89 dali á hlut á bandarískum hlutabréfamarkaði í dag. Gengi hlutabréfa lækkaði almennt í verði. Svartsýni í skugga hás olíuverðs setti mark sitt á daginn á bandarískum hlutabréfamarkaði.

Vangaveltur um sölu á JJB Sports og afskráningu

Hlutir í JJB Sports hækkuðu verulega í morgun í kjölfar vangaveltna um að félagið yrði selt og síðan afskráð af markaði. Exista á rúm 14% í félaginu.

Miðasala Paramount á árinu yfir milljarð dollara

Miðasala kvikmyndafyrirtækisins Paramount á Bandarikja- og Kanadamarkaði það sem af er ári fór yfir einn milljarð dollara í upphafi vikunnar eða sem svarar 84 milljörðum kr.

United Airlines segir upp 950 flugmönnum

Það eru fleiri flugfélög en íslensk sem eiga í vandræðum vegna hækkandi eldsneytisverðs því í dag greindu forsvarsmenn bandaríska flugféalgsins United Airlines frá því að þeir myndu segja upp 950 flugmönnum í sumar

Afkomendur Lindgren hagnast vel á bókum hennar

Afkomendur sænska barnabókahöfundarinar Astrid Lindgren hafa varla miklar fjárhagsáhyggjur því sala á bókum hennar skilar enn hundruðum milljóna íslenskra króna í tekjur.

Heimsmarkaðsverð olíu hækkar þrátt að framleiðsla verði aukin

Heimsmarkaðsverð á olíu heldur áfram að hækka þrátt fyrir að Sádi-arabar ætli að auka framleiðslu sína um 200.000 tunnur á dag.

Neyðarfundur um olíukreppu skilaði litlu í dag

Gjá hefur myndast milli olíusöluríkja og kaupenda á vesturlöndum vegna deilna um hvað valdi síhækkandi olíuverði á heimsmarkaði. Neyðarfundur leiðtoga olíurframleiðsluríkja og helstu iðnríkja heims um olíukreppuna skilaði litlum árangi í dag.

Sádí Arabar lækka olíuverð

Sádí Arabar tilkynntu í morgun að þeir hefðu aukið olíuframleiðslu sína um nærri tíu milljón tunnur á dag til að lækka olíuverð. Neyðarfundur vegna síhækkandi olíuverðs hófst í Jedda í Sádí Arabíu í morgun.

Segir starfsmann Barclays hafa stolið af sér 40 milljónum punda

Háttsettur meðlimir Al Thani fjölskyldunnar í Katar hefur stefnt sjóðum Barclays bankans í hættu, með því að höfða mál á hendur bankanum vegna meintra fjársvika upp á 40 milljón pund eða um 6,4 milljarða króna.

Debenhams lengir greiðslufrest til birgja

Breska fataverslunarkeðjan Debenhams hefur sent birgjum sínum þau skilaboð að greiðslufrestur keðjunnar til birja verði 96 dagar. Ástæðan ku vera erfiðarleikar á markaði eftir því sem fram kemur í Sunday Times í morgun.

Búist við að olíuframleiðsla aukist í júlí

Sádí Arabía og fleiri OPEC ríki ætla að auka olíuframleiðslu til að mæta eftirspurn, samkvæmt heimildum Reuters fréttastofunnar. Sádí Arabía mun auka framleiðslu um 9,7 milljónir tunnur á dag í júlí. Þetta er mesta framleiðsluaukning í marga áratugi.