Búist við að olíuframleiðsla aukist í júlí

Sádí Arabía og fleiri OPEC ríki ætla að auka olíuframleiðslu til að mæta eftirspurn, samkvæmt heimildum Reuters fréttastofunnar. Sádí Arabía mun auka framleiðslu um 9,7 milljónir tunnur á dag í júlí. Þetta er mesta framleiðsluaukning í marga áratugi.

Fulltrúar olíuríkjanna funda í Jeddah á morgun og munu ræða um himinhátt heimsmarkaðsverð á olíu. Ljóst er að kaupendur og framleiðendur á bensíni eru ekki á eitt sáttir um það hvað valdi háu bensínverði. Neytendur telja að skortur á framboði valdi háu olíuverði en OPEC ríkin halda því fram að ástæðuna megi rekja til spákaupmennsku, veiks Bandaríkjadals og pólitísks óstöðugleika.

Búist er við að Sádí Arabar gefi frá sér yfirlýsingu eftir fundinn í Jeddah.