Volvo að komast í eigu Kínverja

Ford á nú í samningum við kínverskt félag um kaup á Volvo bílunum. Þetta kemur fram á vefsíðu Börsen í morgun.

Einn af stærstu eigendum Ford, hinn sérlundaði milljarðamæringur Kirk Kerkorian hefur gefið í skyn að Volvo verði seldur til Kína. Um yrði að ræða hagræðingaraðgerð innan Ford en hún mun kosta marga atvinnuna í Gautaborg í Svíþjóð og hjá Gent í Belgíu.

Alan Mulally forstjóri Ford sagði í nóvember s.l. að Volvo væri ekki til sölu "í augnablikinu". Hinsvegar hefur efnahagskreppan í Bandaríkjunum sett strik í bókhald Ford og því er rætt um söluna á Volvo.

Ford keypti Volvo verksmiðjurnar árið 1999 og greiddi um 50 milljarða skr. fyrir.