Vilja flytja Moss Bros af aðallista kauphallarinnar í London

Hluthafar í Moss Bros hafa farið fram á að félagið verði tekið af aðallista kauphallarinnar í London og skráð á AIM-listann sem er hliðarlisti í kauphöllinni. Telja menn að menn því sé hægt að spara töluverða peninga.

Greenwoods, sem er einn af stærstu hluthöfunum, hvatti Philip Mountford, forstjóra Moss Bros, til að íhuga það á fjörlegum aðalfundi í síðustu viku.

Mountford hefur viðurkennt að kostnaðurinn við að hafa félagið skráð á aðallistanum sé of hár en allar ákvarðanir verði teknar af nýjum stjórnarformanni sem enn er ófundinn.

Baugur Group á um 30% í félaginu og hætti á dögunum við rúmlega sex milljarða króna yfirtöku. Félagið tapaði um tveimur milljörðum á síðusta ári og gengi bréfa í því hefur fallið um rétt tæp 28% frá áramótum. Hlutur Baugs hefur rýrnað um rétt tæpar 600 milljónir frá áramótum.