Alan Greenspan: Bandaríkin á mörkum kreppu

Fyrrverandi seðlabankastjóri Bandaríkjanna segir landið á mörkum kreppu. Hann segir að í kjölfar kredit-krísunnar svokölluðu sé ástandið slæmt.

Hann var spurður að því á ráðstefnu í Jóhannesarborg hvort kalla mætti ástandið kreppu og svaraði á einfaldan hátt: "Við erum á mörkum hennar."

Alan Greenspan sagði einnig að húsnæðisvandamálið í Bandaríkjunum væri ekki tilkomið vegna þess að vextir voru of lágir í tíð hans í Seðlabankanum.

"Versprengjan á húsnæðismarkaðnum er alþjóðlegt vandamál," sagði hann.

Hann sagði það einnig rétt hjá Seðlabankanum í Suður Afríku að hækka vexti í ljósi vaxandi þenslu. Verðhækkanir á olíu og mat séu raunverulegt vandamál.

"...ef Seðlabankinn vinnur ekki gegn þeim skapast ótryggt þensluástand."