Hækkun á Wall Street

Verð á hlutabréfum á Wall Street hækkaði í dag í kjölfar þess að seðlabanki Bandaríkjanna lækkaði stýrivexti sína. Dow Jones vísitalan hafði hækkað um 130 stig við lokun markaða í kvöld.

Stýrivextir lækka í Bandaríkjunum

Bankastjórn bandaríska seðlabankans ákvað í dag að lækka stýrivexti um 25 punkta og fara vextirnir því úr 4,75 prósentum í 4,5 prósent. Flestir höfðu reiknað með þessari niðurstöðu en útilokuðu þó ekki 50 punkta vaxtalækkun vegna aðstæðna í bandarísku efnahagslífi.

Gengi Google aldrei hærra

Gengi hlutabréfa í netleitarrisanum Google fór yfir 700 dali á hlut í dag en þetta mun vera í fyrsta sinn síðan fyrirtækið var skráð á hlutabréfamarkað um mitt ár 2004 sem gengið hefur farið svo hátt.

Hagvöxtur í Bandaríkjunum umfram spár

Hagvöxtur í Bandaríkjunum mældist 3,9 prósent á þriðja ársfjórðungi samanborið við 3,8 prósent á öðrum ársfjórðungi, samkvæmt útreikningum bandaríska viðskiptaráðuneytisins. Þetta er nokkuð meiri hagvöxtur en reiknað hafði verið með á fjórðungnum sem einkennst hefur á þrengingum á bandarískum fasteignamarkaði og lausafjárkrísu á fjármálamörkuðum.

Óbreyttir stýrivextir í Japan

Japanski seðlabankinn ákvað í dag að halda stýrivöxtum óbreyttum í 0,5 prósentum. Bankinn segir ennfremur í endurskoðaði hagspá sinni fyrir árið að hagvöxtu verði um 1,8 prósent í stað 2,1 eins og fyrri spá hljóðaði upp á. Hann telur að á næsta ári muni blása byrlega og muni hagvöxtur nema 2,1 prósenti.

Enn lækkar dollarinn

Gengi bandaríkjadals fór enn á ný í lægstu lægðir gagnvart breska pundinu í dag en 2,0727 dalir fást nú fyrir hvert pund. Bilið hefur aukist hratt síðustu daga og hefur ekki verið meira síðan um mitt sumar 1981.

Hagnaður Deutsche Bank jókst um 31 prósent

Hagnaður Deutsche Bank nam 1,62 milljörðum evra, jafnvirði tæplega 141 milljarðs króna, á þriðja ársfjórðungi samanborið við 1,24 milljarða á sama tíma í fyrra. Þetta er 31 prósents hækkun á milli ára og nokkuð yfir væntingum. Inn í afkomutölurnar koma endurgreiddir skattar og hagnaður af sölu eigna sem vegur upp á móti fyrsta tapi af fjárfestingum bankans í heil fimm ár.

Hlutabréf í Fujifilm fyrirtækinu hækkuðu

Hlutabréf í Fujifilm fyrirtækinu hækkuðu við lokun markaðar í Japan í morgun. Markaðurinn var hinsvegar með rólegra móti. Stutt er í að seðlabankinn í Japan taki ákvörðun um stýrivaxtahækkun og ljóst að fjárfestar halda að sér höndum þangað til. Verðlækkun á olíumarkaði kom sér illa fyrir olíufyrirtæki eins og Inpex Holdings og stærstu hluthafa þess fyrirtækis.

Fjárfestar bíða ákvörðunar bandaríska seðlabankans

Gengi helstu hlutabréfavísitalna lækkaði er nær dró lokun viðskipta á bandarískum fjármálamörkuðum í dag. Nokkrir þættir skýra lækkunina en fjáfestar þykja bjartsýnir á að bankastjórn seðlabanka Bandaríkjanna tilkynni um 25 punkta lækkun stýrivaxta á morgun að loknum tveggja daga vaxtaákvörðunarfundi, sem hófst í dag.

Pundið nálægt hæstu hæðum gagnvart bandaríkjadal

Gengi breska sterlingpundsins fór í hæstu hæðir gagnvart bandaríkjadal á mörkuðum í dag en 2,066 dalir fengust fyrir hvert pund. Dollarinn hefur ekki verið ódýrari síðan um mitt sumar árið 1981.

Fyrsta pöntun á 100 dollara tölvum

Urugvæ er fyrsta landið til að gera opinbera pöntun á hinum svokölluðu 100 dollara tölvum. Ríkisstjórnin keypti 100 þúsund tölvur fyrir skólabörn á aldrinum sex til 12 ára. Til stendur að kaupa 300 þúsund tölvur í viðbót handa hverju skólabarni í landinu fyrir árið 2009.

Tekur Baugur yfir Saks ásamt fleirum?

Hugsanlegt er að Baugur bjóði í bandarísku lúxusvöruverslunarkeðjuna Saks ásamt fyrirtækinu Landmark Group sem er í eigu aðila í Dubai.

Nikkei niður um 0,3%

Japanska Nikkei vísitalan féll um 0,3 prósent í morgun. Takeda lyfjafyrirtækið féll í verði þegar heilbrigðisyfirvöld mæltu með því að þeir hættu tilraunaframleiðslu á ákveðnu lyfi sem hafði gefið vel af sér.

Fjárfestar bíða stýrivaxtadags

Gengi helstu hlutabréfavísitalna hækkaði við lokun hlutabréfamarkaða í Bandaríkjunum í dag. Fjármálaskýrendur höfðu gert ráð fyrir mikilli hækkun enda vaxtaákvörðunardagur vestanhafs á miðvikudag. Nokkurrar spennu gætir á meðal fjárfesta.

Gengi SAS-hlutabréfa lækkar vegna Dash-véla

Gengi hlutabréfa SAS-flugfélagsins hefur lækkað um nærri 5% á mörkuðum í morgun og er það rakið til nauðlendingar Dash 8 vélarinnar í Kaupmannahöfn á laugardag.

Hráolíuverð hækkar enn

Verð á hráolíu fór upp fyrir 93 Bandaríkjadali tunnan í New York í morgun og hefur þá hækkað um 16 prósent það sem af er þessum mánuði. Á þetta er bent í Morgunkorni Glitnis.

Uppsveifla á mörkuðum í Japan

Japönsk hlutabréf hækkuðu í dag, mánudag. Mesta hækkunin varð með hlutabréf í Nissan bifreiðaverksmiðjunni. Hlutabréf í bönkum hækkuðu einnig og virðist sem fjárfestar telji að lægðin í japönsku efnahagslífi sé á enda. Jafnframt hækkuðu bréf í fyrirtækjum eins og Canon og Honda. Hins vegar lækkuðu bréf í sumum fyrirtækjum, eins og Advantest tæknifyrirtækinu.

Færeyingar úthluta olíuborleyfum á ný

Færeyingar eru um það bil að verða klárir til að úthluta olíuborleyfum innan efnahagslögsögu sinnar á ný. Reiknað er með að það verði gert öðru hvoru megin við áramótin. Yrði það í þriðja sinn sem Færeyingar gera slíkt.

Bandarískur fjármálarisi til bjargar Northern Rock

Bandaríska fjármálafyrirtækið GMAC, að hálfu í eigu General Motors, verður í forystu fjárfesta sem ætla sér að gera tilboð í Northern Rock bankann og bjarga honum þannig frá gjaldþroti.

Gull og olía hækka en dollar lækkar

Heimsmarkaðsverð á gulli hefur hækkað mikið að undanförnu og er nú við að slá fyrra verðmet frá upphafi níunda áratugarins. Olía hefur einnig hækkað og er nú í 92 dollurum tunnan en dollar lækkar áfram og hefur náð fyrri lægð gagnvart evrunni eða 1,439 dollar fyrir evru.

Bandaríkjadalur aldrei lægri gagnvart evru

Bilið á milli bandaríkjadals og evru jókst í dag þegar dalur lækkaði í verði en gengismunur myntanna hefur aldrei verið meiri. Helsti orsakavaldurinn eru auknar væntingar að seðlabanki Bandaríkjanna lækki stýrivexti að loknum vaxtaákvörðunarfundi sínum í næstu viku.

Afkoma Microsoft yfir væntingum

Bandaríski hugbúnaðarrisinn Microsoft tók inn 4,29 milljarða bandaríkjadala í hagnað, jafnvirði 261 milljarð íslenskra króna, á þriðja ársfjórðungi, sem er fyrsti rekstrarfjórðungur fyrirtækisins. Þetta er heilum 23 prósentum meira en á sama tíma í fyrra og skrifast á mikla sölu á Windows Vista, nýjasta stýrikerfi fyrirtækisins og tölvuleikinn Halo 3.

Olíutunnan yfir 90 dollara

Olíuverð fór yfir 90 dollara á tunnu vestanhafs í gær og hefur verðið aldrei farið jafn hátt í dollurum talið. Verð á Noðrursjávarolíu hækkaði líka um þrjá dollara á tunnuna og fór í röska 87 dollara í Evrópu.

Sala á nýjum fasteignum dregst saman í BNA

Sala á nýjum fasteignum dróst saman um 23 prósent á milli ára í Bandaríkjunum í september, samkvæmt nýjum gögnum bandaríska viðskiptaráðuneytisins. Fjármálaskýrendur telja samdráttarskeið yfirvofandi vestanhafs bregðist seðlabanki Bandaríkjanna ekki við.

Yfir 100 dollaramilljarðamæringar í Kína

Samhliða örum vexti hagkerfis Kína undanfarin ár hefur að sama skapi fjölgað í hópi ofurauðjöfra landsins. Nú eru í Kína 106 einstaklingar sem hver um sig eiga meir en ein milljarð dollara eða 60 milljarða kr.

Microsoft kaupir hlut í Facebook

Mark Zuckerberg stofnaði Facebook fyrir tæpum fjórum árum síðan. Nú hefur Microsft greitt 14 milljarða íslenskra króna fyrir 1,6 prósenta hlut í síðunni. Facebook er afar vinsælt samfélag, eða tengslanet, á internetinu.

Líkur á milli lækkun stýrivaxta í Bandaríkjunum

Líkur hafa aukist til muna að bandaríski seðlabankinn lækki stýrivexti um allt að 50 punkta að loknum næsta vaxtaákvörðunarfundi bankans á miðvikudag í næstu viku. Breska blaðið Times segir slök uppgjör fjármálafyrirtækja vestanhafs og áframhaldandi samdráttur á fasteignamarkaði þar í landi vísbendingu um næstu ákvörðun bankans.

Þriðjungi minni hagnaður hjá Ericsson

Hagnaður sænska tæknifyrirtækisins Ericsson dróst saman um 36 prósent á þriðja ársfjórðungi eins og kom fram í afkomuviðvörun, sem fyrirtækið sendi frá sér í síðustu viku.

Bank of America segir 3.000 starfsmönnum upp

Annar stærsti banki Bandaríkjanna, Bank of America, hefur ákveðið að segja upp 3.000 af starfsmönnum sínum. Er þetta mesti niðurskurður á Wall Street hingað til í kjölfar hrunsins á fasteignamarkaðinum vestan hafs vegna svokallaðra undirmálslána.

Lækkun á bandarískum markaði gekk til baka

Gengi hlutabréfa í Bandaríkjunum tók dýfu skömmu eftir opnun markaða í dag í kjölfar þess að fjárfestingabankinn Merrill Lynch greindi frá slöku uppgjöri auk þess sem sala á fasteignum dróst saman um átta prósent á milli mánaða í september. Það jafnaði sig eftir því sem á leið daginn, mismikið þó.

Mikill samdráttur í fasteignasölu í BNA

Sala á notuðu húsnæði dróst saman um átta prósenta á milli mánaða í Bandaríkjunum í september en samdráttur sem þessi hefur ekki sést vestanhafs í sextán ár. Þá er þetta nokkru meiri samdráttur en reiknað var með.

Hagnaður Volvo minnkar um 21%

Hagnaður Volvo AB í Svíþjóð minnkaði um 21% á 3ja ársfjórðungi að mestu vegna hærri vaxtagreiðslna og aukins framleiðslukostnaðar. Hagnaður nú féll úr 3,93 milljörðum skr. á sama tímabili í fyrra og niður í 3.12 milljarða skr. nú eða rúmlega 30 milljarða kr.

Merrill Lynch skilar fyrsta tapinu í sex ár

Bandaríski fjárfestingabankinn Merrill Lynch skilaði 2,3 milljarða dala, tæplega 140 milljarða króna, tapi á þriðja ársfjórðungi. Tapið er að mestu tilkomið vegna tapaðra fasteignaútlána en bankinn varð vegna þessa að afskrifa 7,9 milljarða dala. Á sama tíma í fyrra hagnaðist bankinn um þrjá milljarða dala.

Dapurt uppgjör hjá Stork

Hollenska iðnsamstæðan Stork NV skilaði heldur dræmara uppgjöri en reiknað var með fyrir afkomuna á þriðja ársfjórðungi. Rekstrarhagnaður nam 20 milljónum evra, jafnvirði rúmra 1,7 milljarða króna, á fjórðungnum, sem er talsvert undir væntingum markaðsaðila sem höfðu reikna með tíu milljónum evrum meira.

Norðmenn að ná milljón tonna markinu í eldisfiski

Helsti sérfræðingur Norðmanna í markaðsmálum fiskeldis, Lars Liabö hjá greiningarfyrirtækinu Kontali Analyse, telur að framleiðsla norskra fyrirtækja í Noregi á eldislaxi og -urriða geti náð milljón tonna markinu innan þriggja ára. Mat Liabö er að framleiðslan á árinu 2010 verði á bilinu 900 til 1100 þúsund tonn.

Fleiri beinagrindur í skápnum hjá Merrill Lynch

Bandaríska blaðið The New York Times greinir frá því í dag að fjármálafyrirtækið Merill Lynch muni þurfa að afskrifa töluvert meira en 5 milljarða dollara vegna svokallaðra undirmálslána á fasteignamarkaðinum vestan hafs.

Slæmur fjórðungur hjá BP

Árið hefur ekki verið neitt sérstaklega gott fyrir breska olíurisann BP. Fyrrum forstjóri félagsins tók poka sinn í byrjun sumars og nú dróst hagnaður félagsins saman um 45 prósent á milli ára.

Harry Potter galdraði fram hagnað hjá Amazon.com

Bandaríska netverslunin Amazon.com tók inn 80 milljónir bandaríkjadala, jafnvirði tæpra 4,9 milljarða íslenskra króna, í hagnað á þriðja ársafjórðungi sem er fjórfalt meira en á sama tíma í fyrra. Mestu munar um afar góða sölu á nýjustu og síðustu bókinni í flokknum um ævintýri galdrastráksins Harry Potter, sem rauk út eins og heitar lummur.

Afkoma Handelsbanken á pari við væntingar

Sænski Handelsbanken hagnaðist um rúma 2,5 milljarða króna, jafnvirði 24 milljarða íslenskra króna, á þriðja ársfjórðungi. Þetta er sextán prósenta aukning frá sama tíma í fyrra og lítillega yfir væntingum markaðsaðila.

Olíuverð lækkar í verði

Heimsmarkaðsverð á hráolíu lækkaði talsvert á fjármálamörkuðum í dag eftir að viðræður hófust á milli stjórnvalda í Tyrklandi og Kúrda í norðurhéruðum Írak. Þá spilar inní að gert er ráð fyrir að olíubirgðir hafi aukist á milli vikna í Bandaríkjunum.

Ólöglegt niðurhal stöðvað

Lögregluyfirvöld í Bretlandi og Hollandi hafa lokað einni stærstu sjóræningjavefsíðu tónlistar í heiminum. Gerðar voru húsleitir í nokkrum íbúðum í Amsterdam og einni í Teesside þegar alþjóðalögreglan Interpol réðist til atlögu gegn meðlimavefsíðunni OiNK. Karlmaður á þrítugsaldri var handtekinn í Bretlandi í tengslum við málið í morgun.

Nike kaupir Umbro

Íþróttavöruframleiðandinn Nike hefur fest kaup á Umbro, helsta keppinaut sínum í Bretlandi og er kaupverðið rúmlega 30 milljarðar kr. Nokkur aðdragandi hefur verið að kaupunum því í síðustu viku gaf Umbro út yfirlýsingu um að áhugi væri fyrir kaupum á félaginu.

Hlutabréf hækka í Bandaríkjunum

Gengi hlutabréfa hækkaði nokkuð á fjármálamörkuðum í Bandaríkjunum í dag eftir skell á föstudag. Fjárfestar biðu með eftirvæntingu eftir uppgjöri tæknifyrirtækja, ekki síst Apple, sem skilaði afar góðum afkomutölum.

Afkoma Apple langt umfram væntingar

Bandaríski tölvu- og hugbúnaðarframleiðandinn Apple hagnaðist um 904 milljónir bandaríkjadala, jafnvirði 55,7 milljarða íslenskra króna, á þriðja fjórðungi, sem er fjórði fjórðungur félagsins, samanborið við 542 milljónir dala á sama tíma í fyrra. Þetta er 67 prósenta aukning á milli ára og langt umfram spár fjármálasérfræðinga.

News Corp. verðmætasta fjölmiðlaveldið

News Corp. er nú orðið verðmætasta fjölmiðlaveldi heims en það er að mestu í eigu Rupert Murdoch. Við niðursveifluna á mörkuðum vestan hafs á föstudag fór New Corp. framúr Time Warner hvað verðmætið varðar.