Jólakort Samskipa renna til Fjölskylduhjálparinnar

Samskip hafa ákveðið að í stað þess að senda viðskiptavinum jólakort fyrir komandi jól renni andvirði þeirra til Fjölskylduhjálpar Íslands.

Skýrr, Eskill, LS og Kögun sameinast í eitt fyrirtæki

Eskill, Kögun, Landsteinar Strengur (LS), Kögun og Skýrr hafa verið sameinuð í eitt fyrirtæki, sem mun starfa undir nafni þess síðastnefnda. Gestur G. Gestsson hefur verið ráðinn forstjóri sameinaðs fyrirtækis.

Kauphöllin færir skuldabréf Eikar á athugunarlista

Kauphöllin hefur ákveðið að færa skuldabréf útgefin af Eik fasteignarfélagi hf. á athugunarlista vegna óvissu um fjárhagslega stöðu útgefanda.

Fréttin um West Ham er bull, ekkert tilboð borist

Frétt breska blaðsins The Sun í morgun um tilboð David Sullivan í enska úrvalsdeildarliðið West Ham er bull og enn hefur ekkert formlegt tilboð borist í félagið að sögn Georg Andersen forstöðumanns samskiptasviðs Straums.

Kostnaður vegna skilanefndar 10% af rekstrarfé Fjármálaeftirlitsins

Kostnaður Fjármálaeftirlitsins vegna skilanefndar Landsbanka Íslands á hálfs árs tímabili nemur um 10% af heildarframlögum ríkisins til Fjármálaeftirlitsins á árinu 2009.

Bankastjórar á neyðarfundi heima hjá Davíð Oddssyni

Sunnudagskvöldið 26. mars árið 2006 var haldinn neyðarfundur á heimili Davíðs Oddssonar seðlabankastjóra með bankastjórum stóru bankanna þriggja að beiðni þeirra sjálfra, vegna ískyggilegrar stöðu íslensku bankanna. Þetta er meðal þess sem kemur fram í nýrri bók Styrmis Gunnarssonar, Umsátrið - Fall Íslands og endurreisn.

Fiskmjölverksmiðja HB Granda í gang eftir langt hlé

Í morgun hófst vinna í fiskmjölsverksmiðju HB Granda á Akranesi að nýju eftir langt hlé er farið var að vinna úr afla sem Faxi RE kom með til Akraness um miðnætti sl. Afli skipsins er um 1.400 til 1.500 tonn af síld sem veiddist í Breiðafirði. Von er á meiri síldarafla til Akraness á næstunni.

KPMG endurskipuleggur rekstur Ingvars Helgasonar

Að ráðgjöf Íslandsbanka hefur endurskoðunarfyrirtækið KPMG verið fengið til að endurskipuleggja rekstur Ingvars Helgasonar, sem flytur m.a inn Nissan bifreiðarnar, en bankinn er helsti lánveitandi félagsins.

Raunverðlækkun íbúðaverðs mest hér meðal þróaðra ríkja

Af einstökum löndum hefur raunverðslækkun á íbúðaverði verið einna mest hér á landi, sér í lagi ef tekið mið af verðþróun íbúðarhúsnæðis í þróuðum ríkjum.

Kostnaður vegna skilanefndar Landsbankans nam 117 milljónum

Kostnaður Fjármálaeftirlitsins vegna skilanefndar Landsbankans frá bankahruni og fram til loka apríl nemur 117 milljónum króna. Við bankahrunið skipaði Fjármálaeftirlitið skilanefndir sem tóku yfir rekstur bankanna þriggja, Kaupþings, Glitnis og Landsbankans.

Hægir á samdrættinum í innlendri veltu

Innlend velta samkvæmt virðisaukaskattsskýrslum var 8% minni að raunvirði á tímabilinu júlí til ágúst síðastliðinn samanborið við sama tímabil í fyrra. Að nafnvirði var samdrátturinn tæplega 1%. Heldur er að draga úr samdrættinum í hagkerfinu á þennan mælikvarða en til samanburðar mældist hann 16% að raunvirði og 7% að nafnvirði á tímabilinu maí til júní samanborið við sama tímabil í fyrra.

Danska ríkisútvarpið segir upp 40 stjórnendum

Danska ríkisútvarpið (DR) hefur ákveðið að segja upp 40 manns sem gegna stjórnunarstöðum innan stofnunarinnar. Er þetta liður í hagræðingu og endurskipulagningu DR sem staðið hefur um nokkurt skeið.

Fyrrverandi bankastjórar gera ekki kröfur í þrotabú Landsbankans

Æðstu stjórnendur Landsbankans gera ekki launakröfur í þrotabú Landsbankans, samkvæmt kröfulistanum sem fréttastofa hefur undir höndum.

David Sullivan vill fá helming West Ham gefins

David Sullivan hefur krafist þess að fá helming enska úrvalsdeildarliðsins West Ham gefins hjá Straumi. Á móti muni hann bjarga félaginu.

Karlar ráða lögum og lofum í atvinnulífinu á Norðurlöndum

Aukin áhersla á jafnrétti og þrýstingur frá kvennahreyfingunni hafa ráðið úrslitum um að konum hefur fjölgað í stjórnmálum á Norðurlöndum undanfarin 15 ár. Í atvinnulífinu ráða karlar þó lögum og lofum enn sem fyrr. Þetta kemur fram í viðamiklu norrænu rannsóknaverkefni um kyn og völd í stjórnmálum og atvinnulífi.

Glitnir í Noregi fjármagnaði kaup á hlutum í klámfyrirtæki

Glitnir Securities, verðbréfamiðlun Glitnis í Noregi, fjármagnaði kaup viðskiptavina sinna á hlutabréfum í klámfyrirtækinu Private Media House. Mikið tap er af þessum kaupum og situr verðbréfamiðlunin RS Platou Markets uppi með það tap en Platou festi kaup á Glitnir Securities eftir bankahrunið í fyrra.

Álverðið fór í 2.037 dollara á tonnið í morgun

Heimsmarkaðsverð á áli fór í 2.037 dollara á tonnið á markaðinum í London í morgun m.v. þriggja mánaða framvirka samninga og hefur verðið ekki verið hærra í ár. Það hefur tvisvar áður farið yfir 2.000 dollara í ár, í síðasta mánuði og í sumar.

Saga Investments borgar 1,7 milljarð fyrir deCODE

Saga Investments mun borga a.m.k. 14 milljónir dollara, eða um 1,7 milljarð kr., fyrir deCODE. Þar að auki mun Saga Investments láta deCODE í té hlutabréf í B-flokki (junior stock) að upphæð 7,2 milljónir dollara eða tæplega 900 milljónir kr.

Raunverð fasteigna hefur lækkað um 28% á tveimur árum

Raunverð fasteigna, mælt með vísitölu íbúðaverðs frá Fasteignaskrá Íslands og raunvirt með vísitölu neysluverðs frá Hagstofu Íslands, hefur lækkað um 28% frá meðalverði ársins 2007.

Eik varar við gjaldþroti félagsins

Eik fasteignafélag hf. hefur varað við gjaldþroti félagsins eftir að Nýja Kaupþing synjaði félaginu um skilamálabreyingu á lánum sínum til Eikar. „Í ljósi stöðunnar munu forsvarsmenn fyrirtækisins leita leiða, í samráði við eigendur félagsins, til þess að reyna að koma í veg það tjón sem kann að myndast hjá óveðtryggðum kröfuhöfum fari félagið í þrot," segir í tilkynningu til kauphallarinnar.

Lokun Landsbankans í Bretlandi vofði yfir í ágúst 2008

Breska fjármálaeftirlitið (FSA) gerði Landsbankanum ljóst í bréfi hinn 15. ágúst í fyrra að innlánastarfsemi hans í Bretlandi yrði stöðvuð ef ekki yrði farið að kröfum þess.

Lífeyrissjóðir krefja þrotabú Landsbankans um tugi milljarða

Nánast útilokað er að lífeyrissjóðir landsins fái nokkuð upp í hátt í hundrað milljarða kröfu sem þeir gera í þrotabú Gamla Landsbankans.

Skuldabréfaveltan nam 9,24 milljörðum

Velta á skuldabréfamarkaði í dag nam 9,24 milljörðum króna. Þar af nam velta með íbúðabréf 3,5 milljörðum og velta með óverðtryggð ríkisskuldabréf nam 5,75 milljörðum.

Geysir Green Energy eignast meirihluta í HS Orku

Geysir Green Energy (Geysir), Reykjanesbær og kanadíska jarðhitafyrirtækið Magma Energy Corporation (Magma) hafa lokið viðskiptum vegna kaupa Geysis á 34% hlut í HS Orku af Reykjanesbæ. Ennfremur kaupir Magma 8,6% hlut í HS Orku af Geysi.

Tíu fyrrum toppar Landsbankans vilja 2 milljarða

Tíu hæstu kröfur fyrrverandi starfsmanna Landsbankans nema rúmlega tveimur milljörðum króna. Hæstu kröfuna á Steinþór Gunnarsson fyrrverandi forstöðumaður verðbréfamiðlunar, en hann fer fram á rúmar 490 milljónir króna.

Kröfulisti Landsbankans: Deutsche Bank með 403 milljarða

Stærsti einstaki kröfuhafinn í þrotabú Landsbankans, að Icesave frátöldu, er þýski stórbankinn Deutsche Bank. Samtals gerir Deutsche Bank og dótturfélög hans kröfur upp á 403 milljarða kr. í búið samkvæmt kröfuhafalista bankans.

Kröfulisti Landsbankans: Hjartveikir, blindir og öryrkjar vilja tugmilljónir

Styrktarsjóðir hjartasjúklinga og hjartveikra barna, Blindrafélagið og Öryrkjabandalagið eru meðal félaga sem gera tugmilljóna kröfur í þrotabú Landsbankans samkvæmt kröfulista bankans. Hjartveik börn, sem eru í dómsmáli við bankann, krefjast 47 milljóna.

Kröfulisti Landsbankans: Straumur með 25 milljarða kröfu

Straumur gerir kröfu upp á rúmlega 25 milljarða kr. í þrotabú Landsbankans. Krafan er í nokkrum liðum og eru tveir þeirra upp á 12,3 milljarða annarsvegar og 5,7 milljarða hinsvegar.

Kröfulisti Landsbankans: Glitnir með 90 milljarða kröfu

Glitnir gerir kröfur upp á rúmlega 90 milljarða kr. í þrotabú Landsbankans. Þetta kemur fram í kröfulista Landsbankans. Raunar gera flestar lánastofnanir sem og opinberar stofnanir háar kröfur í þrotabúið.

Hannes Smárason með milljarðs forgangskröfu í þrotabú Landsbankans

Athafnamaðurinn Hannes Smárason er með forgangskröfu upp á rúmlega 1,2 milljarða í þrotabú Landsbankans samkvæmt kröfuhafalista sem fréttastofa hefur undir höndum. Ekki hefur verið tekin afstaða til kröfunnar.

Kröfulisti Landsbankans: Heildarkröfur rúmir 6.000 milljarðar

Lýstar kröfur í þrotabú Landsbankans nema 6.459 milljörðum króna. Af heildarkröfum nema samþykktar forgangskröfur 1.273 milljörðum. Heildarforgangskröfur nema 2.857 milljörðum, en ekki er enn búið að taka afstöðu til allra launakrafna.

Hagur HS Orku vænkast

Hagnaður HS Orku á fyrstu níu mánuðum ársins var rúmlega 2,2 milljarðar króna. Til samanburðar tapaði fyrirtækið 11,7 milljörðum á síðasta ári.

Kári áfram stjórnarformaður ÍE, nýr forstjóri ráðinn

Kári Stefánsson, forstjóri Íslenskrar erfðagreiningar (ÍE), segir að kaup Saga Investments á fyrirtækinu eigi að tryggja fé til rekstrar ÍE næstu tvö árin. Kári verður sjálfur áfram í forystuhlutverki hjá ÍE sem starfandi stjórnarformaður, en líklega verður nýr forstjóri ráðinn til félagsins.

AGS gerir mynd um Ísland

Alþjóðagjaldeyrissjóðurinn hefur látið gera myndband um áætlun sjóðsins og íslenskra stjórnvalda. Í myndinni er rætt við Mark Flanagan, yfirmann sendinefndar AGS gagnvart Íslandi.

Greining: Spáir því að ársverðbólgan lækki í 8,5%

Greining Íslandsbanka spáir því að vísitala neysluverðs (VNV) muni hækka um 0,6% í nóvember. Gangi spáin eftir mun verðbólgan lækka úr 9,7% í 8,5%, en svo lítil hefur verðbólgan ekki verið síðan í febrúar 2008.

Hættur hjá Kaupþingi

Regin Freyr Mogensen sem starfað hefur á lögfræðisviði Kaupþings er hættur störfum. Þetta staðfestir hann í samtali við fréttastofu. Regin hefur einnig setið í stjörn 1998 ehf., móðurfélags Haga fyrir hönd bankans.

Samræmd vísitala mælir 13,8% verðbólgu á Íslandi

Verðbólgan á Íslandi lækkaði úr 15,3% í 13,8% á milli september og október síðastliðinn samkvæmt samræmdri vísitölu neysluverðs. Af ríkjum evrópska efnahagssvæðisins er verðbólgan, sem fyrr, langmest hér á landi.

Warren Buffett veðjar á matvöru og olíu

Almennir fjárfestar halda niðri í sér andanum þegar fréttist af því að ofurfjárfestirinn Warren Buffett hreyfi sig á markaðinum. Nú hefur Buffett, eða félag hans Berkshire Hathaway, ákveðið að veðja á matvöru og olíu með kaupum í Nestlé og Exxon.

Stoðir vilja fá mann í stjórn Royal Unibrew

Stoðir vilja fá mann í stjórn Royal Unibrew næststærstu bruggverksmiðju Danmerkur í krafti 16% eignarhlutar síns í fyrirtækinu. Það vill svo til að ein staða stjórnarmanns er ómönnuð í augnablikinu.

Aflaverðmætið jókst um 12 milljarða milli ára

Aflaverðmæti íslenskra skipa nam rúmum 75 milljörðum króna á fyrstu átta mánuðum ársins 2009, samanborið við rúma 63 milljarða yfir sama tímabil 2008. Aflaverðmæti hefur því aukist um 12 milljarða eða 19% á milli ára. Aflaverðmæti í ágústmánuði nam 10 milljörðum króna miðað við 9 milljarða í ágúst 2008.

Kaupendur ÍE velta 550 milljörðum í fjárfestingum

Fjárfestingarfélögin tvö sem standa á bakvið Saga Investments sem gert hefur kauptilboð í Íslenska erfðagreiningu (ÍE) velta samtals 4,5 milljörðum dollara eða rúmlega 550 milljörðum kr.

Starfsemi ÍE á Íslandi tryggð, starfsmenn halda störfum sínum

Með tilboði því sem Saga Investments hefur lagt fram í Íslenska erfðagreiningu (ÍE) er starfsemi þess tryggð á Íslandi og munu starfsmenn félagsins halda störfum sínum.

Skuldtryggingarálagið á svipuðum slóðum og fyrir hrun

Skuldatryggingarálagið á ríkissjóði er nú á svipuðum slóðum og það var fyrir hrun íslensku viðskiptabankanna í október í fyrra. Skuldatryggingarálag ríkisins var að meðaltali 1.017 punktar í október í fyrra og 328 punktar í september sama ár. Það sem af er nóvember hefur álagið aftur á móti verið að meðaltali 348 punktar.

Íslensk erfðagreining seld til Saga Investments

deCODE hefur undirritað samning við bandaríska félagið Saga Investments LLC um kaup á Íslenskri erfðagreiningu ehf. og allri starfsemi þess. Saga Investments er fjárfestingarfélag í eigu Polaris Venture Partners og Arch Venture Partners, sem eru þekktir fjárfestar í Bandaríkjunum á sviði líftækni.

DeCode fer fram á gjaldþrotavernd í Bandaríkjunum

DeCode Genetics hefur sótt um greiðslustöðvun eða gjaldþrotsvernd fyrir dómstóli í Delaware í Bandaríkjunum. DeCode Genetics er móðurfélag Íslenskrar erfðagreiningar. Umsóknin var lögð fram seint í gær að því er fréttastofa Reuters greinir frá og í henni kemur fram að heildareignir fyrirtækisins í lok júní hafi numið um 70 milljónum bandaríkjadala eða 7,4 milljörðum íslenskra króna. Á sama tíma námu heildarskuldir félagsins 313 milljónum dollara eða tæpum 39 milljörðum íslenskra króna.