Viðskipti innlent

Kaupendur ÍE velta 550 milljörðum í fjárfestingum

Fjárfestingarfélögin tvö sem standa á bakvið Saga Investments sem gert hefur kauptilboð í Íslenska erfðagreiningu (ÍE) velta samtals 4,5 milljörðum dollara eða rúmlega 550 milljörðum kr.

Félögin sem hér um ræðir Polaris Venture Partners og ARCH Venture Partners hafa nokkuð mismundandi fjárfestingarstefnu. Polaris, sem veltir 3 milljörðum dollara, fjárfestir meir almennt í Bandaríkjunum, Evrópu og Asíu en ARCH, sem veltir 1,5 milljarði dollara, einbeitir sér að fjárfestingum í fyrirtækjum á sviði vísinda og upplýsingatækni.

Á heimasíðu Polaris segir m.a. að félagið hafi umsjón með fjárfestingum í 90 fyrirtækjum á heimsvísu og er deCODE nefnt í hópi þeirra á síðunni. Fjárfestingarstefnan er að setja fé í fyrirtæki m.a. á sviði tækni, heilbrigðismála, netverslunnar, neytendavöru og viðskiptaþjónustu.

Á heimsíðu ARCH segir að félagið sé þekkt fyrir að taka vinnu vísindamanna við háskóla og rannsóknarstofnanir, þróa þá vinnu áfram og umbreyta yfir í fyrirtækjarekstur. Félagið hefur á þann hátt lagt áhættufé í yfir 120 fyrirtæki.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið