Fleiri fréttir

Mikil áhættufælni Íslendinga

Mikið lausafé er nú í íslenska fjármálakerfinu. Þetta má meðal annars sjá í nýjum gögnum Seðlabankans um innlán lánastofnana í Seðlabankanum. Þegar kreppir að, sérstaklega í kjölfar bankakreppu líkt og riðið hefur yfir Ísland, frestar fólk neyslu og fjárfestingar dragast hratt saman. Hagsjá Landsbankans segir að innlánsvextir Seðlabankans skipti meira máli en stýrivextir um þessar mundir.

Þjónustujöfnuður jákvæður um 7,2 milljarða

Útflutningur á þjónustu á öðrum ársfjórðungi var samkvæmt bráðabirgðatölum 70,4 milljarðar en innflutningur á þjónustu 63,2 milljarðar. Þjónustujöfnuður við útlönd á öðrum ársfjórðungi er því jákvæður um 7,2 milljarða króna.

Royal Unibrew á mikilli siglingu í dönsku kauphöllinni

Hlutir í dönsku bruggverksmiðjunum Royal Unibrew hafa verið á mikilli siglingu í dönsku kauphöllinni í morgun og hafa hækkað um tæp 26% í verði. Hluturinn stóð í 126 danskar kr. við lokun markaðarins í gærdag en er kominn í 158,50 danskar kr. í morgun.

Hlutir í Alfesca verða innleystir

Lur Berri Iceland ehf. og stjórn Alfesca hf. hafa ákveðið að þeir hluthafar í Alfesca sem ekki samþykktu yfirtökutilboð Lur Berri Iceland og eru ekki í hópi samstarfsaðila um stjórn og rekstur Alfesca skuli sæta innlausn af hálfu Lur Berri Iceland á hlutum sínum í samræmi við lög um verðbréfaviðskipti.

Tekjur af ferðamönnum yfir 100 milljarðar

Flest bendir til þess að ferðaþjónusta muni skila miklum tekjum í kassann á árinu þar sem erlendir ferðamenn virðast skila sér í svipuðum mæli og í fyrra. Meðaleyðsla erlendra ferðamanna eykst jafnan mikið þegar gengi krónunnar er svo lágt sem raunin er nú og má því telja líklegt að tekjur af erlendum ferðamönnum fari langt yfir 100 milljarða króna á árinu samanborið við 74 milljarða í fyrra.

Eignir BG Holding duga fyrir um 10% af heildarkröfum í þrotabú Baugs

Eignir BG Holding, dótturfélags Baugs á Bretlandi, duga fyrir rétt tæplega 10 prósent af heildarkröfum í þrotabú félagsins, samkvæmt verðmati PricewaterhouseCoopers á eignum BG Holding. Verðmatið var unnið fyrir skilanefnd Landsbankans snemma á þessu ári. Verðmæti helstu eigna BG Holding er samkvæmt skýrslunni 31,5 milljarðar króna en allar helstu eignir Baugs eru skráðar hjá dótturfélaginu.

Úrvalsvísitalan heldur áfram að hækka

Úrvalsvísitalan heldur áfram að hækka og nam hækkunin í dag 1,33%. Það var Færoya Banki sem leiddi hækkunina en hlutir í honum hækkuðu um 5,7%.

CSA skilar rúmlega 13 milljarða tapi

Tékkneska ríkisflugfélagið (CSA) tapaði tæplega 103 milljónum dollara eða rúmlega 13 milljörðum kr. á fyrstu sex mánuðum ársins. Sem kunnugt er af fréttum hefur Icelandair áhuga á því að kaupa flugfélagið í samvinnu við tékkneska félagið Unimex.

Ben Bernanke skipaður seðlabankastjóri Bandaríkjanna

Barack Obama, forseti Bandaríkjanna, hefur skipað seðlabankastjórann Ben Bernanke til áframhaldandi setu sem seðlabankastjóra Bandaríkjanna, annað kjörtímabilið í röð. Fyrirfram hafði verið búist við að forsetinn myndi tilkynna opinberlega um ráðninguna í dag eins og raunin varð.

Bandaríkjamarkaður að taka slakan í þorsksölunni

Samkvæmt fréttum í innlendum og erlendum vefmiðlum hefur sala á þorski til Bandaríkjanna aukist nokkuð að undanförnu. Er sagt að salan á þorski vestur um haf taki slakann sem myndast hefur á sölunni á þorski til Evrópu, og þá einkum Bretlands og Spánar.

Þorsteinn semur við Kaupþing um skuld

Nýja Kaupþing hefur stefnt Magnúsi Ármann og Kevin Stanford og krefst þess að þeir standi skil á 730 milljóna króna láni til félags í þeirra eigu. Auk þess stefndi Kaupþing Þorsteini Jónssyni, þriðja eiganda félagsins, en hann hefur að eigin sögn samið við bankann.

Enn mikil svartsýni meðal neytenda til efnahagsmála

Væntingar neytenda til efnahags- og atvinnulífsins hækkuðu aðeins á milli júní og júlí síðastliðins. Breytingin er óveruleg og svartsýnin enn allsráðandi hjá íslenskum neytendum. Væntingavísitala Capacent Gallup sem birt var í morgun stóð í 24,9 stigum í júlí og hækkaði um 4,0 stig frá fyrri mánuði.

Ísland enn á topp tíu listanum yfir dýrasta ölið

Þrátt fyrir kreppuna og gengisfall krónunnar sem eiga að hafa gert Ísland að ódýru ferðamannalandi er Ísland áfram á topp tíu listanum yfir þau lönd þar sem hálfur líter af öli er dýrastur í heiminum. Samkvæmt úttekt The Times á málinu er Ísland í 7. sæti yfir dýrasta ölið á veitingastöðum og nefnir Times verðið 864 kr. fyrir glasið.

Enn fækkar starfsmönnum hjá Lloyds TSB

Breski bankinn Lloyds TSB heldur áfram að fækka starfsmönnum. Nú hafa forsvarsmenn bankans ákveðið að segja upp 200 starfsmönnum í janúar næstkomandi. Með þessum uppsögnum er fjöldi uppsagna hjá bankanum kominn í 7500 á innan við ári.

Methalli á fjárlögum Danmerkur fyrir næsta ár

Danska ríkisstjórnin mun afgreiða fjárlög ríkisins fyrir næsta ár með meiri halla en áður hefur þekkst í sögunni. Gatið í fjárlögunum mun nema 86 milljörðum danskra kr. eða um 2.000 milljörðum kr.

Facebook Inc. fjölgar starfsmönnum um 40-50%

Facebook Inc., sem á og rekur samskiptavefinn Facebook, mun fjölga starfsmönnum sínum um 40-50 prósent á þessu ári að sögn hins 25 ára gamla forstjóra fyrirtækisins, Mark Zuckerberg.

Miklar sveiflur á þróun álverðs á heimsmarkaði

Miklar sveiflur hafa verið á álverðinu á markaðinum í London undanfarin mánuð. Hæst fór verðið 2065 dollara tonnið í þriggja mánaða framvirkum samningum þann 14. ágúst s.l. en stendur í dag í 1916 dollurum.

Skuldatryggingaálag á ríkissjóð fer stöðugt lækkandi

Skuldatryggingaálagið á íslenska ríkið hefur stöðugt farið lækkandi allan ágústmánuð og Í morgun stóð álagið í 468 punktum. Til samanburðar má nefna að í upphafi júlímánaðar stóð álagið í 660 punktum og hefur því lækkað um tæpa 200 punkta frá þeim tíma.

Von á frekari kaupmáttaraukningu

Samkvæmt samkomulagi ASÍ og SA um breytingar á kjarasamningum frá 25. júní hækkuðu almennir launataxtar um 6.750-8.750 krónur í byrjun júlí. Sú hækkun, ásamt fremur lítilli verðbólgu í mánuðinum, eru lykilþættir í breytingum kaupmáttar en kaupmáttur launa jókst um 0,2% milli júní og júlí.

Bernanke fær annað kjörtímabil

Fastlega er búist við því að Barack Obama Bandaríkjaforseti geri hlé á sumarleyfi sínu í dag til þess að tilkynna um að hann hyggist skipa seðlabankastjórann Ben Bernanke til setu í annað kjörtímabil en kjörtímabil hans rennur út í janúar næstkomandi. Obama segist vera þeirrar skoðunnar að frammistaða Bernankes á þessum erfiðu tímum hafi komið í veg fyrir að kreppan ár hafi orðið jafn djúp og Kreppan mikla sem reið yfir heiminn á þriðja og fjórða áratug síðustu aldar.

Magnús Ármann og Sigurður Bollason rannsakaðir

Viðskiptafélagarnir Magnús Ármann og Sigurður Bollason eru meðal þeirra þrjátíu einstaklinga sem eru til rannsóknar hjá skattrannsóknarstjóra vegna notkunar á erlendum greiðslukortum hér á landi. Greiðslukort Magnúsar voru notuð fyrir allt að 40 milljónir á einu ári.

90 milljarða krafa í Milestone

Kröfur á Milestone nema um níutíu milljörðum króna. Kröfuhafar þurfa að afskrifa tæpa áttatíu og fimm milljarða ef nauðasamningar verða samþykktir.

Enn hækkar Úrvalsvísitalan

Úrvalsvísitalan hækkaði um 1,40% í tæplega 178 milljón króna viðskiptum í Kauphöllinni í dag. Stendur vísitalan nú í 796,24 stigum.

Deloitte annast endurskoðun á Seðlabanka Íslands

Ríkisendurskoðun hefur samið við endurskoðunarfélagið Deloitte hf. um að annast ytri endurskoðun Seðlabanka Íslands á tímabilinu 2009-2011. Þá hafa Ríkisendurskoðun og Seðlabankinn samið um að stofnunin annist innri endurskoðun bankans á sama tímabili.

Lítil breyting á gengi krónunnar

Gengi krónunnar hefur lækkað um 0,15% í dag og stendur gengisvísitalan í 237 stigum. Fremur lítil viðskipti hafa verið á gjaldeyrismarkaðinum það sem af er degi samkvæmt gjaldeyrisborði Kaupþings.

Veðurteymi aðstoðar við birgðastýringu

Breska matvöruverslunin Tesco hefur brugðið á það ráð að koma á fót eigin veðurteymi sem aðlagar birgðahald fyrirtækisins að breyttu veðurfari á Bretlandi.

Kaupmáttur launa ekki verið minni síðan 2002

Eins og Vísir greindi frá fyrr í morgun jókst kaupmáttur launa um 0,2% á milli júní og júlí. Greiningardeild Íslandsbanka telur að hækkunin boði engan sérstakan viðsnúning í kaupmáttarþróuninni heldur var meginskýring hennar útsöluáhrif í verðbólgumælingu júlímánaðar. Kaupmáttur launa hefur ekki verið minni síðan í árslok 2002.

Hlutabréf í London á miklu skriði

FTSE 100 hlutabréfavísitalan í London heldur áfram að hækka í ljósi væntinga fjárfesta um að efnahagslægðin í heiminum sé á undanhaldi. Vísitalan hefur hækkað verulega síðan um miðjan júlí og er hún núna kominn yfir 4900 stig.

Toyota innkallar 690 þúsund bíla

Stærsti bílaframleiðandi í heimi, Toyota, hefur innkallað allt að 690 þúsund bíla vegna bilana í rafdrifnum rúðum. Toyota bílarnir eru sem kunnugt er framleiddir í Japan en þeir bílar sem innkallaðir hafa verið voru framleiddir í Kína.

Hlutabréf í Evrópu hækkuðu í morgun

Hlutabréf á mörkuðum í Evrópu hækkuðu í morgun eins og þau hafa gert síðustu daga. Þykir þetta vísbending um aukna bjartsýni á meðal fjárfesta um að kreppan sé að slaka á klónni og að líkur séu á því að fjármálamarkaðir um heim allan séu að rétta úr kútnum.

Bresk bílaframleiðsla að koma til

Bílaframleiðsla í Bretlandi hefur dregist talsvert saman, en nýframleiddum bílum fækkaði um 17,9 prósent í júlí samanborið við sama mánuð í fyrra. Samdrátturinn var hins vegar sá minnsti á ársgrundvelli það sem af er árs.

Vill afkomutengingu afborgana frekar en niðurfellingu

Þórólfur Matthíasson, hagfræðiprófessor við Háskóla Íslands, leggur til að afborganir húsnæðislána verði tengdar afkomu lántaka í grein sem hann ritar í Morgunblaðið í dag. Þórólfur segir ógerning að fjármagna skuldaniðurfellingar sem einhverju máli skipta og leggur þessa leið frekar til.

Jón Ásgeir og Ingibjörg gera með sér kaupmála

Jón Ásgeir Jóhannesson og eiginkona hans, Ingibjörg Pálmadóttir, skiluðu kaupmála til sýslumannsins í Reykjavík þann þriðja júní síðastliðinn. Þetta kemur fram í auglýsingu sem birt var í Lögbirtingarblaðinu í vikunni, en í slíkum auglýsingum kemur ekkert fram um innihald kaupmálans.

Ólína Þorvarðardóttir: Orkuverðmæti á brunaútsölu

Ólína Þorvarðardóttir, þingmaður Samfylkingar, segir orkuverðmæti á brunaútsölu í grein sem hún ritar í vefdagbók sína í dag. Hún vísar þar til fyrirhugaðra kaupa Magma Energy á þriðjungshlut í HS Orku.

Hlutafjárútboð sameinaðs jarðhitafélags skilaði 21 milljarði

Hlutafjárútboð kanadíska félagsins GTO Resources Inc. skilaði 21 milljarði króna. Hlutaféð var selt í tengslum við sameiningu GTO við þrjú harðhitafélög; Polaris Geothermal, Ram Power Incorporated og Western Geopower. Tvö síðarnefndu félögin eru að hluta í eigu Geysis Green Energy.

Finnur Árnason: Hagar ekki í gjörgæslu

Finnur Árnason, forstjóri Haga, segir rangt að félagið sé gjörgæslu eins og slegið er upp á forsíðu Morgunblaðsins í morgun. Hann segir rekstur félagsins þvert á móti ganga vel.

Kaupþing með Haga í gjörgæslu

Nýja Kaupþing er með þriggja manna teymi sérfræðinga á sviði útlána og fyrirtækjaráðgjafar starfandi í Högum. Samkvæmt frétt Morgunblaðsins er hlutverk sérfræðinganna að vernda hagsmuni bankans og leggja mat á verðmæti eigna félagsins.

Þriðjungur brottfluttra pólskir karlmenn

Á fyrstu sex mánuðum ársins fluttu 1.532 fleiri frá landinu en til þess. Samtals fluttu 2.720 manns til landsins, en 4.252 manns frá landinu. Þriðjungur brottfluttra eru pólskir karlmenn. Þetta kemur fram í Hagsjá Landsbankans í dag.

Sjá næstu 50 fréttir

Mest lesið