Fréttaskýring: Hótun Davíðs loksins orðin opinber

Hótun Davíðs Oddssonar seðlabankastjóra í garð Geirs Haarde forsætisráðherra og formanns Sjálfstæðisflokksins er loksins orðin opinber. Davíð hótar Geir að kljúfa flokkinn ef Geir víkur honum úr sæti seðlabankastjóra.

Hilco skipað til að reka bú The Pier eftir greiðslustöðvun

Hilco, sem sérhæfir sig í að endurreisa fyrirtæki, hefur verið skipað til að reka áfram bú húsgagnakeðjunnar The Pier í Bretlandi eftir að Pier fór í greiðslustöðvun í gær. Pier er í eigu Lagersins sem er aftur í eigu Jákups Jacobsen, sem oftast er kenndur við Rúmfatalagerinn.

Svíar lækka stýrivexti

Sænski seðlabankinn lækkaði stýrivexti um 175 punkta í dag og fara stýrivextir við það úr 3,75 prósentum í tvö. Þetta er langt umfram væntingar. Financial Times reiknar með hrinu stýrivaxtalækkana í Evrópu í dag.

Davíð er mættur á fund viðskiptanefnar

Davíð Oddsson seðlabankastjóri er mættur á fund viðskiptanefndar alþingis. Hann gekk þar inn nú skömmu fyrir klukkan níu í morgun.

Heimsmarkaðsverð á olíu ekki verið lægra í fimm ár

Heimsmarkaðsverð á olíu heldur áfram að lækka og hefur nú ekki verið lægra í fimm ár. Verð á Norðursjávarolíunni er nú 44 dollarar fyrir tunnuna og WTI olían er komin undir 46 dollara tunnan.

Veik króna hefur áhrif á vöruskiptin

Vöruskipti við útlönd voru hagstæð um 2,4 milljarða króna í nóvember.

Krónan á flot í bönkunum

Krónan fer á flot í dag þegar hér hefst millibankamarkaður með hana á ný, samkvæmt nýjum reglum Seðlabanka Íslands um gjaldeyrismarkað.

Bandarískir bílaframleiðendur eygja von

Gengi hlutabréfa hækkaði undir lok viðskiptadagsins í Bandaríkjunum en fjárfestar þykja bjartsýnir á að stjórnvöld vestra komi bílaframleiðendum til bjargar úr þeim fjárhagskröggum sem þeir sitja fastir í. Verði ekkert að gert hafa stjórnendur fyrirtækjanna lýst því yfir að fátt komi í veg fyrir að þau keyri í þrot á nýju ári.

Einhver íslensku bankanna gæti orðið í eigu útlendinga

Til greina kemur að einhver af íslensku bönkunum verði alfarið í eigu erlendra aðila að mati viðskiptaráðherra. Hann telur að mikill ávinningur geti orðið af því að þeir eignist hluti í bönkunum.

Frjálsi Fjárfestingarbankinn þvingar fyrirtæki með myntkörfulán

Frjálsi Fjárfestingarbankinn þvingar fyrirtæki sem eru í viðskiptum við bankann með myntkörfulán á gjalddaga, til að skuldbreyta lánunum í íslenskar krónur. Fréttastofu er kunnugt um á annan tug byggingaverktaka sem horfa fram á gjaldþrot vegna þessa.

Sala á Kaupþing í Lúxemborg á vikvæmu stigi

Unnt verður að greiða 112 til 150 milljarða króna til allra innlánseigenda Kaupþings í Lúxemborg, Belgíu og Sviss, náist samningar um sölu á bankanum. Viðræður standa yfir um söluna og eru sagðar á afar viðkvæmu stigi.

Bakkavör toppaði daginn

Gengi hlutabréfa í Bakkavör stökk upp um 17,15 prósent í 39 viðskiptum upp á 7,5 milljónir króna í Kauphöllinni í dag. Þetta er langmesta hækkun dagsins.

Seðlabankinn setur krónuna á flot að nýju

Seðlabanki Íslands mun setja krónuna á flot að nýju á morgun en þá hefst aftur millibankamarkaður með gjaldeyri hérlendis.

Kynlíf eykst verulega í fjármálakreppunni

Kynlífsiðkunn hefur aukist verulega í fjármálakreppunni undanfarna mánuði. Enda er það oftast ókeypis og verulega ánægjuleg afþreyjing.

Færeyingar fá 3G þjónustu frá Vodafone

3G farsímaþjónusta er nú í fyrsta sinn í boði í Færeyjum, eftir að Vodafone Færeyjar (dótturfélag Vodafone á Íslandi) hóf að bjóða slíka þjónustu í upphafi vikunnar. Hefur málið vakið talsverða athygli færeyskra fjölmiðla.

Markaðir á Wall Street opna í rauðu

Markaðir á Wall Street opnuðu með rauðum tölum í dag eins og vænst var. Dow Jones vísitalan hefur lækkað um 1,1% í fyrstu viðskiptum og Nasdag um 1,2%. Þá hefur S&P vísitalan lækkað um 2%.

Debenhams og M&S aftur komnar í skotgrafirnar í Bretlandi

Ný orrusta um viðskiptavini í jólavertíðinni milli verslunarkeðjanna Debenhams og Marks & Spencer hófst í dag. Debenhams tilkynnti um 20% afslátt af vörum sínum næstu þrjá daga og búist er við svari frá M&S á morgun. Baugur á hlut í Debenhams gegnum Unity.

Íslensku bankastjórarnir komu til greina sem þeir verstu

Bankastjórar gömlu bankanna þriggja, Glitnis, Kaupþings og Landsbankans, þóttu koma vel til greina í umfjöllun Newsweek tímaritsins um versta bankastjóra allra tíma.

Össur hf. hlaut bandarísk verðlaun

Össur hf. hlaut á dögunum Charles D. Siegal verðlaunin frá Ráðgjafamiðstöð um réttindi fatlaðra (The Disability Rights Legal Center) í Bandaríkjunum.

Bein fjárfesting er heimil samkvæmt gjaldeyrisreglunum

Bein fjárfesting fellur ekki undir reglur Seðlabankans um gjaldeyrismál nema að mjög takmörkuðu leyti.

Hópuppsagnir í nóvember náðu til 560 manns

Þrátt fyrir að mun minna hafa verið um hópuppsagnir í nóvember heldur en í október misstu engu að síður 560 manns vinnuna í nóvember í hópuppsögnum, en alls bárust Vinnumálastofnun 12 tilkynningar um hópuppsagnir í mánuðinum.

Meðallaun starfsmanna RUV eru 500.000 kr. á mánuði

Meðallaun starfsmanna RUV nema rétt tæpum 6 milljónum kr. á ári eða 500.000 kr. á mánuði. Meðallaun helstu stjórnenda RUV, að Páli Magnússyni útvarpsstjóra frátöldum eru 9,4 milljónir á ári eða tæplega 800.000 kr. á mánuði.

Bakkavör hækkast mest í byrjun dags

Gengi hlutabréfa í Bakkavör hefur hækkað um 3,21 prósent í Kauphöllinni í fjórum viðskiptum upp á 1,2 milljónir króna. Þetta er mesta og önnur hækkun dagsins en á hæla félagsins fylgir Færeyjabanki, sem hefur hækkað um 1,54 prósent.

Aldrei færri nýskráningar á bílum, frá upphafi mælinga

Nýskráningar bíla í nóvember voru 123 og hafa þær ekki verið færri frá árinu 1995 eða frá því Hagstofan hóf að taka þessar tölur saman mánaðarlega. Þetta kemur fram í Hagvísum hagstofunnar. 12.231 bíll var nýskráður Frá janúar til nóvember á þessu ári og er það 42,3 prósenta fækkun frá sama tímabili í fyrra. Síðastliðna tólf mánuði hafa nýskráningar dregist saman um 38,7 prósent.

General Motors ætlar að segja upp 31.500 manns

Bílaframleiðandinn General Motors (GM) hefur tilkynnt að fyrir dyrum standi að segja upp 31.500 starfsmönnum fyrirtækisins. Jafnframt hefur GM sagt bandarískum stjórnvöldum að ef fyrirtækið fái ekki 4 milljarða dollara aðstoð í hvínandi hvelli blasi ekkert annað en gjaldþrot við.

Krefjast upplýsinga um peningamarkaðssjóði fyrir dómstólum

Hópur fyrrum eigenda hlutdeildarskírteina í peningamarkaðssjóði Landsbankans krefst upplýsinga um fjárfestingar sjóðsins vegna þeirrar miklu skerðingar sem varð á eign þeirra þegar sjóðnum var slitið.

Vöruskiptin áfram hagstæð

Samkvæmt bráðabirgðatölum fyrir nóvember 2008 nam útflutningur 43,2 milljörðum króna og innflutningur 40,8 milljörðum króna. Vöruskiptin, reiknuð á fob verðmæti, voru því hagstæð um 2,4 milljarða króna samkvæmt bráðabirgðatölum.

GM hættir framleiðslu Saab

Saab er meðal þeirra bílategunda sem bandaríski bílarisinn General Motors hyggst hætta framleiðslu á haldi fyrirtækið á annað borð velli.

Mörg góðgerðarsamtök í klemmu vegna hruns íslensku bankanna

Tæplega 50 góðgerðarsamtök í Bretlandi eru í klemmu vegna hruns íslensku bankanna. Eitt þeirra, sjúkrahótelið Naomi House hefur þurft að leggja af heimahjúkrunarþjónustu við langveik og dauðvona börn vegna glataðra innistæðna hjá Singer & Friedlander banka Kaupþings í London.

Jefferies Group í mál við Landsbankann hf.

Fjármálafyrirtækið Jefferies Group hefur höfðað mál gegn Landsbankanum hf. fyrir dómstóli í London vegna vangoldinnar skuldar upp á 4,3 milljónir evra eða nær 800 milljóna kr..

Bréf hækka í Asíu

Hlutabréf hækkuðu í verði á Asíumörkuðum í morgun og er það í fyrsta skipti í þessari viku sem það gerist. Skýringin er aðstoð seðlabanka nokkurra landa álfunnar við atvinnulífið, meðal annars í formi sveigjanlegri lánaskilyrða gagnvart viðskiptabönkum.

Lífeyrissjóðir halda enn að sér höndum

Verið er að yfirfara lífeyrisjóðalögin með tilliti til hugsanlegra breytingatillagna, að sögn Baldurs Guðlaugssonar, ráðuneytisstjóra fjármálaráðuneytisins.

Bankaleynd er hluti af lýðræðinu

Vandræði krónunnar tengjast trausti á stofnunum landsins, ekki myntinni einni.

Leiðbeiningar í smíðum í ráðuneytinu

„Þessi vinna er í gangi í ráðuneytinu. Leiðbeiningarnar og sú vinna sem liggur á bak við þær verða teknar til skoðunar,“ segir Böðvar Jónsson, aðstoðarmaður Árna Mathiesen fjármálaráðherra.

Evruskráning tefst enn um sinn

„Eins og reglur Seðlabankans um gjaldeyrisviðskipti eru núna þá eru þau hindrun fyrir skráningu hlutafjár í evrur," segir Einar Sigurjónsson, framkvæmdastjóri Verðbréfaskráningar Íslands.

Fjármagnsflótti, flot og bankaleynd

Íslenska krónan á sér formælendur fáa um þessar mundir eftir gríðarlegt gengisfall og setningu strangra fjármagnshafta henni til varnar. Það er því eðlilegt að nú sé hugað að því hvort heppilegt sé að landsmenn slái sína eigin mynt til framtíðar. Vandamálið í sinni einföldustu mynd er þó ekki krónan aðeins sjálf – þ.e. gengisáhætta.

Hluthafar geta borið ábyrgð umfram hlutafé

„Grundvallarregla hlutafélagalaganna er að hluthafar beri ekki ábyrgð á skuldbindingum félagsins. Ef félag verður gjaldþrota, þá geta kröfuhafar eingöngu leitað fullnustu í eigum félagsins. En í algjörum undantekningartilvikum, þá getur ábyrgð náð til hluthafa,“ segir Áslaug Björgvinsdóttir, dósent við lagadeild Háskólans í Reykjavík. Hún flutti erindi um hluthafaábyrgð í háskólanum í gær. Þar fór hún meðal annars yfir tilvik og dóma þar sem hluthafar voru taldir bera ríkari ábyrgð en sem nemur meginreglu hlutafélaga­laganna. Þetta á við í einkamálarétti, gagnvart kröfuhöfum við gjaldþrot hlutafélaga. Í þessu felst að sá sem á kröfu á hlutafélag getur átt á hættu að fá ekki kröfu greidda, verði félag gjaldþrota.

Ráðherra orkumála?

Tilkynning forsætisráðherra um tólf aðgerðir til að bæta rekstrarumhverfi fyrirtækja vakti nokkra athygli í gær. Glöggir menn tóku þó eftir litlu atriði í tilkynningunni, sem kann að boða mikil tíðindi. Þar kemur nefnilega fram að iðnaðar- og orkumálaráðherra hafi átt sæti í nefndinni sem mótaði tillögurnar. Hefur sá ráðherratitill ekki sést áður í opinberum tilkynningum og þykir benda til þeirra áherslna sem Össur Skarphéðinsson vill beita sér fyrir í ráðuneytinu. Hefði ekki mátt bæta við olíumálaráðherra?

Óhagkvæmni eða spilling

Hrun bankanna hefur í grundvallaratriðum breytt valdahlutföllum í íslensku viðskiptalífi. Ríkið á nú alla stóru bankana. Mörg fyrirtæki landsins skulda þessum ríkisbönkum meira en þau hafa burði til þess að borga. Ein stærsta ákvörðunin sem stjórnvöld standa frammi fyrir nú er hvaða leið þau ætla að velja til þess að taka á vanda skuldugra fyrirtækja. Hér þurfa stjórnvöld að hafa tvö markmið að leiðarljósi. Annars vegar er mikilvægt að þau leitist við að skapa skilyrði fyrir hámarks verðmætasköpun í hagkerfinu í framtíð. Hins vegar þurfa þau að leitast við að lágmarka spillingu. Það sem gerir þetta mál erfitt er að þessi tvö markmið stangast á að einhverju leyti.

Stjörnuflug frá Lundúnum

„Við tókum að markaðssetja okkur í Bretlandi fyrir rúmu ári,“ segir Gísli Reynisson, stjórnarformaður Nordic Partners. Félagið hefur í rúm þrjú ár starfrækt einkaþotuleiguna IceJet.

Vill ekki gefa upp hverjir keyptu Viðskiptablaðið

Haraldur Johannessen ritstjóri Viðskiptablaðsins vill að svo stöddu ekki gefa upp hverjir það eru sem standa að baki kaupum á Viðskiptablaðinu. Líkt og komið hefur fram í fjölmiðlum var það Útgáfufélagið Myllusetur ehf sem keypti Viðskiptablaðið en skráður eigandi þess er Haraldur.

Stímfjárfestar tapa hundruðum milljóna

Fjárfestarnir sem lögðu út í Stím ævintýrið hafa hver um sig tapað hundruðum milljóna króna. Hlutahafahópur Stíms samanstendur af þremur vestfirskum vinum, föður eins þeirra og þremur fjármálafyrirtækjum.

SPRON uppfylllir ekki kröfur um eiginfjárhlutfall banka

SPRON uppfyllir ekki lengur alþjóðlegar kröfur um eiginfjárhlutfall banka. Forstjóri SPRON segir unnið að endurskipulagningu í samstarfi við Fjármálaeftirlitið.

Erlendir bankar vilja breyta skuldum í hlutafé hjá SPB

Erlendir bankar sem eru lánadrottnar Sparisjóðabankans (SPB) hafa sýnt því töluverðan áhuga að skuldum þeirra verði að einhverju marki breytt í hlutafé í SPB. Nú er að störfum sérstakur stýrihópur á vegum erlendu bankanna þar sem þetta er m.a. til umræðu.

Kauphöll breytir viðmiðum fyrir viðskiptarofa

Viðmiðum fyrir viðskiptarofa í kauphöllinni hefur frá og með 2. desember 2008 verið breytt úr 10% í 15% fyrir hlutabréf félaga sem flokkast undir smáhluti og hluti sem lítill seljanleiki er með.