Viðskipti erlent

Svíar lækka stýrivexti

Jean-Claude Trichet, bankastjóri evrópska seðlabankans. Reiknað er með því að hann tilkynni um lækkun stýrivaxta á evrusvæðinu í dag.
Jean-Claude Trichet, bankastjóri evrópska seðlabankans. Reiknað er með því að hann tilkynni um lækkun stýrivaxta á evrusvæðinu í dag. Mynd/AFP

Sænski seðlabankinn lækkaði stýrivexti um 175 punkta í dag og fara stýrivextir við það úr 3,75 prósentum í tvö. Þetta er langt umfram væntingar markaðsaðila, sem höfðu séð 100 punkta lækkun í kristalskúlunni í mesta lagi, að sögn vefútgáfu breska viðskiptadagblaðsins Financial Times.

Blaðið segir stýrivaxtalækkunina nú skýr merki um áhrif alþjóðlegra efnahagsþrenginga á sænskt atvinnulíf. Samkvæmt grunnreglum hagfræðinnar er kreppa í Svíþjóð um þessar mundir en hagvöxtur hefur dregist saman - þó lítillega - tvö ársfjórðunga í röð. Þá hefur framleiðni aldrei nokkru sinni verið minni. Farið var að taka saman tölur um slíkt fyrir fjórtán árum.

Financial Times segir Svía hafa að líkindum slegið taktinn fyrir daginn og reiknar með röð vaxtalækkana í Evrópu í dag.

Vaxtaákvörðunardagur er í dagbókum evrópska seðlabankans og Englandsbanka í dag og líkur á að þeir lækki stýrivexti sína talsvert.

Stýrivextir hér standa í átján prósentum. Þeir hafa farið síhækkandi frá því í maí árið 2004 ef frá eru taldir níu dagar í október. Þá voru þeir óvænt lækkaðir úr 15,5 prósentum í 12 prósent. Á tíunda degi voru þeir svo skrúfaðir upp í átján prósent.





Erlent Fréttir Viðskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið