Greiðslubyrði á 5.500 íbúðalánum þyngist um 20% á næsta ári

Greiðslubyrði á 5.500 íbúðalánum mun þyngjast um 20% á næsta ári og þarnæsta en þá koma íbúðalán sem tekin voru hjá bönkum árið 2004 til endurskoðunnar.

Greining Landsbankans spáir yfir 4% hagvexti árið 2011

Greining Landsbankans spáir því að hagvöxtur á Íslandi verði yfir 4% árin 2011 og 2012. Í ár verði hagvöxturinn hinsvegar rúmt prósent, enginn hagvöxtur verði á næsta ári og hann verði um 1% árið 2010.

Kaupþing niður í Svíþjóð

Gengi hlutabréfa í Kaupþingi, sem skráð eru á markað í Stokkhólmi í Svíþjóð, hefur lækkað um 0,47 prósent í dag. Fall á bandarískum hlutabréfamarkaði í gær smitaði út frá sér um allan heim í dag.

Bréf lækkuðu í Hong Kong

Hlutabréf í Hong Kong lækkuðu um 2,7 prósent í morgun vegna efasemda um að björgunaráætlanir Bandaríkjastjórnar í efnahagsmálum muni ganga sem skyldi.

Hráolía aldrei hækkað jafnmikið á einum degi

Verð á tunnu af hráolíu rauk upp um rösklega sextán dollara á mörkuðum í gær og hefur aldrei áður hækkað svo mikið á einum degi.

Draugarnir flytja ekki með

Veitingahúsa- og sjoppu­menning Hrútafjarðar tekur nú algjörum stakkaskiptum. Búið er að rífa Brú og nýr Staðarskáli verður opnaður vestanmegin í firðinum á fimmtudaginn. Nú fer því hver að verða síðastur að sækja hinn sögufræga Staðar­skála heim.

Mikill skellur á Wall Street

Helstu hlutabréfavísitölur féllu verulega á bandarískum hlutabréfamarkaði í dag. Skellurinn skýrist af hagnaðartöku fjárfesta eftir mikla hækkun vestanhafs á föstudag auk þess sem þeir festu fjármuni sína í tryggu skjóli, svo sem í gulli, olíu og annarri hrávöru.

Olíutunnan aldrei hækkað meira

Heimsmarkaðsverð á olíu hefur aldrei hækkað jafn mikið og í dag en hráolíutunnan hækkaði um 25 dali eða 21% í heildina en verð á hráolíu fór í 130 dollara á tunnu.

Hávaxtamyntir fengu skell

Fátt liggur fyrir um skell krónunnar í dag annað en hugsanlegt fall hávaxtamynta. Seðlabankinn segir fáar skýringar á fallinu en Glitnir segir hávaxtamyntir hafa fengið skell.

Krónan tók sveig niður

Krónan veiktist um 2,7 prósent á síðustu tveimur klukkustundum viðskiptadagsins í dag eftir styrkingu framanaf. Gengisvísitalan, sem hafði legið framanaf undir 169 stigum fór í 176,6 stig síðla dags.

Bogi Bogason ráðinn í fjármálin hjá Icelandair Group

Bogi Nils Bogason hefur verið ráðinn framkvæmdastjóri fjármála Icelandair Group og tekur til starfa 10. október næstkomandi.

Atlantic Petroleum leiddi hækkanahrinu dagsins

Gengi hlutabréfa í færeyska olíuleitarfélaginu Atlantic Petroleum rauk upp um 11,26 prósent í Kauphöllinni í dag. Exista hækkaði um 7,6 prósent og gengi viðskiptabankanna um 4,6 til 3,22 prósent. Mest hækkaði gengi bréfa í Glitni en minnst í Kaupþingi.

Norski olíusjóðurinn hefur tapað þúsundum milljarða kr.

Norski olíusjóðurinn hefur tapað um 2.800 milljörðum kr. á síðustu tveimur mánuðum. Þetta kemur fram á vefsíðu Dagens Industri í Svíþjóð.

Gæti orðið stærsti slípaði kringlótti demantur í heimi

Námuverkamenn í Lesotho í Afríku hafa fundið demant sem gæti orðið stærsti slípaði kringlótti demantur í heimi. Demanturinn vegur 478 karöt og er sá tuttugasti stærsti sem fundist hefur.

Enn hækkar DeCode

Gengi hlutabréfa í DeCode hækkaði um tæp 25 prósent í fyrstu viðskiptum dagsins á Nasdaq-markaðnum í Bandaríkjunum í dag. Það þarf að hækka um 89 prósent til að komast í einn dal á hlut.

Krónubréf upp á 5 milljarða á gjalddaga í dag

Krónubréf að nafnvirði 5 milljarða kr. sem þýski bankinn KfW gaf út fyrir tveimur árum síðan falla á gjalddaga í dag að viðbættum vöxtum.

eQ Bank með bestu ráðgjöfina í Finnlandi

eQ Bank veitir bestu ráðgjöf finnskra greinenda um fjárfestingar í smærri fyrirtækjum sem skráð eru á hlutabréfamarkaði. Þetta kemur fram í „The European Small Caps Research Yearbook 2008" sem óháða greiningarfyrirtækið AQ Research gefur út árlega.

Skipt um forstjóra hjá EJS

Magnús S. Norðdahl hefur verið ráðinn nýr forstjóri EJS ehf. Jón Viggó Gunnarsson, fyrrum forstjóri EJS ehf., dótturfélags Teymis, hefur óskað eftir því að láta af störfum. Félagið þakkar honum góð störf og óskar velfarnaðar á nýjum vettvangi.

Japanir taka Asíuhluta Lehmans

Japanska fjármálafyrirtækið Nomura Holdings hefur skrifað undir samkomulag um kaup á dótturfyrirtækjum og starfsemi bandaríska fjárfestingabankans Lehman Brothers í Asíu. Starfsemi fyrirtækisins í Suður-Kóreu er þar undanskilin, að sögn breska viðskiptablaðsins Financial Times.

Mikill áhugi fyrir störfum hjá Bauhaus

Um 1250 manns hafa sótt um 150 stöður hjá byggingarvöruversluninni Bauhaus sem tekur til starfa hér á landi innan skamms.

Dollarinn gæti hrunið í kjölfar björgunaraðgerðanna

Björgunaraðgerðir Bandaríkjastjórnar til að létta á fjármálakreppunni þar í landi gætu leitt til þess að gengi dollarans hrynji á næstunni.

Sheik Al-Thani er með ástríðu fyrir veðhlaupahestum

Sheik Mohamed bin Khalifa Al-Thani sem keypt hefur 5% hlut í Kaupþingi er með ástríðu fyrir veðhlaupahestum. Ræktun þeirra og keppnir með þeim eru helsta áhugamál Al-Thani sem á risastórt hestabú í Katar.

Telur jafnvægisgengi krónunnar á bilinu 135-145

Greining Glitnis telur að jafnvægisgengi krónunnar á næstu árum muni liggja á bilinu 135-145. Sem stendur er gengisvísitalan í um 170 stigum. Fjallað er um gengið í Morgunkorni greiningarinnar.

Exista rýkur upp annan daginn í röð

Gengi hlutabréfa í Existu rauk upp um 9,42 prósent í fyrstu viðskiptum dagsins í Kauphöllinni í morgun. Á eftir fylgir gengi bréfa í færeyska olíuleitarfélaginu Atlantic Petroleum, sem hefur hækkað um 8,28 prósent og Kaupþingi, sem hefur hækkað um 3,64 prósent. Þá hefur gengi Glitnis hækkað um 3,35 prósent og Spron um 3,3 prósent.

Sveiflur á alþjóðlegum hlutabréfamörkuðum

Sveiflur hafa verið á alþjóðlegum hlutabréfamörkuðum í dag eftir mikla uppsveiflu á föstudag í kjölfar viðamikilla aðgerða bandarískra stjórnvalda til að koma í veg fyrir áframhaldandi hremmingar á mörkuðum.

Fjárfestingabankar á Wall Street heyra nú sögunni til

Fjárfestingarbankar á Wall Street heyra nú sögunni til eftir að Goldman Sachs og Morgan Stanley ákváðu í gærkvöldi að engin framtíð væri í því að halda þeirri starfsemi sinni áfram.

Krónan styrkist hratt

Gengi krónunnar hefur styrkst um 1,1 prósent og liggur gengisvísitalan við 170 stigin. Bandaríkjadalur kostar nú 89,3 krónur en hann hefur staðið í rúmum 90 krónum í tæpan hálfan mánuð.

Saxo Bank rekur þriðja hvern starfsmann

Saxo Bank í Danmörku hefur ákveðið að reka þriðja hvern starfsmann sinn eða um 330 manns af 1.000 manna starfsliði bankans.

Hækkanir á mörkuðum í Asíu í morgun

Hlutabréf hækkuðu í verði á Asíumörkuðum i morgun í kjölfar frétta um bankabjörgunaráætlun Bandaríkjastjórnar.

Atlantic Petroleum dælir nú olíu úr Chestnut svæðinu

Atlantic Petroleum hefur sent frá sér tilkynningu um að það sé byrjað að dæla upp olíu úr Chestnut svæðinu.

Glitnir og Byr staðfesta samrunaviðræður

Glitnir banki og Byr sparisjóður hf. hafa staðfest með formlegri tilkynningu til Kauphallarinnar að félögin hafi ákveðið að hefja samrunaviðræður. Í því felst einnig að stjórnir félaganna hafa skuldbundið sig til að ræða ekki við aðra aðila um samstarf eða sameiningar á meðan viðræður standa yfir. Stefnt er að því að niðurstaða liggi fyrir eins fljótt og auðið er eins og segir í tilkynningunni.

Sheik Mohammed Bin Khalifa Al-Thani kaupir 5 prósent í Kaupþingi

Eignarhaldsfélag Sheikh Mohammed Bin Khalifa Al-Thani, Q Iceland Finance ehf, hefur keypt 5,01% hlut í Kaupþingi banka hf. Q Iceland Finance keypti alls 37,1 milljón hluta á genginu 690 kr. á hlut og verður þar með þriðji stærsti hluthafi bankans.

IMF segir Íslendinga öfundsverða

Íslendingar eru öfundsverðir segir í nýrri umfjöllun Alþjóðagjaldeyrissjóðsins. Þrátt fyrir að íslenska hagkerfið standi á erfiðum tímamótum eftir langt vaxtaskeið sé stjórnsýsla traust, markaðir opnir og sveigjanlegir og náttúruauðlindir miklar og vel nýttar.

FME fær auknar heimildir til að banna skortsölu

Í viðskiptaráðuneytinu hefur verið ákveðið að gera breytingar á reglugerð um innherjaupplýsingar og markaðssvik sem miða að því að styrkja heimildir Fjármálaeftirlitsins til að setja skorður eða banna skortsölu.

Erlendir bankar fá aðgang að björgunarsjóðnum

Erlendir bankar munu fá aðgang að sjóðnum sem bandarísk yfirvöld hafa komið á laggirnar til þess að taka við eignum sem eru orðnar verðlausar eftir fall á bandaríska fasteignalánamarkaðnum. Fyrir bandaríska þinginu liggur nú fyrir tillaga fjármálaráðherranum Henry Paulson um að allt að 700 milljarðar bandaríkjadala verði settir í sjóðinn.

Vogunarsjóðir í mál við breska fjármálaeftirlitið

Vogunarsjóðir víða um heim hyggjast nú lögsækja breska fjármálaeftirlitið og krefjast bóta vegna þeirra tjóns sem þeir hafa orðið fyrir eftir að bann var sett á skortsölur í Bretlandi í síðustu viku.

FME að skoða hvort setja eigi hömlur á skortsölur

Til greina kemur að setja hömlur á svokallaðar skortsölur hér á landi. Nefnd á vegum fjármálaeftirlitsins skoðar nú málið.

Búist við sameiningu Byrs og Glitnis á næstu dögum

Búist er við að sameining Glitnis og sparisjóðsins Byrs verði tilkynnt um eða eftir helgi. Fjármálaeftirlitið hefur samþykkt umsókn Byrs um að verða að hlutafélagi, en það var megin forsenda þess að samruni þessara bankarisa yrði að veruleika.

Barclays fær grænt ljós á kaupin á Lehman

Dómstóll í New York hefur fallist á beiðni Barclays banka um að fá að kaupa hluta af Lehman Brothers bankanum sem varð gjaldþrota á dögunum. Tilboð Barclays hljóðar upp á 1,3 millarða bandaríkjadala.

Mikil hækkun á Wall Street

Fjárfestar í Bandaríkjunum tóku fagnandi stórtækum björgunaraðgerðum bandaríska ríkisins sem tilkynntar voru í dag og felast í því að sérstakur sjóður verði settur á laggirnar sem tekur við öllum - eða velflestum - eignum bandarískra banka og fjármálafyrirtækja sem eru orðnar næsta verðlausar og illseljanlegar eftir fall á bandarískum fasteignalánamarkaði.

Landsbanki og Kaupþing gera tilboð í eignir Nýsis

Nýsi hf. hefur í dag borist tilboð frá Landsbankanum og Kaupþingi í allar eignir félagsins.

Fasteignamarkaðurinn aðeins að rétta úr kútnum

Velta á fasteignamarkaði stígur upp á við Þinglýst var 90 kaupsamningum á höfuðborgarsvæði vikuna 12.-18. september, þar af 51 samningur í Reykjavík, samkvæmt Fasteignamati ríkisins.

Moody´s breytir horfum fyrir langtímaskuldir FIH í neikvæðar

Lánshæfismatsfyrirtækið Moody's tilkynnti í dag að það hefði breytt horfum fyrir langtímaskuldir FIH Erhvervsbank, dótturfyrirtæki Kaupþings í Danmörku, í neikvæðar en þær voru áður stöðugar. Horfur fyrir skammtímaskuldir eru stöðugar.

New York ríki hefur rannsókn á skortsölu

Andrew Cuomo dómsmálaráðherra New York ríkis hefur sett af stað rannsókn á því hvort verðbréfasalar hafi notað ólöglegar aðferðir við að keyra niður verð á hlutabréfum í nokkrum félögum á Wall Street með skortsöslu.

Exista hækkaði um 17,3%

Exista toppaði mikla hækkanahrinu í Kauphöllinni í dag með hækkun upp á 17,3 prósent. Gengi bréfa í Spron hækkaði um 10 prósent, Færeyjabanka um 8,8 prósent en í Atlantic Petroleum og Atorku um sex prósent. Þá hækkaði gengi bréfa í Glitni um 5,44 prósent og í Bakkavör um 5,33 prósent.