Fleiri fréttir

Hlutabréf hækka og krónan styrkist

Gengi hlutabréfa í Existu hefur hækkað um 13,5 prósent frá í morgun, langmest félaga í Kauphöllinni í dag. Gengi krónunnar hefur styrkst um 1,9 prósent á sama tíma.

Verulegur bati á vöruskiptum við útlönd

Verulegur bati hefur orðið á vöruskiptum við útlönd það sem af er ári eftir mikinn vöruskiptahalla árin á undan. Ræður þar miklu stóraukin álframleiðsla, enda lætur nærri að nú séu framleidd 65 þúsund tonn áls hérlendis í mánuði hverjum, sem jafngildir u.þ.b. 780 þúsund tonna framleiðslugetu á ári.

Viðskiptin í kauphöllum í Moskvu aftur stöðvuð

Viðskiptin í kauphöllum í Moskvu voru aftur stöðvuð í morgun, fjórða daginn í röð. Ástæðan núna er hinsvegar að vísitölurnar hækkuð of mikið en áður voru viðskiptin ítrekað stoppuð vegna hruns á verði hlutabréfa.

Evrópskir seðlabankar dæla fé inn á markaði

Seðlabankar á meginlandi Evrópu ákváðu í dag að veita rúmum 60 milljörðum evra, jafnvirði um 8.400 milljarða íslenskra króna, inn í fjármálakerfið til að hífa upp væntingar, blása lífi í millibankalánamarkaðinn og koma í veg fyrir frekari hremmingar á mörkuðum.

Mjög jákvæð umsögn um Ísland hjá Moody´s

Moody´s gefur Íslandi mjög jákvæða umsögn í rökstuðningi sínum fyrir því að halda láshæfismati sínu á ríkissjóði óbreyttu í Aa1 fyrir langtímaskuldbindingar eins og greint var frá í gær.

Exista rauk upp um 14,4 prósent

Gengi hlutabréfa í Existu rauk upp um rúm 14,4 prósent í mikilli uppsveiflu í Kauphöllinni í byrjun dags. Gengi flestra annarra fjármálafyrirtækja hefur rokið upp um allt að 6,5 prósent.

Keilir kaupir fimm nýjar kennsluvélar á 200 milljón kr.

Flugakademía Keilis hefur keypt fimm nýjar kennsluvélar. Kaupverð vélanna, tæpar 200 milljónir króna, er að mestu fjármagnað af seljanda ásamt Bank Austria. Möguleiki er á að bæta öðrum 5 vélum við samninginn árið 2009.

Krónan styrkist í byrjun dags

Gengi krónunnar hefur styrkst um 1,6 prósent í dag og stendur gengisvísitalan í 173 stigum. Krónan hefur veikst sex daga í röð með einstaka styrkingu innan dags.

Mikil uppsveifla á mörkuðum um allan heim

Fjármálamarkaðir um allan heim hafa verið í mikilli uppsveiflu í gærkvöldi, nótt og morgun. Sömu sögu er að segja í London, Moskvu og Sjanghæ og ástæðan er einkum aðgerðir í Bandaríkjunum.

Kaupþing hækkar um 8% í Svíþjóð

Gengi hlutabréfa í Kaupþingi, sem skráð eru í kauphöllina í Svíþjóð, hefur hækkað um tæp átta prósent í dag. Gengi bréfa í Storebrand og Sampo, sem Kaupþing og Exista eiga stóra hluti í, hefur hækkað um tæp tíu prósent. Þetta er í takti við mikla jákvæðni á erlendum hlutabréfamörkuðum eftir fulltrúar Bandaríkjaþings, fjármálaráðherra landsins og seðlabankastjóra, ákváðu í gær að að stofna sérstakan sjóð til að kaupa undirmálslán af bankakerfinu.

Asíumarkaðir rjúka upp

Töluverðar hækkanir urðu á Asíumörkuðum í morgun í kjölfar frétta um væntanlega aðgerðaáætlun Bandaríkjaþings. Þannig hækkaði Hang Seng-vísitalan í Hong Kong um 7 prósent, japönsk hlutabréf hækkuðu um 3,1 prósent og áströlsk um 4 prósent. Einnig urðu hækkanir í Taívan, Suður-Kóreu og Singapúr og Shanghai-vísitalan rauk upp um rúm 9 prósent.

deCODE lækkar áfram

Gengi hlutabréfa í deCODE, móðurfélagi Íslenskrar erfðagreiningar, hélt áfram að lækka í gær og er nú komið niður í fjörutíu sent á hlut.

Enn falla bréfin í DeCode

Gengi hlutabréfa í líftæknifyrirtækinu DeCode, móðurfélagi Íslenskrar erfðagreiningar, féll um 4,76 prósent á Nasdaq-markaðnum í Bandaríkjunum í dag og endaði í 40 sentum á hlut. Það hefur aldrei verið lægra.

Fjárfestar kættust vestanhafs

Dagurinn endaði með látum á bandarískum hlutabréfamarkaði í dag eftir að bandaríska viðskiptasjónvarpsstöðin CNBC greindi frá því síðdegis að Henry Paulson, fjármálaráðherra Bandaríkjanna, væri að íhuga að koma á laggirnar sérstökum tryggingasjóði sem bankar gætu sótt í í skiptum fyrir gjaldfallin lán.

Niðursveifla í rúmt ár

„Niðursveiflan er rétt nýhafin,“ segir Jón Bjarki Bentsson, sérfræðingur Greiningar Glitnis og kveður hana munu standa út þetta og næsta ár líka.

Eimskip komið undir fimm kallinn

Gengi hlutabréfa í Eimskipafélaginu féll um 8,6 prósent í dag og endaði í 4,35 krónum á hlut. Það hefur fallið um fimmtíu prósent á einni viku. Þetta er langmesta fall dagsins. Á sama tíma hækkaði gengi bréfa í Century Aluminum, móðurfélag álversins á Grundartanga, um 8,18 prósent en það er mesta hækkun dagsins.

FME segir kröfur hérlendis á Lehman vera 24 milljarða kr.

Samkvæmt upplýsingum sem Fjármálaeftirlitið hefur aflað frá viðskiptabönkunum hérlendis er samtala brúttó krafna þeirra á Lehman Brothers og tengda aðila samtals 182,6 milljónir evra eða rúmlega 24 milljarðar kr. sem samsvarar 1,8% af heildareiginfjárgrunni bankanna.

Inngrip ríkisins hindra hremmingar

Aðgerðir bandarískra stjórnvalda og seðlabanka heimsins hafa komið í veg fyrir alvarlegar hremmingar á fjármálamörkuðu. Þetta sagði George W. Bush, forseti Bandaríkjanna, á blaðamannafundi fyrir utan Hvíta húsið fí Washington fyrir nokkrum mínútum.

Sæmileg stemning á Wall Street

Sameiginlegt inngrip seðlabanka víða um heim til að koma í veg fyrir frekari hremmingar á fjármálamörkuðum hafa glatt fjárfesta, ef marka má fyrstu tölur á bandarískum hlutabréfamarkaði í dag.

DeCode-bréfin skjótast upp

Gengi hlutabréfa í DeCode, móðurfélagi Íslenskrar erfðagreiningar, stökk upp um 16,7 prósent við upphaf viðskiptadagsins á bandarískum hlutabréfamörkuðum í dag. Gengi bréfa í félaginu féll um sextán prósent í gær og endaði í 42 sentum á hlut.

Kaupþing segir upp norskum starfsmönnum í Luxemborg

Kaupþing hefur sagt upp tveimur norskum starfsmönnum sínum í Luxemborg og sá þriðji hefur látið af störfum að eigin ósk. Jónas Sigurgeirsson framkvæmdastjóri samskiptasviðs Kaupþings segir uppsagnirnar eðlilegar í ljósi aðstæðna á markaðinum þessa stundina.

DeCode afskráð ef gengið fer ekki upp fyrir einn dal

Nasdaq verðbréfamarkaðurinn í Bandaríkjunum mun að líkindum afskrá móðurfélag Íslenskrar erfðagreiningar, ef því tekst ekki að hífa gengi á hlutabréfum í fyrirtækinu upp fyrir einn dollara á hlut.

Björgunaraðgerð seðlabankanna ber árangur

Hin risavaxna björgunaraðgerð stærstu seðlabanka heimsins virðist hafa borið góðan árangurinn. Mikill viðsnúningur varð undir lokin á mörkuðum í Asíu í nótt og í morgun hafa kauphallir í Evrópu opnað í plús.

Segir krónuna líkjast korktappa á úthafi

Greining Glitnis segir að líklega hafi líking krónu við fljótandi korktappa á úthafi aldrei átt jafn vel við og nú en það eru fyrst og fremst straumar og sviptivindar að utan sem eru ástæður þessarar miklu veikingar krónunnar undanfarna daga.

Færeyingar efstir og neðstir

Gengi hlutabréfa í færeyska olíuleitarfélaginu Atlantic Petroleum hækkaði um 4,85 prósent í fyrstu viðskiptum dagsins í Kauphöllinni í dag. Á sama tíma féll gengi bréfa í Færeyjabanka um 2,28 prósent.

Önnur stór bensínlækkun í Danmörku á morgun

Á morgun, föstudag, mun bensín aftur lækka umtalsvert í Danmörku. Bensínlíterinn lækkaði um tæpar 9 kr. í gær og á morgun ætlar Shell að lækka bensínlítran um tæpar 6 kr. í viðbót.

Kauphallarviðskipti aftur í gang á morgun í Rússlandi

Kauphallarviðskipti munu fara aftur í gang í Rússlandi á morgun en þau munu að stórum hluta liggja niðri í dag. Tveimur helstu kauphöllum landsins var lokað í gær sökum þess að fjármálamarkaðurinn þar hrundi.

Tilboð í Alitalia hangir á bláþræði

Hópur ítalskra fjárfesta, sem í síðustu viku lagði fram tilboði í ítalska flugfélagið Alitalia, hefur þrýst verulega á forsvarsmenn ítalskra verkalýðsfélaga og hefur hann gefið þeim frest til klukkan tvö í síðasta lagi að taka tilboðinu, sem hljóðar upp á einn milljarð evra, rúma 133 milljarða íslenskra króna. Dragist á langinn að taka ákvörðun í málinu ætla fjárfestarnir að draga tilboðinu til baka.

Verðfall á Asíumörkuðum

Verðfall varð á asískum hlutabréfamörkuðum í morgun í kjölfar mikillar lækkunar á hlutabréfum vestanhafs í gær og neyðarláns Bandaríkjastjórnar til tryggingarisans AIG en lánið hefur ýtt undir áhyggjur fjárfesta af ástandi fjármálamarkaða.

Lloyds- og HBOS-bankarnir sameinast

Stjórnir tveggja stórra banka í Bretlandi hafa samþykkt samruna bankanna. Hér er um að ræða Lloyds og HBOS sem er móðurfélag Halifax-bankans og Skotlandsbanka.

Erfiðleikar ræddir í fjölmiðlum

„Umræðan um þetta mál hófst í fjölmiðlum, en samkvæmt okkar reglum á að tilkynna þetta hjá okkur," segir Þórður Friðjónsson, forstjóri Kauphallarinnar. Ákveðið hefur verið að sekta Nýsi um eina og hálfa milljón króna. Málið tengist upplýsingum um að Nýsir hefði ekki greitt af bréfum sem skráð eru í Kauphöllina. Þær komu fram í fréttum um miðjan júní, en tilkynning barst Kauphöll 18. sama mánaðar.

Bandarískir fjárfestar skelfingu lostnir

Björgunaraðgerðir bandarískra stjórnvalda á bandaríska tryggingarisanum AIG olli miklum taugatitringi í röðum fjárfesta þar í landi í dag. Óttast þeir að fjöldi fjármálafyrirtækja standi illa og muni falla undir gjaldþrotahamarinn á næstunni.

DeCode í nýjum lægðum

Gengi hlutabréfa í DeCode, móðurfélagi Íslenskrar erfðagreiningar, féll enn á ný í dag, í þetta sinn um heil sextán prósent, á afar svörtum degi í bandarískum fjármálalífi.

Sjá næstu 50 fréttir

Mest lesið