Fleiri fréttir

Langmest verðbólga hér

Verðbólga er langmest á Íslandi af öllum Norðurlöndunum samkvæmt samræmdri vísitölu neysluverðs sem Hagstofa Evrópu birti í vikunni. Í Vegvísi Landsbankans segir frá því að verðbólgan hér á landi mælist þrjú prósent á meðan hún er 0,7 til 1,4 prósent á hinum Norðurlöndunum.

Milljón pund fyrir salmonellunammi

Sætindarisinn Cadbury hefur verið sektaður um eina milljón punda, rúmlega 122 milljónir króna, eftir að fjörutíu veiktust í kjölfar þess að hafa gætt sér á súkkulaðistykki frá fyrir­tækinu. Salmonellan varð til þess að Cadbury sá sig knúið til að endurkalla meira en milljón súkkulaðistykki í Bretlandi.

Fresturinn rennur út í dag

Þeir hluthafar sem enn hafa ekki samþykkt yfirtökutilboð Novators, eignarhaldsfélags Björgólfs Thors Björgólfssonar, verða að gera það fyrir klukkan fjögur í dag. Geri þeir það ekki hafa þeir ekki rétt á viðbótargreiðslu, fari svo að Novator selji Actavis áfram til þriðja aðila innan tólf mánaða.

Nálgast þúsund milljarða

Bein fjármunaeign Íslendinga erlendis nam 952,1 milljarði króna undir lok síðasta árs, eða sem nemur rúmlega áttatíu prósentum landsframleiðslu, samkvæmt nýbirtum tölum Seðlabanka Íslands.

Novator nær fullum yfirráðum yfir Actavis

Upphafsstafur:Novator, fjárfestingarfélag Björgólfs Thors Björgólfssonar, hefur tryggt sér yfir 90 prósent hlutafjár í Actavis. Við þetta myndast söluskylda hjá eftirstandandi hluthöfum. Novator eignast Actavis að fullu og félagið verður í framhaldinu skráð af markaði. Yfirtakan er sú stærsta í Kauphöllinni hér til þessa.

Óbreytt verðbólga í Evrulandi

Verðbólga í þeim þrettán löndum sem nota evruna sem gjaldmiðil hélst óbreytt frá fyrri mánuði í júní samkvæmt tölum frá Hagstofu Evrópu. Verðbólgan mælist 1,9 prósent og er því rétt undir markmiði Seðlabanka Evrópu um tveggja prósenta verðbólgu.

Skoða sögur af illri meðferð verkafólks

Bresku verslanakeðjurnar Tesco og Asda kanna nú réttmæti staðhæfinga um að illa sé farið með starfsfólk fataverksmiðja í Bangladesh, sem keðjurnar skipta báðar við.

Skrítinn hlutabréfamarkaður

Ímyndum okkur að við gætum séð fyrir hvenær best væri að kaupa og selja hlutabréf. Við mundum þá kaupa hlutabréf þegar hlutabréfaverð væri lágt en selja þau svo aftur þegar verð þeirra væri orðið hátt, og lækkun þeirra væri fyrirsjáanleg. Líklega er þetta ekki hægt, en ef svo væri þá væri hægt að hagnast óheyrilega. Við skulum athuga hvort þetta hafi verið möguleiki á íslenska hlutabréfamarkaðnum.

SPRON verður hlutafélag skráð í kauphöll

Stefnt er að hlutafélagavæðingu Sparisjóðs Reykjavíkur og nágrennis (SPRON) og skráningu í Kauphöllina fyrir lok septembermánaðar. Að beiðni stjórnar SPRON hefur Capacent lokið mati á verðmæti sjóðsins. Undir lok næsta mánaðar verður leitað samþykkis stofnfjáreigenda eftir löglega auglýstan fund.

Strandhögg víkinga á Bretlandseyjum

Breska stórblaðið The Guardian gerði á dögunum svokallaða víkingainnrás að umfjöllunarefni. Er þar átt við aukna þátttöku norrænna fyrirtækja og kaupsýslumanna á Bretlandsmarkaði.

Fjármunaeign erlendra aðila hér á landi 540 milljarðar króna

Bein fjármunaeign erlendra aðila á Íslandi nam tæpum 540 milljörðum króna á síðasta ári samkvæmt hálffimm rétt greiningardeildar Kaupþings banka. Aðilar með lögheimili í Hollandi voru stórtækastir og var bein fjármunaeign þeirra 212 milljarðar króna. Helst var fjárfest í fjármálaþjónustu og stóriðju.

Vestræn risapanda reynist ansi arðbær

Risapandan Huamei eignaðist sitt þriðja par af tvíburum á dögunum. Huamei er óvenjuleg panda að því leyti að hún fæddist og komst á legg í vestrænu samfélagi, óravegu frá náttúrulegum heimkynnum panda í Asíu. Hún fæddist í Bandaríkjunum fyrir átta árum. Nafn hennar er blanda af orðunum Kína og Ameríka.

Novator komið með 90% hlutafjár í Actavis

Novator hefur tryggt sér vilyrði fyrir yfir 90% hlutafjár í Actavis. Samkvæmt yfirtökutilboði rennur tilboðsfrestur út á morgun, miðvikudag. Þeir hluthafar sem hafa ekki þegar samþykkt tilboðið hafa því frest til morguns til að ganga frá samþykki. Að öðrum kosti öðlast þeir ekki rétt til viðbótargreiðslu ef Novator selur hlut sinn innan 12 mánaða.

Yfirtöku á Actavis að ljúka

Novator, fjárfestingarfélag Björgólfs Thors Björgólfssonar, hefur tryggt sér vilyrði fyrir yfir 90 prósentum hlutafjár í Actavis, að teknu tilliti til eigin hluta og hluta í eigu Novators, að því er fram kemur í tilkynningu félagsins.

Vísbendingar um aukna einkaneyslu

Einkaneysla virðist hafa aukist á vormánuðum þessa árs eftir stöðnun á fyrsta ársfjórðungi. Nýjar tölur um veltu debet- og kreditkorta í júní, sem Seðlabankinn birti nýverið, gefa vísbendingu um þetta.

Reynslan er aðalatriðið

Reynsla af stjórnun og eignarhald skipta meira máli en menntun þegar kemur að vali í stjórnir fyrirtækja. Þetta sýnir ný samantekt Samtaka atvinnulífsins á upplýsingum um bakgrunn stjórnarmanna í fimmtán stórum fyrirtækjum á íslenska hlutabréfamarkaðnum.

Lækkandi verðbólga

Ísland hefur færst niður um tvö sæti á lista yfir ríki Evrópska efnahagssvæðisins sem búa við mestu verðbólgu samkvæmt hálffimm fréttum greiningardeildar Kaupþings. Í maí var Ísland í 6. sæti en er nú komið í 8. sæti. Tólf mánaða verðbólga á Íslandi lækkaði um 1 prósent við síðustu mælingu á vísitölu neysluverðs. Búast má við áframahaldandi lækkun verðbólgu að mati Kaupþings banka.

Engin venjuleg mús

Microsoft hefur sent frá sér nýja tölvumús, svokallaða Wireless Notebook Presenter Mouse 8000, sem býr yfir ýmsum skemmtilegum notkunarmöguleikum og beðið hefur verið eftir með mikilli eftirvæntingu.

Fjarskiptatæknin hefur slæm áhrif á minni fólks

Samkvæmt könnun sem gefin var út á föstudaginn í London, hafa farsímar og önnur fjarskiptatæki slæm áhrif á minni fólks. Fjórðungur þeirra sem spurðir voru sögðust ekki muna númerið í heimasímanum sínum. 2/3 af þeim sem svöruðu gátu ekki munað afmælisdaga þriggja vina eða fjölskyldumeðlima án þess að fletta því upp.

Þegar iPodinn frýs

Nokkur ráð til að koma frosnum iPod í gang. Margir iPod-eigendur lenda í því að iPodinn þeirra frýs eða lætur öllum illum látum. Yfirleitt er þó ekki flókið að koma honum í samt lag og oft bara nóg að endurræsa hann.

Gagnvirk ferðaþjónusta

Look and book er gagnvirk bókunarþjónusta fyrir ferðamenn. Þar er hægt að skoða, bóka og borga allt í einu. Standarnir eru víða um land á fjölförnum ferðamannastöðum og í verslunum N1, Eymundsson, á Park- Inn hótelunum og á BSÍ.

Nýtt lyf gegn reykingum

Nikótínlyf seljast í tonnavís á ári hverju og dæmi eru um að fólk verði jafnháð lyfjunum eins og tóbakinu sjálfu. En nú er komið nýtt lyf á markaðinn, Champix, sem ekki inniheldur nikótín og fær jafnvel hörðustu reykingamenn að snúa bakinu við tóbakspúkanum fyrir fullt og allt.

Andlitin á vefnum

Netsamfélög á borð við MySpace hafa náð gífurlegum vinsældum. Nýjasta æðið er Facebook. Við þurfum ekkert að fara út lengur. Við hittum vinina á netinu. Spjöllum á spjallrásum, skiptumst á skoðunum á bloggi, látum í okkur heyra og sjá hjá netsamfélögum á borð við MySpace, Ringo og Flickr.

Stöðugur markaður

Úrvalsvísitalan stóð í stað í talsverðum viðskiptum í Kauphöll Íslands, Krónan lækkaði um 0,08 prósent.

Náungakærleikur Linux

Stýrikerfið ubuntu er notendavæn útgáfa af Linux sem hentar hinum almenna tölvunotanda. Linux-stýrikerfið hefur oftast verið þekkt fyrir flóknar lausnir. Þó helst meðal almennra notenda, því þeir sem hafa tölvur að atvinnu hafa löngum verið hrifnir af stýrikerfinu.

Bestir í Tékklandi

Wood and Company, sem er að helmingshlut í eigu Straums-Burðarás, hefur hlotið verðlaun viðskiptatímaritsins Euromoney sem besta hlutabréfamiðlun í Tékklandi.

Eitt prósent atvinnuleysi

Þrátt fyrir samdrátt í landsframleiðslu og minnkandi hagvöxt, hefur atvinnuleysi ekki aukist.

Gengisþróun ýtti undir hagnað

Rekstrarhagnaður fyrirtækja jókst milli áranna 2004 og 2005 samkvæmt nýútkominni skýrslu Hagstofu íslands. Í yfirlitinu eru fyrirtæki í öllum atvinnurekstri.

Kaupa tékkneskt fyrirtæki

Bakkavör hefur fest kaup á 51 prósents hlut í tékkneska matvælafyrirtækinu Heli Food Fresh. Í kaupsamningnum felst jafnframt skuldbinding um að kaupa eftirstandandi hluti í fyrirtækinu í apríl árið 2010.

Kaupir stærstu Toyotasölu Dana

Magnús Kristinsson hefur keypt á fjölskyldufyrirtækið Krogsgaard-Jensen, stærsta söluaðila Toyota í Danmörku. Gengið var frá sölunni í gær.

Rio Tinto kaupir Alcan

Ástralska námufyrirtækið Rio Tinto hefur gert formlegt kauptilboð í kanadíska álfyrirtækið Alcan, sem á álverið í Straumsvík, sem miðar við 101 Bandaríkjadal á hlut. Stjórn Alcan mælir með tilboðinu.

Karlar líklegri til að vinna

Tæplega fjórðungur fólks í fæðingarorlofi sinnir starfi sínu að einhverju leyti á meðan á orlofi stendur. Yfirstjórnendur eru líklegastir til að taka vinnuna með sér í orlofið; gera það í 65 prósentum tilvika.

Actavis hækkaði mest

Bréf í Actavis hækkuðu mest allra í Kauphöll Íslands í dag. Heildarvelta nam rúmlega tíu milljörðum króna.

Toyota á Íslandi kaupir stærsta Toyotaumboð Danmerkur

Eigandi Toyota á Íslandi, hefur fest kaup á stærsta söluaðila Toyota í Danmörku. Magnús Kristinsson og Kresten Krogsgaard-Jensen, undirrituðu samninga þessa efnis í dag. Danska umboðið seldi um 1.560 nýja bíla í fyrra, um 8% af nýskráðum Toyota bifreiðum í Danmörku. Toyota á Íslandi seldi 5.285 nýja bíla á síðasta ári.

Rio Tinto kaupir Alcan

Bresk-ástralska námufyrirtækið Rio Tinto hefur lagt fram samþykkt kauptilboð í kanadíska álfyrirtækið Alcan, móðurfélag Alcan á Íslandi, sem rekur álverið í Straumsvík. Samkvæmt því myndi Rio Tinto greiða jafnvirði rúmlega tvö þúsund milljarða íslenskra króna fyrir Alcan.

Íbúðaverð dregur verðbólguvagninn

Vísitala neysluverðs hækkaði um 0,22 prósent í júlí og mælist 12 mánaða verðbólga nú 3,8 prósent. Efri þolmörk Seðlabanka Íslands eru 4,0 prósent. Verðbólga væri meiri ef ekki hefðu komið til útsölur. Hún er þó meiri en greiningardeildir bankanna höfðu spáð. Umsvif á fasteignamarkaði leiða aukninguna, en greiningardeild Kaupþings spári því þó að þar hægist um þegar líða tekur á árið.

Tvíhliða skráningu Eik lokið

Hinn færeyski Eik banki var í gærmorgun frumskráður í kauphallirnar á Íslandi og í Danmörku. Skráningin fór fram í Þórshöfn við hátíðlega athöfn.

Bakkavör til Tékklands

Bakkavör hefur fest kaup á ráðandi hlut í tékkneska matvælafyrirtækinu Heli Food Fresh. Kaupverð er trúnaðarmál.

Eik í Kauphöllina

Eik banki var í morgun skráður í kauphallirnar á Íslandi og í Danmörku. Viðskipti fóru fjörlega af stað og er áætlað markaðsvirði bankans um sextíu milljarðar íslenskra króna, sé miðað við gengi bréfa í hádeginu.

Verðbólgan mælist 3,8 prósent

Vísitala neysluverðs hækkaði um 0,22 prósent frá fyrra mánuði og er nú 273 stig samkvæmt Hagstofunni. Þetta jafngildir 3,8 prósent verðbólgu síðastliðna 12 mánuði. Húsnæðiskostnaður jókst um 1,7 prósent þá aðallega vegna hækkunar á markaðsverði húsnæðis.

Forstjóralaunin fryst

Breski olíurisinn BP hefur fryst launagreiðslur til Johns Browne, fyrrum forstjóra fyrirtækisins, og Johns Manzoni, fyrrum yfirmanns olíuvinnslu og markaðsstjóra hjá fyrirtækinu. Ákvörðunin var tekin eftir að hluthafar fyrirtækisins höfðuðu mál gegn núverandi og fyrrverandi stjórnendum fyrirtækisins.

Fyrirtæki sektuð fyrir mótþróa

Yfirvöld í Afríkuríkinu Simbabve hafa sektað rúmlega 1.300 fyrirtæki þar í landi síðastliðinn hálfan mánuð og handtekið stjórnendur 33 fyrirtækja fyrir að bregðast ekki við tilskipun stjórnvalda frá í enda júní sem kveður á um að fyrirtæki lækki verð fyrir vöru og þjónustu um helming. Aðgerðin er hugsuð til að þrýsta verðbólgu í landinu niður.

Toppi náð á fasteignamarkaði

Gengi hlutabréfa í breska verktakafyrirtækinu Bovis lækkaði um rúm átta prósent á hlutabréfamarkaði í Bretlandi á mánudag eftir að það greindi frá því að eftirspurn eftir nýjum húsum í landinu hefði náð hámarki. Gengi bréfa í öðrum fyrirtækjum í sama geira lækkaði sömuleiðis um allt að 15 prósent.

Sjá næstu 50 fréttir