Rio Tinto kaupir Alcan

Bresk-ástralska námufyrirtækið Rio Tinto hefur gert formlegt kauptilboð í kanadíska álfyrirtækið Alcan, móðurfélag Alcan á Íslandi, sem rekur álverið í Straumsvík. Samkvæmt því myndi Rio Tinto greiða jafnvirði rúmlega tvö þúsund milljarða íslenskra króna fyrir Alcan.

Samkvæmt yfirlýsingu Rio Tinto mælir stjórn Alcoa einróma með samþykkt tilboðsins.

Kanadíska álfyrirtækið hafnaði fjandsamlegu yfirtökutilboði Alcan upp á jafnvirði rúmlega sextán hundruð milljarða króna fyrir skömmu og taldi stjórnin það tilboð of lágt. Hátt álverð á heimsmarkaði hefur orðið til þess að ýmis fyrirtæki á þeim markaði hafa kannað möguleikana á samruna og Alcan oft nefnt sem góður kostur til sameiningar. Sameinað fyrirtæki mun heita Rio Tinto og höfuðstöðvar þess verða í Lundúnum. Álhluti þess mun þó heita Rio Tinto Alcan með skrifstofur í Montreal í Kanada.