Fleiri fréttir

Mikilvægir styrkir

Þorbjörg Helga Vigfúsdóttir skrifar um þróunarstyrki leikskólaráðs Nýlega fengu 16 leikskólar Reykjavíkurborgar afhenta þróunarstyrki leikskólaráðs. Mikil sátt er í leikskólaráði um að skera ekki niður þessa mikilvægu styrki sem veita skólunum tækifæri til að vinna með nýjar hugmyndir, auka samstarf á milli leikskóla, hefja samstarfsverkefni og stunda rannsóknir. Sumir telja að slíkir sjóðir geti beðið á meðan það versta gengur yfir í efnahagslífinu en það getur verið afar dýrkeypt. Ekki þarf alltaf fjármagn til að skólaþróun eigi sér stað en í mörgum tilfellum er nauðsynlegt að veita starfsfólki stuðning til að hittast, gera tilraunir og tengjast.

Einn maður – eitt atkvæði

Björgvin G. Sigurðsson skrifar um kjördæmaskipan Nýlega mælti ég fyrir frumvarpi til stjórnskipunarlaga um að landið verði eitt kjördæmi. 21 þingmaður úr fjórum flokkum flytur málið og er stuðningur við þessar brýnu lýðræðisumbætur mikill í öllum flokkum og þvert á þá. Það er mikill sigur því hér er fyrst og fremst um að ræða grundvallar mannréttindi; einn maður eitt atkvæði óháð kyni, stétt eða stöðu.

Þrír mikilvægir áfangar

Steinunn Stefánsdóttir skrifar

Þeim sem láta sig jafnrétti kynjanna varða þykir oft sem baráttan sækist seint. Og ekki bara seint því ýmis teikn eru um að það sem ætti að ganga áfram virðist fara aftur á bak.

Heilagur Glinglinus

Einar Már Jónsson skrifar

Í ýmsum tungumálum eru til orð og orðtæki sem merkja einhvern óákveðinn og óljósan tíma sem er einhvers staðar afskaplega langt í burtu. Í íslensku er t.d. talað um það ár þegar jólin ber upp á páska.

Lýðræðislegra stjórnskipulag

Katrín Jakobsdóttir skrifar um háskóla Um allan heim er nú mikið rætt um hlutverk háskóla í nútímasamfélagi, stjórnun þeirra og hvernig tryggja megi akademískt frelsi, framfarir í kennslu og rannsóknum og gildi þeirra fyrir samfélagið almennt.

María eða Heilög María

María Hjálmtýsdóttir skrifar um vörumerki Þann 23. mars sl. birtist í Fréttablaðinu grein eftir Henrik Billger, forstjóra fyrirtækisins Santa Maria AB í Svíþjóð sem hann skrifaði vegna viðtals sem tekið var við mig í blaðinu nokkrum vikum fyrr. Í stuttu máli fjalla skrifin um kröfur fyrirtækis Henriks um að hætt verði að nota nafnið Santa María á veitingastað við Laugaveg 22a. Henrik hefur grein sína á því að lýsa því yfir að Íslendingar muni vinna sig út úr kreppunni (takk fyrir það). Í framhaldi af því útskýrir hann mikilvægi laga um vörumerki og hvernig vörumerki og viðskiptavild eru byggð upp. Því næst rekur hann í stuttu máli sögu fyrirtækisins sem hann er í forsvari fyrir og áður en hann lýkur skrifum sínum á óskum um að íslenskum fyrirtækjum megi vegna vel erlendis (takk fyrir það líka), sakar hann mig um að ljúga.

„Sófaspeki“ sjómanns

Úlfar Hauksson skrifar um sjávarútvegsmál Helgi Áss Grétarsson, sérfræðingur við Lagastofnun Háskóla Íslands , birti grein hér í Fréttablaðinu þann 27. mars sl. undir yfirskriftinni „Söguskoðun sófaspekinga". Í greininni er Helgi að kenna íslenskum „mennta- og gáfumennum", sem hann kallar „sófaspekinga", lexíu varðandi þróun íslenska fiskveiðistjórnunarkerfisins. Helgi setur ofan í við „sófaspekingana" fyrir skort á almennri þekkingu á þróun íslensks sjávarútvegs auk þess sem hann segir þá gefa ranga mynd af samspili gengisfellinga íslensku krónunnar og afkomu sjávarútvegsins. Ekki er ætlunin að fara nánar út í gagnrýni Helga á „sófaspekingana". Hins vegar er augljóst að upprifjun Helga á handstýrðri hagstjórn fortíðar með síendurtekinni rússíbanareið gengisfellinga íslensku krónunnar er ekki neinum bjóðandi; hvorki einstaklingum né fyrirtækjum hvort heldur sem er til sjávar eða sveita. Grein Helga undirstrikar því hina hrópandi þörf fyrir stöðugleika í efnahagsmálum til framtíðar. Til að slíkt geti orðið þarf að taka upp annan gjaldmiðil. Flestir gera sér grein fyrir þessari staðreynd og jafnframt því að eini gjaldmiðillinn sem kemur til greina er evra. Auk þess gera flestir sér grein fyrir því að evra fæst ekki nema með aðild að ESB.

Rauða rúllukragapeysan

Jón Sigurður Eyjólfsson skrifar

Ég átti auðveldara með að skilja pólitíkina hér áður fyrr. Til dæmis þegar ég vann í fiskvinnslu og kaus Alþýðubandalagið. Ekki lét ég þar við sitja heldur mætti á kosningaskrifstofu flokksins í rauðri rúllukragapeysu, sötraði kaffi og vitnaði í Stein Steinar og Bob Dylan meðan ég hallmælti auðvaldinu.

Örugg netföng

Haukur Arnþórsson skrifar um netföng Unnið er að þeirri hugmynd hér á landi að tekin verði upp örugg netföng eða þjóðarnetföng. Það eru netföng sem standa í ákveðnu sambandi við kennitölur og nafn einstaklinga, þannig að ljóst er hver er hvað á netinu þegar þau eru notuð.

Iceland Airwaves er einkaframtak

Anna Hildur Hildibrandsdóttir skrifar um Iceland Airwaves Nú í vikunni gerðist það að Icelandair, sem stendur að baki vörumerkinu Iceland Airwaves, gerði samkomulag um að ÚTÓN yrði rekstraraðili hátíðarinnar til fimm ára. Einhvern veginn hefur sá orðrómur komist á kreik að með þessu sé verið að ríkisvæða Iceland Airwaves. Og fyrirsögn föstudagsútgáfu Fréttablaðsins, „Iceland Airwaves komið í hlýjan faðm ríkisins“ ýtir undir það. Þetta rímar reyndar mjög við það orðspor að tónlistarmenn séu á jötu ríkisins og mikið ríkisstyrktir. Hér verður gerð tilraun til að leiðrétta þann misskilning.

Biðin er dýr

Ólafur Þ. Stephensen skrifar

Seinkun um ár á stóriðjuframkvæmdum vegna þess að enn hafa ekki náðst samningar um Icesave getur haft í för með sér að landsframleiðsla dragist saman um fimmtíu milljarða næstu þrjú árin. Þetta er ein af niðurstöðum hagdeildar Alþýðusambandsins, sem að beiðni Fréttablaðsins reiknaði út hvað það kynni að kosta þjóðarbúið að Icesave-viðræðurnar drægjust enn á langinn.

Talíbanar femínista

Hólmfríður Helga Sigurðardóttir skrifar

Fyrir nokkru hitti ég afganska kvenréttindakonu sem hafði verið valin úr hópi fólks til að nema við Jafnréttisskólann í Háskóla Íslands. Margt sem hún komst í tæri við hér var henni fullkomlega framandi, svo sem galtómar og hættulausar götur, sem og námskeið um kynferðisleg réttindi, sem yrði seint kennt við Háskólann í Kabúl.

Tuttugu þúsund ársverk vinnast

Ögmundur Jónasson skrifar

Atvinnuleysi er böl. Ég tek það því alvarlega þegar mér er borið á brýn að hafa stuðlað að auknu atvinnuleysi. Einmitt það gerir Magnús Orri Schram

Það vex sem að er hlúð

Jónína Michaelsdóttir skrifar

Góð vinkona mín fór nýverið með barnabörnum sínum í sundlaugina á Álftanesi. Hún naut þess að synda í lauginni og vera í heita pottinum en þau höfðu meiri áhuga á rennibrautinni. Dóttursonur hennar sem er mjög hændur að ömmu sinni kom og spurði í samúðartón hvort hún þyrði ekki í brautina.

Lögreglukórinn

Vilhjálmur H. Vilhjálmsson skrifar

Fjölmiðlar hafa að undanförnu fjallað gagnrýnislaust um nauðsyn þess að lögreglan fái auknar rannsóknarheimildir til þess að berjast gegn skipulagðri glæpastarfsemi. Hugtakið forvirkar rannsóknarheimildir lögreglu virðist vera samheiti yfir athafnir sem heimila lögreglu að hafa borgarana undi

Jörð í Afríku

Gerður Kristný skrifar

Mér var boðið í afmælisveislu til vinkonu minnar fyrir skömmu. Ekki vildi hún fá bók, geisladisk eða annað sem gaman hefði verið að velja og fá að pakka inn. Nei, hana langaði í geit eða jafnvel hænu.

Kisa-kis

Ólafur Þ. Stephensen skrifar

Jóhanna Sigurðardóttir forsætisráðherra hvatti stjórnarliðið enn og aftur til að „þétta raðirnar“ í ræðu sinni á flokksstjórnarfundi Samfylkingarinnar um helgina. Þrátt fyrir hvatningarorðin sýndi ræða forsætisráðherrans þó betur en margt annað fram á brestina í ríkisstjórnarsamstarfinu.

Vafasamir leiðangrar

Óli Kristján Ármannsson skrifar

Þras líðandi stundar er yfirþyrmandi í almennri umræðu og hverjum sem er hætt við að tapa áttum. Fram sprettur hver kreppuklámhundurinn á fætur öðrum með yfirlýsingar um yfirvofandi greiðsluþrot þjóðarinnar, getuleysi fólks til að standa undir skuldum sínum, meint aðgerðaleysi stjórnvalda, bankanna og um hverja þá aðra sem mögulega er hægt að beina að fingri.

Minni hagsmunir ofar meiri

Þorsteinn Pálsson skrifar

Yfirlýsing Samtaka atvinnulífsins, sem réttilega segir að ríkisstjórnin hafi ýtt þeim út úr stöðugleikasáttmálanum, hefur óveruleg bein áhrif. Samtökin hafa einfaldlega ekkert vopn í hendi til að ógna með. Yfirlýsingin varpar hins vegar ljósi á tvö pólitísk atriði sem vert er að gefa gaum.

Að slíta í sundur friðinn

Eitt af því sem hefur því miður einkennt okkur Íslendinga eftir hrunið er skortur á samstöðu. Í mörgum mikilvægum málum hefur þjóðin skipst í fylkingar og hver höndin verið upp á móti annarri. Þetta hefur síðan valdið því að lausn mikilvægra mála hefur tafist úr hófi. Þegar frá líður verður það væntanlega verkefni sagnfræðinga eða jafnvel sálfræðinga að greina af hverju þjóðin valdi leið sundurlyndis þegar þörfin fyrir samstöðu var meiri en nokkru sinni fyrr.

Söguskoðun sófaspekinga

Ófá íslensk mennta- og gáfumenni virðast endalaust geta framleitt hugmyndir sem til þess eru fallnar að skekkja eða veita furðulega mynd af þróun íslenskrar fiskveiðistjórnar.

Hollustubyltingin I: Heilbrigðiskerfi fólksins

Jón Óttar Ragnarsson skrifar

Nýlegar deilur um fæðubótarefni minna okkur á hin stöðugu átök innan heilbrigðisgeirans milli gamla tímans sem vill njörva allt við hefðbundna farvegi og hinna sem vilja stórauka áherslu á forvarnir og lýðheilsu.

Seðlabankinn tekur „Schacht" á evrubréf

Friðrik Indriðason skrifar

Seðlabanki Íslands greip tækifærið þegar forseti Íslands ákvað að vísa Icesave frumvarpinu í þjóðaratkvæðagreiðslu um síðustu áramót. Segja má að bankinn hafi tekið „Schacht" snúning á alþjóðamarkaðinum með ríkisskuldabréf og létt skuldabyrði ríkissjóðs um yfir tug milljóna evra.

Málefnaleg sjónarmið ráði

Steinunn Stefánsdóttir skrifar skrifar

Frétt blaðsins í gær um mismunun við úthlutun á matargjöfum hjá Fjölskylduhjálp Íslands hefur vakið sterk viðbrögð. Því miður virðist sumum þykja réttmætt að Íslendingar njóti forgangs fram yfir útlendinga þegar matargjöfum er úthlutað. Krafan um að málefnaleg sjónarmið ráði för við úthlutun mataraðstoðar er þó sterkari.

3.300 atvinnulausir vegna Icesave

Magnús Orri Schram skrifar skrifar

Kostnaður okkar við að ljúka ekki Icesave kemur betur og betur í ljós. Fyrir rúmri viku sagði Seðlabankastjóri að mesta hindrunin í vegi fyrir frekari vaxtalækkun væri óleyst deilan um Icesave. Áhættusamt sé að afnema höft eða lækka vexti í stórum skrefum að óbreyttu.

Fimm prósent menn

Páll Baldvin Baldvinsson skrifar

Grátkór íslenskra útvegsmanna hefur starfað hér á landi svo lengi sem elstu menn muna. Lengi naut kórasambandið þess skilnings hjá framkvæmdar- og löggjafarvaldi að hag landsmanna var stýrt með handafli eftir því hvernig stóð á í bókum stórra og smárra útgerða. Fiskverð og fjárfestingar útgerða réðu því hvað sokkapar kostaði iðnverkakonu og afgreiðslumann. Gengið var látið hoppa upp og niður eftir hag útgerðarinnar.

Eldri borgarar mótmæla

Landssamband eldri borgara mótmælir harðlega þeirri ósvífni stjórnvalda, sem kemur fram í niðurskurði hvað varðar hjúkrunarheimili fyrir aldraða og öryrkja og lyfjakostnaði sömu hópa. Þá mótmælir sambandið því samráðsleysi, sem viðgengst á flestum sviðum hvað þessi mál varðar og virðist einnig einkenna margar ráðstafanir þessarar ríkisstjórnar. Krefjumst við breytinga þar á.

Nú er það bannað

Ragnheiður Tryggvadóttir skrifar

Strippdans hefur verið bannaður á Íslandi. Þetta eru stórtíðindi út af fyrir sig en áður höfðu kaup á vændi verið bönnuð. Ferskir vindar kynjajafnréttis blása um Alþingi, var haft eftir þingmanni í blaðinu í gær. Ég hlýt að gleðjast yfir þessum áfanga, kvenremban sem ég er. Mér hefur alltaf verið illa við útgerð á nöktum stúlkum.

Við Persaflóa

Þorvaldur Gylfason skrifar

Enginn er eyland. Þjóðir heimsins kaupa í síauknum mæli vörur og þjónustu hver af annarri. Að því marki eru einkum tvær leiðir færar. Önnur leiðin er að flytja inn afurðir, sem útlendingar framleiða heima hjá sér. Hin leiðin er að flytja inn aðföng, bæði vélar og verkafólk og kaupa af því vörur og þjónustu til heimabrúks eða útflutnings. Flestar þjóðir gera hvort tveggja í ýmsum hlutföllum.

Kornin í mælinum

Samtök atvinnulífsins og ASÍ hófu vinnu að gerð víðtæks sáttmála á vinnumarkaði með aðkomu stjórnvalda fyrir rúmu ári síðan þegar endurskoðun kjarasamninga á almennum vinnumarkaði fór fram. Niðurstaða þess starfs var stöðugleikasáttmálinn, með aðild helstu samtaka á vinnumarkaði og stjórnvalda, sem undirritaður var 25. júní 2009.

Það er eitthvað mikið að

Ég horfði á Spaugstofuna í gærkvöldi og finnst sem þættirnir hafi breyst að undanförnu. Þessi spéspegill hefur stundum verið þunnur, en oftast verið hægt að brosa að mörgu, jafnvel hlæja upphátt.

Hverjir eru málsvarar barna?

Árið 2009 vakti skólamálanefnd Félags leikskólakennara athygli á barnvænu samfélagi meðal annars með skrifum í dagblöð og í rit kennarasamtakanna, Skólavörðuna. Þetta málefni var sett á starfsáætlun félagsins og segja má að það hafi náð hápunkti með málþingi um Barnvænt samfélag sem haldið var í samstarfi við Samtök atvinnulífsins og Heimili og skóla í nóvember síðasliðnum.

Nafnleynd, peningar, stjórnmál

Reikningar, sem Sjálfstæðisflokkurinn birti tilneyddur í byrjun vikunnar með upplýsingar um styrki til flokksins árin 2002 til 2006, sýna að tveir lögaðilar skera sig úr í rausnarskapnum: FL Group styrkti flokkinn um 30 milljónir en Landsbankinn um 44 milljónir. Þetta eru langhæstu tölur sem sést hafa um styrki einstakra lögaðila til íslensks stjórnmálaflokks. Samkvæmt tölunum sem birtar voru hefur Sjálfstæðisflokkurinn fengið 285 milljónir á þessum árum. Þó eru ekki öll kurl komin til grafar. Margir sem styrktu flokkinn um milljónir óska nafnleyndar . Þarna eru engar tölur um styrki til landsfélaga eða aðildarfélaga flokksins. Ekki tölur um styrki til einstakra frambjóðenda.

Íslendingar munu vinna sig út úr kreppunni.

Henrik Billger skrifar

Farsæl viðskipti fyrirtækis míns, Santa Maria AB, við Íslendinga hafa sannfært mig um að á Íslandi býr atorkusöm þjóð sem lætur ekki tímabundna erfiðleika buga sig.

Hver vill leið B?

Óli Kristján Ármannsson skrifar

Enn er hver höndin komin upp á móti annarri í björgunarbátnum sem þjóðin velkist í eftir skipbrot stjórnarhátta undangenginna áratuga, hrun krónunnar og fjármálafyrirtækjanna. Síðasti afleikurinn í óhappasögu þessarar þjóðar er upphlaup Samtaka atvinnulífsins (SA) vegna þess að ríkisstjórnin fór ekki að vilja útvegsmanna við endurskoðun á úthlutun veiðiheimilda á skötusel. Samtökin segja ákvörðunina „kornið sem fyllti mælinn" og hafa sagt sig frá stöðugleikasáttmálanum.

Aukið öryggi og ánægðari farþegar

Starfsmenn Strætó bs. fagna þessa dagana frábærum árangri á tveimur sviðum, sem full ástæða er til að halda á lofti: Á dögunum fékk fyrirtækið forvarnaviðurkenningu VÍS fyrir góðan árangur í forvarnamálum - og í síðasta þjónustumati mældist gæðavísitala Strætó bs. hærri en nokkru sinni. Hvort tveggja má þakka samstilltu átaki frábærra starfsmanna sem kappkosta að bjóða farþegum hagkvæman, öruggan og umhverfisvænan valkost í samgöngum.

Að snupra siðferðið

Kolbeinn Óttarsson Proppé skrifar

Sérkennileg umræða hefur komið upp í kjölfar hugmynda um að hernaðarfyrirtæki frá Hollandi hefji starfsemi á Suðurnesjum.

Seðlabankinn á að framkvæma, ekki vara við

Umræður um hvort eða hvenær bankastjórn Seðlabankans hafi „varað við“ hættu á falli fjármálakerfisins eru marklausar því sem sjálfstætt stjórnvald hafði bankinn ekki aðeins þá skyldu að grípa til aðgerða heldur bar honum að koma tillögum um úrbætur skýrt á framfæri og fylgja þeim eftir.

Galopið VR

Björn S. Lárusson viðskiptafræðingur skrifar grein er birtist í Fréttablaðinu í gær, 23. mars. Heldur hann uppteknum hætti og leitast við að gera þá tortryggilega sem starfa fyrir VR, í stað þess að höfða til félagsmanna á forsendum eigin verðleika og stefnu.

Líkamsárásin

Einar Már Jónsson skrifar

Þetta gerðist fyrir skömmu í framhaldsskóla í úthverfi skammt fyrir vestan París. Kennslukonan ætlaði að fara að tala við bekkinn um gamanleiki og slíkt, en þá datt henni í hug að spyrja nemendurna um það hvað þeim fyndist sjálfum vera fyndið, hvers konar gamansögur þeir segðu sín á milli. Nemendurnir urðu hissa andartak, litu hver á annan, og sögðu svo allir einum rómi: „Jússef, segðu nú eina sögu!" Jússef hikaði og lét ganga á eftir sér, en svo kom sagan:

Búið að kjósa um kvótann

Fyrir alþingiskosningar lofuðu núverandi stjórnarflokkar að fiskveiðiauðlindin yrði í þjóðareign og að látið yrði af mannréttindabrotum. Þegar Jón Bjarnason sjávarútvegsráðherra og Atli Gíslason, formaður sjávarútvegs- og landbúnaðarnefndar, voru í stjórnarandstöðu fluttu þeir sérstakt þingmál ásamt þingmönnum Frjálslynda flokksins, um að breyta stjórn fiskveiða í samræmi við úrskurð Mannréttindanefndar SÞ.

Helgar tilgangurinn meðalið?

Nú hafa ýmsir fulltrúar Samfylkingarinnar látið hafa eftir sér stuðning við áform um að E.C.M. Program ltd., fyrirtæki sem í raun er einkaher, fái aðstöðu á Suðurnesjum. Ef rétt er eftir þeim haft þá er mér verulega misboðið.

Kynþáttahatur á Netinu

Í ávarpi sínu, í tilefni af Alþjóðadegi baráttu gegn kynþáttamisrétti 21. mars, lögðu mannréttindanefndir Evrópuráðsins og Evrópusambandsins áherslu á baráttu gegn dreifingu kynþáttahaturs á veraldarvefnum. Varað er við því að kynþáttahatarar hafi tekið Netið í þjónustu sína þar sem þeir breiði út óhuggulegan boðskap sinn sem nái þar einkum til ungs fólks. Við þessu verði að bregðast af krafti.

Trúaðir segja nei

Ólafur Þ. Stephensen skrifar

Viðbrögð Vinstri grænna við hugmyndum, sem Fréttablaðið sagði frá í síðustu viku, um að byggð verði upp á Keflavíkurflugvelli miðstöð hollenzks fyrirtækis, sem leigir út óvopnaðar herþotur til þátttöku í heræfingum, hafa verið býsna eindregin. Fyrirtækið er einkarekið og tengist hernaði. Hvort tveggja dugir til að ýta á takka á Vinstri grænum, sem framkallar strax einróma, þvert nei.

Vert er að benda á

Alex Jurshevski skrifar

Eins og margir vita höfum við komið nýlega fram í fjölmiðlum og átt fundi með embættismönnum, ríkisstjórninni, aðilum úr einkageiranum, og almennum borgurum. Við höfum rætt við tvær fastanefndir Alþingis um hvernig Recovery Partners geta hugsanlega aðstoðað við að bæta skuldastöðu íslenska ríkisins.

Sjá næstu 50 greinar

Mest lesið