Áttburamamman sýnir örin

Áttburamóðirin Nadya Suleman, 35 ára, sýnir örin sem hún hlaut í kjölfar meðgöngunnar þegar hún gekk með átta börn fyrir tæpum þremur árum... Fæðing áttburanna vakti heimsathygli þegar Nadya, þá sex barna móðir, varð skyndilega fjórtán barna móðir. Nadya, sem eignaðist áttburana með aðstoð sæðisgjafa, leitar allra leiða til að auka tekjurnar og baðar sig í sviðsljósinu hvort sem um er að ræða raunveruleikasjónvarpsþátt þar sem börnin fara með aðalhlutverkin eða myndatökur eins og þessa. Sjá myndir hér.

Þriðja barnið á leiðinni

Leikarahjónin Ben Affleck, 39 ára, og Jennifer Garner, 39 ára, sem giftu sig árið 2005, eiga von á þriðja barninu. Fulltrúi staðfesti fréttirnar með tilkynningu sem var send til fjölmiðla í dag: Jen og Ben eru í skýjunum yfir að þriðja barnið er á leiðinni. Fjölskylduna má skoða í meðfylgjandi myndasafni.

Rúnar kominn með hundrað verðlaun

„Ég var að telja þetta saman fyrir nokkrum dögum og þau eru orðin slétt hundrað. Þau síðustu fékk ég fyrir bestu leikstjórn í kvikmyndinni Eldfjall á kvikmyndahátíð í Transylvaníu,“ segir íslenski leikstjórinn Rúnar Rúnarsson. Hann er sennilega orðinn sá íslenski leikstjóri sem hlotið hefur flest verðlaun því kvikmyndir hans hafa hlotið hundrað verðlaun á kvikmyndahátíðum um allan heim.

Hvaða yngingarlyf tekur þú inn Angelina?

Leikkonan Angelina Jolie, 36 ára, var mynduð í Króatíu um helgina. Þar hitti hún forseta landsins, Ivo Josipovic, til að ræða afleiðingar styrjaldarinnar í Króatíu árið 1990 og framtíðarlausnir. Eins og sjá má á myndunum var Angelina stórglæsileg með slegið hárið í svörtum kjól.

Sjö erlendir fyrirlesarar staðfestir

Sjö erlendir fyrirlesarar hafa verið staðfestir á alþjóðlegu ráðstefnuna You Are In Control sem verður haldin í fimmta sinn í Hörpunni 10. til 12. október.

Mugison flytur á mölina

Einn dáðasti sonur Vestfjarða, Örn Elías Guðmundsson eða Mugison, er fluttur á mölina og hyggst setjast á skólabekk í haust. Hann ætlar jafnframt að stjórna rokkhátíðinni Aldrei fór ég suður með harðri hendi gegnum tölvupóst. „Enda býr rokkstjórinn Jón Þór Þorleifsson líka hérna fyrir sunnan og við tveir getum bara sent skeyti vestur og látið aðra um að púla fyrir okkur.“

Hvað er í gangi hérna Hasselhoff?

Meðfylgjandi má sjá David Hasselhoff syngja og dansa á næturklúbbnum G-A-Y í London um helgina. Ég hef upplifað óteljandi hluti og reyni að miðla reynslu minni eins og þegar ég reyndi að bjarga heiminum en gleymdi að bjarga mér sjálfum," lét David hafa eftir sér. Kappinn sló í gegn í dans- og söngatriðinu eins og sjá má á myndunum.

Skemmtu sér á Lebowski-hátíð

„Þetta var algjör snilld og það var fáránlega mikið af fólki,“ segir Svavar Helgi Jakobsson. Hann fór í mikla pílagrímsför til New York ásamt vini sínum, Ólafi Jakobssyni, þar sem helstu leikarar költ-gamanmyndarinnar The Big Lebowski voru samankomnir á stórri aðdáendahátíð.

Sveitin fæddist tilbúin

Hljómsveitin ADHD hefur gefið út sína aðra breiðskífu, sem heitir því ágæta nafni ADHD2. Platan er tekin upp í Vestmannaeyjum, þar sem þeir félagar voru helst áreittir af gömlum körlum í sundlauginni.

Pósa fyrir Kardashian brúðkaup

Lindsay Lohan, 25 ára, og mamma hennar, Dina, stilltu sér upp fyrir Kardashian brúðkaupið sem fór fram síðasta laugardag. Mæðgurnar sem voru á meðal 440 gesta sem voru viðstaddir athöfnina voru klæddar í síða kjóla með uppsett hárið eins og sjá má á myndunum.

Stjörnustælar í minni

Í meðfylgjandi myndasafni má sjá Jennifer Lopez, 42 ára, taka á móti börnunum sínum, tvíburunum Max og Emme, þar sem hún var við tökur á nýju tónlistarmyndbandi við lagið Papi. Þá má sjá Jennifer keyra um á Fiat bifreið með aðdáendur hlaupandi á eftir sér. Jennifer er fræg fyrir primadonnustæla en fólkið sem vinnur með henni við tökur á kvikmyndinni What to Expect When You're Expecting er orðið langþreytt á kröfunum. Búningsherbergi Jennifer þarf að vera skjannahvítt eins og það leggur sig svo henni líði vel þar inni, og það á við um allan húsbúnaðinn líka. Þá eru sérsniðnar reglur í kringum Jennifer um að enginn má svo mikið sem yrða á hana nema viðkomandi hafi fengið sérstakt leyfi fyrirfram.

Myndir og video úr brúðkaupi Kardashian

Raunveruleikasjónvarpsstjarnan Kim Kardashian giftist körfuboltamanninum Kris Humphries um helgina. Þrátt fyrir að tímaritið People hafi keypti einkarétt á því að birta myndir úr brúðkaupinu hefur sjónvarpsstöðin E! póstað nokkrum skjáskotum eins og sjá má í myndasafni. Brúðkaupið verður auðvitað hluti af raunveruleikaþætti Kardashian sem verður sýndur í október á sjónvarpsstöðinni E!.

Þjáist af bakverkjum

Victoria Beckham er of veikburða til að geta haldið á nýfæddri dóttur sinni, Harper Seven. Victoria, sem eignaðist dótturina fyrir nokkrum vikum, þjáist af miklum verkjum í baki sem komu upp þegar barnið var tekið með keisaraskurði.

Ungur hugsjónamaður á BMX-hjóli

"Fyrst var gert svolítið grín að mér og sagt að ég væri alltaf á þessu hjóli en nú eru allir hættir því. Þegar maður er líka farinn að gera flott myndbönd þá öðlast maður smá virðingu,“ segir Magnús Þórlindsson, ungur BMX-hjólreiðamaður á Selfossi. Hann hefur sýnt áhugamálinu sínu mikla ástríðu þrátt fyrir að vera nánast sá eini í bæjarfélaginu sem hjólar á slíku hjóli. Hann tekur til að mynda strætó með hjólið sitt yfir Hellisheiðina allar helgar til að æfa sig í Reykjavík því aðstaðan, að hans sögn, er ekki uppá marga fiska í heimabænum.

Ha var brúðkaupið flipp á fylleríi?

American Pie leikkonan Tara Reid, 35 ára, hætti í febrúar á þessu ári með danska viðskiptamanninum Michael Lillelund eftir þriggja mánaða samband en í meðfylgjandi myndasafni má sjá þau saman í París. Tara, sem hefur átt við áfengisvandamál að stríða í gegnum tíðina, giftist skyndilega manni að nafni Zack Kehayov þar síðustu helgi í Grikklandi. Daninn kom af fjöllum þegar hann frétti af brúðkaupi Töru en lét hafa eftir sér að hann væri ekki sá heppni í þetta sinn og óskaði nýgiftu hjónunum góðs gengis. Meðfylgjandi má sjá myndir sem leikkonan póstaði á Twitter síðunni sinni úr brúðkaupsferðinni en margir sem þekkja til hennar vilja meina að hún líti ekki út fyrir að vera edrú á myndunum. Nýgift í Grikklandi. Ég elska að vera eiginkona! skrifaði Tara jafnframt á Twitter.

Dætur Demi flýja ljósmyndara

Dætur Bruce Willis og Demi Moore, Rumer og Scout Willis, voru myndaðar yfirgefa Adele tónleika í Hollywood 17. ágúst síðastliðinn. Eins og sjá má í myndasafni er Scout eins og snýtt úr nösum föður síns. Þau eru nákvæmlega eins burtséð frá hárgreiðslunni. Tallula, þriðja systirin, var fjarri góðu gamni.

Elsa María gerist vínframleiðandi

„Nei, ég átti nú ekki von á því að enda sem vínframleiðandi,“ segir fyrrverandi Kastljósstjarnan Elsa María Jakobsdóttir.

Diaz og Lopez engar vinkonur

Leikkonurnar Jennifer Lopez og Cameron Diaz fara báðar með hlutverk í kvikmyndinni What to Expect When You're Expecting og að sögn heimildarmanna andar köldu á milli leikkvennanna.

Boðið upp á bíó í fjórvídd

Þeir sem fara á kvikmyndina Spy Kids 3 í bíó geta kynnst fjórvíddarbíói. Auk þrívíddargleraugna fá þeir afhent lyktarspjald við innganginn.

Kardashian giftist sínum heittelskaða

Raunveruleikasjónvarpsstjarnan Kim Kardashian giftist körfuboltamanninum Kris Humphries í gær.

Á stefnumót

Það er greinilegt að Lindsay Lohan er í makaleit en hún hefur sést á stefnumótum með þremur mönnum á síðustu vikum. Nú síðast skemmti daman sér prýðilega með hávöxnum dökkhærðum manni á tónleikum bresku söngkonunnar Adele í Los Angeles.

Bieber fær götu nefnda eftir sér

Á meðan flestir jafnaldar hans eru að öngla saman fyrir fyrstu fartölvunni hefur gata verið nefnd eftir ungstirninu Justin Bieber. Ellefu ára gömul Texas-mær kom því í gegn þegar hún varð bæjarstjóri í smábænum Forney í Texas í einn dag.

Fengu forskot á Game of Thrones sæluna

Sýningar á sjónvarpsþáttunum Game of Thrones hefjast á Stöð 2 annað kvöld. Óhætt er að segja að mikil eftirvænting ríki fyrir þáttunum og því var mikil spenna í Bíói Paradís í gær þar sem sérstök forsýning var á fyrstu tveimur þáttunum.

Rokk og plokkfiskur

Haukur S. Magnússon hefur fengið foreldra sína í heimsókn frá Ísafirði yfir Menningarnótt. Saman bjóða þau til veislu úti á Granda í kvöld.

Fjölmennt á fatahönnunarkeppni

Úrslitakvöld fatahönnunarkeppninnar Reykjavík Runway fór fram á fimmtudagskvöldið og fjölmennti áhugafólk um íslenska tísku í Hafnarhúsið. Harpa Einarsdóttir bar sigur úr býtum en þarna sýndu einnig merkin Eygló, Shadow Creatures og Rosa-Bryndís.

Gott kynlíf lykillinn að góðu hjónabandi

Stórleikarinn Jeff Bridges hefur verið kvæntur konu sinni, Susan Geston, frá árinu 1977 og eiga þau hjónin saman þrjár dætur. Í nýlegu viðtali sagði Bridges að lykillinn að farsælu hjónabandi væri ást og nóg af kynlífi.

Gömlu brýnin komin í gull

Gleðin sveif yfir vötnum á skemmtistaðnum Vellinum á Grensásvegi á fimmtudagskvöldið þegar þrír af vinsælustu tónlistarmönnum landsins tóku við gullplötu fyrir sölu á plötu sinni. Þetta voru þeir Gylfi Ægisson, Rúnar Þór og Megas sem hafa selt yfir fimm þúsund eintök af plötunni MS GRM sem kom út á síðasta ári.

Langaði mest til að flýja land

Bókin er loksins á leiðinni, útgáfupartíið verður 25. ágúst,“ segir Tobba Marinós og á þá að sjálfsögðu við framhald metsölubókarinnar Makalaus, sem fengið hefur nafnið Lýtalaus. Blaðamanni þykir orðinu loksins eiginlega ofaukið, því aðeins er rétt rúmt ár síðan Makalaus kom út og í millitíðinni gaf Tobba út bókina Dömusiði.

Hrifin af besta vini kærasta síns

Ný kærasta leikarans George Clooney, Stacy Keibler, er sögð hrifnari af besta vini Clooney en honum sjálfum. Vinurinn sem um er rætt mun vera enginn annar en Brad Pitt.

Ósátt við skyndilega kvenhylli bóndans

Leikarinn Jason Momoa hefur slegið í gegn í hlutverki sínu sem villimaðurinn Conan úr samnefndri kvikmynd. Þessi skjóti frami hans mun ekki hafa lagst vel í sambýliskonu hans, Lisu Bonet, sem er óánægð með nýfengna kvenhylli Momoa.

Kim giftir sig í dag (loksins)

Þá eru aðeins örfáir klukkutímar þar til raunveruleikastjarnan Kim Kardashian, 30 ára, gengur í heilagt hjónband. Fjölmiðlar bíða spenntir og undirbúningur í hámarki. Í meðfylgjandi myndaalbúmi má sjá væntanlegan eiginmann Kim, körfuboltamanninn Kris Humphries, kela við Kim fyrir ljósmyndara þegar fjölskyldur þeirra æfðu sig fyrir stóra daginn. Sjónvarpsstöðin E! tekur athöfnina upp og öryggisgæslan verður skotheld. Þá má sjá loftamynd af brúðkaupstjaldinu í Santa Barbara í Kaliforníu í myndasafni.

Týnda kynslóðin fagnar frumsýningu

Meðfylgjandi myndir voru teknar í Bíó Paradís á Hverfisgötu þegar fyrsti skemmtiþátturinn í stjórn Björns Braga Arnarssonar og Þórunnar Antoníu Magnúsdóttur, Týnda kynslóðin, var frumsýndur. Margt var um manninn og frábær stemning eins og sjá má á myndunum. Þátturinn er í opinni dagskrá á Stöð 2 á föstudagskvöldum kl. 19.55.

Ætlar að hitta Dorrit í New York

„Ég er að lenda eftir kvöldið, sem var frábært í alla staði,“ segir Harpa Einarsdóttir fatahönnuður, en hún bar sigur úr býtum í fatahönnunarkeppninni Reykjavík Runway á fimmtudagskvöld.

Erum drengir í karlmannsfötum

Mér líður afskaplega vel hér á Íslandi. Ég hef ferðast töluvert um Skandinavíu en aldrei komið hingað fyrr og vissi í raun ekki við hverju ég ætti að búast. Landið er fallegt og ég hef lært smá íslensku, núna kann ég að segja „jæja“ og „förum að veiða“.

Gaga lærir á brimbretti

Lady Gaga er fær í flestan sjó. Allavega er hún farin að læra á brimbretti og stundar nú íþróttina af miklum móð í sumarfríi sínu við strendur Mexíkó. Poppdívan hefur verið mynduð við iðjuna við Puerto Vallarta og þótti standa sig nokkuð vel en hún sást þiggja ráð frá reyndum brimbrettakappa. "Miðað við byrjenda tók hún sig bara vel

Gott að fá útrás í rokkinu

Ellefu ár eru síðan fyrsta og eina plata hljómsveitarinnar Stolið kom út. Sveitin var endurvakin í fyrra og kemur fram á Menningarnótt á laugardaginn. Meðlimir Stolið eru í kringum fertugt og segja það ágætt að fá útrás fyrir barnið í sér á hljómsveitaræfingum.

Rihanna djammaði í Bergen

Gestir barsins Garage í Bergen áttu ekki von á því að enda miðvikudagskvöldið á djammi með einni af vinsælustu söngkonum heims, Rihönnu. Rihanna heldur tvenna tónleika í Bergen í vikunni og ákvað að kanna skemmtanalíf bæjarins eftir þá fyrri.

Bíddu á þetta að vera dans?

Meðfylgjandi má sjá félagana Heiðar Austmann og Svala á FM957 gera tilraun til að dansa eftir áskorun á Facebooksíðunni þeirra. Um er að ræða Blinkmints-leik á FM957 sem gengur út á að hlustendur senda inn myndband af sér dansandi við sérstak Blinkmintslag. Sjá nánar hér (Facebooksíða FM957).

Gefið prinsessunni eitthvað að borða núna

Vilhjálmur Bretaprins og eiginkona hans, hertogaynjan af Cambridge, Kate Middleton, voru mynduð saman í Birmingham í England í dag. Eins og sjá má á myndunum er prinsessan stórglæsileg í dökkbláu pilsi með slegið hárið. Það fer hinsvegar ekki fram hjá nokkrum einasta manni hvað hún hefur horast mikið á örskömmum tíma. Sjá myndirnar hér. Hér má skoða brúðarkjólinn hennar.

Hafa ekki trú á sambandinu með Jennifer

Leikarinn Justin Theroux á ekki eftir að giftast Jennifer Aniston, samkvæmt fullyrðingum vina hans sem hafa ekki mikla trú á sambandinu.

Baltasar fær nýjan frumsýningardag

Kvikmyndaverið Universal hefur ákveðið að færa frumsýningardag Contraband sem Baltasar Kormákur leikstýrir fram til 13. janúar en til stóð að myndin yrði frumsýnd um miðjan mars. Leikstjórinn leggur lokahönd á myndina um þessar mundir.

Spice Girls í Eurovision

Þó að stutt sé frá Eurovision-keppninni í Düsseldorf eru margir farnir að hugsa til næstu keppni í Aserbaídsjan. Þessa dagana loga allar Eurovision-fréttaveitur eftir að það spurðist út að hin eina sanna stelpusveit, Spice Girls eða Kryddpíurnar, gæti tekið þátt fyrir Bretlands hönd.

Lisbeth að vakna til lífsins

Það var nánast óhjákvæmilegt að Millennium-þríleikur Stiegs Larsson myndi lenda í klónum á stórlöxum í Hollywood; bækurnar seldust eins og heitar lummur og sænsku myndirnar sýndu að það var langt í frá ógerlegt verk að skila þríleiknum á hvíta tjaldið. Nú er loks að koma í ljós hvernig David Fincher sér hugarheim sænsku metsölubókanna.

Síðbúin útrás Ný danskrar

„Þetta verður í fyrsta skipti sem við spilum í Kaupmannahöfn Og raunar í fyrsta skipti sem við spilum erlendis síðan við reyndum að meika það á Englandi í „den“. Það næsta sem við höfum komist útlöndum síðan þá eru bara Vestmannaeyjar,“ segir Jón Ólafsson, hljómborðsleikari Ný danskrar.

Dorrit stal senunni

Hæ! Sæl og gott kvöld, takk fyrir að bjóða mér, sagði Dorrit Moussaieff sem stal senunni á fatahönnunarkeppni Reykjavik Runway sem fram fór í Hafnarhúsinu í gærkvöldi fyrir troðfullu húsi. Dorrit var áberandi hlý og innileg í gær eins og sjá má í meðfylgjandi myndskeiði þegar hún faðmar sigurvegarana. Takið eftir þegar sonur Hörpu Einars, sigurvegara keppninnar, faðmar mömmu sína eftir að úrslitin voru kynnt.