Stjarnan úr Brokeback Mountain dáin

Leikarinn Heath Ledger sem tilnefndur var til óskarsverðlauna fyrir leik sinn í kvikmyndinni Brokeback Mountain er dáinn.

Oprah brjáluð út í dr. Phil

Heimsókn sjónvarpssálans dr. Phil til Britney Spears á spítalann virðist ætla að draga dilk á eftir sér. Foreldrar Britney og samtök sálfræðinga hafa fordæmt afskiptasemina, og nú bætist sjálf Oprah, spjallþáttadrottningin sjálf í hópinn. Hún mun að sögn pressunnar vestanhafs vera komin með algerlega nóg af skjólstæðingi sínum, sem henni finnst hafa staðið sig illa í málinu.

Halda tónlistahátíð til að mótmæla niðurrifi miðbæjarhúsa

Hundruðir íslenskra tónlistamanna ætla að koma saman á Sirkus helgina 25. til 27. janúar til að mótmæla þeim yfirgangi og skeytingarleysi sem þeir segja að felist í því að verktakar kaupi sögufræg upp hús í miðbænum og láti þau svo víkja fyrir verslunarkjörnum að hætti úthverfanna.

There Will be Blood og No Country for Old Men með flestar tilnefningar

Kvikmyndirnar There Will be Blood og No Country for Old Men urðu hlutskarpastar þegar tilnefningar til Óskarsverðlauna voru kynntar í dag. Þær hlutu átta tilnefningar hvor, þar á meðal fyrir bestu mynd, handrit og leikstjórn. Atonement fékk sjö tilnefningar, Michael Clayton sex og Juno fjórar, en allar eru þessar myndir tilnefndar sem besta kvikmyndin.

Fágætt tækifæri til að sitja í leðursætum Jacksons

Rolls Royce Michaels Jacksons getur orðið þinn fyrir spottprís, hundrað tuttugu og fimm þúsund dollara, eða rétt tæpar 8,4 milljónir.

Brad Pitt með kvenmannsmitti í japönskum gallabuxum

Svo virðist sem ekki sé allt satt og rétt í auglýsingum. Örstutt er síðan að öldur lægði vegna sögusagna um að David Beckham hefði notið aðstoðar uppvöðlaðs sokks í auglýsingaherferð fyrir Armani nærföt. Nú kemur það svo í ljós að meira að segja fallegasti maður í heimi sleppur ekki undan nærgöngulum pennum grafíkeranna.

Jack Nicholson lendir illa í reykingabanni

Ellismellurinn Jack Nicholson er væntanlega ekki hrifinn af reykingabanni á veitingastöðum. Leikarinn brá sér út af veitingastað í Þýskalandi til að njóta líkkistunaglans undir beru lofti. Hann fékk hinsvegar engan frið til þess, en heill her aðdáenda birtist og heimtaði eiginhandaráritanir.

Myndband af Amy Winehouse að reykja krakk

Amy Winehouse virðist endanlega vera farin út af sporinu. Breska blaðið The Sun sendi blaðamann út af örkinni vopnaðan falinni myndavél, og náði myndum af söngdívunni þar sem hún reykir krakk og sýgur alsæluduft og kókaín í nefið. Þá talar hún á einum stað um það að hún sé nýbúin að skella í sig sex valíum töflum til að ná sér niður.

Lohan og Murphy taka Razzie verðlaunin

Razzie-verðlaunaafhendingin er framundan í Hollywood en það eru verðlaun sem veitt eru fyrir það versta sem kemur frá Hollywood. Þau Lindsay Lohan og Eddie Murphy hafa hlotið flestar tilnefningar að þessu sinni. Lohan fyrir leik sinn í myndinni I noe Who Killed Me og Murphy fyrir leik sinn í Norbit.

Lindsay og Murphy langverst

Kvikmynd Lindsay Lohan, I Know Who Killed Me, hefur verið tilnefnd til níu Razzie-verðlauna en myndin Norbit með Eddie Murphy hlaut átta tilnefningar.

Enn eitt barnið í hjörðina hjá Brangelinu

Brad Pitt og Angelina Jolie ætla að ættleiða aðra stúlku frá Afríku. Bróðir Angelinu ræddi það opinberlega á dögunum að parið hyggðist bæta við barnastóðið, en þau eiga fyrir þrjú ættleidd börn og eina líffræðilega dóttur.

„Eiginkona“ Eddie Murphy vildi ekki kaupmála

Eddie Murphy skildi við eiginkonu sína til tveggja vikna vegna þess að hún vildi ekki skrifa undir kaupmála, að sögn fjölmiðla vestanhafs. Murphy, sem er vellauðugur, „giftist“ kvikmyndaframleiðandanum Tracey Edmonds á lítilli Kyrrahafseyju á nýarsdag.

Heldur þú að fasteignaverð sé hátt á Íslandi?

Finnist mönnum fasteignaverð á Íslandi orðið óþægilega hátt er alltaf hægt að flytja. Það skiptir samt máli hvert.

Pete Doherty á von á barni

Ofurrokkarinn og vandræðabarnið Pete Doherty er að verða pabbi. Að minnsta kosti ef marka má orð Lauru McLaughlin, tvítugrar guðdóttur Sir Alex Fergusson.

Lumar þú á heimildamynd?

Heimildamyndahátíðin Skjaldborg verður haldin í annað sinn Hvítasunnuhelgina níunda til tólfta maí í einu fallegasta og minnst þekkta kvikmyndahúsi Íslands; Skjaldborgarbíói á Patreksfirði.

Landinn tekur Brúðgumanum vel

Fimm þúsund manns sáu Brúðgumann, kvikmynd Baltasars Kormáks um helgina. Þetta er fimmta stærsta opnunarhelgi á íslenskri mynd frá upphafi. Baltasar er ekki óvanur því að lenda á þeim lista, en hann á sjálfur myndirnar í fyrsta sæti, Mýrina, og því þriðja, Hafið.

Britney skiptir út paparassavinum

Britney Spears hefur losað sig við Paparassavin sinn Adnan Ghalib, og samkvæmt heimildum meira að segja sótt um nálgunarbann á hann. Söngkonan mun vera æfareið yfir því að Adnan hafi haft hana að féþúfu, en hann mun hafa verið duglegur að selja myndir af þeim saman. Talið er að myndir af parinu hafa rakað inn 65 milljónum króna, og hefur Ghalib hirt stóran hluta ágóðans

Kiefer Sutherland laus úr fangelsi

Leikaranum Kiefer Sutherland var sleppt úr fangelsi í Kaliforníu skömmu eftir miðnætti í nótt. Hann hafði afplánað alla 48 dagana sem hann var dæmdur til sem hann fékk fyrir fjórða ölvunarakstursbrot sitt í fyrra. Stjörnunni var stungið inn 5. desember, og eyddi afmæli sínu, jólum og áramótum í steininum.

Kate Moss fjörug á afmælisdaginn

Þegar ofurfyrirsætan Kate Moss hélt upp á afmæli sitt í síðustu viku endaði það með kókaínsniffi, kampavínsdrykkju og Kate í rúminu með tveim öðrum fyrirsætum og ónefndum karlmanni samkvæmt breska blaðinu News of the World.

Krabbameinssjúk börn eiga víða vini -tónleikar í dag

Árlegir tónleikar til styrktar krabbameinssjúkum börnum eru haldnir í Háskólabíói kl. 16 í dag.

Nú langar Bond að lemja ljósmyndara

Pierce Brosnan var á Hawaii í vikunni, ásamt fjölskyldu sinni. Og undi hag sínum vel.

Lindsay Lohan í líkhúsinu

Leikkonan unga, Lindsay Lohan, stefnir hraðbyri í líkhúsið. Lohan, sem var dæmd til samfélagsþjónustu fyrir ölvunarakstur á síðasta ári, hefur unnið nokkra daga hjá Rauða Krossinum, en nú liggur leiðin í líkhúsið.

Búið að skrifa minningargrein um Britney Spears

AP fréttastofan byrjaði að skrifa minningargrein um Britney Spears fyrir mánuði síðan. „Við erum ekkert að óska okkur þess, en ef hún deyr er það með stærri fréttum í langan tíma“, sagði ritstjóri skemmtanalífsfrétta hjá AP, Jesse Washington, við Us tímaritið.

Sirrý er hætt á Stöð 2

Sirrý, sjónvarpskonan ástsæla er hætt á Stöð 2, eftir tveggja ára starf. „Þetta nokkuð löng og góð törn með Örlagadaginn", segir Sirrý. Síðasti Örlagadagurinn var sýndur í byrjun janúar, en alls voru gerðir 34 þættir í tveimur seríum. Þau störf sem mér buðust í framhaldinu hjá Stöð 2 voru ekki það sem mig langar mest að starfa við svo hér skilja leiðir, í bili að minnsta kosti", segir Sirrý, en þáttur hennar, Örlagadagurinn, kláraðist í desember.

Lily Allen missir fóstur

Söngkonan Lily Allen missti fóstur á dögunum, eftir rómantíska ferð með kærastanum, Chemical bróðurnum Ed Simons, til Maldive-eyja. Lily, sem er 22ja ára er sögð miður sín yfir atvikinu.

Vilja leika saman í annarri kvikmynd

Brad Pitt og Angelina Jolie eru æsti í að leika aftur saman í kvikmynd. Þau léku eftirminnilega í kvikmyndinni Mr and Mrs Smith árið 2005.

Myndir frá sextugsafmæli Davíðs Oddssonar

Davíð Oddsson, seðlabankastjóri og fyrrverandi forsætisráðherra, fagnaði 60 ára afmæli sínu í dag og bauð af því tilefni til veislu í Ráðhúsi Reykjavíkur.

Allt frá silikoni til pólitíkur

„Mér finnst“, nýr þáttur í stjórn Ásdísar Olsen og Kolfinnu Baldvinsdóttur hefur göngu sína á morgun á sjónvarpsstöðinni ÍNN.

Frábærar viðtökur við Brúðguma Baltasars

„Mér líður bara frábærlega. Ég hef sjaldan fengið svona góð viðbrögð", segir Baltasar Kormákur, leikstjóri. Kvikmynd hans, Brúðguminn, var frumsýnd í stútfullu Háskólabíói í gær.

Dr. Phil gæti verið kærður fyrir að vinna án starfsleyfis

Sálfræðingur í Los Angeles hefur lagt fram kvörtun vegna vinnubragða sjónvarpssálans Dr. Phil. Sálfræðingurinn heldur því fram að Dr. Phil hafi ekki haft starfsleyfi þegar hann heimsótti Britney Spears á sjúkrahús eins og frægt er orðið.

Segist ekki skrifa um handbolta á klámfenginn hátt

„Ef þú skoðar fréttir, hvort sem það er í sjónvarpi eða á netinu og berð það saman við minn fréttastíl þá er ekkert athugavert við þetta,“ segir Hlynur Sigmarsson umsjónarmaður vefsíðunnar handbolti.is.

Ike Turner lést af of stórum skammti kókaíns

Ike Turner lést af of stórum skammti kókaíns, að sögn réttarmeinafræðings í San Diego County. Dóttir Ike, sagði við AP fréttastofuna að pabbi sinn hefði lengi átt í baráttu við kókaínfíkn. Turner lést 12. desember síðastliðinn á heimili sínu, 76 ára að aldri.

Þorsteinn Guðmundsson með nýjan þátt á Skjá einum

Þorsteinn Guðmundsson grínisti með meiru snýr aftur á skjáinn í mars, þegar nýr þáttur hans fer í sýningu á Skjá einum. Þátturinn nefnist Svalbarði, og verður skemmtiþáttur í stúdíói þar sem Þorsteinn fær til sín góða gesti.

Leikritið Pabbinn verður að kvikmynd

Sagafilm og Bjarni Haukur Þórsson skrifuðu undir samning í gær um kaup Sagafilm á kvikmyndaréttinum á leikverkinu PABBINN eftir Bjarna Hauk. Stefnt er að því að kvikmyndin verði tekinn upp í byrjun árs 2009 í Reykjavík. Bjarni Haukur mun sjálfur skrifa kvikmyndahandritið en Bjarni hefur skrifað og leikstýrt yfir 60 gamanþáttum “sitcom” fyrir TV2 í Noregi og TV4 í Svíþjóð. Samninginn fyrir hönd Sagafilm gerðu þeir Magnús Viðar Sigurðsson og Kristinn Þórðarson.

Katrín Anna kjörinn fallegasti femínistinn

Katrín Anna Guðmundsdóttir var kjörinn fallegasti femínistinn 2007, í netkosningu á heimasíðu Ómars R. Valdimarssonar, aðstandanda keppninnar. Hún hlaut 32% atkvæða. Fast á hæla hennar kom Sóley Tómasdóttir með 27% atkvæða. Í þriðja sætinu hafnaði Svandís Svavarsdóttir með 22% atkvæða. Kolbrún Halldórsdóttir var valin Vinsælasta stúlkan og Drífa Snædal var kosin Ljósmyndafyrirsæta ársins. Alls kusu 1.563 netverjar.

Íslendingar eyddu rúmum milljarði í bíóferðir

Íslendingar eru allra þjóða duglegastir að fara í bíó, og fer hvert mannsbarn að meðaltali 4,8 sinnum á ári í kvikmyndahús. Á síðasta ári keyptu landsmenn tæpa eina og hálfa milljón bíómiða fyrir 1.104.938.460 - rúman milljarð króna.

Fæðing meira stressandi en Óskarsverðlaun

Ekkert hefur valdið Halle Berry jafn miklu taugastríði og yfirvofandi fæðing fyrsta barns hennar, ekki einu sinni Óskarsverðlaunin. Leikkonan sagði í viðtali við breskt tímarit að hún hefði verið róleg það sem af væri meðgöngunnar. Hún væri nú að átta sig á því að barnið þyrfti að koma út, og að einhver þyrfti að ýta því út.

Eddie Murphy skilinn eftir þriggja vikna hjónaband

Nýjasta hjónaband leikarans Eddie Murphy er með því styttra siðan mælingar hófust. Hann er skilinn við eiginkonu sína eftir aðeins þriggja vikna hjónaband.

Myndir frá frumsýningu Brúðgumans

Vísir var á frumsýningu Brúðgumans, nýrri kvikmynd í leikstjórn Baltasars Kormáks, í kvöld og smellti af nokkrum myndum af frumsýningargestum.

Fyrstu myndirnar af nýju afþreyingarkerfi Icelandair

Um helgina verður nýjum bæklingi Icelandair dreift á öll heimili í landinu. Bæklingurinn ber nafnið „Mín borg" og verður stærsti ferðabæklingur Icelandair frá upphafi.

Magni verður án Birgittu í úrslitum

Rokkstjarnan Magni Ásgeirsson mun stíga einn á svið í fyrsta úrslitaþætti Laugardagslaganna um næstu helgi. Lagið sem Magni flytur heitir Núna veit ég og er eftir Hafdísi Huld Þrastardóttur en í fyrstu umferð keppninnar flutti hann lagið sem dúet með Birgittu Haukdal.

Viðskiptamógúlar og fjölmiðlafólk flykkist á sjó

Óvenju mikill áhugi er þessa dagana á skipstjórnarréttindum, og flykkjast íslendingar sem aldrei fyrr í pungapróf. „Ég hef nú alltaf lagt mig í líma að muna nöfn á nemendunum, en ég sá fram á það núna að ná því ekki," segir Kjartan Örn Kjartansson, kennari á skipstjórnarsviði Fjöltækniskóla Íslands, en í vetur útskrifast þaðan 550 nýir skipperar. Á venjulegu ári væri þessa tala nær hundrað en aukninguna má rekja til breytinga sem urðu um áramót á þeim réttindum sem pungaprófið veitir.

Britney skrifaði sjálfsmorðsbréf

Skilnaður, forræðisdeilur og glíma við geðraskanir virðast hafa haft alvarlegri áhrif a Britney Spears en almennt var talið. Samkvæmt heimildum In Touch Weekly skildi Britney eftir sjálfsvígssbréf á baðherberginu heima hjá sér tveimur dögum áður en hún var njörvuð niður á sjúkrabörur og flutt á Cedars Sinai sjúkrahúsið.

Myndbandi af Tom Cruise að lofa Vísindakirkjuna lekið á netið

Fjögurra ára gömlu viðtali við Tom Cruise, þar sem hann ræðir um Vísindakirkjuna, hefur verið lekið á netið. Í níu mínútna löngu myndbandinu fer Cruise mikinn og lofar trúna og fylgjendur hennar í hástert. Hann segir liðsmenn Vísindakirkjunnar alls ekki vera eins og annað fólk. „Þegar þú keyrir framhjá slysi þá er það ekki eins og hjá öllum hinum. Þú veist að þú ert verður að gera eitthvað í málunum, vegna þess að þú ert sá eini sem getur raunverulega hjálpað.“ sagði Cruise í viðtalinu.

Manga á Borgarbókasafninu

Sýning á manga-teikningum íslenskra barna og unglinga opnar í Borgarbókasafni Reykjavíkur föstudaginn 18. janúar klukkan fimm. Sýningin er í samstarfi við sendiráð Japans á Íslandi, en teikningarnar eru afrakstur samkeppni sem sendiráð hélt á síðasta ári, í tilefni af komu hr Nobuyuki Tsugata, sérfræðings í japönskum teiknimyndum.