Halda tónlistahátíð til að mótmæla niðurrifi miðbæjarhúsa

Hundruðir íslenskra tónlistamanna ætla að koma saman á Sirkus helgina 25. til 27. janúar til að mótmæla þeim yfirgangi og skeytingarleysi sem þeir segja að felist í því að verktakar kaupi sögufræg upp hús í miðbænum og láti þau svo víkja fyrir verslunarkjörnum að hætti úthverfanna.

Yfirskrift samkomunnar er Látíð í bæ og með henni vilja þeir koma þeim skilaboðum til borgaryfirvalda og verktaka að þeir verndi og viðhaldi húseignum í miðbæ Reykjavíkur í stað þess að rífa þær niður. Þeir vilja forða því menningarslysi sem nú er í uppsiglingu.

Í tilkynningu frá tónlistarmönnunum segir að Sirkus og allur sá reitur sem húsnæði barsins stendur á tákngeri vel þá "allsherjartiltekt" sem fara á fram í miðbænum. Þar sé sérstöðu miðbæjarins og fjölskrúðugu mannlífi hans er fórnað en í staðinn reynt að líkja betur eftir verslunarkjörnum úthverfanna.

Þeir tónlistamenn sem leggja hátíðinni lið með einum eða öðrum hætti eru: 1985!, Amiina, Ampop, Barði Jóhannsson, Berglind Ágústsdsóttir, Bob Justman, Benni Hemm Hemm, Bloodgroup, Bogomil Font, Borkó, Botnleðja, Cocktail Vomit, Curver, Dr. Gunni, Flís, Ghostigital, Gusgus DJ-set, Hjaltalín, Hjálmar, Hudson Wayne, Jagúar, Jakóbínarína, Jan Mayen, Kira Kira, K.K., Megas, Motion Boys, Mr. Silla & Mongoose, Mugison, Music Zoo, múm, My Summer as a Salvation Soldier, Orgelkvartettinn Ananas, Páll Óskar, Pétur Ben, Rass, Trabant Experience, Retro Stefson, Reykjavík!, Seabear, Singapore Sling, Sigur Rós, Skátar, Skakkamanage, Slowblow, Sometime, Sprengjuhöllin, Valgeir Sigurðsson, XXX Rotweiler, Æla, Ölvis