Snjókorn falla

Krúttleg mynd sem gefur yl í kroppinn eftir langan dag á Laugaveginum.

Þær best klæddu árið 2011

Árið er senn á enda og nú keppast fjölmiðlar um að gera það upp á ýmsa vegu. Tískublöð á borð við Vogue, Vanity Fair og Glamour hafa þannig birt lista yfir best klæddu konur, og systur, ársins 2011. Listarnir eru nokkuð ólíkir og á lista Vanity Fair má sjá nöfn ýmissa framakvenna á meðan söng- og leikkonur verma efstu sæti lista Glamour. Föstudagur bar saman konurnar á þessum listum.

Fagmennskan í fyrirrúmi

Gullvagninn er sérstaklega glæsilegur safnpakki. Einn af þeim flottustu sem hafa komið út hér á landi. Bo vandar til verka eins og fyrri daginn.

Vill flytja upp í sveit

Adele hefur í hyggju að yfirgefa Lundúnaborg til að vernda röddina sína. Söngkonan gekkst undir aðgerð á raddböndum í Bandaríkjunum í síðasta mánuði og þurfti að fresta mörgum tónleikum sem höfðu verið fyrirhugaðir. Töluverð mengun er í London sem fer illa með raddböndin og samkvæmt heimildarmanni ætlar hún að flytja upp í sveit.

Með breskum rokkara

Scarlett Johansson er komin með nýjan kærasta upp á arminn en sá heppni er gítarleikari bresku hljómsveitarinnar Tribes, Dan White. Þau kynntust þegar leikkonan var stödd í London við tökur á myndinni Under the Skin og hafa verið að hittast í nokkrar vikur.

Hættur að leika feita strákinn

Jonah Hill leikur í Moneyball á móti Brad Pitt. Hlutverkið hefur breytt lífi hans til mikilla muna.

Boðið að sýna á New York Fashion Week

"Jú, þetta var hálf ótrúlegt allt saman,“ segir Halldóra Eydís Jónsdóttir skóhönnuður, sem er nýkomin heim frá New York þar sem hún sýndi sína fyrstu skólínu á skósýningu The Fashion Footwear Association of New York, líkt og Fréttablaðið greindi frá á dögunum. Hönnun Halldóru vakti mikla athygli og hún er kampakát með viðbrögðin. "Fólk var mjög hrifið af básnum okkar. Það er ekki auðvelt að vera eitt af nýju merkjunum þarna, en ég skar mig úr og sumir göptu af undrun þegar þeir sáu hráefnið í skónum.“

Berbrjósta í myndbandi

Berbrjósta stúlkur verða áberandi í nýju myndbandi Coldplay við lagið Charlie Brown. Hljómsveitin auglýsti eftir stúlkum á aldrinum 18 til 35 ára til að koma fram í myndbandinu og fengu þær aukapening fyrir að fara úr að ofan. „Viðbrögðin voru rosalega mikil. Það var alveg búist við því, enda er þetta Coldplay,“ sagði heimildarmaður The Sun. Tökurnar fóru fram í vöruhúsi og stóðu yfir í þrjá daga. „Það var dálítið kalt þar sem þetta var tekið upp en það var vel hugsað um alla,“ sagði heimildarmaðurinn en tökurnar stóðu yfir frá níu um morguninn til miðnættis.

Beach Boys snúa aftur

Bandaríska hljómsveitin The Beach Boys ætlar að koma saman á næsta ári í tilefni fimmtíu ára afmælis síns. Tónleikaferð um heiminn er fyrirhuguð auk þess sem ný plata verður tekin upp.

Auðvelda útrás hönnunar

"Við höfum lengi verið með þessa hugmynd i kollinum og ákváðum svo að flytja til Berlínar og kýla á þetta í haust,“ segir Tinna Pétursdóttir ein af eigendum fyrirtækisins Boxer Nation, sem er dreifingarþjónusta fyrir hönnuði.

Kertaljósatónleikarnir hafnir

Hin árlega kertaljósatónleikaröð Kammerhópsins Camerarctica hófst í gær.

Enn meiri Hæ Gosi

"Síðasta sería gekk ógeðslega vel og það eru allir í skýjunum. Það er gríðarlegur hiti fyrir þriðju seríu,“ segir Baldvin Z, einn af framleiðendum Hæ Gosa á Skjá einum.

Fólkið á fremsta bekk

Fremsti bekkur tískusýninga er gjarnan þéttsetinn af fræga fólkinu. Nokkur þekkt andlit sjást þó oftar í fremstu sætaröð og má þar nefna leikkonuna Clemence Poesy og fyrirsætuna og sjónvarpskonuna Alexu Chung auk áhrifafólks úr tískuheiminum á borð við Önnu Wintour, Carine Roitfeld og Önnu Dello Russo.

Bransinn brýtur konur niður

Heimildarmyndin About Face í leikstjórn Timothy Greenfield-Sanders inniheldur meðal annars áhugaverð viðtöl við Jerry Hall, Isabellu Rossellini, Marisu Berenson og Paulinu Porizkovu um hvernig það sé að eldast í sviðsljósinu. Stikla úr myndinni er nú komin á netið og lofar hún góðu um framhaldið.

Trommari og Chanel-fyrirsæta

Skálað fyrir Kraums-höfum

Sex íslenskar plötur hlutu hin svokölluðu Kraumsverðlaun á föstudag; ADHD, Sóley,Lay Low, Reykjavik!, Samaris, Sin Fang og Sóley. Af því tilefni var að sjálfsögðu skálað en árið 2011 ætlar svo sannarlega að reynast gott fyrir íslenska tónlist.

Blanda af tveimur menningarheimum

Systurnar María Björg og Guðrún Sigurðardætur hanna fallegan tískufatnað undir nafninu Klukka. Fyrsta lína systranna kom út fyrir skömmu og fæst meðal annars í versluninni Kiosk.

Siðameistari bandaríska sendiráðsins til Paradísar

„Ég hef engar róttækar hugmyndir en samt einhverjar, ég á bara eftir að leggjast yfir þær og ræða við Ásgrím Sverrisson [dagskrárstjóra],“ segir Hrönn Sveinsdóttir, nýráðinn framkvæmdastjóri listabíósins Bíó Paradísar.

Selur barnaföt sín í Field‘s

Sandra Berndsen hannar barnaföt undir merkinu Oktober. Hún hefur vakið athygli í Danmörku og hafa föt hennar verið tekin til sölu í stærstu verslunarmiðstöð landsins.

Yndislega hugmyndaríkur Jónsi

Tónlistarmaðurinn Jónsi hefur fengið góða dóma fyrir tónlist sína í kvikmyndinni We Bought a Zoo.

Scherzinger rænd í Mexíkó

Söngkonan og X Factor-dómarinn Nicole Scherzinger komst í hann krappan er hún heimsótti Mexíkó á dögunum. Scherzinger var við tökur á nýju tónlistarmyndbandi þegar ræningjar stöðvuðu bifreið hennar.

Ólafur eldar kalkún á Englandi

„Ég sé ekki alveg mig, konuna og litlu borða heilan kalkún. Samt, maður veit aldrei, dóttirin virðist hafa erft matarlyst föðurins,“ segir Ólafur Darri Ólafsson. Leikarinn hefur fengið lofsamlega dóma fyrir þátt sinn í uppfærslu Royal Shakespeare-leikhússins á Hróa hetti og mun halda upp á jólin með fjölskyldunni í London, enda að sýna átta sýningar yfir jólahátíðina sjálfa. Ólafur viðurkennir að þetta takið eilítið á, það braki í kroppnum og röddinni fram yfir hádegi á hverjum degi.

Litli bróðir Ingós með lög unga fólksins á hreinu

Söngvarinn Ingó tekur yngri bróður sinn Guðmund stundum með upp á svið, enda sá yngri liðtækur söngvari.

Ómáluð ofurfyrirsæta

Ofurfyrirsætan Bar Refaeli, 26 ára, sem átti vingott við leikarann Leonardo DiCaprio verslaði ómáluð í Soho hverfi New York borgar í gær...

Gert Hof langar til að lýsa upp Svínafellsjökul

Þýski listamaðurinn Gert Hof vill lýsa upp íslenskan jökul, annað hvort á næsta ári eða 2013. Framkvæmdastjóri verkefnisins segir öflug samtök í umhverfismálum koma að verkinu.

Sumir skemmtu sér betur en aðrir á Oliver

Meðfylgjandi myndir voru teknar á Café Oliver á laugardaginn þar sem hljómsveitirnar Vicky og Samaris spiluðu fyrir gesti í boði Heineken...

Fögnuðu Herramennskukveri

Ungir sem aldnir herramenn fjölmenntu í bókabúð Máls og Menningar við Laugaveg á dögunum. Ástæðan var útgáfa Litla Herramennskukversins, en þeir Júlíus Valdimarsson, Brynjar Guðnason og Kristinn Árni Hróbjartsson eiga heiðurinn af verkinu. Útgáfan var fjármögnuð með svokallaðri hópfjármögnum og er eins konar handbók með upplýsingum fyrir herramann nútímans.

Facebook lokar á Lindu P

Þeir lokuðu bara og sögðu mér að þeir litu það alvarlegum augum þegar fólk væri að þykjast vera annað en það væri í raun og veru, segir Linda Pétursdóttir...

Féll fyrir fyrirsætu

Leonardo DiCaprio er kominn með nýja stúlku upp á arminn og er sú fyrirsætan Erin Heatherton. Parið sást nýverið njóta verðursins og selskaps hvors annars í garði Vaucluse House í Sydney.

18 ára aldursmunur

American Idol dómarinn Jennifer Lopez, 42 ára, kom við í skartgripaverslun ásamt dansaranum Casper Smart, 24 ára, í gær, sunnudag, í Kaliforníu...

Beckham á hlaupum

Hjónakornin David og Victoria Beckham gengu hröðum skrefum í gegnum Heathrow flugvöllinn...

Fengu geisladiska og plaköt

„Hann var virkilega ljúfur maður og gaf okkur geisladiska og plaköt,“ segir Craig Murray, ástralskur aðdáandi Páls Óskars Hjálmtýssonar. Eins og Fréttablaðið greindi frá fyrir skemmstu hefur Páll Óskar lengi verið í uppáhaldi hjá Murray sem ásamt sambýlismanni sínum, Daryl Brown, er staddur hér á landi til að drekka í sig jólastemninguna og fara á tónleika með Frostrósum á Akureyri.

Spjátrungar fögnuðu

Starfsmenn Herrafataverslunar Kormáks og Skjaldar hafa tekið sig saman og gefið út tímaritið Spjátrungur en útgáfu þess var fagnað á fimmtudagskvöldið. Tímaritið á að fanga gamlan anda og hefur verslunin fengið til liðs við sig drengi úr Leikfélagi Menntaskólans við Hamrahlíð sem ætla að gefa vegfarendum miðbæjarins tímaritið um helgina. Margt var um manninn í Kjörgarði þegar sem skálað var í Bríó.

Hollywood snúður

Leikkonan Reese Witherspoon, 35 ára, stillti sér upp á rauða dreglinum í glæsilegum svörtum kjól með hárið tekið aftur í snúð. Þá má sjá leikkonuna á hlaupum með hárið í snúð og sólgleraugu á nefinu...

Rómantískur morgunverður

Kate Hudson, 32 ára, og unnusti hennar, Muse tónlistarmaðurinn Matt Bellamy, 33 ára, nutu stundarinnar ásamt 5 mánaða gömlum syni sínum Bingham, í gærmorgun á kaffihúsinu Violette Cafe í miðborg Lundúna...

Missir ekki svefn yfir endurgerð Heimsendis

„Það var strax kominn áhugi áður en við fórum í framleiðslu sem er ekkert skrýtið, þetta er bara þannig verk. Maður heldur ekkert niðri í sér andanum því þetta fer núna í eitthvert þróunarhelvíti,“ segir Ragnar Bragason leikstjóri.

Sýndu skartgripi og fatnað úr eigin smiðju

Fatahönnuðurinn Gúrý Finnbogadóttir og gullsmiðurinn Breki Magnússon héldu sýningu á verkum sínum á Kex Hosteli á fimmtudagskvöldið. Parið hefur verið búsett í Víetnam undanfarin ár þar sem það hefur þróað hönnun sína samhliða öðrum verkefnum. Fatalínan nefnist Gury og skartgripalínan ber heitið Zero6. Margir lögðu leið sína í Kex til að fagna með parinu og skoða herlegheitin.

Metnaðurinn hvarf

Strákasveitin, eða kannski karlasveitin, Westlife missti metnaðinn fyrir því sem hún var að gera og ákvað þess vegna að slíta samstarfinu.

Góð blanda af rokki og þægindum

Eva Lín Traustadóttir hannar fatnað undir nafninu evalín og leggur mikla áherslu á þægilega og klæðilega hönnun. Evalín er ársgamalt fyrirtæki sem hefur dafnað hratt.

Meistarakokkur eldar á bensínstöð

Alex Sehlstedt er matreiðslumaðurinn sem sér um matinn á nýja asíska skyndibitastaðnum Nam. Hann hefur eldað á Michelinstað og rekið sína eigin veitingastaði, en langaði að kynna asíska matargerð sína fyrir fleira fólki.

Elfar Aðalsteins á Óskarslista

Stuttmyndin Sailcloth eftir íslenska leikstjórann Elfar Aðalsteinsson er ein þeirra tíu stuttmynda sem koma til greina hjá bandarísku kvikmyndaakademíunni þegar tilnefningar til Óskarsverðlauna verða kunngjörðar í janúar á næsta ári. Þetta var tilkynnt í vikunni. Valið stóð á milli 107 stuttmynda.

Vill reka Love úr íbúð

Rokkekkjan Courtney Love á það á hættu að vera rekin út af heimili sínu í New York. Konan sem hefur leigt henni íbúðina síðastliðna tíu mánuði er orðin langþreytt á Love og segir hana hafa eyðilagt íbúðina. Hún heldur því einnig fram að söngkonan skuldi henni fúlgur fjár í leigu. Málið verður flutt fyrir dómstólum á Manhattan 21. desember. Að sögn leigjandans stóð það skýrt í leigusamningnum að ekki mætti breyta neinu innanhúss en Love lét það sem vind um eyru þjóta og setti þar upp veggfóður og málaði allt upp á nýtt.

Stern fer í dómarasætið

Útvarpsmaðurinn umdeildi Howard Stern tekur við af Piers Morgan sem dómari í bandarísku hæfileikaþáttunum America"s Got Talent. Hinn 57 ára Stern stjórnar útvarpsþætti á stöðinni Sirius XM. Hann gengur núna til liðs við þau Howie Mandel og Sharon Osbourne sem hafa dæmt í þáttunum við hlið Morgans. Stern er þekktur fyrir að segja skoðanir sínar umbúðalaust og hefur margoft komið sér í vanda vegna þess. Hann segist búast við því að eiga eftir að særa einhverja í þáttunum.

Ný raunveruleikastjarna stígur fram

Leikarinn og leikstjórinn Clint Eastwood mun að öllum líkindum koma fram í raunveruleikaþætti eiginkonu sinnar og dætra. Þátturinn verður framleiddur af E! sjónvarpsstöðinni, þeirri sömu og framleiðir þættina um Kardashian-fjölskylduna.

Skíðaferð í fyrsta sinn

Celine Dion ætlar að halda upp á sautján ára brúðkaupsafmælið sitt með því að fara með fjölskyldunni í skíðaferð. Kanadíska söngkonan ætlar að skíða í fjöllum Utah ásamt eiginmanni sínum Rene Angelil, tíu ára syni þeirra Rene-Charles og hinum fjórtán mánaða tvíburum, Eddy og Nelson. „Tvíburarnir ætla að leika sér í snjónum,“ sagði Dion í viðtali við Hello!. Dion og Angelil giftu sig í Quebec í Kanada árið 1994.