Íslendingur setti húsið á sölu á eBay

Blikksmiður sem bauð til sölu sveitasetur sitt á Álftanesi á uppboðsvefnum ebay hefur fengið tilboð upp á eina komma fjórar milljónir dollara eða tæplega tvö hundruð milljónir króna og það í miðri kreppunni.

Íslenskt kreppuspil vekur heimsathygli

Óvissa, útrás, mótmæli og kaupæði eru allt þættir sem koma fyrir í nýju Kreppuspili þar sem yfirlýsingar Seðlabankastjóra geta haft óvænt áhrif á gang leiksins. Spilið hefur þegar vakið heimsathygli.

Dorrit vill halda jólin á Íslandi

Forsetafrúin gerði sér lítið fyrir og skellti sér á hjólabretti þegar árleg jólapakkasöfnun hófst í Kringlunni í dag. Sindri Sindrason hitti Dorrit sem segist hvergi vilja halda jólin nema á Íslandi.

Íslandsvinur kannast ekkert við framhjáhald

Kokkurinn og Íslandsvinurinn Gordon Ramsey þvertekur fyrir það að hann hafi haldið framhjá konunni sinni. Rithöfundurinn Sara Symonds hélt því í síðustu viku fram að hún hafi haldið við Ramsey í sjö heil ár.

Þröstur endurheimti Edduna

„Já, ég er loksins búinn að fá hana,“ segir leikarinn Þröstur Leó Gunnarsson sem endurheimti Eddu-verðlaunin fyrir leik sinn í Brúðgumanum á miðvikudagskvöldið.

Stórgræddu á að selja aðgöngumiða á Led Zeppelin

Mæðgurnar Hrefna Lilja Valsdóttir og Tinna Daníelsdóttir seldu á dögunum aðgöngumiða á Led Zeppelin tónleikana í Laugardalshöll 1970 á eBay. „Uppboðið var svo spennandi að ég gat ekkert einbeitt mér að náminu síðustu stundirnar sem á því stóð,“ segir Tinna, sem tók að sér að selja miðann fyrir mömmu. Tilboðin fóru stighækkandi þar til nafnlaus kaupandi í Bandaríkjunum hreppti bréfsnifsið á 537 dali, 75 þúsund kreppukrónur, takk fyrir.

Einleikur Jóns Atla vekur athygli ytra

Jón Atli Jónasson frumsýnir eftir áramót einleik sinn Djúpið. Ingvar E. Sigurðsson fer þar með hlutverk manns sem lendir í skip-skaða og þarf að synda til lands. Á meðan sundinu stendur horfist skipbrotsmaðurinn í augu við það sem skiptir hann mestu máli í lífinu.

Úrvinda eftir hvolpauppeldi

„Ég geri þetta aldrei aftur, það er alveg á hreinu,“ segir Baldur Brjánsson, fyrrverandi töframaður, sem hefur staðið í ströngu undanfarið við uppeldi á fjórum hvolpum.

Jólamyndir af ýmsum toga

Jólamyndirnar í ár eiga varla eftir að valda íslenskum kvikmyndaáhugamönnum vonbrigðum. Fjórar myndir, hver annarri ólíkari, verða frumsýndar á annan í jólum, þar sem Nicole Kidman, Jim Carrey, Woody Allen og John Travolta koma öll við sögu.

P Diddy vill verða næsti Bond

Sean Combs, eða P Diddy, er sannfærður um að hann geti tekið við af Daniel Craig og orðið næsti James Bond. Til að sanna mál sitt hefur hann eytt 500.000 pundum í kynningarmyndband sem hann tók upp í nágrenni við Casino Royale í Suður-Frakklandi, á sömu slóðum og fyrsta Bond-mynd Daniels Craig var meðal annars tekin upp.

Arkitekt óperuhússins í Sydney látinn

Danski arkitektinn Jorn Utzon er látinn. Hann var níræður, og var banamein hans hjartaáfall. Utzon öðlaðist frægð fyrir hönnun sína á óperuhúsinu í Sydney, sem öðlaðist í fyrra sess á heimsminjaskrá Unesco. Hann hannaði einnig þinghúsið í Kúvæt, ásamt fjölda bygginga í Danmörku. Utzon vann keppni um hönnun óperuhússins óvænt árið 1957. Hann sagði sig frá verkinu árið 1966, sex árum áður en það var opnað, vegna deilna við aðstandendur byggingarinnar.

Requiem Mozarts á miðnætti

Laust eftir miðnætti aðfaranótt 5. desember næstkomandi flytur Óperukórinn í Reykjavík ásamt sinfoníuhljómsveit og einsöngvurum Requiem Mozarts í Langholtskirkju.

Jólaþorpið á Thorsplani opnað

Búið er að opna jólaþorpið á Thorsplani í Hafnarfirði. Ýmislegt í boði í þorpinu, handverk og hönnun, heimabakaðar kökur, sultur og annað góðgæti, handmáluð kerti og jólakúlur, dúkkuföt, myndlist, leirlist svo fátt eitt sé nefnt.

Jólamarkaðurinn í Heiðmörk opnaður í dag

Skógræktarfélag Reykjavíkur opnar jólamarkaðinn við Elliðvatn í Heiðmörk í dag. Þar er hægt að fá íslensk jólatré af öllum stærðum og gerðum og ýmis konar handverk.

Ferðagufubað Hannesar til sölu á netinu

„Jón Gnarr rakst á þetta fyrirbæri í þýskum sjónvarpsmarkaði og sagði okkur frá því. Við vorum búnir að velta því fyrir okkur nokkuð lengi hvað Hannes, pabbi Ólafs Ragnars, gæti verið að selja og þegar við sáum þetta hjá Jóni vorum við ekki í nokkrum vafa um að þetta væri málið,“ segir Ragnar Bragason, leikstjóri Dagvaktarinnar.

Jolie ekki ólétt

Brad Pitt og Angelina Jolie hafa hingað til ekki gert mikið úr þeim sögusögnum sem hafa verið á sveimi í kringum þau. En nú er Angelinu víst nóg boðið. Og hvað skyldi það vera sem fékk Jolie uppá afturlappirnar? Jú, frétt vikuritsins In Touch um að hún væri ólétt. Blaðið hefur ekki bara birt þessa frétt einu sinni, heldur þrisvar og er Jolie víst alveg búin að fá nóg. Hún hefur fyrirskipað fjölmiðlafulltrúa sínum, Geyer Kosinski, að leiðrétta þennan misskilning eins og skot. „Þessar sögusagnir eru algjörlega fráleitar,“ sagði hann við bandaríska fjölmiðla í gær.

Sirkus Britney Spears í London

Breskir fjölmiðlar er ákaflega áhugasamir um komu Britney Spears til Lundúna og hafa fjallað nánast linnulaust um hennar mál í vikunni sem er að líða.

Sigmund sendir kveðju í lit

Sigmund Jóhannsson hefur gert sína hinstu kveðju til gamla vinnustaðarins. Og hún er í lit.

Roger Moore ánægður með Craig

Roger Moore segir að Daniel Craig hafi tekist sérlega vel upp í hlutverki njósnarans James Bond og telur að ferskir vindar leiki nú um persónuna. Moore, sem lék Bond sjö sinnum á áttunda og níunda áratugnum, segir að frammistaða Craig í myndunum Munich og Sylvia hafi nýst honum í Bond-hlutverkinu.

Paul ósáttur við Led Zeppelin

Sir Paul McCartney hefur viðurkennt að honum lítist illa á þá hugmynd þeirra John Paul Jones og Jimmy Page að fara í tónleikaferð saman, spila Led Zeppelin-lög án þess að hafa Robert Plant. Tvíeykið tilkynnti í október að þeir hyggðust halda í tónleikaferð án Plant en auk þeirra mun sonur trymbilsins sáluga, John Bonham, skipa sveitina. Hins vegar var ákveðið að kalla umrædda sveit ekki Led Zeppelin.

Hrægammur á hommabörum

Ástralski leikarinn Hugh Jackman sótti hommabari á sínum yngri árum í von um að ná sér í konur. „Ég ætti ekki að segja þetta en þegar ég var nítján ára fórum ég og vinur minn oft í partí þar sem 80 prósent fólksins voru hommar. Þar voru líka 18 prósent af stelpum sem voru orðnar leiðar á því að gagnkynhneigðir karlmenn reyndu við þær og síðan voru þarna hrægammar eins og við tveir," sagði Jackman. „Við vorum þarna til klukkan tvö á nóttunni þegar stelpurnar voru orðnar mjög drukknar og óskuðu þess að þær væru ekki innan um eintóma samkynhneigða menn. Ég var algjör blóðsuga og hrægammur."

Holberg-verðlaun veitt

Á miðvikudag voru Holberg-verðlaunin veitt í Osló. Bandaríski bókmenntafræðingurinn Fredric R. Jameson þáði viðurkenninguna og 4,5 milljónir norskra króna fyrir að hafa dregið menningarfræði inn í sögulegt samhengi.

Kvennakórar heiðra Jón

Á morgun er fyrsti sunnudagur í aðventu og þá munu nokkrir kvennakórar víðs vegar af landinu frumflytja jólalagið Ég heyrði þau nálgast, eftir tónskáldið Jón Ásgeirsson.

Kennileiti úr minni þjóðar

Þrír karlmenn, tvær kynslóðir, Finnbogi og Ólafur Haukur fæddir 45 og 47, Óskar Árni fæddur 59. Þrjár bækur sem rekja æskuár, tvær styðja frásögnina myndefni sem tengjast textunum. Sögusviðið er í kjarna sínum hverfið: Njálsgata, Jófríðarstaðahverfið austan við Eiði og Þingholtin, en í endurminningunni er leitað víðar: Óskar Árni fer lengst, austur á Langanes og alla leið til Winnipeg.

Nýr höfundur mættur

Í dag kl. 14 flytur Útvarpsleikhúsið nýtt íslenskt leikrit á Rás 1 Ríkisútvarpsins, Spor eftir Starra Hauksson. það er frumraun hans í Útvarpsleikhúsinu. Verkið dregur upp ljóðræna mynd af lífinu í kjölfar áfalls sem markar djúp spor í tilveruna. Andri er að verða þrítugur og býr einn. Í dag er afmælisdagur móður hans. Andri kemst ekki í afmælið því hann er upptekinn, eða kannski er hann upptekinn af því að vilja ekki mæta. Fyrir ári, á þessum degi, gerðist nokkuð sem olli straumhvörfum í lífi hans, fjölskyldunnar og vinahópsins. En örlögin grípa í taumana og Andri fær ekki lengur umflúið að horfast í augu við atburðinn – og sjálfan sig um leið.

Ekki endalaus hreindýr og piparkökur

Fyrsta jólaplata Stefáns Hilmarssonar er að koma út. Með henni má segja að Stefán sé kominn heilan hring því ferill hans hófst sem kunnugt er fyrir alvöru á „Jólahjólinu“ með Sniglabandinu 1987. Platan heitir Ein handa þér og með Stefáni syngja dúetta þau Ellen Kristjánsdóttir, Helgi Björnsson og Björgvin Halldórsson.

Fengu ekki litað blek á jólakortin

„Allt litaða blekið var fast í tollinum svo við urðum að hafa kortin svarthvít,“ segir Rakel McMahon myndlistarkona um svokölluð jóla-kreppukort sem hún hannaði ásamt Unu Björk Sigurðardóttur og Katrínu Ingu Katrínar.

Í sömu deild og Stones

Noel Gallagher, gítarleikari Oasis, segir að hljómsveitin sé í sama klassa og goðsagnirnar í The Rolling Stones. „Allir vita hverjir við erum. Við erum pottþétt komnir í sömu deild og Stones núna,“ sagði Gallagher. „Allir hafa heyrt um Stones, allir vita hvernig þeir hljóma og allir vita hvað þeir gera.“

Haukur og Villi í veglegum útgáfu

Tvær veglegar útgáfur með lögum hinna ástsælu söngvara Hauks Morthens og Vilhjálms Vilhjálmssonar eru að koma út. Platan með lögum Hauks, sem nefnist Með blik í auga, er þreföld og spannar allan feril hans. Alls eru 66 lög á þessum veigamikla safngrip, þar á meðal Lóa litla á Brú, Hæ Mambo, Til eru fræ og Simbi sjómaður.

Framlag Haralds

Einn helsti áhrifamaður þjóðarinnar á síðustu öld var Haraldur Nielsson. Á morgun er þess minnst með málþingi í Þjóðarbókhlöðu að 140 ár eru liðin frá fæðingu hans og öld liðin frá því hann gaf út umdeilda þýðingu á Gamla testamentinu. Á málþinginu talar sonur Haralds, Jónas Haralz, fyrrverandi bankastjóri, um föður sinn og prófessorarnir Pétur Pétursson, Gunnlaugur A. Jónsson, Erlendur Haraldsson og Gunnar Kristjánsson prófastur fjalla um ævi og störf Haralds.. Dagskráin hefst í Fríkirkjunni í Reykjavík með messu kl. 11 og málþingið hefst í Þjóðarbókhlöðunni kl. 13.15. Sýningin verður opnuð kl. 15.30.

Veisla hefst í Hallgrímskirkju

Á morgun hefst 27. starfsár Listvinafélags Hallgrímskirkju. Eins og undanfarin ár fer nýtt starfsár af stað með myndlistarsýningu og Jólatónlistarhátíð í Hallgrímskirkju.

200 diskum stolið af Klingenberg

„Þetta er náttúrlega mikill missir og fjárhagslegt tjón," segir Sigríður Klingenberg spákona sem lenti í því að 200 geisladiskum var stolið af heimili hennar. Diskarnir sem um ræðir voru fyrsta upplagið af nýjum sjálfshjálpardiski Sigríðar, Þú ert frábær, sem hún framleiddi sjálf í þeim tilgangi að hressa upp á fólk.

Hirðfífl íslenska krimmans

„Já, ætli ég sé þá ekki bara hirðfífl íslenska krimmans? Er það ekki fínt? Það eru þau sem hafa hin raunverulegu völd. Rödd sannleikans. Eins og ástandið er í dag held ég að hinir titlarnir séu ekkert sérlega eftirsóknarverðir,“ segir Ævar Örn Jósepsson sem á föstudag sendi frá sér sinn fimmta krimma: Land tækifæranna.

Tímarit.is stækkar og stækkar

Ný og endurbætt útgáfa vefjarins tímarit.is verður opnuð 1. desember nk. Nýja viðmótið er mun einfaldara en hið fyrra og gerir þennan vinsæla vef enn notendavænni en áður. Jafnframt verða fyrstu blöðin aðgengileg á PDF-sniði (m.a. Alþýðublaðið) en ætlunin er að allt safnið verði á því sniði í framtíðinni.

Hjördís í Gilinu

Hjördís Frímann opnar málverkasýningu í Festarkletti, efst í listagilinu á Akureyri, kl. 15 í dag. Sýningin ber nafnið „Heimkoman“ og vísar til þess að Hjördís er nýlega flutt á heimaslóðir á Akureyri. Hjördís vinnur með akrýl á striga og pappír og nýtir jafnan litaskalann til hins ítrasta.

Fjórða prentun

Fjórða prentun af ljóðabók Kristínar Svövu Tómasdóttur, Blótgælur, er komin í búðir. Bókin kom fyrst út í október í fyrra: önnur prentun var prentuð í nóvember og sú þriðja í desember og er hún löngu uppseld. Það er bókaforlaginu Bjarti sönn ánægja að dreifa fjórðu prentun á þessari frábæru ljóðabók í dag. Þessi fyrsta ljóðabók Kristínar Svövu Tómasdóttur hefur sannarlega slegið í gegn enda í henni ferskur og áleitinn bragur.

Bóksala byrjar með látum þetta árið

„Já, það verður að teljast afar sérstakt að við séum að setja af stað endurprentanir á þó nokkrum titlum fyrir þessi mánaðamót,“ segir Egill Örn Jóhannsson, framkvæmdastjóri Forlagsins.

Jacko semur

Það virðist vera frekar regla heldur en hitt að Michael Jackson semji utan réttarsala frekar en að þurfa að mæta þangað. Ókrýndur konungur poppsins hefur samið við arabíska sheikinn Khalifa vegna skuldar uppá fimm milljónir punda. „Ráðgjafar hans ráðlögðu honum að koma ekki fyrir dómstóla og taka samkomlaginu,“ sagði talsmaður Jacko við fjölmiðla. Lögfræðingar hans höfðu áður sagt að Khalifa prins hefði eingöngu verið gjafmildur maður og að Jackson hefði litið á þessa peninga sem gjöf.

Ástarljóð Strandamanns

Strandamaðurinn Bjarni Ómar Haraldsson hefur gefið út sína aðra sólóplötu sem nefnist Fyrirheit. Hefur hún að geyma melódískt popp í rólegri kantinum.

Last Christman mest spilaða jólalagið

Jólalagið sem allir elska, eða elska að hata, Last Christmas með Wham er vinsælasta jólalag Bretlands síðustu fimm ára. Þetta er niðurstaða rannsóknar sem Samtök breskra tónlistarrétthafa létu framkvæma á dögunum og BBC greinir frá. Rétt á hælum þess er svo ghið geysivinsæla Do They Know It´s Christmas, sem gefið var út árið 1984 af Band Aid.

Útgáfutónleikar Jeff who? í kvöld

Vísir hafði samband við Ella bassaleikara og spurði hann út tónleikana sem haldnir verða á Nasa. „Það gengur vel við erum að sándtékka núna á Nasa," segir Elís Pétursson bassaleikari. „Við ákváðum að splæsa í strengjakvartett og fengum fjórar stelpur sem eru algjörir snillingar. Þetta er mIklu stærra í sniðum en síðast."

Britney hermir eftir Madonnu - myndband

Britney Spears, 26 ára, flutti í fyrsta sinn opinberlega lagið Womanizer á Bambi verðlaunahátíðinni í Þýskalandi í gær. Þar var hún líka valin besta alþjóðlega poppstjarnan.

Ráðherrarnir fá að sofa út

Ríkisstjórnarfundur hefst í ráðherrabústaðnum við Tjarnargötu núna klukkan hálf ellefu. Sem er ekki í frásögur færandi nema fyrir þá staðreynd að öllu jöfnu hefjast þeir klukkan hálf tíu á morgnana. Ráðherrarnir okkar fá því að sofa aðeins lengur út þennan kalda og dimma föstudagsmorgun.

Dyravörður á hóteli hættir eftir 50 ára starf

Dyravörður á hinu stjörnum prýdda Dorchester-hóteli í London hefur látið af störfum eftir að hafa staðið vaktina í 50 ár.

Boy George ákærður fyrir frelsissviptingu

Gamla brýnið og Culture Club-söngvarinn Boy George er nú fyrir rétti í London þar sem hann verst ásökunum um frelsissviptingu en hann er ákærður fyrir að hlekkjað tæplega þrítugan mann við vegg í íbúð sem George á þar í borginni og lemja hann með keðju.