Hræringar á sjónvarpsmarkaði

Það eru heilmiklar hræringar á sjónvarpsmarkaðnum. Eftir margra mánaða vangaveltur hefur NBC sjónvarpsstöðin ákveðið að ráðast í framleiðslu á átjándu seríunni af þættinum Law and Order, sem er sýndur á Skjá einum. Áhorf hefur hrunið af þættinum og nú horfa aðeins um níu milljónir manna á hvern þátt.

Róló fyrir gamla fólkið

Leikvöllur fyrir eldri borgara hefur verið opnaður í Preussen garðinum í Berlín. Börn eru bönnuð á leikvellinum þar sem finna má sérhönnuð æfingatæki fyrir gamalmenni ásamt hefðbundnari klifurgrindum og rennibrautum.

Brokeback Mountain veldur sálarstríði ungrar stúlku

Fjölskylda tólf ára stúlku hefur kært Ashburn grunnskólann í Chicago fyrir vanrækslu, nauðungarvist og að særa blygðunarkennd stúlkunnar með því að sýna bekknum hennar Óskarsverðlaunamyndina Brokeback mountain í fyrravetur.

Útgáfudagur Halo 3

Microsoft hefur ákveðið útgáfudag fyrir Halo 3 tölvuleikinn sem er 25. september. Mikil eftirvænting ríkir á meðal leikjaspilara fyrir leiknum og vonast Microsoft til þess að útgáfan auki sölu á Xbox 360 leikjatölvunni.

Lalla-auglýsingar enn í deiglunni

„Til að fyrirbyggja allan misskilning er rétt að fram komi að SÍA – samband íslenskra auglýsingastofa – kemur aldrei að starfsemi auglýsingastofa. Og blessar ekki auglýsingar,“ segir Ingólfur Hjörleifsson, framkvæmdastjóri SÍA.

Húseigandi finnur múmíu í sófanum.

Honum brá svolítið húseigandanum, þegar hann steig í fyrsta sinn inn í nýtt orlofshús sitt á Costa Brava á Spáni. Við honum blasti uppþornað lík Mariu Luisu Zamora sitjandi í sófa.

Herbergi fullt af þoku

Breski myndhöggvarinn Antony Gormley heldur nú sýningu á verkum sínum í Hayward safninu í London. Hann er einn af þekktustu bresku myndhöggvurum og sá þekktasti sem er á lífi. Á sýningunni má meðal annars finna risastórt glerhergi sem er fyllt með þoku.

Kleif Mount Everest í sautjánda sinn

Sherpinn Apa Sherpa braut sitt eigið met á miðvikudag, þegar hann kleif 8850 metra háan tind Everest í sautjánda sinn.

Háhraða sófi slær heimsmet

Breskur garðyrkjumaður sló á sunnudaginn hraðamet húsgagna þegar hann keyrði sófa á tæplega 149 kílómetra hraða í Bruntingthorpe í Leicestershire. Marek Turowski keyrði sófann á tveggja mílna langri braut sem yfirleitt er notuð til að prófa háleynileg tæki fyrir varnarmálaráðuneyti Breta.

Blóðug málverk Pete Doherty

Rokkarinn Pete Doherty, sem þekktur er fyrir flest annað en að feta hefðbundnar slóðir haslar sér nú völl sem listmálari. Verk hans eru máluð úr blóði og sýna hversdagslega muni eins og sprautur og teskeiðar.

Ágeng skjaldbaka

Ákveðin skjaldbaka gerði á föstudaginn ítrekaðar tilraunir til að verpa eggjum sínum hjá skautasvelli í Central Park.

Efnt til Pétursþings

Málþing helgað verkum Péturs Gunnarssonar rithöfundar verður haldið í Odda á morgun. Pétur Gunnarsson hefur skrifað tíu skáldsögur auk fjölda ritgerða og smáprósa. Hann hefur aukinheldur fengist við þýðingar og ljóðagerð.

Wulfgang - Tvær stjörnur

Alls hafa þrjú lög með hinni efnilegu Wulfgang fengið útvarpsspilun. Að mínu mati hafa þau aldrei gefið neitt til kynna annað en að sveitin hafi örlítið fram að færa en lítið meira en það. Annað efni á plötunni gefur manni heldur ekki ástæðu til þess að hampa Wulfgang á neinn sérstakan hátt.

Deilt um plötusamning Lay Low

„Það stefnir í að við komumst að farsælli niðurstöðu. Nú erum við að ræða málin,“ segir Helgi Pjetur Jóhannsson, útgáfustjóri hjá Cod Music. Sögusagnir hafa verið á kreiki þess efnis að tónlistarkonan Lay Low, Lovísa Elísabet Sigrúnardóttir, sé ósátt við samning sinn við Cod Music og ætli sér jafnvel að fara í hart til að losna undan honum.

Nýtt myndlistarrit

Nú er unnið að því að setja á stofn nýtt rit um íslenska myndlist. Myndlistarritið Sjónauki verður blanda af blaði og bók en viðfangsefnið er allt mögulegt sem tengist myndlist. Aðstandendur Sjónauka, myndlistarmennirnir Anna Júlía Friðbjörnsdóttir og Karlotta Blöndal, fengu á dögunum útgáfustyrk frá Kynningarmiðstöð íslenskrar myndlistar. „Það er mikil vöntun á sérhæfðu riti um myndlist á Íslandi.

Reka hótel í Ölpunum

"Hótelið kallast Skihotel Speiereck og er í litlu fjallaþorpi, Sankt Michael, 100 km suður af Salzburg. Við erum á Alpahryggnum í sólríkasta hluta Austurríkis,“ útskýrir annar eigendanna, Þorgrímur Kristjánsson, hress í símann

Stúlka kærir sýningu Brokeback Mountain

Tólf ára gömul stúlka og fjölskylda hennar hafa farið í skaðabótamál við skólayfirvöld í Chicago vegna sýningar í bekk stúlkunnar á hinsegin kúrekamyndinni Brokeback Mountain. Jessica Turner sagðist hafa þjáðst andlega eftir að horfa á myndina. Kennarinn sagði nemendunum að það sem gerðist innan veggja bekksins, ætti að haldast þar, segir í Chicago Tribune.

DiCaprio í vondum málum

Nágrannar leikarans Leonardos DiCaprio heimta sextán milljóna króna skaðabætur af honum fyrir að ganga á lóð þeirra þegar hann var að láta gera körfuboltavöll við heimili sitt. Kæran var lögð fram í yfirrétti Kaliforníu í síðustu viku.

Trump orðinn afi

Auðkýfingurinn Donald Trump varð afi um síðustu helgi, rétt rúmu ári eftir að hann varð sjálfur faðir á nýjan leik. Það voru sonurinn Donald Trump yngri og eiginkona hans Vanessa sem eignuðust stúlkubarn. Hún hefur þegar fengið nafnið Kai sem hinn stolti faðir segir að sé sótt til danskra forfeðra móðurinnar.

Fashion Cares haldið í Toronto

Dita von Teese sýndi hina víðfrægu erótísku kampavínsglassýningu sína á hátíðinni Fashion Cares sem fram fór um helgina í Toronto í Kanada. Þema hátíðarinnar að þessu sinni var „Gægjast“ eða að horfa á og að vera horft á. Hátíðin var styrkt af snyrtivörurisanum MAC og tilgangur hennar var að safna fé í baráttunni gegn alnæmi.

Fyrirgefningin á Uppstigningadag

Fimmtudaginn 17.maí heldur Guðjón Bergmann tveggja stunda fyrirlestur á Grand Hótel Reykjavík með yfirskriftinni Fyrirgefningin: Heimsins fremsta lækning. Þetta er í fjórða skipti sem fyrirlesturinn er haldinn frá því í nóvember 2006 enda hefur þáttaka verið framúrskarandi góð.

Metfjöldi stuttmynda á Stuttmyndadögum í Reykjavík

Fimmtíu og tvær stuttmyndir bárust í stuttmyndasamkeppnina Stuttmyndadagar í Reykjavík að þessu sinni en það er metfjöldi. Þetta er í ellefta skiptið sem hátíðin er haldin en hún fer fram að þessu sinni í Tjarnarbíói 23. og 24. maí.

Spiderman 3 trónir enn á toppnum

Spiderman 3 er ennþá vinsælasta myndin vestanhafs og halaði hún inn sex sinnum meiri peningum en næsta mynd á listanum. Stjórnarmenn Sony sögðu í gær að þeir ætluðu sér að gera að minnsta kosti þrjár Spiderman myndir í viðbót.

Með byssukúlu í hausnum í 64 ár

Kínversk kona á áttræðisaldri fór á sjúkrahús fyrir skemmstu vegna höfuðverks. Hún hefði kannski átt að gera það fyrr þar sem í ljós kom að hún hafði verið með byssukúlu í hausnum í 64 ár.

Putumayo gefur út Tómas R. Einarsson

Lög eftir Tómas R. Einarsson eru væntanlega á tveimur erlendum safndiskum á næstunni. Annars vegar á safndisk sem kólumbíski plötusnúðurinn DJ El Chino og kemur lagið af disknum Romm Tomm Tomm og er það dæmi um velheppnaða evrópska latínska tónlist. Hins vegar kemur lag eftir Tómas út á safndisk frá útgáfunni Putumayo World Music og er það af disknum Havana.

Vilja Britney á brott

Britney, Paris og Lindsay mega fara að hvíla sig að mati bandarísku þjóðarinnar. Í nýrri könnun komast þær allar á lista yfir þær stjörnur sem fjölmiðlar ytra veita of mikla, og óverðskuldaða, athygli.

Útskrift Kvikmyndaskólans

Á föstudag og laugardag sýndu nemendur Kvikmyndaskóla Íslands lokaverkefni sín í Bæjarbíói í Hafnarfirði og húsakynnum skólans að Lynghálsi: átta lokaverkefni nemenda sem unnin voru undir stjórn Ágústs Guðmundssonar og enn fleiri áfangaverkefni sem unnin voru undir handleiðslu Maríönnu Friðjónsdóttur, Viðars Víkingssonar, Þorgeirs Guðmundssonar og Hilmars Oddssonar.

Synirnir á báðum áttum með pabba

„Synir mínir eiga safnið og hafa skyldað mig til að horfa á það allt,“ segir leikarinn Ellert Ingimundarson en hann hefur verið ráðinn til að tala fyrir hinn guðhrædda Ned Flanders í Simpson-myndinni sem frumsýnd verður í sumar.

Samdi nýtt stef fyrir Ríkisútvarpið

„Þetta er stef sem ég samdi síðasta sumar,“ segir Sveinbjörn Thorarensen, betur þekktur sem Hermi­gervill, sem samdi nýtt stef sem hljóma mun undir samlesnu auglýsingunum á Rás eitt og tvö. „Ég fékk Björn Thorarensen, pabba minn til að spila á hljómborð fyrir mig. Þannig að þetta er svona feðga samvinna. Hann spilaði með Mezzo­forte í gamla daga og kemur með smá áhrif þaðan. Sjálfur spilaði ég á gítar.“

Lopez hótað fyrir loðfeldi

Söng-og leikkonan Jennifer Lopez hefur hert alla öryggisgæslu í kringum sig eftir að henni bárust morðhótanir. Er talið að þær megi reki til dýraverndunarsinna en Lopez þykir fátt jafn notalegt og að klæðast loðfeldi.

Leitar að kærustu

Orlando Bloom leitar logandi ljósi að kærustu á internetinu. Á síðunni Facebook.com er Orlando skráður undir nafni vinar síns, og notar jafnframt mynd af honum.

Kylie sögð vera hjónadjöfull

Ástralska söngkonan Kylie Minogue á undir högg að sækja í fjölmiðlum um þessar mundir en hún er sökuð um að hafa komist upp á milli leikstjórans Alexanders Dahm og eiginkonu hans, Lauru.

Horfa á Star Wars og Dirty Dancing

Star Wars og Dirty Dancing eru þær myndir sem fólk hefur mest gaman af að horfa á aftur og aftur. Þetta kemur fram í niðurstöðum könnunar á vegum bresku sjónvarpsstöðvarinnar Sky.

Gibson í góðum málum

Ástralski leikarinn Mel Gibson virðist óðum vera að ná sér eftir erfitt tímabil og dómari í máli hans lýsti yfir ánægju með þróun mála.

Fönkskotin tónlist

Platan Fnykur með Stórsveit Samúels Jóns Samúelssonar kemur út á föstudag á vegum SJS Musik. Sama dag heldur Stórsveitin útgáfutónleika á tónlistarhátíðinni Vorblóti.

Bjartsýn á franskt/íslenskt framhald

Það var tilkomumikil sjón þegar götuleikhúsið Royal de Luxe sprengdi höfuð risans mislynda í loft upp og risessan sigldi úr Reykjavíkurhöfn. Þá var létt yfir mannskapnum sem undanfarna þrjá mánuði hefur staðið fyrir franska vorinu á Íslandi.

Star Wars í efsta sæti

Star Wars hefur verið kjörin sú mynd sem hefur haft mest áhrif á tæknibrellur annarra mynda í gegnum tíðina. Star Wars, sem kom út 1977, hvatti marga til að starfa við tæknibrellur í kvikmyndum, að því er kom fram niðurstöðum könnunar Samtaka tæknibrellna í Bandaríkjunum.

Lindsay Lohan fækkar fötum

Bandaríska leikkonan Lindsay Lohan lofar því að hún sýni meira af líkama sínum en nokkru sinni áður í nýrri mynd sinni.

Hagaskólanemendur hittast

„Þetta hefur ekki verið gert í fimmtán ár og við ætlum núna að bjóða fimmtán árgöngum, öllum sem voru í Hagaskóla á árunum 1950 til 1965,“ segir Ólafur Jóhannsson sem stendur fyrir „Re-unioni“ gamalla Hagaskólanema ásamt Guðjóni B. Hilmarssyni. „Það verða tvær gamlar skólahljómsveitir að spila, Sweet Dreams og Cogito, þetta verður mjög skemmtileg veisla.“

Einar Bárðarson kandídat í dómarasæti breska X-Factor

„Ég get svo sem alveg eins verið í sjónvarpinu hér í Englandi og röflað einhverja þvælu eins og á Íslandi. Ef til þess kemur,” segir Einar Bárðarson oft nefndur umboðsmaður Íslands. Einar er nú til athugunnar hjá Simon Cowell og fyrirtæki því sem framleiðir sjónvarpsþættina X-Factor í Englandi en nú er verið að stokka hann upp og fá inn nýja dómara.

Moss bjargaði Lily Allen

Breska söngkonan Lily Allen segir að fyrirsætan Kate Moss hafa bjargað henni úr slagsmálum sem hún lenti í. Þetta gerðist á Glastonbury-hátíðinni síðasta sumar eftir að Allen var ranglega sökuð um að hafa kokkálað stúlku nokkra. „Þetta var martröð, ég fékk til dæmis glóðaraugu á bæði augun. En svo mætti Kate og bjargaði mér. Hún er hetja,“ segir Lily.

Bauð Robbie Williams upp á ís

„Þeir voru bara með sænska peninga og kreditkort sem ekki voru tekin gild þarna. Robbie var svo byrjaður að borða ísinn sinn svo ég ákvað bara að flýta fyrir og bauðst til að borga fyrir þá,“ segir Sigurður Ágúst Pétursson rafmagnsiðnfræðingur. Sigurður lenti í þeim undarlegu aðstæðum fyrir skemmstu að bjóða bresku poppstjörnunni Robbie Williams upp á ís þar sem þeir voru báðir staddir á vídeóleigu í Kaupmannahöfn.

Líf og fjör á vorhátíð

Vorhátíð Laugarneshverfis hefst klukkan 14 í dag. „Þetta er sannkölluð fjölskylduhátíð þar sem börnin eru í forgrunni,“ sagði séra Hildur Eir Bolladóttir, prestur í Laugarneskirkju, sem verður kynnir á hátíðinni.

Ekki siðlaus

Ástralska söngkonan Kylie Minogue hefur vísað á bug fréttum um að hún eigi í ástarsambandi með kvæntum manni. Kylie, sem er 38 ára, var ljósmynduð í Chile með kvikmyndaframleiðandanum Alexander Dahm, sem á ófríska eiginkonu.

Mæðginin taka glöð á móti gestum

Miðborg Reykjavíkur er þekkt fyrir urmulinn allan af kaffihúsum en eitthvað minna hefur farið fyrir þeim á landsbyggðinni. Nú hefur Rúna Esradóttir opnað fyrsta kaffihúsið á Súðavík í félagsheimilinu og það er allt brjálað að gera.