Ferguson: Ég notaði Rooney ekki rétt á síðasta tímabili

Sir Alex Ferguson, stjóri Manchester United, hefur viðurkennt það að hann notaði Wayne Rooney ekki rétt á síðasta tímabili. Ástæðan var að Rooney vill bara spila og er tilbúinn að vera hvar sem er á vellinum svo framarlega sem hann er inn á vellinum.

Leikir dagsins í enska boltanum: Öll toppliðin að spila

Það fara fimm leikir fram í ensku úrvalsdeildinni í dag og öll þrjú efstu liðin eru að spila. Efstu tvö liðin, Chelsea og Manchester United, eiga bæði útileiki en Arsenal sem er í 3. sæti er á heimavelli á móti Sunderland.

Beiðni Portsmouth um að fá að selja leikmenn var hafnað

Stjórnarmenn ensku úrvalsdeildarinnar ætla ekki að heimila Portsmouth að fá að selja leikmenn utan félagsskiptagluggann til þess að safna peningum fyrir skattaskuld félagsins.

Redknapp: Woodgate hugsanlega ekki meira með á tímabilinu

Knattspyrnustjórinn Harry Redknapp hjá Tottenham hefur staðfest að varnarmaðurinn Jonathan Woodgate eigi enn langt í land með að ná sér af þeim meiðslum sem hafa verið að plaga hann undanfarið. Woodgate á við þrálát nárameiðsli að stríða sem hafa orðið til þess að hann hefur aðeins leikið þrjá leiki til þessa á tímabilinu.

Cahill frá vegna meiðsla í þrjár vikur

Knattspyrnustjórinn David Moyes hjá Everton hefur staðfest að miðjumaðurinn öflugi Tim Cahill verði líklega frá vegna meiðsla næstu þrjár vikur.

Wenger: Styttist í endurkomu Van Persie

Knattspyrnustjórinn Arsene Wenger hjá Arsenal hefur staðfest að framherjinn Robin Van Persie eigi ekki langt í land með að ná sér af ökklameiðslum sem hafa háð hann síðustu mánuði.

Mancini: Það er ekkert vandamál á milli mín og Bellamy

Knattspyrnustjórinn Roberto Mancini hjá Manchester City hefur þvertekið fyrir þær sögusagnir í breskum fjölmiðlum í dag um að hann og framherjinn Craig Bellamy hafi rifist heiftarlega á æfingarsvæði félagins á miðvikudag.

Vidic leikur gegn Everton á morgun

Serbneski varnarmaðurinn Nemanja Vidic snýr aftur í lið Manchester United á morgun þegar liðið leikur gegn Everton í hádegisleik enska boltans.

FIFA gæti leyft Portsmouth að selja utan gluggans

Samkvæmt heimildum BBC er FIFA, alþjóða knattspyrnusambandið, til í að skoða það með opnum huga að leyfa Portsmouth að selja leikmenn utan félagaskiptagluggans.

Cole kom innbrotsþjófum í opna skjöldu

Innbrotsþjófar reyndu að brjótast inn í glæsivillu knattspyrnustjörnunnar Ashley Cole og eiginkonu hans, poppstjörnunnar Cheryl. Þeir flúðu hinsvegar af vettvangi þegar þeir uppgötvuðu að Cole var innandyra.

Sérstakt kvöld fyrir Liverpool-strákinn Dani Pacheco á Anfield í gær

Hinn 19 ára gamli Dani Pacheco var ánægður með framlag sitt í 1-0 sigri Liverpool á Unirea Urziceni í fyrri leik liðanna í 32 liða úrslitum Evrópudeildarinnar á Anfield í gær.

John Jensen: Arsenal getur unnið sjö leiki í röð og tekið titlinn

John Jensen, fyrrum leikmaður Arsenal og danska landsliðsins, er í viðtali við vefmiðilinn goal.com þar sem hann spáir í endasprettinn hjá Arsenal í ensku úrvalsdeildinni. Hann segir að leikjadagskrá liðanna bjóði upp á tækifæri fyrir hans gamla lið að vinna titilinn.

Leyfið hans Tevez framlengt - ekki með á móti Liverpool?

Carlos Tevez verður væntanlega í Argentínu þar til að ástand dóttur hans batnar sem þýðir að Manchester City verður væntanlega án hans í leiknum mikilvæga á móti Liverpool í ensku úrvalsdeildinni á sunnudaginn.

Bellamy og Mancini rifust eins og hundur og köttur

Það er allt komið upp í háaloft á milli Craig Bellamy og Roberto Mancini, stjóra Manchester City samkvæmt frétt á The Times eftir að þeir rifust eins og hundur og köttur í gærkvöldi. Bellamy var mikill stuðningsmaður Mark Hughes og margir voru búnir að bíða eftir því að upp úr syði á milli þeirra.

Formaður Stoke: Dæmt með stóru liðunum

Peter Coates, stjórnarformaður Stoke, segir að það halli á sitt lið í dómgæslunni. Hann er allskostar ekki sáttur við dómgæslu Alan Wiley í 1-1 jafnteflinu gegn Manchester City á þriðjudag.

Gerrard: Sýndum þolinmæði og hún skilaði sér í sigri

„Þeir voru erfiðir að eiga við en það kom okkur svo sem ekkert á óvart. Við sýndum þolinmæði og hún skilaði sér í sigri,“ sagði fyrirliðinn Steven Gerrard hjá Liverpool eftir nauman 1-0 sigur liðsins gegn Unirea Urziceni í fyrri leik liðanna í 32-liða úrslitum Evrópudeildar UEFA á Anfield-leikvanginum í kvöld.

Evrópudeild UEFA: Liverpool vann með herkjum

Nú er öllum leikjum kvöldsins í 32-liða úrslitum Evrópudeildar UEFA lokið og þó nokkuð var um óvænt úrslit. Liverpool lenti í miklum erfiðleikum með Unirea Urziceni á Anfield-leikvanginum í kvöld.

Hermann: Þurfum bara að einbeita okkur að okkar vinnu

„Fólk er að vinna hörðum höndum á bak við tjöldin til þess að laga fjárhagsstöðuna hjá félaginu. Við leikmennirnir þurfum bara að einbeita okkur að okkar vinnu. Við þurfum bara að halda haus og fara inn á völlinn og hala inn stig,“ segir Hermann Hreiðarsson um stöðu mála hjá Portsmouth í viðtali við Sky Sports fréttastofuna.

Evrópudeild UEFA: Amauri með tvennu í sigri Juventus

Sjö af fimmtán leikjum kvöldsins í 32-liða úrslitum Evrópudeildar UEFA er lokið en þar bar hæst að Juventus vann Ajax á útivelli og Club Brugge lagði Valencia að velli á heimavelli.

Portsmouth sækir um undanþágu til að selja leikmenn

Samkvæmt heimildum Sky Sports fréttastofunnar hafa forráðamenn Portsmouth sótt um sérstaka undanþágu til stjórnar ensku úrvalsdeildarinnar til þess að fá að selja leikmenn frá félaginu þrátt fyrir að félagaskiptaglugginn sé lokaður á Englandi.

Vill Barcelona fá John O'Shea?

Ein allra athyglisverðasta fótboltafrétt dagsins birtist í spænska dagblaðinu Sport. Þar er John O'Shea, hinn fjölhæfi leikmaður Manchester United, orðaður við Evrópumeistara Barcelona.

Gerrard: Ekki gera lítið úr Evrópudeildinni

„Það eru margir sem gera lítið úr Evrópudeildinni, ég er ekki einn af þeim. Ég hef lyft UEFA-bikarnum og það er sérstakur titill," segir Steven Gerrard, fyrirliði Liverpool.

McCarthy ánægður með að málinu sé lokið

Enska úrvalsdeildin ákvað að sekta Wolves um 25.000 pund fyrir að hafa teflt fram hálfgerðu varaliði í leik sínum gegn Manchester United í desember.

Félagi Hermanns hjá Portsmouth: Keypti þrjá bíla á einum degi

Knattspyrnumaðurinn Kevin-Prince Boateng, sem núna er samherji Hermanns Hreiðarssonar hjá Portsmouth, segir í samtali við þýska blaðið Bild að hann hafi í fyrra keypt þrjá bíla á einum degi.

Patrick Vieira á leið í bann - kærður fyrir aganefndina

Patrick Vieira hjá Manchester City er væntanlega á leiðinni í þriggja leikja bann fyrir að sparka í Glenn Whelan hjá Stoke í leik liðanna íensku úrvalsdeildinni í vikunni.

Wenger: Dómarinn gerði hræðileg mistök

Knattspyrnustjórinn Arsene Wenger hjá Arsenal var allt annað en sáttur með dómarann Martin Hansson eftir 2-1 tap liðs síns gegn Porto í fyrri leik liðanna í 16-liða úrslitum Meistaradeildarinnar á Dragao-leikvanginum í kvöld.

Enska úrvalsdeildin: Wigan og Bolton skildu jöfn

Einn leikur fór fram í ensku úrvalsdeildinni í kvöld þar sem Wigan og Bolton gerðu markalaust jafntefli á DW-leikvanginum.

Maxi Rodriguez nýtur lífsins hjá Liverpool

Argentínumaðurinn Maxi Rodriguez sér ekki eftir því að hafa komið til enska liðsins Liverpool og kann vel við sig í Bítlaborginni.

Darren Bent: Hættur með twitter-síðuna sína

Framherjinn Darren Bent er hættur að skrifa inn á twitter-síðuna sína og ætlar þess í stað að einbeita sér að hjálpa Sunderland að halda sæti sínu í ensku úrvalsdeildinni.

Liverpool og City fylgjast með neglaranum frá Nígeríu - myndband

Liverpool og Manchester City eru bæði hafa sýnt nígeríska bakverðinum Taye Taiwo mikinn áhuga en hann spilar nú með franska liðinu Olympique Marseille. Franskir fjölmiðlar hafa skrifað um áhuga ensku úrvalsdeildarliðanna.

Benitez ætlar ekki að taka neina áhættu með Torres og Benayoun

Rafael Benitez, stjóri Liverpool, ætlar ekki að taka áhættuna á því að láta Fernando Torres og Yossi Benayoun spila of snemma heldur ætlar hann að gefa þeim allan tíma sem þeir þurfa til þess að ná sér góðum af meiðslunum.

Owen Coyle ætlar að standa með Elmander

Owen Coyle, stjóri Bolton, hvetur Svíann Johan Elmander til að missa ekki trúna á eigin ágæti þrátt fyrir að vera hreinlega fyrirmunað að skora. Elmander hefur skorað tvö mörk í úrvalsdeildinni á tímabilinu og hefur ekki að margra mati staðið undir kaupverðinu frá franska liðinu Toulouse.

Rooney: Við áttum sigurinn klárlega skilið

„Eftir að við komumst í 1-3 þá vorum við eina liðið á vellinum og við áttu sigurinn klárlega skilið. Það er því svekkjandi að við höfum fengið á okkur seinna markið því það heldur AC Milan inni í einvíginu,“ sagði Wayne Rooney í leikslok eftir 2-3 sigur Manchester United gegn AC Milan á San Siro-leikvanginum í Meistaradeild Evrópu í kvöld.

City skaust í fjórða sætið eftir jafntefli gegn Stoke

Einn leikur fór fram í ensku úrvalsdeildinni í kvöld þar sem Stoke og Manchester City gerði 1-1 jafntefli á Britannia-leivanginum.

Fellaini líklega frá vegna meiðsla í hálft ár

Everton hefur orðið fyrir miklu áfalli því staðfest hefur verið að miðjumaðurinn Marouane Fellaini verður frá vegna meiðsla í allt að því sex mánuði.

Carlo Ancelotti: Mér er sama hjá hverjum mínir leikmenn sofa

Carlo Ancelotti, stjóri Chelsea, er bara rólegur yfir öllu fjaðrafokinu í kringum leikmenn hans utan vallar. Hann ætlar ekki að refsa sínum mönnum fyrir mistök utan vallar.

Drogba: Ég er allt öðruvísi leikmaður en Rooney

Didier Drogba, framherji Chelsea, verður ekkert pirraður á því að vera borinn saman við Wayne Rooney hjá Manchester United. Drogba og Rooney eru ekki bara að keppa um meistaratitilinn með liðum sínum því þeir eiga einnig í harði baráttu um gullskóinn.

Rafael Benitez: Mascherano er lykilmaðurinn fyrir okkur

Rafael Benitez, stjóri Liverpool, er á því að Javier Mascherano sé lykilmaður fyrir liðið í baráttunni um fjórða sætið í ensku úrvalsdeildinni og þar með sæti í Meistaradeildinni á næsta tímabili.

Diouf óskar þess að Norðmaðurinn verði áfram

El Hadji Diouf hefur óskað þess að Norðmaðurinn Morten Gamst Pedersen skrifi undir nýjan samning og verði áfram hjá Blackburn Rovers. Samningur Pedersen rennur út í sumar.

Ferguson: Auðvitað viljum við halda Vidic hjá félaginu

Knattspyrnustjórinn Sir Alex Ferguson hjá Manchester United hefur þvertekið fyrir sögusagnir þess efnis að varnarmaðurinn Nemanja Vidic sé á förum frá félaginu næsta sumar.

Leonardo: Verðum helst að halda hreinu í fyrri leiknum

Knattspyrnustjórinn Leonardo hjá AC Milan gerir ráð fyrir erfiðum leikjum gegn Manchester United í 16-liða úrslitum Meistaradeildarinnar en hann telur að ítalska félagið verði að gera allt til þess að halda marki sínu hreinu í fyrri leiknum á San Siro-leikvanginum annað kvöld.

Giggs: Vona að Beckham njóti leiksins en ekki of mikið samt

Gamli refurinn Ryan Giggs fer fögrum orðum um fyrrum liðsfélaga sinn hjá Manchester United, stórstjörnuna David Beckham, í nýlegu viðtali.

Mikel: Ancelotti öskraði á okkur á bæði ítölsku og ensku í hálfleik

John Obi Mikel, miðjumaður Chelsea, hefur lýst því hvernig Carlo Ancelotti tók leikmenn liðsins í gegn í hálfleik á bikarleik Chelsea og Cardiff um helgina. Staðan var 1-1 í leikhlénu en Chelsea vann síðan öruggan 4-1 sigur eftir hálfleiksræðuna.

Fullt af forföllum hjá Manchester City á móti Stoke á morgun

Manchester City verður örugglega án nokkra sterkra leikmanna þegar liðið mætir Stoke í ensku úrvalsdeildinni á morgun. Carlos Tévez er farinn heima til Argentínu í persónulegt leyfi og fimm aðrir leikmen glíma við meiðsli.

Vítin verða nú æfð sérstaklega hjá Tottenham-liðinu

Tom Huddlestone reyndist ekki vera betri vítaskytta en Jermain Defoe fyrir Tottenham -liðið því hann lét Jussi Jaaskelainen verja frá sér víti í jafnteflinu á móti Bolton í enska bikarnum í gær. Tottenham hefur aðeins skorað úr 2 af 6 vítum sínum í vetur.