Enn leggja Ítalir Þjóðverja að velli á stórmóti | Myndasyrpa

Þýska karlalandsliðinu í knattspyrnu hafði ekki tekist að leggja Ítali að velli á stórmóti fyrir viðureign sína gegn Ítölum í kvöld. Á því varð engin breyting og Ítalir tryggðus sér sæti í úrslitaleiknum gegn Spánverjum á sunnudag.

Balotelli: Skoraði mörkin fyrir mömmu

Mario Balotelli skoraði bæði mörk Ítala sem tryggðu sér sæti í úrslitaleik Evrópumótsins með 2-1 sigri á Þjóðverjum í Varsjá í kvöld. Hann tileinkaði mörkin aldraðri móður sinni.

Fanndís Friðriksdóttir: Ég hélt að flugmaðurinn ætlaði inn í markið

"Það var flugeldasýning, listflug, skrúðganga, lúðrasveit, þrjú rauð spjöld, framlenging, vítaspyrnukeppni. Blóð sviti og tár. Það var allt að gerast," sagði Fanndís Friðriksdóttir leikmaður Blika þegar hún var spurð hvað hefði eiginlega verið í gangi í Eyjum í kvöld.

Dramatískur Blikasigur eftir vítaspyrnukeppni í Eyjum

Breiðablik er komið í átta liða úrslit Borgunarbikars kvenna í knattspyrnu eftir sigur á Eyjakonum í vítaspyrnukeppni. Staðan að loknum venjulegum leiktíma var 3-3 og 4-4 að lokinni framlengingu.

Manchester United og Barcelona mætast í ágúst

Manchester United og Barcelona hafa samið um að mætast í æfingaleik í Gautaborg 8. ágúst næstkomandi en þetta verður annað sumarið í röð þar sem þessi stórlið mætast á undirbúningstímabilinu.

Gylfi Orra: Dómarar vilja ekki að menn taki út refsingu fyrir þeirra mistök

"Gagnrýnin á störf dómara hefur ekki verið neitt öðruvísien undanfarin ár. Mér finnst sem betur hafa verið minna um hana en undanfarin ár sem ég tel vera merki um að dómarahópurinn hafi staðið sig mjög vel í sumar", sagði Gylfi Orrason, varaformaður KSÍ og formaður dómaranefndar sambandsins í viðtali við Hjört Hjartarson í Boltanum á X-inu í morgun.

Þjálfari Fylkis áminntur fyrir ummæli um dómara og félagið sektað

Jón Páll Pálmason, þjálfari Fylkis í efstu deild kvenna í knattspyrnu, hefur verið áminntur af aga- og úrskurðarnefnd Knattspyrnusambands Íslands vegna niðrandi ummæla um dómara.

Hvenær má markmaður taka boltann upp og hvenær ekki?

Dómaranefnd Knattspyrnusambands Íslands ákvað að setja inn á heimasíðu sambandsins útskýringu á því hvenær markmaður megi taka boltann upp eftir sendingu samherja og hvenær ekki.

Blikakonur án bikarsigurs í þrjú ár - mæta ÍBV í Eyjum í kvöld

Stórleikur sextán liða úrslita Borgunarbikars kvenna fer fram á Hásteinsvelli í Vestmannaeyjum í kvöld þegar ÍBV tekur á móti Breiðabliki en leikurinn hefst klukkan 17.00. Þarna eru að mætast liðin í 3. og 4. sæti Pepsi-deildar kvenna en hinir sjö leikirnir verða síðan spilaðir á föstudag og laugardag.

Balotelli skoraði tvívegis og Ítalir komnir í úrslit

Ítalir eru komnir í úrslit á Evrópumóti karlalandsliða í knattspyrnu en liðið lagði Þjóðverja að velli 2-1 í undanúrslitaleiknum í Varsjá í kvöld. Mario Balotelli skoraði bæði mörk Ítala í fyrri hálfleik en Mesut Özil minnkaði muninn í viðbótartíma úr vítaspyrnu.

Maradona: Ef Grikkir geta skorað hjá Þjóðverjum þá geta Ítalir það líka

Argentínska goðsögnin Diego Maradona skrifar um leik Þjóðverja og Ítala í pistli í Indian Times blaðinu í dag. Þjóðirnar mætast í seinni undanúrslitaleik EM í kvöld og í boði er sæti í úrslitaleiknum á móti Heims- og Evrópumeisturum Spánverja.

Gary Lineker gagnrýnir "meðferðina" á Beckham

Gary Lineker, knattspyrnuspekingur og fyrrum landsliðsmaður Englendinga, gegnrýndi það á twitter-síðu sinni í dag hvernig farið var með David Beckham í kringum valið á breska Ólympíuliðinu. Beckham var valinn í úrtakshópinn en í morgun kom svo í ljós að hann verður ekki valinn í breska landsliðið.

Hundrað ár liðin frá fyrsta leik í Íslandsmótinu í fótbolta

Í dag, 28. júní, eru liðin nákvæmlega 100 ár frá fyrsta leiknum sem fram fór í Íslandsmóti í knattspyrnu. Þennan dag árið 1912 mættust Fram og KR, sem þá hét reyndar Fótboltafélag Reykjavíkur, í kappleik á Melavellinum. Úrslit leiksins urðu jafntefli, 1-1, og var það Framarinn Pétur J. Hoffmann Magnússon sem skoraði fyrsta markið. Þetta kemur fram á KSÍ.is.

Þorvaldur dæmir í Meistaradeild UEFA

Þorvaldur Árnason mun dæma seinni leik SP Tre Penne frá San Marínó og F91 Dudelange frá Luxemborg en leikurinn er í fyrstu umferð undankeppni Meistaradeildar UEFA. Þetta kemur fram á heimasíðu KSÍ.

Barcelona keypti Jordi Alba frá Valencia

Það fjölgaði í dag í hópi leikmanna frá Barcelona og Real Madrid í spænska landsliðinu í fótbolta því Börsungar tilkynntu þá á heimasíðu sinni að þeir væru búnir að kaupa landsliðsbakvörðinn Jordi Alba frá Valencia CF. Barcelona borgar 14 milljónir evra fyrir leikmanninn og hann gerir fimm ára samning við félagið.

Luka Modric: Ég fer frá Tottenham

Króatinn Luka Modric segir í viðtali við spænska blaðið Marca að hann sé á förum frá Tottenham en þessi snjalli miðjumaður hefur verið sterklega orðaður við spænsku meistarana í Real Madrid.

Beckham ekki valinn í Ólympíulið Breta

David Beckham verður ekki með breska fótboltalandsliðinu á Ólympíuleikunum í London en hann staðfesti þetta í yfirlýsingu sem hann sendi Associated Press. Þetta kemur nokkuð á óvart en flestir bjuggust örugglega að Beckham yrði með breska liðinu á leikunum.

Alan Shearer: England á enga möguleika að vinna HM 2014

Alan Shearer, fyrrum fyrirliði enska landsliðsins, hefur enga trú á því að enska landsliðinu takist að verða Heimsmeistari eftir tvö ár. Hann segir að liðið sé milljón mílum á eftir bestu knattspynuþjóðum heims en Englendingar féllu út úr átta liða úrslitum EM eftir tap í vítakeppni á móti Ítalíu.

Cristiano Ronaldo var sáttur við að taka síðustu spyrnuna

Cristiano Ronaldo og félagar í portúgalska landsliðinu sátu eftir með sárt ennið eftir undanúrslitaleikinn á EM á móti Spánverjum í gær. Spánn vann 4-2 í vítakeppni og Ronaldo fékk ekki einu sinni að taka síðustu spyrnuna í vítkeppninni.

Casillas hefur haldið hreinu í 900 mínútur í útsláttarleikjum á stórmótum

Iker Casillas, markvörður og fyrirliði Spánverja, hélt enn einu sinni marki sínu hreinu í gær þegar Spánverjar slógu Portúgal út úr undanúrslitum Evrópumótsins í fótbolta. Casillas varði líka eitt víti í vítakeppninni sem Spánverjar unnu 4-2 og tryggðu sér sæti í úrslitaleik EM.

Fabregas: Bað boltann um að bregðast mér ekki

Cesc Fabregas var enn á ný hetja Spánverja þegar hann skoraði úr síðasta víti þeirra í vítakeppninni gegn Portúgal í undaúrslitum Evrópumótsins í kvöld.

Spánverjar fögnuðu en Ronaldo og félagar úr leik | Myndir frá Donetsk

Evrópu- og heimsmeistarar Spánverja fögnuðu sem óðir væru eftir dramatískan sigur í undanúrslitaviðureign sinni gegn Portúgölum á Evrópumóti karlalandsliða í kvöld.

Wozniacki úr leik við fyrstu hindrun | Biðin eftir titli lengist

Caroline Wozniacki féll í dag úr leik í fyrstu umferð í einliðaleik á Wimbledon-mótinu í tennis. Sú danska beið lægri hlut í stórkostlegum þriggja setta leik gegn hinni austurrísku Tamiru Paszek.

Bert Van Marwijk hættur sem landsliðsþjálfari Hollands

Hollenska knattspyrnusambandið tilkynnti í gærkvöldi að leiðir þess og þjálfarans Bert Van Marwijk hefðu skilið.

Negredo í framlínu Spánverja | Fabregas og Torres á bekknum

Álvaro Negredo, framherji Sevilla, er í byrjunarliði Spánverja sem mæta Portúgal í undanúrslitum Evrópumótsins í knattspyrnu. Cesc Fabregas og Fernando Torres byrja á bekknum.

Ronaldo finnur ekki fyrir pressu fyrir leikinn í kvöld

Cristiano Ronaldo, fyrirliði portúgalska landsliðsins, verður í sviðsljósinu í kvöld þegar Spánn og Portúgal mætast í undanúrslitum EM í fótbolta. Ronaldo hefur farið á kostum í síðustu tveimur leikjum á EM þar sem hann hefur skorað 3 mörk og skotið fjórum sinnum í marksúlurnar.

Van Persie mun ræða við Arsenal þegar hann kemur úr fríinu

BBC hefur heimildir fyrir því að Robin Van Persie ætli að ræða við Arsenal um framtíð sína hjá félaginu þegar hann kemur til baka úr sumarfríi í byrjun júlí. Van Persie hefur verið í fríi síðan að hollenska landsliðið féll út keppni á EM fyrir tíu dögum síðan.

DR: Tíu bestu undanúrslitaleikirnir í EM-sögunni

Spánn og Portúgal mætast í kvöld í fyrri undanúrslitaleiknum á Evrópumótinu í Póllandi og Úkraínu og í boði er sæti í úrslitaleiknum á móti annaðhvort Þýskalandi eða Ítalíu sem mætast á morgun.

Barcelona-miðjutvíeykið: Við stoppum Ronaldo

Spánverjarnir Xavi og Sergio Busquets verða í stóru hlutverki í kvöld þegar Spánn mætir Portúgal í undanúrslitum á EM í fótbolta. Eitt af mikilvægari verkefnum þeirra í kvöld en að sjá til þess að Cristiano Ronaldo leiki ekki lausum hala fyrir framan vörn spænska liðsins.

Gareth Bale skrifaði undir nýjan samning hjá Tottenham

Gareth Bale verður áfram hjá Tottenham en hann er búinn að skrifa undir nýjan fjögurra ára samning við félagið. Bale er 22 ára gamall og hefur verið hjá Tottenham frá árinu 2007 þegar hann kom þangað frá Southampton.

Tryggvi: Var búinn að spá því að við mættum KR

"Nei, KR var svo sannarlega ekki óskamótherjinn í þessari umferð. Ég var reyndar búinn að spá því að við þyrftum að fara í vesturbæinn í þessari umferð en sem betur fer fáum við KR-inga til Eyja. Það er töluvert betra", sagði Tryggvi Guðmundsson, leikmaður ÍBV að loknum bikardrættinum í hádeginu í dag.

Óli Þórðar: Erum í þessari keppni til að vinna hana

Ólafur Þórðarson, þjálfari karlaliðs Víkings í knattspyrnu var þokkalegur sáttur með bikardráttinn en hans menn mæta Grindvíkingum á heimavelli í 8 liða úrslitum bikarkeppninnar.

Guðjón vill nota bikarkeppnina til að koma Grindavík af stað í deildinni

Dregið var í átta liða úrslitum Borgunarbikarsins í knattspyrnu karla nú í hádeginu. Grindvíkingar, sem sitja í neðasta sæti úrvalsdeildarinnar, án sigurs mæta Víkingum í Fossvoginum. Víkingar voru annað af tveimur liðum í pottinum í dag sem leika í næstefstu deild. Það lá því beinast við að spyrja Guðjón hvort hann telji sína menn ekki hafa verið heppna með andstæðing í næstu umferð.

Mandzukic fer til Bayern München

Bayern München hefur gengið frá kaupum á króatíska framherjanum Mario Mandzukic en Bayern mun borga VfL Wolsfburg um tólf milljónir evra fyrir leikmanninn. Mandzukic sló í gegn á EM en hann skoraði 3 mörk í 3 leikjum með Króötum í keppninni.

Stöngin inn hjá Fabregas og Spánverjar í úrslit

Spænska karlalandsliðið í knattspyrnu tryggði sér í kvöld sæti í úrslitaleik Evrópumótsins í knattspyrnu eftir sigur á Portúgal í vítaspyrnukeppni í undanúrslitaviðureigninni.

KR-ingar fara til Eyja í 8 liða úrslitum bikarsins

Íslands- og bikarmeistarar KR þurfa að fara til Vestmannaeyja í átta liða úrslitum Borgunarbikars karla en dregið var núna í hádeginu í höfuðstöðvum KSÍ. 1. deildarlið Víkinga og Þróttar fá bæði heimaleik á móti liðum í neðri hluta Pepsi-deildar karla.

Puyol borgaði fyrir krabbameinsmeðferðina hans Miki Roque

Miki Roque, 23 ára spænskur fótboltamaður og fyrrum leikmaður Liverpool, lést úr krabbameini um síðustu helgi og fráfall hans hefur haft mikil áhrif á spænska landsliðshópinn. Spánverjar mæta Portúgal í undanúrslitum EM í kvöld.

Umboðsmaður Zlatans: Ítalska deildin er þriðja flokks deild

Mino Raiola, umboðsmaður Zlatan Ibrahimovic, er alltaf óhræddur að segja sína skoðun umbúðalaust og nú hefur hann ráðlagt Robin van Persie að fara ekki til Ítalíu.

Nasri baðst afsökunar á twitter-síðu sinni

Samir Nasri ákvað að nota twitter-síðu sína til þess að biðjast afsökunar á hegðun sinni á Evrópumótinu í fótbolta en rifildi hans við blaðamenn og aðstoðarþjálfara franska landsliðsins hafa vakið upp sterk viðbrögð í Frakklandi.

Capello gagnrýnir Rooney: Skilur hann bara skosku

Fabio Capello, fyrrum landsliðsþjálfari Englendinga og sá sem átti að stýra liðinu á EM, segist ekki skilja af hverju Wayne Rooney spilar bara vel fyrir Manchester United og sé ekki sami leikmaður þegar hann klæðist enska landsliðsbúningnum.

The Times: Liverpool ekki búið að gefast upp í kapphlaupinu um Gylfa

The Times skrifar um mál Gylfa Þórs Sigurðssonar í morgun en íslenski landsliðsmaðurinn var sagður á leið til Tottenham í öllum helstu fjölmiðlum Bretlands í gær.

Anders Limpar líkir George Graham við Saddam Hussein

Sænski knattspyrnumaðurinn Anders Limpar vandar George Graham, fyrrum stjóra sínum hjá Arsenal, ekki kveðjurnar. Limpar segir lífið hjá Arsenal undir stjórn Skotans hafa verið líkt og í Írak undir einræði Saddam Hussein.

Víkingur sló Fylki út úr bikarnum | Myndasyrpa

Víkingur gerði sér lítið fyrir og sló Fylkismenn út úr Borgunarbikar karla í knattspyrnu í Fossvoginum í kvöld. Fossvogsbúar, sem hafa haft litlu að fagna í sumar, gátu glaðst í veðurblíðunni í Víkinni í kvöld.

KR-ingar hefndu fyrir ósigurinn gegn Blikum | Myndasyrpa

Bikarmeistarar KR tryggðu sér sæti í átta liða úrslitum Borgunarbikars karla í knattspyrnu með 3-0 sigri á Breiðabliki í Vesturbænum í kvöld.

Guðjón með lið í 8 liða úrslitum í áttunda sinn á níu tímabilum

Guðjón Þórðarson er enn á ný kominn langt með lið sitt í bikarkeppninni og þegar lærisveinar hans í Grindavík slógu út KA-menn út úr 16 liða úrslitum Borgunarbikarsins á mánudagskvöldið þá stýrði hann liði til sigurs í 30. sinn í bikarkeppni KSÍ.