KSÍ meðal 53 knattspyrnusambanda sem fordæma aðgerðir Sion

Formenn knattspyrnusambandanna 53 sem mynda Knattspyrnusamband Evrópu, UEFA, funda nú á Kýpur og þau hafa tekið sig saman um að fordæma aðgerðir svissneska félagsins Sion. Knattspyrnusamband Íslands er að sjálfsögðu í þessum hópi.

Guðjón Pétur sat á bekknum þegar Helsingborg tapaði toppslagnum

Guðjón Pétur Lýðsson fékk ekki að spreyta sig þegar Helsingborg tapaði 2-3 á móti Elfsborg í toppslag í sænsku úrvalsdeildinni í fótbolta í kvöld. Helsingborg er samt enn með sjö stiga forskot á Elfsborg á toppnum en Elfsborg fór upp fyrir AIK og alla leið í annað sætið með þessum sigri.

Umfjöllun: Tvö töpuð stig gegn Belgíu

Ísland gerði í kvöld markalaust jafntefli við Belgíu í undankeppni EM 2013. Úrslitin eru afar svekkjandi, sérstaklega í ljósi góðrar byrjunar Íslands í riðlinum.

Eiður Smári kom inn á sem varamaður og skoraði eftir mínútu

Eiður Smári Guðjohnsen byrjaði á varamannabekknum hjá AEK Aþenu í dag þegar liðið sótti Skoda Xanthi heim í grísku úrvalsdeildinni í fótbolta. Íslenski landsliðsmaðurinn var hinsvegar fljótur að láta til sín taka þegar hann kom inn á 75. mínútu og var búinn að skora sitt fyrsta mark fyrir félagið mínútu síðar. Eiður Smári lagði einnig upp síðasta mark AEK í leiknum.

Það mun ekki vanta Lýsið í stelpurnar okkar í kvöld

Íslenska kvennalandsliðið í fótbolta mætir Belgum á Laugardalsvellinum í kvöld í undankeppni EM 2013 en þetta er þriðji leikur íslensku stelpnanna í riðlinum. Íslenska liðið hefur unnið Búlgaríu og Noreg í fyrstu tveimur leikjum sínum og markatalan er 9-1 Íslandi í vil.

Noregur fór létt með Ungverjaland

Noregur vann í dag auðveldan 6-0 sigur á Ungverjalandi í riðli Íslands í undankeppni EM 2013. Þær norsku eru því komnar á blað í riðlinum eftir að hafa tapað fyrir Íslandi, 3-1, um síðustu helgi.

Þórunn Helga: Ferðalögin vel þess virði

Þórunn Helga Jónsdóttir setur ekki löng ferðalög fyrir sig til að fá að spila með A-landsliði kvenna.

Sigurður Ragnar: Leggjum allt í sölurnar

Sigurður Ragnar Eyjólfsson, þjálfari íslenska landsliðsins, segir liðið ætla að leggja allt í sölurnar til að vinna sigur á Belgum í undankeppni EM 2013 í kvöld.

Maradona sagði Mourinho að kaupa Aguero

Diego Maradona segist hafa ráðlagt Jose Mourinho, þjálfara Real Madrid, að semja við Sergio Aguero. Það hafi verið nauðsynlegt svo Real geti keppt við Barcelona.

Zlatan og Inzaghi snúa aftur

Læknaliði AC Milan gengur vel að koma Zlatan Ibrahimovic aftur á lappir og svo gæti farið að hann spili um helgina. Það er nokkuð fyrr en búist var við er hann meiddist.

Owen: Ég er bara 31 árs

Michael Owen minnti hressilega á sig í gær þegar hann skoraði tvö mörk gegn Leeds í deildarbikarnum og lék afar vel. Owen segist eiga mörg góð ár eftir.

Gasperini rekinn frá Inter

Þjálfaraferill Gian Piero Gasperini hjá Inter var stuttur því hann var í morgun rekinn frá félaginu. Inter hefur gengið hörmulega í upphafi leiktíðar.

Kolo snýr aftur í kvöld

Kolo Toure, varnarmaður Man. City, snýr væntanlega aftur á völlinn í kvöld eftir sex mánaða leikbann sem hann fékk fyrir að nota ólögleg efni.

Wenger klár í 14 ár í viðbót hjá Arsenal

Arsenal slapp með skrekkinn gegn Shrewsbury í deildarbikarnum í gær. Arsenal lenti undir í leiknum en hafði sigur að lokum. Arsene Wenger, stjóri Arsenal, viðurkenndi að hafa orðið skelkaður er Shrewsbury komst yfir en var himinlifandi í leikslok.

Villas-Boas: Er ekki að reyna að hafa áhrif á dómarana

Eins og kunnugt er þá ákvað Andre Villas-Boas, stjóri Chelsea, að senda inn formlega kvörtun til enska knattspyrnusambandsins út af dómgæslunni í leik Man. Utd og Chelsea á dögunum. Villas-Boas segist samt ekki vera að reyna að hafa áhrif á dómgæslu í leikjum Chelsea.

Ísland upp fyrir Færeyjar á FIFA-listanum

Sigurmark Kolbeins Sigþórssonar gegn Kýpur lyfti íslenska landsliðinu upp um 17 sæti á FIFA-listanum. Ísland er nú í 107. sæti á listanum en var í 124. sæti.

Gerum þá kröfu að vinna

Íslenska kvennalandsliðið tekur á móti Belgíu á Laugardalsvelli í kvöld. Landsliðsþjálfarinn segir liðið ætla að vinna riðilinn og verði því að vinna í kvöld.

Bjarni Fel lýsti úti í rigningunni

Gamla brýnið Bjarni Felixson hefur upplifað ýmislegt á löngum og farsælum ferli sem íþróttafréttamaður en aðstæðurnar sem mættu honum í Vestmannaeyjum í gær hafa líklega toppað flest það sem Bjarni hefur prófað.

Marco Parolo: Leikstíll minn er fullkominn fyrir ensku úrvalsdeildina

Marco Parolo, miðjumaður Cesena á Ítalíu, er sannfærður um það sjálfur að hann myndi passa vel inn í ensku úrvalsdeildina þar sem að hæfileikar hans henti ekki bara fyrir ítalska fótboltann.

Stoke sló Tottenham út eftir vítakeppni á Britannia

Stoke og Newcastle fögnuðu dramatískum sigri í kvöld þegar það þurfti að framlengja tvo leiki í 3. umferð enska deildarbikarsins. Leikur Stoke og Tottenham fór alla leið í áttundu umferð í vítakeppni.

Fótboltaleikir bara fyrir konur og börn í Tyrklandi - karlarnir í banni

Tyrkir ætla að beita nýrri aðferð þegar þeir refsa félögum fyrir ólæti á knattspyrnuleikjum í landinu. Knattspyrnusambandið hefur gefið út nýjar refsiaðgerðir þar sem að aðeins konur og börn undir tólf ára fá að koma á leiki en karlarnir eru í banni.

Sigurður Ragnar gerir enga breytingu á byrjunarliði sínu

Sigurður Ragnar Eyjólfsson, landsliðsþjálfari, er búinn að tilkynna byrjunarliðið sitt fyrir leikinn á móti Belgíu á Laugardalsvelli á morgun en þetta er þriðji leikur liðsins í undankeppni EM 2013.

Owen með tvö mörk fyrir Man. United - Bolton sló út Aston Villa

Varalið Manchester United átti ekki í miklum vandræðum með Leeds á Elland Road í kvöld í 3. umferð enska deildarbikarsins. United vann 3-0 þar sem öll mörkin komu í fyrri hálfleik. Michael Owen skoraði tvö mörk í kvöld í sínum fyrsta leik í byrjunarliði. Arsenal og Bolton komust einnig áfram í enska deildarbikarnum í kvöld.

Mourinho: Komið fram við okkur eins og glæpamenn

Jose Mourinho, þjálfari Real Madrid, segir að sitt lið fái ekki réttláta meðferð í fjölmiðlum á Spáni. Mikið er látið með lætin sem urðu í leik liðsins gegn Levante.

Gary Martin valinn bestur í 1. deild karla - Jón Daði efnilegastur

Skagamaðurinn Gary Martin var í kvöld valinn besti leikmaður 1. deildar karla í fótbolta í sumar en vefsíðan Fótbolti.net fékk þjálfara og fyrirliða deildarinnar til að velja úrvalslið deildarinnar sem og besta leikmanninn, besta þjálfarann og efnilegasta leikmanninum.

Stelpurnar okkar á fullri ferð í Go-kart í dag

Íslenska kvennalandsliðið mætir Belgíu í undankeppni EM 2013 á Laugardalsvellinum á morgun og liðið hefur verið að undirbúa sig fyrir leikinn frá því að stelpurnar unnu 3-1 sigur á Noregi á laugardaginn.

David Silva: Del Bosque vill ekki nota mig í spænska landsliðinu

David Silva hefur spilað frábærlega fyrir lið Manchester City í fyrstu leikjum tímabilsins í ensku úrvalsdeildinni en einn besti leikmaður ensku úrvalsdeildarinnar er ekki nógu góður fyrir spænska landsliðið.

Þrettán leikmenn úr Pepsi-deildinni voru dæmdir í leikbann í dag

Aga- og úrskurðarnefnd úrskurðaði í dag þrettán leikmenn Pepsi-deildarinnar í bann. Tveir leikmenn fara í bann vegna brottvísunar í síðustu umferð en hinir ellefu eru komnir í bann vegna of margra áminninga.

Villas-Boas lagði inn kvörtun vegna dómgæslunnar á Old Trafford

Andre Villas-Boas, stjóri Chelsea, var það ósáttur með dómgæsluna í leik Manchester United og Chelsea á Old Trafford að hann er búinn að leggja formlega kvörtun inn á borð Mike Riley, formanns dómaranefndar ensku úrvalsdeildarinnar.

Agger rifbeinsbrotnaði á móti Tottenham

Daniel Agger, miðvörður Liverpool, rifbeinsbrotnaði í tapinu á móti Tottenham um síðustu helgi og verður frá í allt að einn mánuð. Kenny Dalglish, stjóri Liverpool, er þó ekki tilbúinn að gefa það út hvernig danski landsliðsmaðurinn snúi til baka en verði í það minnsta ekki með liðinu í næstu leikjum.

Pepsimörkin: Stjörnuþulurinn Maggi Diskó í Gaupahorninu

Guðjón Guðmundsson brá sér í heimsókn á Stjörnuvöllinn í Garðabæ þar sem hann tók vallarþulinn Magga Diskó tali í Gaupahorninu. Guðjón er ekki í vafa um að Maggi sé skemmtilegasti vallarþulur landsins en innslagið var sýnt í Pepsimörkunum á Stöð 2 sport í gær.

Hernandez fljótur að jafna sig eftir tæklinguna frá Cole

Javier Hernandez framherji enska meistaraliðsins Manchester United virðist hafa hrist af sér meiðslin sem hann varð fyrir í 3-1 sigri liðsins s.l. sunnudag gegn Chelsea. „Litla baunin“ eins og landsliðsmaðurinn frá Mexíkó er kallaður fékk mikið högg á vinstri fótinn þegar Ashley Cole reyndi að verjast skoti frá honum en Cole var stálheppinn slasa ekki Hernandez alvarlega í því tilviki.

Forseti Bayern München telur að þýska deildin sé sú sterkasta

Uli Höness forseti þýska stórliðsins Bayern München henti ágætri sprengju inn í fótboltaumræðuna um helgina þegar hann sagði að enska úrvalsdeildin væri sú þriðja sterkasta í heiminum. Að mati Höness er spænska deildin sú sterkasta og að hans mati koma Þjóðverjar þar á eftir.

Wenger fær stuðning frá stjórnarformanni Arsenal

Ivan Gazidis stjórnarformaður Arsenal segir að það komi ekki til greina að láta Arsene Wenger knattspyrnustjóra liðsins fara frá liðinu þrátt fyrir afleitt gengi þess í upphafi tímabilsins. Arsenal hefur aðeins unnið einn leik af fyrstu fimm og er liðið í 17. sæti – einu sæti fyrir ofan fallsæti.

Sunnudagsmessan: Stórtíðindi í Elokobi-horninu

Hinn 25 ára gamli George Nganyuo Elokobi er í miklu uppáhaldi hjá umsjónarmönnum Sunnudagsmessunnar á Stöð 2 sport 2. Í síðasta þætti var farið yfir helstu atvikin hjá varnarmanninum frá Kamerún sem lék í stöðu vinstri bakvarðar í 3-0 tapleik á heimavelli gegn nýliðum QPR frá London.

Starfsmenn Man Utd fá bónusgreiðslur frá eigendum liðsins

Bandaríska Glazer fjölskyldan sem á enska úrvalsdeildarliðið Manchester United er án efa aðeins ofar á vinsældarlistanum hjá 500 starfsmönnum félagsins í dag en í gær. Í bréfi sem starfsmenn fengu í gær frá eigendum félagsins var sagt frá því að allir starfsmenn fái bónusgreiðslu á árslaunin sem nemur um 8% af árslaunum hvers og eins. Um 920 milljónum ísl. kr. eða sem nemur um 5 milljónum punda.

Gerrard er klár í slaginn á ný eftir sex mánaða bið

Allar líkur eru á því að enski landsliðsmaðurinn Steven Gerrard verði í leikmannahóp Liverpool á morgun gegn Brighton í deildabikarkeppninni. Gerrard, sem er 31 árs gamall, hefur ekki spilað með Liverpool í hálft ár vegna meiðsla en hann fór í aðgerð á nára s.l. vor. Talið var að Gerrard yrði klár í slaginn strax í upphafi keppnistímabilsins en það gekk ekki eftir.

Pepsimörkin: Eru Framarar að bjarga sér á lokasprettinum?

Framarar gefa ekkert eftir á lokasprettinum í Pepsideild karla í fótbolta og með 1-0 sigri liðsins í gær gegn Keflavík opnaðist fallbaráttan upp á gátt. Reynir Leósson og Hjörvar Hafliðason fóru yfir stöðuna á botni deildarinnar í Pepsimörkunum á Stöð 2 sport í gær ásamt Herði Magnússyni íþróttafréttamanni.

Pepsimörkin: Tilþrif og tónlist úr 20. umferð

Mikil spenna er á Íslandsmótinu í fótbolta karla, Pepsideildinni, en fimm leikir fóru fram í 20. umferð í gær. Að venju var farið yfir öll helstu atvikin úr leikjunum í þættinum Pepsimörkin á Stöð 2 sport. Í myndbandinu má sjá öll mörkin sem skoruð voru í leikjunum sex og Depeche Mode sá um tónlistina.

KR og ÍBV áfram með jafnmörg stig á toppnum - myndir

ÍBV og KR gerðu 1-1 jafntefli í toppslag Pepsi-deildar karla í Eyjum í gær og hafa þar með gert jafntefli í báðum innbyrðisleikjum sínum í sumar. Liðin hafa því bæði 40 stig á toppi deildarinnar en KR-ingar sitja í efsta sætinu á betri markatölu.

Framarar settu mikla spennu í fallslaginn - myndir

Framarar sáu til þess að fimm lið eru í fallhættu í Pepsi-deild karla þegar aðeins tvær umferðir eru eftir. Fram vann 1-0 sigur á Keflavík á Laugardalsvellinum í gærkvöldi og hefur þar með náð í 10 af 18 stigum sínum í Pepsi-deildinni í sumar í síðustu fimm leikjum sínum.

Umfjöllun Vísis um leiki kvöldsins

Fimm af sex leikjum 20. umferðar Pepsi-deild karla fóru fram í kvöld og það er óhætt að segja að spennan sé mikil á toppi og botni eftir að þriðja síðasta umferð Íslandsmótsins er að baki. Hér má finna alla umfjöllun Vísis um leikina í kvöld á einum stað.

Nýju skórnir hans Rooney fengu ekki góða auglýsingu um helgina

Wayne Rooney hjá Manchester United, er markahæsti leikmaður ensku úrvalsdeildarinnar með níu mörk í fyrstu fimm umferðunum og hefur þar með sett nýtt met í markaskorun í upphafi móts í ensku úrvalsdeildinni. Rooney hefði samt auðveldlega getað verið búinn að skora tíu mörk því hann klúðraði víti á eftirminnilegan í sigrinum á Chelsea í gær.

Íslensku stelpurnar komnar áfram eftir 3-0 sigur á Kasakstan

Íslenska 19 ára landsliðið er komið áfram í milliriðil á EM kvenna eftir sigur á Kasakstan í öðrum leik sínum í undankeppni EM en riðill íslenska liðsins fer fram á Íslandi. Íslensku stelpurnar fylgdu eftir 2-1 sigri á Slóveníu í fyrsta leik með því að vinna 3-0 sigur á Kasökum á Selfossi í dag.

Jóhann Birnir: Held að Fram bjargi sér

Jóhann Birnir Guðmundsson, leikmaður Keflavíkur, segir að sínir menn hafi verið langt frá sínu besta í kvöld er liðið tapaði fyrir Fram, 1-0, í miklum fallbaráttuslag í Laugardalnum.