Pepsimörkin: Eru Framarar að bjarga sér á lokasprettinum?

Framarar gefa ekkert eftir á lokasprettinum í Pepsideild karla í fótbolta og með 1-0 sigri liðsins í gær gegn Keflavík opnaðist fallbaráttan upp á gátt. Reynir Leósson og Hjörvar Hafliðason fóru yfir stöðuna á botni deildarinnar í Pepsimörkunum á Stöð 2 sport í gær ásamt Herði Magnússyni íþróttafréttamanni.

Reynir sagði m.a.að varnarleikur Fram hefði lagast mikið og Hjörvar benti á að fyrirliðinn Sam Tillen væri líklega með stærsta „Framhjartað“ í liðinu. „Fram er ekkert að fara að falla, ég er búinn að segja það í allt sumar,“  sagði Hjörvar m.a. í þættinum og lagði hann áherslu á orð sín.