Þrettán leikmenn úr Pepsi-deildinni voru dæmdir í leikbann í dag

Aga- og úrskurðarnefnd úrskurðaði í dag þrettán leikmenn Pepsi-deildarinnar í bann. Tveir leikmenn fara í bann vegna brottvísunar í síðustu umferð en hinir ellefu eru komnir í bann vegna of margra áminninga.

Breiðablik, FH, Fram, ÍBV og KR missa öll tvo leikmenn í bann en Fylkir, Grindavík og Valur missa einn mann í bann fyrir næstu umferð sem fer fram á sunnudaginn kemur.

Björn Daníel Sverrisson úr FH og Kjartan Henry Finnbogason úr KR eru báðir að fara í bann vegna sex gulra spjalda en Brynjar Gauti Guðjónsson úr ÍBV og Hólmbert Aron Friðjónsson úr Fram taka báðir út bann vegnn rauða spjaldsins sem þeir fengu í 20. umferðinni í gær.

Leikmenn úr Pepsi-deild karla í banni í næsta leik:

Kristinn Jónsson, Breiðabliki (1 vegna 4 áminninga)

Rafn Andri Haraldsson, Breiðabliki (1 vegna 4 áminninga)

Björn Daníel Sverrisson, FH (1 vegna 6 áminninga)

Pétur Viðarsson, FH (1 vegna 4 áminninga)

Halldór Hermann Jónsson, Fram (1 vegna 4 áminninga)

Hólmbert Aron Friðjónsson, Fram (1 vegna brottvísunar)

    

Davíð Þór Ásbjörnsson, Fylki (1 vegna 4 áminninga)

Matthías Örn Friðriksson, Grindavík (1 vegna 4 áminninga)

Brynjar Gauti Guðjónsson, ÍBV (1 vegna brottvísunar)

Þórarinn Ingi Valdimarsson, ÍBV (1 vegna 4 áminninga)        

Gunnar Þór Gunnarsson, KR (1 vegna 4 áminninga)    

Kjartan Henry Finnbogason, KR (1 vegna 6 áminninga)        

Halldór Kristinn Halldórsson, Val (1 vegna 4 áminninga)