KR og ÍBV áfram með jafnmörg stig á toppnum - myndir

ÍBV og KR gerðu 1-1 jafntefli í toppslag Pepsi-deildar karla í Eyjum í gær og hafa þar með gert jafntefli í báðum innbyrðisleikjum sínum í sumar. Liðin hafa því bæði 40 stig á toppi deildarinnar en KR-ingar sitja í efsta sætinu á betri markatölu.

Aaron Spear skoraði í þriðja leiknum í röð og kom ÍBV yfir á 27. mínútu en Kjartan Henry Finnbogason tryggði KR jafntefli í seinni hálfleik með sínu tólfta deildarmarki í sumar.

Daníel Rúnarsson, ljósmyndari Fréttablaðsins og Vísis, var á leik ÍBV og KR á Hásteinsvellinum í gær og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.