Óskar Örn áfram hjá KR

Óskar Örn Hauksson skrifaði í hádeginu í dag undir nýjan þriggja ára samning við KR. Þetta staðfesti Rúnar Kristinsson, yfirmaður íþróttamála hjá félaginu, í samtali við Vísi.

Lionel Messi: Þetta er bara rétt að byrja hjá mér og Zlatan

Lionel Messi segir að samvinna hans og Zlatan Ibrahimovic eigi aðeins eftir að verða betri. Barcelona hefur unnið fimm fyrstu leiki sína í spænsku deildinni og þeir félagar hafa skorað tíu mörk saman í þeim, Zlatan 5 og Messi 5.

Íslensku dómararnir sex í eldlínunni í kvöld

Það verður brotið blað í sögu íslenskrar knattspyrnudómgæslu í kvöld þegar sex íslenskir dómarar verða við störf á leik Anderlecht og Ajax í Evrópudeildinni.

GAIS getur misst 9 stig og lent í bullandi fallbaráttu

Athyglisvert mál er komið upp í sænska fótboltanum. Brasilíumaðurinn Wanderson er markahæsti leikmaður sænsku úrvalsdeildinnar með 16 mörk en nú hefur komið í ljós að atvinnuleyfi hans rann út fyrir tveimur mánuðum. Wanderson er með öðrum orðum ólöglegur í Svíþjóð.

Defoe brákaðist á hendi og fór úr lið á tveimur fingrum

Jermain Defoe, framherji Tottenham, verður ekki með liðinu á móti Bolton um helgina þar sem að komið er í ljós að hann handarbrotnaði í 5-0 sigri á Burnley um síðustu helgi. Defoe gæti einnig misst af næstu verkefnum enska landsliðsins.

Mikilvægur dagur fyrir Emmanuel Adebayor

Emmanuel Adebayor, framherji Manchester City, fær að vita það í dag hvort aganefnd enska knattspyrnusambandsins dæmi hann í leikbann fyrir umdeild fagnaðarlæti sín eftir að hann skoraði á móti sínum gömlu félögum í Arsenal.

Aurelio hefur aldrei séð Benitez svona reiðann

Rafael Benitez, stjóri Liverpool, hefur líklega aldrei verið reiðari út í sína leikmenn en hann var í tapinu á móti Fioretina í Meistaradeildinni í vikunni. Þessu heldur fram landi hans og leikmaður Liverpool, Fabio Aurelio.

Owen gæti verið frá í þrjár vikur - meiddist á nára

Michael Owen, framherji Manchester United, þurfti að yfirgefa völlinn eftir aðeins 20 mínútur í 2-1 sigri liðsins á Þýskalandsmeisturum Wolfsburg á Old Trafford í gær. Fabio Capello, þjálfari enska landsliðsins, var í stúkunni og það voru því súr og svekkjandi skrefin sem Owen þurfti að taka þegar hann fór svo snemma af velli.

Prince Rajcomar samdi við ungverskt lið

Prince Rajcomar hefur gert fjögurra ára samning við ungverska félagið Zalaegerszegi TE en þetta kemur fram á síðunni krreykjavik.is í dag. Það gekk lítið upp hjá þessum hollenska framherja sitt eina ár í herbúðum KR en þar á undan lék hann í tvö ár með Breiðabliki.

Filippo Inzaghi hjá AC Milan: Það fer bara allt úrskeiðis hjá okkur

Filippo Inzaghi og félagar í AC Milan eru í tómu tjóni á þessu tímabili sem sást vel í Meistaradeildinni í gær þegar liðið tapaði 0-1 á heimavelli á móti svissneska liðinu FC Zurich. AC Milan hefur verið í miklum vandræðum síðan að Leonardo tók við af Carlo Ancelotti, núverandi stjóra Chelsea.

Wenger búinn að setja met hjá Arsenal

Arsene Wenger er nú orðinn sá stjóri sem hefur verið lengst við stjórnvölinn hjá Arsenal. Wenger er nú búinn að sitja í stólnum í meira en þrettán ár og hefur með því bætt met George Allison sem var stjóri Arsenal frá 1934-1947.

Ancelotti: Góð úrslit en ekki góð spilamennska

Knattspyrnustjórinn Carlo Ancelotti hjá Chelsea viðurkenndi að lið sitt hafi ef til vill ekki verið að spila sinn besta leik í 0-1 sigri sínum gegn Apoel Nicosia í kvöld en var þó ánægður með sigurinn.

Ferguson: Giggs er einfaldlega stórkostlegur

Knattspyrnustjórinn Sir Alex Ferguson hjá United var ánægður með spilamennsku sinna manna eftir 2-1 sigurinn gegn Wolfsburg í kvöld og hrósaði sérstaklega framlagi Ryan Giggs.

Meistaradeildin: Man. Utd og Chelsea með sigra

Það blés ekki byrlega fyrir Englandsmeistara Manchester United gegn Þýskalandsmeisturum Wolfsburg lengi vel á Old Trafford-leikvanginum í kvöld.

Jovetic: Vonandi næ ég að feta í fótspor Baggio

Svartfellingurinn ungi Stevan Jovetic hjá Fiorentina stal senunni í riðlakeppni Meistaradeildarinnar í gærkvöld þegar hann skoraði bæði mörk liðs síns í 2-0 sigri gegn Liverpool í Flórens.

Manchester United hefur áhuga á Cahill

Samkvæmt heimildum The Sun eru Englandsmeistarar Manchester United áhugasamir um að fá varnarmanninn Gary Cahill frá Bolton.

Ólafur Jóhannesson búinn að skrifa undir nýjan samning

Ólafur Jóhannesson verður áfram karlalandsliðsþjálfari í knattspyrnu en hann skrifaði undir nýjan tveggja ára samning í dag. Ólafur tók við landsliðinu af Eyjólfi Sverrissyni í lok október 2007 eftir að hafa unnið fjóra stóra titla með FH frá 2004 til 2007. Hann mun stjórna landsliðinu út undankeppni EM 2012..

Björgólfur áfram hjá KR

Björgólfur Takefusa hefur skrifað undir nýjan tveggja ára samning við KR en hann var markahæsti leikmaður Pepsi-deildarinnar í ár.

Mourinho: Þurfum bara að vinna heimaleikina okkar

Knattspyrnustjórinn Jose Mourinho hjá Inter er ekki af baki dottinn eftir jafnteflið gegn Rubin Kazan í gærkvöld og þó svo að lið hans sé enn ekki búið að landa sigri eftir tvær umferðir í riðlakeppni Meistaradeildarinnar.

Lazio leiðir kapphlaupið um van der Vaart

Fastlega er búist við því að miðjumaðurinn Rafael van der Vaart muni yfirgefa herbúðir Real Madrid þegar félagaskiptaglugginn opnar að nýju í janúar.

Owen: Ég mun spila aftur fyrir enska landsliðið

Framherjinn Michael Owen hjá Manchester United hefur ekki hlotið náð fyrir augum landsliðsþjálfarans Fabio Capello hjá Englandi undanfarið en er þó sannfærður um að hann hafi það sem þurfti til þess að spila aftur fyrir landsliðið.

Benitez: Liverpool mun koma til baka á móti Chelsea

Rafael Benitez, stjóri Liverpool, er sannfærður um að sínir menn nái að bæta fyrir ófarirnar í Meistaradeildinni í gær þegar liðið mætir Chelsea á sunnudaginn. Liverpool-liðið var eins og áhorfandi í fyrri hálfleik í 0-2 tapinu á móti Fiorentina í gær.

Valskonur töpuðu stórt á Ítalíu í Meistaradeildinni

Kvennalið Vals tapaði 1-4 á móti ítalska liðinu Torres í fyrri leik liðanna í Meistaradeild UEFA kvenna en hann fór fram í Sassari á Ítalíu í dag. Hallbera Gísladóttir náði að minnka muninn í 3-1 á 68. mínútu en þær ítölsku bættu við marki í lokin.

Áhorfandinn sem Bellamy sló fékk þriggja ára bann

Jake Clarke, áhorfandinn sem hljóp inn á völlinn að loknum leik Manchester United og Manchester City, hefur verið sektaður og má ekki mæta á völlinn næstu þrjú árin.

Guðmundur næsti þjálfari Selfoss

Knattspyrnudeild Selfoss hefur boðað til blaðamannafundar þar sem tilkynnt verður um ráðningu þjálfara meistaraflokks karla. Samkvæmt heimildum Vísis verður það Guðmundur Benediktsson, leikmaður KR.

Landsliðið sem mætir Suður-Afríku

Ólafur Jóhannesson landsliðsþjálfari hefur tilkynnt landsliðshópinn sem mætir Suður-Afríku í vináttulandsleik á Laugardalsvelli þann 13. október næstkomandi.

Ferguson: Rooney getur orðið einn sá besti í heimi

Alex Ferguson, stjóri Manchester United, segir að Wayne Rooney geti auðveldlega orðið einn að bestu knattspyrnumönnum heimsins.

Reo-Coker og Keko orðaðir við Arsenal

Nigel Reo-Coker og spænski táningurinn Keko eru í dag orðaðir við Arsenal í enskum fjölmiðlum.

Walcott klár í slaginn um helgina

Theo Walcott gæti komið við sögu í sínum fyrsta leik með Arsenal í ensku úrvalsdeildinni á núverandi tímabili er liðið mætir Blackburn um helgina.

Capello mun ekki slaka á í landsleikjunum

Fabio Capello mun velja sitt sterkasta lið fyrir síðustu leiki enska landsliðsins í undankeppni HM 2010 þó svo að England sé þegar búið að tryggja sér farseðilinn til Suður-Afríku.

Nicky Butt sagði Owen fyrst frá áhuga United

Michael Owen hefur greint frá því að það var Nicky Butt, félagi hans hjá Newcastle, sem benti honum fyrst á að Alex Ferguson, stjóri Manchester United, hefði áhuga á honum.

Tevez mun framvegis fagna mörkum sínum gegn United

Carlos Tevez segir að hann hafi skipt um skoðun og að hann ætli framvegis að fagna þeim mörkum sem hann eða félagar hans í Manchester City skori í leikjum gegn Manchester United.

Fjórða tap Crewe í röð - Guðjón óánægður með dómgæsluna

Crewe tapaði sínum fjórða leik í röð í ensku D-deildinni í knattspyrnu í gær. Nú tapaði liðið fyrir Bury á heimavelli, 3-2.

Wenger: Við stjórnuðum leiknum allan tímann

Arsenal vann 2-0 sigur gegn Olympiakos í riðlakeppni Meistaradeildarinnar í kvöld á Emirates-leikvanginum í Lundúnum. Robin van Persie og Andrei Arshavin skoruðu mörkin fyrir heimamenn sem hafa unnið báða leiki sína í riðlakeppninni til þessa.

Benitez: Allt sem gat farið úrskeiðis, fór úrskeiðis

Knattspyrnustjórinn Rafa Benitez hjá Liverpool var ekki alls kostar ánægður í leikslok í kvöld eftir 2-0 tap gegn Fiorentina í riðlakeppni Meistaradeildarinnar.

Meistaradeild Evrópu: Liverpool brotlenti í Flórens

Í E-riðli áttu sér stað fremur óvænt úrslit í annarri umferð riðlakeppni Meistaradeildarinnar í kvöld þegar Liverpool tapaði 2-0 fyrir Fiorentina á Artemio Franchi-leikvanginum í Flórens.

Megson ætlar að gera allt til þess að halda Cahill

Varnarmaðurinn efnilegi Gary Cahill hjá Bolton hefur verið sterklega orðaður við stærri félög á borð við AC Milan og Juventus upp á síðkastið en knattspyrnustjórinn Gary Megson hjá Bolton er ekki á því að missa sinn mann.

Tómas Ingi tekinn við HK - semur til þriggja ára

„Ég er búinn að nota síðustu ár til þess að fylgjast vel með boltanum hér á Íslandi og ná mér í tiltekin réttindi til þess að þjálfa. Það er svona vika síðan þetta kom fyrst upp með HK og þetta gekk því tiltölulega fljótt og vel fyrir sig.

Einhver vírus að ganga í Manchester United liðinu

Kóreumaðurinn Park Ji-sung getur ekki verið með Manchester United á móti Wolfsburg í Meistaradeildinni á morgun þar sem hann er með vírus. Patrice Evra er hinsvegar orðinn góður af sínum veikindum. Það er því einhver vírus að ganga innan United-liðsins.

Pepe: Cristiano Ronaldo er betri en Messi

Pepe leikmaður Real Madrid segir að Cristiano Ronaldo sé betri en Lionel Messi hjá Barcelona þar sem að Ronaldo sé mun fjölhæfari leikmaður en Argentínumaðurinn. Pepe er nýkomin aftur inn í lið Real Madrid eftir að hafa verið dæmdur í tíu leikja bann í fyrra fyrir að ráðast á mótherja.

Roma ætlar að byggja nýja leikvanginn í enskum stíl

Ítalska félagið AS Roma ætlar að fara byggja nýjan 55 þúsund manna leikvang í vesturhluta Rómarborgar en félagið hefur leikið heimaleiki sína undan farin ár á Ólympíuleikvanginum í Róm eins og nágrannar þeirra í Lazio.

Willum Þór: Er úthvíldur og gæti sett á æfingartörn út alla vikuna

„Þetta gerðist mjög hratt í gær og ég er bara mjög spenntur að takast á við þetta verkefni. Það er svo margt sem styður það að þetta sé spennandi því þetta lið er búið að vera mjög sterkt síðustu ár og Kristján Guðmundsson getur gengið stoltur frá sínu verki,“ segir Willum Þór Þórsson sem verður formlega kynntur sem nýr þjálfari Keflavíkur á morgun.

Áhorfendum fækkaði annað árið í röð

Áhorfendum á leiki í Pepsi-deild karla fækkaði á nýliðnu keppnistímabili en alls mættu 135.783 áhorfendur á leikina eða 1.029 áhorfendur að meðaltali á leik. 1.106 manns komu að meðaltali á völlinn 2008 og metárið 2007 mættu 1329 manns að meðaltali á leikina.

Dóra María valin best í lokaþriðjungnum

Valskonan Dóra María Lárusdóttir var í dag valin besti leikmaður 13. til 18. umferð Pepsi-deildar kvenna en hún er líka ein fimm Valskonum sem voru valdar í úrvalslið þessara umferða. Freyr Alexanderson, þjálfari Vals, var valinn besti þjálfarinn og Magnús Jón Björgvinsson var valinn besti dómarinn.

Fær Matthaus loksins tækfærið heima? - orðaður við Hertha

Lothar Matthaus, fyrirliði Heimsmeistaraliðs Þjóðverja frá 1990 og leikjahæsti landsliðsmaður Þýskalands frá upphafi, hefur verið orðaður við þjálfarastarfið hjá Hertha Berlin. Hertha er á botni þýsku deildarinnar og rak í gær þjálfara sinn Lucien Favre.