Friðrik Ingi: Jakob og Hlynur eru mjög ánægðir með hann

Friðrik Ingi Rúnarsson, framkvæmdastjóri KKÍ, var í forystuhlutverki hjá KKÍ í því að ráða Svíann Peter Öqvist sem þjálfara A-landslið karla í körfubolta.

Mikil mistök hjá Fylkismönnum að fara með leikinn inn í Kópavog

Fylkismenn spiluðu ekki á heimavelli sínum í fyrstu umferð Pepsi-deildar karla í gær heldur fóru með leikinn við Grindvíkinga inn í Kórinn í Kópavogi þar sem Fylkisgrasið var ekki tilbúið.

Sun í morgun: Roman tilbúinn að eyða miklu í Fabregas og Bale

Enska götublaðið The Sun slær því upp í morgun að Roman Abramovich, eigandi Chelsea, sé tilbúinn að eyða stórum upphæðum í sumar til þess að styrkja lið sitt enn frekar og auka ennfremur skemmtanagildið í leik Chelsea. Efstir á blaði eru Cesc Fabregas, fyrirliði Arsenal og Gareth Bale hjá Tottenham.

Þjálfari Sundsvall þjálfar íslenska körfuboltalandsliðið

KKÍ hefur ráðið þjálfara á A-landslið karla til ársins 2013 en næsti þjálfari A-landsliðs karla verður Peter Öqvist sem í dag er þjálfari Sundsvall í Svíþjóð. Þetta kemur fram í fréttatilkynningu frá KKÍ.

Sir Alex enn á ný kominn í vandræði

Aganefnd enska knattspyrnusambandsins ætlar að skoða betur ummæli Sir Alex Ferguson, stjóra Manchester United, í sjónvarpsviðtölum eftir 0-1 tap United á móti Arsenal í ensku úrvalsdeildinni um síðustu helgi. Ferguson gagnrýndi dóma í leiknum þar sem United-liðinu mistókst að stíga stórt skref í átt að enska meistaratitlinum.

Voetbal International: Ajax ætlar að bjóða 330 milljónir í Kolbein

Hið virta hollenska fótboltablað Voetbal International slær því í upp í morgun að hollenska stórliðið Ajax frá Amsterdam ætli að bjóða tvær milljónir evra í íslenska framherjann Kolbein Sigþórsson sem hefur slegið í gegn með AZ Alkmaar í vetur. Þetta eru um 330 milljónir í íslenskum krónum sem er dágóð upphæð fyrir 21 árs gamlan strák.

Real Madrid ásakar Sergio Busquets um kynþáttaníð

Orðastríð Real Madrid og Barcelona er enn í fullum gangi þótt að það sé að flestra mati orðið ljóst að Barcelona sé komið áfram í úrslitaleik Meistaradeildarinnar eftir 2-0 sigur í fyrri leiknum í Madrid. Liðin mætast í seinni leiknum á Camp Nou í kvöld.

Derrick Rose kominn í hóp með Jordan - valinn bestur í NBA

Bandarískir fjölmiðlar hafa heimildir fyrir því að Derrick Rose hjá Chicago Bulls hafi verið kosinn besti leikmaður NBA-deildarinnar á þessu tímabili en það kemur reyndar ekki mörgum á óvart. LeBron James hefur verið besti leikmaður deildarinnar undanfarin tvö ár.

NBA: Chicago og Lakers töpuðu bæði í nótt

Chicago Bulls og Los Angeles Lakers eru bæði óvænt 0-1 undir í undanúrslitaeinvígum sínum í úrslitakeppni NBA-deildarinnar eftir tap á heimavelli í nótt. Atlanta Hawks vann 8 stiga sigur í Chicago og Dallas vann upp 16 stiga forskot Lakers og tryggði sér sigur í blálokin í Los Angeles.

Valsmenn lögðu meistaraefnin

FH var spáð titlinum í Pepsi-deild karla á flestum vígstöðum fyrir mótið í ár en liðið tapaði fyrir Val í fyrstu umferðinni í gær.

Dramatík í innanhúsboltanum

Grindavík sneri vonlausri stöðu sér í hag er liðið vann 3-2 sigur á Fylki í Kórnum í Kópavogi en þá fór fram fyrsti leikur í efstu deild karla innan dyra.

Plymouth féll í ensku D-deildina

Kári Árnason og félagar í Plymouth Argyle féllu í kvöld úr ensku C-deildinni eftir sannkallað martraðatímabil.

Norwich upp í ensku úrvalsdeildina

Norwich tryggði sér í kvöld sæti í ensku úrvalsdeildinni með því að vinna 1-0 útisigur á Hermanni Hreiðarssyni og félögum í Portsmouth.

Bjarni: Ótrúlega margt í dómgæslunni sem pirraði okkur

Bjarni Jóhannsson þjálfari Stjörnunnar var vitaskuld ekki sáttur með niðustöðu leiksins sem og spilamennsku liðsins. Mistök Kristins Jakobssonar dómara þótti honum einnig súr.

Willum Þór: Þetta féll okkar megin

Willum Þór Þórsson var sáttur með lærisveina sina í Keflavíkurliðinu eftir 4-2 sigur á Stjörnunni. Bjarni Jóhannsson hafði í samtali við blaðamann lýst yfir óánægju sinni með nokkrar veigamiklar ákvarðanir dómarans í leiknum og hafði Willum þetta að segja.

Jóhann Birnir: Þetta lítur vel út

Hetja Keflavíkurliðsins Jóhann Birnir var kampakátur í leikslok og sagði tilfinninguna góða að tryggja liði sínu sigur á lokakaflanum eftir að hafa komið inn á sem varamaður.

Guðjón: Var með það á hreinu hvert Gulli ætlaði

"Þetta er frábær byrjun fyrir okkur,“ sagði Guðjón Pétur Lýðsson, markaskorari Vals, eftir sigurinn í kvöld.

Gylfi: Það virðist vera einhver draugur í þessu liði

Gylfi Einarsson var að vonum svekktur eftir tapið í kvöld. "Það virðist vera einhver draugur í þessu liði frá því á síðasta ári. Það er ekki nóg að vera yfir í hálfleik. Bara algjört einbeitingarleysi í þessum mörkum, við höfðum fulla stjórn á leiknum. Já, í fyrri hálfleik vorum við miklu betri en í rauninni líka í seinni hálfleik. Þeir skapa sér þrjú færi og skora þrjú mörk. Gott hjá þeim.“

Kristján: Ekki hægt að kvarta undan svona byrjun

"Það er ekki hægt að kvarta undan því að vinna FH, margfalda Bikar-og Íslandsmeistara í fyrsta leik,“ sagði Kristján Guðmundsson, þjálfari Vals, eftir sigurinn í kvöld.

Heimir: Verðum að mæta grimmari til leiks

"Við byrjuðum þennan leik svosem ágætlega, en síðan kemst Valur í takt við leikinn og eftir það sáum við ekki til sólar,“ sagði Heimir Guðjónsson, þjálfari FH, eftir ósigurinn í kvöld.

Heimir: Gaman í lokin

Heimir Hallgrímsson, þjálfari ÍBV, segir að það hafi verið kærkomin tilbreyting að vinna fyrsta leik á Íslandsmóti en það hefur ekki gengið vel síðustu ár.

Kristján: Tryggvi leiðinlegur á velli en skilar sínu

Kristjáni Haukssyni, fyrirliða Fram, fannst eðlilega ekkert sérstakt að horfa á Tryggva Guðmundsson fagna dramatísku sigurmarki á Hásteinsvelli í kvöld.

Þórarinn: Gerist ekki sætara

Þórarinn Ingi Valdimarsson átti stóran þátt í sigurmarki ÍBV gegn Stjörnunni í kvöld og lék ágætlega fyrir Eyjaliðið.

Þorvaldur: Dómgæslan féll ekki með okkur

Þorvaldur Örlygsson, þjálfari Fram, var að vonum svekktur eftir að hafa fengið á sig mark gegn ÍBV í uppbótartíma og tapað.

Tryggvi: Nú fer ég að spranga fyrir alla leiki

Tryggvi Guðmundsson var hetja ÍBV í kvöld er hann tryggði Eyjamönnum dramatískan sigur á Fram í opnunarleik Pepsi-deildar karla. Sigurmark Tryggva kom í lok uppbótartíma. Tryggvi sprangaði fyrir lesendur Vísis fyrr í dag og sá undirbúningur er kominn til að vera.

FIA framlengdi frest Barein til 3. júní

FIA, aþjóðabílasambandið tilkynnti í kvöld að bílasambandið í Barein og mósthaldarar á Barein brautinni fái frest til þriðja júní að sækja aftur um að halda Formúlu 1 mót í Barein á þessu ári. Fyrri frestur til til umsóknar rann út í gær, en mótið átti upphaflega að fara fram 15. mars. Því var frestað vegna pólitísks ástands í landinu.

Miðstöð Boltavaktarinnar - allir leikirnir á einum stað

Íþróttavefur Vísis býður lesendum sínum á að fylgjast með öllum leikjum kvöldsins í Pepsi-deild karla samtímis.

Hitzfeld: Mourinho er búinn að skaða nafn Real Madrid

Ottmar Hitzfeld, fyrrum þjálfari Bayern München, er allt annað en sáttur með leikfræði og hegðun Poprtúgalans Jose Mourinho í tengslum við fyrri undanúrslitaleik Real Madrid og Barcelona. Hitzfeld er á því að með því að spila algjöra varnartaktík og ásaka Barcelona-menn síðan um svindl eftir 0-2 tap hafi Mourinho skaðað hið góða nafn Real Madrid.

Umfjöllun: Dramatískur sigur Grindavíkur í Kórnum

Grindavík lenti 2-0 undir gegn Fylki en svaraði með þremur mörkum í síðari hálfleik og fagnaði þar með afar sætum sigri.

Umfjöllun: Valsmenn unnu Íslandsmeistaraefnið

Valsmenn byrja Íslandsmótið af miklum krafti en þeir gerðu sér lítið fyrir og unnu FH, 1-0, á Vodafone-vellinum í kvöld, en FH-ingum hefur verið spáð Íslandsmeistaratitlinum af öllum helstu spámönnum landsins um knattspyrnu. Guðjón Pétur Lýðsson skoraði eina mark leiksins.

Umfjöllun: Varamaðurinn Jóhann Birnir kláraði Stjörnuna

Keflvíkingar gengu sáttari af velli en Stjörnumenn að loknum fyrsta leik liðanna á Íslandsmótinu 2011. 4-2 sigur Keflavíkur hafðist eftir miklar sveiflur. Tvívegis komust Garðbæingar yfir en Keflvíkingar jöfnuðu jafnharðann.

Margrét Lára bæði markahæst og stoðsendingahæst

Margrét Lára Viðarsdóttir hefur byrjað tímabilið frábærlega með Kristianstad í sænska kvennafótboltanum. Margrét Lára átti þátt í öllum þremur mörkum Kristianstad í 3-1 útisigri á Piteå í gær og hefur nú komið með beinum hætti að sex af níu mörkum síns liðs í fyrstu fjórum umferðunum.

UEFA hlustar ekki á kvartanir Real Madrid og Barcelona

UEFA, Knattspyrnusamband Evrópu, vill ekki aðhafast neitt í kvörtunum Real Madrid og Barcelona í kjölfarið á fyrri undanúrslitaleik liðanna í síðustu vikur og hefur ennfremur staðfest það að rauða spjald Pepe muni standa. Pepe verður því í banni í seinni leiknum á morgun.

Umfjöllun: Tryggvi stal senunni

Það má aldrei gleyma Tryggva Guðmundssyni í teignum. Það sannaðist enn og aftur í kvöld þegar hann skoraði dramatískt sigurmark á elleftu stundu gegn Fram í opnunarleik Pepsi-deildarinnar.

Fiskifloti Eyjamanna á leið í land - allir á leið á völlinn

Höfnin í Vestmannaeyjun er að hreinlega að fyllast tveim tímum fyrir leik ÍBV og Fram. Allir sjómennirnir eru að drífa sig í land svo þeir nái leiknum.

Valsmenn urðu meistarar þegar þeir unnu FH síðast á heimavelli

Lengjubikar- og Reykjavíkurmeistarar Valsmanna taka á móti FH-ingum í stórleik kvöldsins í fyrstu umferð Pepsi-deildar karla en leikurinn fer fram á Vodafone-vellinum klukkan 19.15 og verður í beinni útsendingu á Stöð 2 Sport.

Tryggvi Guðmunds sprangar á leikdegi

Hinn afar hressi sóknarmaður ÍBV, Tryggvi Guðmundsson, var í miklu stuði þegar Vísir hitti á hann í Vestmannaeyjum þremur tímum fyrir leik ÍBV og Fram í Pepsi-deild karla sem er opnunarleikur deildarinnar í ár.

Evra: Við vorum alltof góðir við Arsenal-menn

Patrice Evra segir að það hafi vantað alla hörku í lið Manchester United í tapinu á móti Arsenal í London í gær. United átti tækifæri til að stíga stórt skref í átt að meistaratitlinum en tapið þýðir að Chelsea á möguleika á að taka toppsætið af United með sigri á Old Trafford um næstu helgi.

Enn óljóst hvort Formúlu 1 mót verður í Barein 2011

Frestur sem FIA, alþjóðabílasambandið gaf Formúlu 1 mótshöldurum í Barein til að sækja aftur um mót á þessu ári rann út í gær. Fyrsta Formúlu 1 mót ársins átti upphaflega fara fram 15. mars í Barein. Vegna póltísks ástands í landinu var því frestað, en FIA gaf mótshöldurum færi á því til sunnudagsins 1. maí að sækja um að koma mótinu á síðar á árinu.

Eyjamönnum gengur illa í fyrsta leik á móti liðum Þorvaldar

ÍBV og Fram mætast í kvöld á Hásteinsvelli í fyrsta leik Pepsi-deildar karla í sumar en leikurinn hefst klukkan 18.00 eða einum klukkutíma og korteri áður en hinir þrír leikir kvöldsins fara í gang. Breiðablik-KR átti að vera opnunarleikur mótsins en það breyttist þegar Kópavogsvöllurinn var ekki leikfær í gær.

Rosberg: Fyrstu þrjú mótin eins og rússibanareið tilfinninga

Michael Schumacher og Nico Rosberg hjá Mercedes hafa ekki náð því flugi, sem Mercedes liðið vonaðist eftir. En þeir eru ekki meðal efstu manna í stigamóti ökumanna eftir þrjú fyrstu mótin. Mercedes bíllinn hefur ekki reynst eins öflugur og til stóð í upphafi, en virkaði þó betur í síðustu keppni, en í fyrstu tveimur mótum ársins. Mercedes keppir í Tyrklandi um næstu helgi.

Ferguson ætlar að fríska upp á United-liðið á miðvikudaginn

Sir Alex Ferguson, stjóri Manchester United, ætlar að hvíla menn í seinni leiknum á móti Schalke í undanúrslitum Meistaradeildarinnar á miðvikudaginn. Framundan er "úrslitavika" á Old Trafford þar sem United-liðið getur bæði komist í úrslitaleik Meistaradeildarinnar sem og nánast tryggt sér sigur í ensku deildinni.

Heidfeld telur Renault eiga meira inni

Nick Heidfeld og Vitaly Petrov mæta galvaskir í næsta Formúlu 1 mót, sem verður í Tyrklandi um næstu helgi. Báðir hafa nælt í bronsverðlaun í móti á árinu, en þremur mótum er lokið. Heidfeld tók sæti Robert Kubica fyrir tímabilið hjá Renault, vegna óhapps sem Kubica lenti í þegar hann tók þátt í rallkeppni í vetur.

Sandro skoraði fallegsta mark helgarinnar í enska boltanum

Brasilíumaðurinn Sandro hjá Tottenham skoraði fallegasta mark helgarinnar í ensku úrvalsdeildinni en valnefnd enska boltans hefur eins og vanalega tekið saman hvaða fimm mörk stóðu upp úr í leikjum helgarinnar. Það er hægt að sjá flottustu mörkin með því að smella hér fyrir ofan.

Rhein Neckar Löwen mætir Barcelona í undanúrslitunum

Rhein Neckar Löwen, lið Guðmundar Guðmundsson, þarf að fara í gegnum spænska liðið Barcelona ætli það sér að komast í úrslitaleik Meistaradeildarinnar í handbolta en það er nýbúið að draga í höfuðstöðum EHF. Ciudad Real og HSV Hamburg mætast í hinum undanúrslitaleiknum.