Umfjöllun: Valsmenn unnu Íslandsmeistaraefnið

Valsmenn byrja Íslandsmótið af miklum krafti en þeir gerðu sér lítið fyrir og unnu FH, 1-0, á Vodafone-vellinum í kvöld, en FH-ingum hefur verið spáð Íslandsmeistaratitlinum af öllum helstu spámönnum landsins um knattspyrnu. Guðjón Pétur Lýðsson skoraði eina mark leiksins.

Leikurinn hófst heldur rólega og liðin þurftu greinilega smá tíma til að finna taktinn. FH-ingar voru öflugir eftir að men höfðu hrist af sér skrekkinn, en eftir korters leik fékk

Matthías Vilhjálmsson, leikmaður FH, fínt færi og skallaði boltann rétt framhjá. Stuttu síðar fékk fyrirliðin annað færi fyrir FH en Matthías átti skot í hliðarnetið og mark frá gestunum lá í loftinu.

Valsmenn komust hægt og bítandi inn í leikinn og besta færi síðari hálfleiksins þegar Christian Mouritsen, leikmaður Vals, kom fínu skoti á mark FH sem Gunnleifur Gunnleifsson, markvörður FH, varði virkilega vel. Valsmenn héldu áfram að pressa að marki FH-inga og stuttu seinni skallaði Atli Sveinn Þórarinsson boltann í áttina að marki FH en enn var Gunnleifur vel á barðbergi.

FH-ingar fengu aftur á móti síðasta færi fyrri hálfleiks, en Haraldur Björnsson, markvörður Vals, fór út í skógarhlaup eftir fyrirgjöf frá leikmanni FH, missti boltann frá sér en Atli Sveinn Þórarinsson var vakandi í vörn Vals og bjargaði nánast á línu.

Staðan var því 0-0 í hálfleik en virkilega opin og skemmtilegur leikur á Hlíðarenda.

Virkilega mikil barátta einkenndi leik Vals í síðari hálfleiknum og menn voru allir tilbúnir að berjast fyrir hvorn annan. Kristján Guðmundsson, þjálfari liðsins, hefur greinilega náð að koma ákveðnari sigurhugsun inn í sitt lið og allt annar bragur á liðinu í ár en á undanförnum árum.

Á 54.mínútu leiksins fengu Valsmenn dæmda vítaspyrnu eftir að Björn Daníel Sverrisson hafði ýtt í bakið á Matthíasi Guðmundssyni inn í vítateig. Guðjón Pétur Lýðsson steig á vítapunktinn og skoraði örugglega, en Gunnleifur í markinu skutlaði sér í öfugt horn.

Það vantaði aftur á móti aðeins herslumuninn hjá FH í leiknum í kvöld, en þeir fengu fullt af færum til þess að jafna leikinn en allt kom fyrir ekki og niðurstaðan því 1-0 sigur Valsmanna. Það virtist vanta einhvern neista í leikmenn FH til að tækla verkefnið og þeir hreinlega nálguðust ekki leikinn eins og FH er einum lagið.

Frábær byrjun á mótinu fyrir Hlíðarendapilta og ef þeir spila af þessum krafti í sumar þá er útlitið bjart fyrir Val.

Valur - FH 1-0

Áhorfendur: 1767

Dómari: Þóroddur Hjaltalín (7)

Skot (á mark): 8 - 10 (3-2)

Varin skot: Haraldur 2– 2 Gunnleifur

Horn: 5 – 13

Aukaspyrnur fengnar: 9 – 6

Rangstöður: 2- 1

Valur (4-5-1):

Haraldur Björnsson 6

Jónas Tór Næs 7

Halldór Kristinn Halldórsson 8

Atli Sveinn Þórarinsson 8 - Maður leiksins

Pól Jóhannus Justinussen 8

Christian R. Mouritsen 7

(78. Andri Fannar Stefánsson - )

Haukur Páll Sigurðsson 7

Guðjón Pétur Lýðsson 8

Matthías Guðmundsson 7

(78. Jón Vilhelm Ákason -)

Arnar Sveinn Geirsso7

(84. Rúnar Már Sigurjónsson -)

Hörður Sveinsso 6

FH (4-3-3)

Gunnleifur Gunnleifsson 7

Guðmundur Sævarsson 6

(65. Ásgeir Gunnar Ásgeirsson 5)

Freyr Bjarnason 5

Pétur Viðarsson 5

Viktor Örn Guðmundsson 7

Björn Daníel Sverrisson 6

(73. Hannes Þ. Sigurðsson - )

Hólmar Örn Rúnarsson 7

(78. Bjarki Gunnlaugsson -)

Ólafur Páll Snorrason 7

Atli Guðnason 7

Matthías Vilhjálmsson 8

Atli Viðar Björnsson 6