Fleiri fréttir

Kalla eftir evrópskri samstöðu gegn hatri

José Luis Rodríguez Zapatero, forsætisráðherra Spánar, kallaði í gær eftir samevrópskum viðbrögðum gegn útlendingahatri og fordómum í kjölfar hinna hryllilegu hryðjuverkaárása í Noregi.

Þernan segir sögu sína opinberlega

Þernan sem ásakað hefur Dominique Strauss-Kahn, fyrrverandi framkvæmdastjóra Alþjóðagjaldeyrissjóðsins, um nauðgun kom um helgina fram opinberlega og sagði fjölmiðlum sögu sína. Það segist hún gera því hún vilji sjá Strauss-Kahn fara í fangelsi.

Þjóðverji bjargaði 20 ungmennum af Útey

Frásagnir eftirlifenda af voðaverkunum í Útey hafa smám saman komið fram síðustu daga. Þær mála mynd af hryllilegum atburðum en inn á milli má finna sögur um manngæsku og samhjálp.

Amy Winehouse jörðuð á morgun

Talsmaður fjölskyldu Amy Winehouse hefur staðfest að útför söngkonunnar muni fara fram á morgun. Athöfnin verður eingöngu ætluð fjölskyldu hennar og vinum.

Fleiri sögur koma frá Útey

Stöðugt fleiri sögur koma nú frá fólki sem slapp naumlega undan fjöldamorðingjanum í Norregi. Hussein Kazeni er 19 ára gamall stúdent frá Osló sem flúði ofbeldið í heimalandi sínu Afganistan fyrir tveim árum til þess að setjast að í hinum friðsæla Noregi. Hann var ásamt fleirum á flótta undan byssumanninum þegar hann heyrði stúlku æpa af skelfingu fyrir aftan sig.

Breivik var á skrá norsku öryggisþjónustunnar

Nafn Anders Behring Breivik var á skrá öryggisþjónustu norsku lögreglunnar yfir Norðmenn sem átt höfðu viðskipti við pólskan eiturefnasöluaðila. Þetta kemur fram á vef norska miðilsins Verdens Gang.

150.000 manns í hljóðlátri samkomu í Osló

Um 150 þúsund manns hafa safnast saman á Ráðhústorginu í Osló í dag og bera flestir rósir til að minnast þeirra sem féllu í árásunum í Noregi síðastliðinn föstudag. Eftir því sem greint er frá á vef Verdens Gang er samkoman hljóðlát.

Dánarorsök enn ókunn eftir krufningu

Krufning á líki Amy Winehouse fór fram í dag, en enn hefur engin opinber dánarorsök verið gefin út. Fulltrúi dánardómstjóra heldur því hinsvegar fram að ekkert grunsamlegt hafi fundist við krufninguna.

Færri látnir en talið var í fyrstu - enn fjölda saknað

Lögreglan í Osló hefur tilkynnt að tala látinna eftir fjöldamorðin á föstudag er nokkuð lægri en talið var. Á blaðamannafundi sem nú stendur yfir var sagt að 68 hefði verið skotnir í Útey og að 8 hefðu látist í sprengingunni í miðborg Oslóar. Enn er þó nokkurs fjölda saknað og því ekki hægt að segja til um endanlegan fjölda látinna. Samkvæmt þeim upplýsingum sem lögreglan býr nú yfir er heildartalan orðin 76 en ekki 93 eins og áður var talið.

Haldast í hendur gegn ofbeldi

Tæplega 650 þúsund manns hafa sýnt samúð sýna vegna fjöldamorðanna í Noregi og lýst yfir andúð sinni á ofbeldi, með því að skrá sig á vefsíðu norska fréttablaðsins Verdens gang. Þar af hafa þegar um þrjú þúsund Íslendingar skráð sig. Morðin í Osló og á Útey á föstudag hafa haft djúpstæð áhrif á norskt samfélag og finnur fólk um allan heim til samúðar vegna þeirra. Hægt er að skrá sig með því að smella hér, á vef VG. http://www.vg.no/nyheter/innenriks/oslobomben/lenke.php

Breivik markaðssetti sjálfan sig: Fór í ljós og tók stera

Markaðssetning á málstað sínum er norska fjöldamorðingjanum Anders Breivik afar hugleikin ef marka má stefnuyfirlýsinguna sem hann sendi frá sér fyrir morðin. Þar ráðleggur hann fylgismönnum að huga vel að ímynd sinni, láta fagmenn taka af sér góðar ljósmyndir og jafnvel notast við myndvinnsluforritið Photoshop til að útkoman verði sem allra best.

Hengdu átta ára dreng

Talibanar í Helmand héraði í Afganistan hengdu átta ára dreng um helgina þegar faðir hans neitaði að útvega þeim lögreglubíl til að komast ferða sinna. Faðirinn er lögreglumaður. CNN fréttastofan segir að Hamid Karzai forseti Afganistans hafi fordæmd morðið og sagt þetta væri ekki leyft í neinni menningu né nokkrum trúarbrögðum.

Krafist 8 vikna varðhalds yfir fjöldamorðingjanum

Lögreglan í Osló krafðist átta vikna gæsluvarðhalds yfir fjöldamorðingjanum Anders Breivik í dómþinginu fyrr í dag. Hann var fluttur í dómþingið í brynvörðum og fyllstu öryggis gætt í hvívetna. Breivik hafði óskað eftir því að réttarhöldin yrðu opin en því var hafnað.

Breivik líkir múslimum við vatn úr leku röri

Norski fjöldamorðinginn Anders Breivik hvetur fylgismenn sína til að ráðast alls ekki á múslima, að svo komnu, heldur einbeita sér að árásum á stjórnmálaleiðtoga sem aðhyllast fjölmenningarstefnu og vinstri sinnað áhrifafólk í fjölmiðlaheiminum.

Lík Amy Winehouse krufið í dag

Krufning á líki söngkonunnar Amy Winehouse fer fram í dag en lögreglan hefur fram að þessu skráð andlát hennar sem óútskýrt.

Þernan segir sína sögu af árás Strauss Kahn

Þernan sem Dominique Strauss Kahn fyrrum forstjóri Alþjóðagjaldeyrissjóðsins réðist á hefur loks leyst frá skjóðunni og rætt hvað gerðist í hótelíbúð Strauss Kahn í New York.

Breivik ætlaði að myrða Gro Harlem Brundtland

Fram hefur komið við yfirheyrslur að norski fjöldamorðinginn, Anders Behring ætlaði sér að myrða Gro Harlem Brundtland fyrrum forsætisráðherra Noregs. Hún var stödd í Útey s.l. föstudag en var farin af staðnum þegar Breivik hóf skothríð sína.

Fyrstu lesbíurnar sem gifta sig í New York

Kitty Lambert og Cheryle Rudd eru fyrsta samkynhneigða parið í New York-ríki, sem gengur í löglegt hjónaband. Á miðnætti var samkynhneigðum pörum heimilað samkæmt lögum New York ríkis að gifta sig en það sjötta fylkið í Bandaríkjunum sem leyfir slík hjónabönd. Fjöldi fólks var viðstatt hjónavígsluna sem fór fram við Niagara fossa við landamæri Kanada.

Stoltenberg: „Ég þekkti fjölmarga á Útey“

Margir kirkjugesta buguðust undir ræðu Jens Stoltenberg, forsætisráðherra Noregs, í minningarathöfn í dómkirkjunni í Osló, um þá sem féllu í fjöldamorðunum á föstudag.

Anders Breivik sagðist hafa verið einn að verki

Anders Behring Breivik hefur játað að bera ábyrgð á bæði sprengjuárásinni í miðborg Oslóar og fjöldamorðunum í Útey. Sífellt fleiri gögn rata upp á yfirborðið sem veita innsýn í sjúkan hugarheim tilræðismannsins.

Mamma Winehouse segir hana hafa verið fárveika

Janis Winehouse móðir söngkonunnar Amy Winehouse, sem fannst látin á heimili sínu í gær, segir að hún hafi verið fárveik þegar hún hitti hana daginn áður. Það hafi í raun verið tímaspursmál hvenær hún myndi deyja.

Fjöldamorðinginn stal texta af þekktum hryðjuverkamanni

Nú komið hefur komið í ljós að efni í fimmtán hundruð síðna skjali sem Anders Behring Breivik skildi eftir sig, var að mestu leyti stolið annars staðar frá. Stór hluti skjalsins var tekinn úr riti hryðjuverkamannsins Theodore Kaczynski, sem var kallaður uni-bomber og gerði sprengjuárásir í Bandaríkjunum með póstsendingum á 17 ára tímabili.

Obama leyfir samkynhneigða hermenn

Forseti Bandaríkjanna, Barack Obama, hefur ákveðið að aflétta hundrað ára gömlu banni í bandaríska hernum við samkynhneigð. Hann uppljóstraði þessu í ræðu á dögunum og tilkynnti varnarmálaráðherranum Leon Panetta þetta á föstudag. Barack Obama berst nú fyrir endurkjöri sem forseti Bandaríkjanna og þykir þetta skref hans lýsa dirfsku.

Þrjátíu og tveir fórust í lestarslysi í Kína

Að minnsta kosti 32 eru látni eftir lestarslys í austur kína á laugardag. Rafmagnsbilun olli því viðvörunarkerfi virkuðu ekki sem skildi. Hraðlest stöðvaðist á teinunum og önnur lest sem kom aðvífandi skall á henni með þeim afleiðingum að fjórir lestarvagnar féllu niður af bryggju. Auk þeirra þrjátíu og tveggja sem létust voru tvö hundruð fluttir slasaðir á spítala.

Tuttugu og fimm enn saknað

Tuttugu og fimm er enn saknað eftir fjöldamorðin þar sem nítíu og þrír féllu í Noregi á föstudag. Nítíu og sex manns eru særðir, þar af margir alvarlega.

Sorglegt að heyra af voðaverkum í heiminum

Benedikt Páfi 16. lýsti yfir samstöðu sinni með fórnarlömbum árásanna í Noregi. Í ræðu sem páfinn hélt fyrir pílagríma á Ítalíu á sunnudaginn sagðist hann finna fyrir djúpri sorg vegna hryðjuverkaárásanna í Noregi.

Myndbandið sem morðinginn setti á netið rétt fyrir ódæðin

Lögreglan í Noregi segir framburð og gögn á heimili Anders Behring Breivik benda til þess að hann hafi undirbúið fjöldamorðin í Noregi í um tvö ár. Í yfirheyrslum hjá lögreglu hefur hann gengist við morðunum og að þau hafi verið grimmileg, en segir þau engu að síður hafa verið nauðsynleg.

Fá ekki ís ef þeir leifa mat

Þremur gestum á veitingastaðnum Mongolian Barbeque í Gautaborg var neitað um eftirrétt og þeim vísað út þar sem þeir borðuðu ekki allt sem þeir höfðu raðað á diskana sína af hlaðborði.

Amy Winehouse fannst látin í íbúð sinni

Breska söngkonan Amy Winehouse er látin. Hún fannst látin á heimili sínu í norðurhluta Lundúnarborgar í dag og rannsakar lögregla málið sem óútskýrt dauðsfall. Winehouse hefur átt við alkahólisma að stríða í mörg ár og neytti sömuleiðis ólöglegra vímuefna.

Hrikalegt lestarslys í Kína

Að minnsta kosti þrjátíu og tveir hafi farist og yfir hundrað hafi slasast þegar hraðlest klessti á kyrrstæða lest í Zhejiang, sem er í austurhluta Kína, í dag.

Passaði sig á því að skjóta alla tvisvar

Nú er talið að minnsta kosti nítíu og átta manns hafi fallið í sprengju- og skotárásunum í Noregi í gær og um tuttugu manns eru alvarlega sárir. Skýrari mynd er að fást af atburðum gærdagsins.

Urðu ekki eldri en 27 ára

Segja má að 28. aldursárið sé mörgum heimsfrægum tónlistarmönnum erfitt. Amy Winehouse er í það minnsta sú fimmta sem fellur frá þegar 27 ára afmælið er liðið.

Skipulagði voðaverkin í litlu einbýlishúsi

Norskir fjölmiðlar hafa birt mynd af húsinu sem fjöldamorðinginn Anders Behring Breivik bjó í og skipulagði voðaverkin sem hann framdi í gær. Hann sprengdi upp bifreið í miðborg Oslóar og skaut svo ungmenni á eyjunni Útey sem er skammt frá Osló. Norska lögreglan hefur staðfest að minnsta kosti 92 hafi látið lífið.

Hver er Anders Breivik?

Anders Behring Breivik, norski byssumaðurinn sem handtekinn var í gær og er talinn bera ábyrgð bæði á sprengjuárásinni í Osló og skotárusunum í Útey, hlaut þjálfun í norska hernum, átti fjölda vopna og er sagður hægrisinnaður trúarofstækismaður.

Skaut á fólk sem reyndi að synda af eyjunni

Nýjustu fréttir norska ríkissjónvarpsins herma að annar maður hafi verið handtekinn í tengslum við fjöldamorðin á Útey í gær. Norska lögreglan staðfesti á blaðamannafundi í morgun að Breivik, sem handtekinn var í gær, hafi átt sér vitorðsmann.

Hugsanlegt að annar byssumaður hafi verið á eyjunni

Fjölmörg vitni á eyjunni Útey segjast handviss um að byssumaðurinn á eyjunni í gær hafi ekki verið einn að verki þegar hann varð að minnsta kosti áttatíum og fjórum að bana. Þau segja að skothljóð hafi heyrst á mismunandi stöðum á eyjunni.

Við erum öll Norðmenn

Carl Bildt, utanríkisráðherra Svíþjóðar, lofaði í gær að Norðurlöndin myndu standa saman eftir árásirnar í gær. Bildt tjáði sig á Twitter og sendi samúðarkveðjur til Norðmanna og bauð fram aðstoð. "Við erum öll Norðmenn,“ sagði hann jafnframt.

Umheimurinn hugsar til Norðmanna

Fjölmargir þjóðhöfðingjar hafa sent Norðmönnum samúðarkveðjur og sagt hug þjóðar sinnar vera með Norðmönnum.

Mannskæðasta árás á Noreg frá stríði

Lögregla hafði í gærkvöldi staðfest að tíu manns hefðu látist í skotárás í Útey, skammt vestan Óslóar í gær. Vitni segja að á bilinu tuttugu til þrjátíu hafi látist. Lögregla telur að árásin þar og sprengjuárás sem varð skömmu áður í Ósló tengist. Sprengiefni fannst einnig á eyjunni.

Sjá næstu 50 fréttir

Mest lesið