Skildu eftir sig sprengjugildrur

Uppreisnarherinn í Líbíu segir að liðsmenn Múammars Gaddafís hafi skilið eftir sig fullt af sprengjugildrum í olíuvinnslumannvirkjum hafnarborgarinnar Brega.

Lögreglan staðfestir að minnst 10 hafi fallið í skotárásinni

Við höfum fengið upplýsingar um það að tíu hafi fallið, en við búumst við því að tala fallinna munu hækka, segir norska lögreglan í fréttatilkynningu um skotárásina í Útey í dag. Norska ríkissjónvarpið og Verdens Gang höfðu eftir vitnum í dag að á þriðja tug manna væru látnir Norska Aftenposten segir að 17 manns hafi verið fluttir á sjúkrahús. "Miðað við það sem ég hef séð hafa minnst fjórir verið skotnir og drepnir,“ segir umdæmisstjóri ungliðahreyfingar norska Verkamannaflokksins í Þelamörk.

Segist til viðræðu um hvaðeina

"Allt er til umræðu. En við verðum að setjast niður,“ sagði Benjamín Netanjahú, forsætisráðherra Ísraels, í viðtali á arabísku sjónvarpsstöðinni Al Arabiya í gær. Hann setti sem fyrr þau skilyrði að aðeins yrði rætt við þá sem viðurkenna tilverurétt Ísraelsríkis, en sagðist gera sér grein fyrir að hann þyrfti að gera erfiðar málamiðlanir.

Kirkjan ver of miklu fé í listir

Þjóðkirkjan ver of miklu fé í list og menningarviðburði og of litlu í félagslegt starf. Þetta er mat nær helmings danskra sóknarpresta samkvæmt könnun á vegum Kristeligt Dagblad. Prestur í dómkirkjunni í Óðinsvéum segir að með þessu sé þjóðkirkjan að grafa undan sjálfri sér.

Árásarmaðurinn er norskur

Jens Stoltenberg, forsætisráðherra Noregs, segir Norðmenn vera litla en stolta þjóð sem láti ekki hræða sig. Í kvöld kom Stoltenberg í fyrsta sinn fram eftir árásirnar í Osló og Útey í dag. Hann ræddi þá við blaðamenn ásamt dómsmálaráðherranum Knut Storberget. Stoltenberg sagði hugsanir sínar og bænir vera hjá hinum særðu og ættingjum þeirra sem misstu ástvini í dag.

Byssumaðurinn sást í Osló fyrr í dag

Maðurinn sem hóf skothríð á eyjunni Útey seinnipartinn sást í miðborg Osló skömmu áður en sprengja sprakk þar í dag. Hann er nú yfirheyrður af lögreglu sem kannar hvort hann beri einnig ábyrgð á árásunum í höfuðborginni, að því er fram kemur á vef norska dagblaðsins Verdens Gang. Árásarmanninum er sagður norrænn í útliti og hávaxinn. Lögreglan upplýsir ekki hvort maðurinn sé norskur ríkisborgari.

Obama vottar Norðmönnum samúð sína

Barack Obama, forseti Bandaríkjanna, segir atburðina í Noregi í dag sýna að alþjóðasamfélagið verði að vinna saman til að koma í veg fyrir hryðjuverk. Hann vottar Norðmönnum samúð sína og hefur heitið norskum stjórnvöldum fullum stuðningi við rannsókn árásanna í Osló og Útey.

Allt að 30 myrtir í Útey

Norska ríkisútvarpið og dagblaðið Verdens Gang hafa eftir sjónarvottum að þeir hafi séð að minnsta kosti 20-30 látna á eyjunni Útey. Þar hófst á miðvikudaginn árleg sumarhátíð ungliðahreyfingar norska Verkamannaflokksins en talið er að hátt í 700 manns hafi verið á eyjunni í dag þegar karlmaður í gervi lögreglumanns hóf að skjóta á fólk í kringum sig.

Óttast að sprengja sé í Útey

Óttast er að það sé sprengja á Útey, þar sem að minnsta kosti fjórir voru skotnir til bana í dag. Þetta staðfestir norska lögreglan við norska ríkisútvarpið.

Stoltenberg: Noregur í grafalvarlegri stöðu

Norska lögreglan hefur staðfest að Jens Stoltenberg forsætisráðherra er í öruggu skjóli. Stoltenberg segir sjálfur við norska ríkisútvarpið og staða Noregs sé grafalvarleg.

Stoltenberg ætlaði að ávarpa ungliða á eyjunni

Jens Stoltenberg, forsætisráðherra Noregs og leiðtogi Verkamannaflokksins, átti á morgun að flytja ávarp á eyjunni þar sem maður hóf að skjóta á ungmenni fyrr í dag. Gro Harlem Brundtland, fyrrverandi forsætisráðherra, heimsótti eyjuna fyrr í dag og Jonas Gahr Störe, utanríkisráðherra Noregs, var á eyjunni í gær. Hér má sjá viðtal við hann þar sem talar um að norska ríkisstjórnin styður stofnun sjálfstæðs ríkis Palestínumanna.

Einn maður handtekinn vegna skotárásarinnar

Lögreglan í Noregi hefur handtekið mann sem grunaður er um að bera ábyrgð á skotárásinni í Utøya í Noregi í dag.

Óttast að fjórir hafi farist í skotárásinni

Óttast er að hið minnsta kosti fjórir fórust í skotárás í sumarbúðum í Utøya í Noregi nú um klukkan fjögur að íslenskum tíma. Minnst fimm manns eru særðir eftir árásina, segir norska ríkisútvarpið. Lögreglan hefur ekki staðfest tölu látinna.

Forsætisráðherra Noregs í felum

Forsætisráðherra Noregs, Jens Stoltenberg, hefur að ráði lögreglu ákveðið að greina ekki frá því hvar hann heldur til eftir sprengjuárás í miðborg Oslóar síðdegis í dag. Skrifstofur forsætisráðherrans eru í skrifstofubyggingunni sem fór einna verst út úr árásinni.

Fimm skotnir í sumarbúðum í Noregi

Fimm voru skotnir í skotárás í sumarbúðum í Noregi fyrir stundu. Ekki er vitað hvort þeir sem skotnir voru séu lífs eða liðnir.

Kunna að vera fleiri sprengjur á svæðinu

Ögmundur Jónasson, innanríkisráðherra, lét þau orð falla í viðtali við Vísi að fleiri sprengjur kynnu að vera í Osló, á svæðinu þar sem miklar sprengingar urðu á öðrum tímanum í dag.

Mikill ótti í Osló

Það greip um sig ótti í Osló þegar sprengingin sprakk, segir Daníel Ingólfsson, sem staddur var í um 300 - 400 metra fjarlægð frá staðnum þar sem sprengjan sprakk. "Við sátum beint hjá ráðhúsinu, um svona 400 metrum frá. Þetta var mjög mikil sprenging," segir Daníel. Stuttu seinna hafi fólk séð reyk.

Sprenging í Osló

Sprenging varð í miðborg Osló um tuttugumínútur yfir eitt að íslenskum tíma og er mikil ringulreið í borginni vegna þessa. Lítið er vitað um stöðuna en rúður sprungu. Sprengingin varð í hverfi þar sem fjölmargar byggingar norsku ríkisstjórnarinnar eru, en þar er jafnframt bygging Verdens Gang. Fram kemur á fréttavef Aftenposten að margir séu slasaðir. Blóð sást í andliti og á höndum margra. Ekki er vitað hvort um hryðjuverkaárás var að ræða.

Bítlamyndir seldust á 40 milljónir

Gamlar, svarthvítar myndir af Bítlunum seldust í gær á því sem nemur 42 milljónum króna. Ljósmyndarinn sem tók myndirnar heitir Mike Mitchell, en hann tók þær í fyrstu heimsókn hljómsveitarinnar til Bandaríkjanna árið 1964. Hann óraði ekki fyrir því að myndirnar 50 væru einhvers virði. En góður vinur hans hvatti hann til að selja þær á uppboði og uppboðshúsið Christie's áttaði sig líka á verðmætunum. Christie's mat þær á að minnsta kosti tíu milljónir króna en þegar yfir lauk höfðu þær selst á um 42 milljónir.

Brúðarkjóll Katrínar verður til sýnis

Brúðarkjóll Katrínar Middleton, eiginkonu Vilhjálms Bretaprins, verður til sýnis í Buckinghamhöll á árlegum sumaropnun hallarinnar.

Segir tilkynningu Sameinuðu Þjóðanna um hungursneyð vera áróður

Sheikh Ali Mohammad Raghe, talsmaður óttaðasta skæruliðahópsins í Sómalíu, segir yfirlýsingu um hungursneyð í Sómalíu sem Sameinuðu Þjóðirnar gáfu út þann 20. júlí síðastliðinn, vera hreinan áróður sem spretti af pólitískum rótum.

Öl loks flokkað sem áfengi í Rússlandi

Dmitry Medvedev forseti Rússlands hefur undirritað löggjöf sem felur í sér að öl er nú flokkað sem áfengur drykkur. Fram að þessu hefur allt sem innihélt 10% alkóhólmagn eða minna verið flokkað sem matvara í Rússlandi.

Ekkert lát á hitabylgjunni í Bandaríkjunum

Ekkert lát er á hitabylgjunni sem hrjáir Bandaríkjamenn og nú er hún einnig lögst yfir mið- og austurhluta Bandaríkjanna. Alls hafa 22 látist vegna hitans en talið er að um helmingur þjóðarinnar glími nú við hitabylgjuna.

Stærsti fíkniefnafundur í sögu Mexíkó

Herinn í Mexíkó hefur lagt hald á mesta magn af fíkniefnum í sögu landsins. Alls fundust 840 tonn af efnum og efnasamböndum sem nægt hefðu til að framleiða sterkt amfetamín fyrir allt að 3.000 milljarða kr.

Geimferðir einkavæddar

Bandarísk stjórnvöld ætla framvegis að reiða sig á einkafyrirtæki, þegar koma þarf geimförum til alþjóðlegu geimstöðvarinnar, nú þegar bandarísku geimferjurnar hafa verið teknar úr notkun.

Hluti grískra ríkisskulda felldur niður

Leiðtogar evruríkjanna sautján samþykktu í dag að koma gríska ríkinu enn á ný til bjargar og slógu um leið á ótta fjármálaheimsins við að gengi evrunnar hrapi.

Setja Páfagarði stól fyrir dyrnar

Írar hafa almennt fagnað harðorðri ræðu Enda Kenny forsætisráðherra í garð Páfagarðs, þar sem hann fordæmdi dræm viðbrögð Páfagarðs við uppljóstrunum um kynferðislegt ofbeldi innan kirkjunnar undanfarin sautján ár.

Var látinn draga múrstein með limnum

Þær er heldur óvenjulegar refsingarnar sem yfirvöld í Bangladesh beita þegna sína þegar þeir brjóta af sér og fékk einn borgari að kynnast því á dögunum.

Fundu fíkniefnaverksmiðju neðanjarðar

Mexíkóski herinn fann nýlega umfangsmikla metamfetamín-verksmiðju Sinaloa í Mexíkó. Það voru hermenn sem fundu verksmiðjuna faldna undir laufblöðum við reglubundið eftirlit á svæðinu.

Aðstoðarmaður Hitlers grafinn upp

Lík Rudolfs Hess, sem var um tíma aðstoðarmaður Adolfs Hitlers, var grafið upp í gær. Ástæðan er sú að nýnasistar voru farnir að sækja í gröfina í einskonar pílagrímsferðum, eftir því sem BBC greinir frá.

Stríðsglæpamaður fær að hitta fjölskylduna fyrir framsal

Goran Hadzic, fyrrum leiðtogi króatískra Serba, verður að öllum líkindum framseldur til Stríðsglæpadómstóls Sameinuðu þjóðana í Haag á morgun. Áður en það gerist fær hann að hitta fjölskyldu sína.

Þúsundir lögreglustarfa lögð niður

Yfir 34 þúsund störf hjá bresku lögreglunni verða lögð niður á næstu árum vegna niðurskurðar í ríkisfjármálum. Þetta fullyrðir sky fréttastofan. Sky segir að störf rösklega sextán þúsund lögreglumanna verði lögð niður. Um 18 þúsund annarskonar störf hjá lögreglunni verða lögð niður. Yvette Cooper innanríkisráðherra í skuggastjórn Verkamannaflokksins segir að með svo miklum niðurskurði sé öryggi almennings teflt í hættu.

Síðasta geimferjulendingin

Geimferjan Atlantis lenti í Flórída í dag eftir sína síðustu ferð út í geiminn. Þetta var jafnframt síðasta ferð bandarískrar geimferju og er því lokið 30 ára merkum kafla í geimferðasögunni.

Offitusjúklingar glíma við mjólkurfíkn

Yfir helmingur þeirra sem glíma við mjög alvarleg offituvandamál þjáist af mjólkurfíkn eða eru háðir mjólkurvörum.

Fellibylurinn Dóra stefnir á Mexíkó

Fellibylurinn Dóra stefnir nú í átt að Kyrrhafsströnd Mexíkó og gæti náð þar landi fyrir helgina.

Fundu 22 milljónir í söfnunargámi Rauða krossins

Starfsmönnum Rauða krossins í smábænum Tornved á Sjálandi í Danmörku brá heldur betur í brún í vikunni þegar þeir fundu eina milljón danskra kr. í seðlum, jafnvirði 22 milljóna kr., í fatahrúgu í söfnunargámi fyrir utan starfsstöð sína í bænum.

Lögðu hald á 1,7 tonn af kókaíni

Portúgölsk yfirvöld hafa lagt hald á 1,7 tonn af kókaíni en verðmæti þess er talið nema 80 milljónum evra eða yfir 13 milljörðum kr.

Forsetinn framdi sjálfsvíg

Krufning á líki Salvadors Allende, sem var forseti Síle fram til ársins 1973, sýnir að hann framdi sjálfsvíg. Rannsóknin leiddi í ljós að hann skaut sig í höfuðið með AK-47 riffli sem Castro Kúbuforseti hafði gefið honum tveimur árum fyrr.

13 ára drengur stunginn til bana af jafnaldra sínum

Afbrýðissemi olli því að 13 ára drengur í Sönderborg í Danmörku stakk jafnaldra sinn til bana með hníf í gærkvöldi.

Kamikaze flugmaður reynir að myrða móður sína

Hinn 47 ára gamli svissneski Konrad Schmidt flaug tveggja hreyfla flugvél inn í hús móður sinnar síðastliðinn sunnudag. Að hennar sögn hringdi hann í hana stuttu áður en vélin skall á húsinu og sagði "Ertu heima mamma? Ég er í þann mund að detta í heimsókn."

Ólöglegur erindreki Pakistans

Pakistönsk stjórnvöld létu milljónir dollara renna til samtaka í Bandaríkjunum. Þau áttu að reyna að hafa áhrif á stefnu bandarískra stjórnvalda í málefnum tengdum Pakistan.

Breyting í kjölfar gagnrýni

Lene Espersen, utanríkisráðherra Danmerkur, kveðst ekki bera ábyrgð á því að Margrét Þórhildur Danadrottning veitti Khalifa, konungi Barein, næstæðstu orðu Danmerkur. Orðan var veitt nokkrum vikum áður en skotið var á mótmælendur í Barein sem kröfðust lýðræðisumbóta.

Stress á meðgöngu gæti haft varanleg áhrif

Sé barnshafandi kona undir miklu álagi gæti stressið haft varanleg áhrif á fóstrið í móðurkviði samkvæmt niðurstöðum rannsóknar þýskra sálfræðinga sem birtist í virtu sálfræðitímariti.

Hlébarði beit 11 manns

Hlébarða tókst að bíta 11 manns í vesturhluta Bengal fylkis í Indlandi áður en hann var drepinn í gær. Dýrið hafði villst inn í þorpið og reyndu skógarverðir að koma því aftur út í náttúruna, en dýrið tók því afar illa og réðst á fjóra skógarverði auk sex þorpsbúa sem og lögreglumann sem kom á vettvang.

Eftirlýstur stríðsglæpamaður handtekinn

Serbnesk yfirvöld hafa handtekið Goran Hadzic síðasta serbneska herforingjann sem var eftirlýstur af Stríðsglæpadómstól Sameinuðu þjóðanna í Haag. Hadzic stýrði serbneskum hersveitum í stríðinu í Króatíu. Þar er hann sakaður um að hafa myrt hundruð Króata og aðra sem ekki voru af serbneskum uppruna.