Áhyggjur af áhugaleysi kjósenda

Þegar tæp vika er til þingkosninga í Bretlandi eru kosningastjórar Verkamannaflokksins farnir að hafa áhyggjur af að margir stuðningsmenn flokksins telji ekki taka því að mæta á kjörstað. </font /></b />

Nýjustu Nokia-símarnir kynntir

Farsímarisinn Nokia kynnti í dag nýjustu gerðir gemsa. Flestir eru þeir orðnir meira en bara símar og sömu sögu er að segja af tólunum sem kynnt voru í dag. Einn síminn er eiginlega myndbandsupptökuvél, með hágæðalinsu frá þýska framleiðandanum Zeiss, og getur tekið upp myndskeið í sömu gæðum og VHS-myndavél.

Spennan magnast í Bretlandi

Spennan magnast dag frá degi fyrir kosningarnar í Bretlandi. Það eru átta dagar þangað til Tony Blair verður endurkjörinn forsætisráðherra Bretlands, ef eitthvað er að marka skoðanakannanir dagsins.

Þremur bjargað úr lestarflaki

Björgunarsveitarmenn í Japan náðu í morgun þrem mönnum á lífi undan braki lestar sem fór út af sporinu í námunda við Osaka í gær. Í nótt fundust 16 lík í brakinu og nú er ljóst að meira en 70 manns fórust í slysinu, sem er mannskæðasta lestarslys í Japan í meira en fjörutíu ár. Þá eru fjölmargir þeirra sem slösuðust enn í lífshættu.

Hersetu Sýrlands í Líbanon lýkur

Sýrlenskir leyniþjónustumenn yfirgáfu höfuðstöðvar sínar í Líbanon í gær og í dag lýkur formlega 29 ára hersetu Sýrlands í Líbanon. Fyrir aðeins tveimur mánuðum voru fjórtán þúsund sýrlenskir hermenn í Líbanon en nú eru aðeins um þrjú hundruð eftir.

Bilið milli flokka eykst

Verkamannaflokkurinn í Bretlandi eykur fylgi sitt samkvæmt tveimur skoðanakönnunum sem birtust í morgun. Flokkurinn mælist með 40 prósenta fylgi samkvæmt nýrri könnun dagblaðsins <em>Independent</em>, sem er þrem prósentum meira en í síðustu viku. Fylgi Íhaldsflokksins minnkar hins vegar úr 32 prósentum niður í 30.

Neyðarástand í Georgíu vegna flóða

Neyðarástand ríkir nú í nokkrum þorpum í Georgíu eftir mikil flóð undanfarna daga. Ár hafa flætt yfir bakka sína í tólf þorpum og þar hafa hundruðir íbúa neyðst til þess að yfirgefa heimili sín, sem mörg hver eru ónýt í kjölfar flóðanna. Hjálparstarf gengur erfiðlega þar sem ausandi rigning er á svæðinu og ekki útlit fyrir að það stytti upp í bráð.

Kynjahlutföll jöfnust í Rúanda

Hvergi í heiminum eru konur jafnstór hluti þingmanna og í Afríkuríkinu Rúanda þar sem rétt tæplega helmingur þingmanna eru konur. Að Rúanda undanskildu er hlutfall kvenna á þingi mest á Norðurlöndum. Ríflega 45 prósent sænskra þingmanna eru konur og alls staðar á Norðurlöndum eru um það bil fjórir af hverjum tíu þingmönnum kvennkyns.

Lestin reyndist á of miklum hraða

Komið er á daginn að lestinni sem fór út af sporinu skammt frá Osaka í Japan í gærmorgun var ekið allt of hratt þegar slysið varð. Hún var á 100 kílómetra hraða þegar hún þeyttist af sporinu en mátti aðeins vera á 70 kílómetra hraða á þessum stað.

Hermenn hafi ekki gert neitt rangt

Rannsóknarmenn á vegum Bandaríkjahers hafa komist að því að bandarískir hermenn sem skutu ítalskan leyniþjónustumann sem var nýbúinn að bjarga ítölskum blaðamanni úr haldi mannræningja í Írak hafi ekki gert neitt rangt heldur aðeins sinnt störfum sínum. Þetta kemur fram í skýrslu sem gerð hefur verið um málið og greint er frá á fréttavef BBC.

Sýrlandsher farinn frá Líbanon

Allir sýrlenskir hermenn eru nú farnir út úr Líbanon og lýkur þar með 29 ára hersetu Sýrlendinga í landinu. Um 200 sýrlenskir hermenn tók þátt í kveðjuathöfn í Bekaa-dalnum nærri landamærum Sýrlands og Líbanons í morgun og voru margir þeirra verðlaunaðir fyrir störf sín í Líbanon.

73 látnir eftir lestarslys í Japan

Björgunarsveitarmenn í Japan fundu þrjá á lífi í nótt í braki farþegalestar sem fór út af sporinu í námunda við íbúðahverfi í Osaka í gær. Talið er að orsök slyssins hafi verið sú að lestinni var ekið allt of greitt. 73 létu lífið í slysinu og um 440 manns eru slasaðir, margir lífshættulega.

Segir innrás í Írak þrekvirki

Nýr forseti Íraks, Jalal Talabani, kemur Tony Blair forsætisráðherra til varnar og kallar innrás bandamanna í Írak eitt mesta þrekvirki Bretlands.

Vill rétta yfir Berlusconi

Saksóknari í Mílanóborg á Ítalíu hefur farið fram á það við dómara að réttað verði yfir Silvio Berlusconi forsætisráðherra og nokkrum öðrum vegna meintrar spillingar í tengslum við rekstur fjölmiðlafyrirtækisins Mediaset, sem er í eigu fjölskyldufyrirtækis Berlusconis, Fininvest. Beiðnin kemur í kjölfar fjögurra ára rannsóknar saksóknara á ásökunum um bókhaldssvindl, skattsvik og peningaþvætti í tengslum við umdeildan sjónvarpsréttarsamning.

Lést í lestarslysi í Þýskalandi

Einn maður lést þegar lest fór út af sporinu eftir árekstur við vegavinnuvél í suðurhluta Þýskalands í dag. Reuters-fréttastofan hefur eftir lögreglu í bænum Kempten, þar sem slysið varð, að lestin hafi verið á leið frá Ulm til Lindau þegar hún rakst á tjörgunarvél sem var á leið yfir teinana.

Schröder til liðs við Chirac

Gerhard Schröder, kanslari Þýskalands, hefur nú komið Jacques Chirac Frakklandsforseta til aðstoðar við að reyna að sannfæra Frakka um ágæti stjórnarskrár Evrópusambandsins. Leiðtogarnir sögðu á blaðamannafundi í dag að stjórnarskráin væri stórt skref í átt að einingu í Evrópu og  myndi styrkja stöðu álfunnar á alþjóðavettvangi.

Réðst gegn nýnasistum á Spáni

Lögregla á Spáni greindi frá því í dag að hún hefði handtekið 21 nýnasista í áhlaupi á nokkra staði á Mið- og Suður-Spáni. Mennirnir eru taldir tilheyra alþjóðlegum nýnasistahópi sem nefnist Blóð og heiður og er gefið að sök að hafa verslað ólöglega með vopn og ýta undir hvers kyns kynþáttahatur.

Fá sólarhring til að bjarga gíslum

Uppreisnarmenn í Írak, sem halda þremur rúmenskum blaðamönnum í gíslingu, gáfu rúmenskum stjórnvöldum sólarhringsfrest til viðbótar til að kalla herlið sitt frá Írak, að öðrum kosti yrðu gíslarnir teknir af lífi. Rúmenar höfðu fengið frest til klukkan tvö að íslenskum tíma í dag til að tilkynna að rúmenskar hersveitir yrðu kallaðar heim en urðu ekki við því.

Danskur her áfram í Írak

Danska ríkisstjórnin hefur ákveðið að lengja dvöl danskra hersveita í Írak um átta mánuði. Per Stig Møller utanríkisráðherra skýrði frá þessu í danska þinginu í gær og hafnaði um leið kröfu stjórnarandstöðunnar um að binda endi á dvöl danskra hersveita í Írak.

Óvæntur endir á Ameríkusundi

Jón Stephenson von Tetzchner, hálfíslenskur eigandi tölvufyrirtækisins Opera Software í Noregi, lagðist til sunds frá Osló áleiðis til Ameríku í fyrrakvöld. Hann hafði lofað þessu ef meira en ein milljón manns næðu í nýjan vefvafra fyrirtækisins fyrstu fjóra sólarhringana eftir að hann var settur á markað.

Gjaldþrota Íslendinga leitað

Norsk skattayfirvöld í Narvik í Norður-Noregi leita íslenskra eigenda tveggja fyrirtækja, sem lýst hafa verið gjaldþrota. Leikur grunur á að eigendurnir hafi forðað sér úr landi til Íslands.

Reiði á Ítalíu vegna skýrslu

Stjórnarandstaðan á Ítalíu hefur brugðist harkalega við fregnum af skýrslu Bandaríkjahers þar sem bandarískir hermenn eru hreinsaðir af öllum ásökunum um að hafa gert mistök í starfi þegar þeir skutu ítalska leyniþjónustumanninn Nicola Calipari til bana í Írak í síðasta mánuði. Calipari var þá nýkominn úr björgunarleiðangri þar sem blaðakonan Giuliana Sgrena var frelsuð úr höndum mannræningja.

Stelpur á sterum

Ný bandarísk rannsókn sýnir að bandarískar stúlkur nota stera til að bæta útlitið að sögn CNN. Dæmi eru um telpur allt niður í níu ára gamlar sem taka inn stera.

Al-Zarqawi næstum því gómaður

Hársbreidd munaði að bandarískum hersveitum tækist að góma Abu Musab al-Zarqawi, leiðtoga hryðjuverkahóps í Íraks sem tengist al-Kaída.

Sgrena óhress með skýrslu

Rannsóknarnefnd bandaríska hersins hefur skilað skýrslu um atburðinn í síðasta mánuði þegar ítalskur leyniþjónustumaður féll fyrir skotum bandarískra hermanna þegar hann fylgdi blaðakonunni Giuliana Sgrena til flugvallarins í Bagdad en hún hafði verið gísl mannræningja.

Ráðherralistinn tilbúinn

Ibrahim al-Jaafari verðandi forsætisráðherra Íraks hefur loksins náð að setja saman ráðherralista sinn. Þar með lýkur tæplegra þriggja mánaða langri stjórnarkreppu í landinu sem verkaði sem olía á eld uppreisnarmanna.

Fimm hafa fundist á lífi

Björgunarsveitarmenn í Japan hafa fundið fimm á lífi síðasta sólarhring í braki farþegalestar sem fór út af sporinu í námunda við íbúðahverfi í Osaka í gær. Áttatíu og einn lét lífið í slysinu og um 440 manns eru slasaðir, margir lífshættulega. Orsök slyssins er enn á huldu.

Engin gereyðingarvopn í Írak

Sýrlendingarnir farnir

Síðustu sýrlensku hermennirnir sneru heim frá Líbanon í gær. Þar með lýkur tæplega þrjátíu ára langri hersetu Sýrlendinga í landinu.

Óvarkárni og reynsluleysi orsökin

Nú er talið að 77 hafi týnt lífi í lestarslysinu í Japan í fyrradag. Ljóst þykir að óvarkárni og reynsluleysi lestarstjórans hafi valdið slysinu.

Styður ekki Verkamannaflokkinn

Brian Sedgemore, þingmaður Verkamannaflokksins til 27 ára, tilkynnti í gær að hann hygðist ganga til liðs við frjálslynda demókrata í mótmælaskyni við meintar lygar Tony Blair forsætisráðherra í Íraksmálinu.

Svikamylla afhjúpuð

Bresk kona, Jaswinder Gill, af indversku bergi brotin, hefur verið dæmd í tíu ára fangelsi fyrir að hafa svikið yfir 120 milljónir króna út úr indverskum körlum í makaleit.

Neyðarástand í A-Evrópu í flóðum

Neyðarástandi hefur verið lýst yfir í vesturhluta Rúmeníu og um 800 manns hafa þurft að flýja heimili sín í vesturhluta fyrrverandi Sovétlýðveldisins Georgíu vegna flóða og aurskriðna. Hundruð heimila eru gjörónýt og vegasamgöngur til um sjötíu þorpa og bæja í Georgíu liggja niðri eftir að ár flæddu yfir bakka sína.

Vísundar í íbúðahverfi í Baltimore

Níu vísundar lögðu leið sína inn í íbúðahverfi í Baltimore í Bandaríkjunum í morgun. Þrettán lögreglubílar, víkingasveit og herþyrla voru í tvær klukkustundir að athafna sig við að safna hjörðinni saman. Vísundarnir voru hinir rólegustu á meðan lögreglan átti í mesta basli enda ekki vön að þurfa að eltast við vísunda í íbúðahverfum dags daglega.

Axlar ábyrgð en hafnar afsögn

Joschka Fischer, utanríkisráðherra Þýskalands og forvígismaður þýskra græningja, tók á sig alla ábyrgð á mistökum síns ráðuneytis í "áritanamálinu" svonefnda, er hann á mánudag sat í tólf tíma fyrir svörum sérskipaðrar rannsóknarnefndar þýska þingsins.

Ákalla Frakka um samþykkt sáttmála

Leiðtogar Frakklands og Þýskalands, Jacques Chirac forseti og Gerhard Schröder kanslari, sneru saman bökum í gær í átaki til varnar stjórnarskrársáttmála Evrópusambandsins. Vöruðu þeir báðir franska kjósendur við því að hafna sáttmálanum er þeir ganga til þjóðaratkvæðis um hann í lok maí. Slíkt myndi skapa mikla kreppu í Evrópusamvinnunni.

Reiði í Tógó vegna kosningaúrslita

Yfirvöld í Vestur-Afríkuríkinu Tógó lýstu því yfir í gær að sonur einræðisherrans sem stjórnaði landinu í fjóra áratugi væri réttkjörinn arftaki föður síns í embætti forseta landsins. Tilkynningin vakti reiði hjá mörgum Tógómönnum og til háværra mótmæla kom á götum höfuðborgarinnar Lome.

Vill frekari aðstoð í ópíumbaráttu

Ópíumræktun í Afganistan dróst saman um meira en þriðjung á síðasta ári. Forseti landsins biður um frekari alþjóðlega aðstoð svo afganskir bændur geti alfarið sagt skilið við ópíumrækt.

Mannskætt lestarslys í Japan

Að minnsta kosti 50 manns fórust þegar farþegalest fór út af sporinu nærri Osaka í Japan í nótt og keyrði utan í íbúðarblokk. Nærri 300 manns slösuðust í árekstrinum, bæði farþegar lestarinnar, vegfarendur í nágrenninu og íbúar í blokkinni sem lestin keyrði utan í. Lestin lenti á bíl þar sem lestarteinarnir liggja yfir veg en ekki er enn ljóst hvort það var fyrir eða eftir að hún fór út af sporinu.

Þrýsta á myndun stjórnar í Írak

Stjórnvöld í Bandaríkjunum þrýsta nú hart á nýkjörna leiðtoga í Írak að ná saman um myndun nýrrar ríkisstjórnar í landinu. Stjórnvöld í Washington lögðu á það ríka áherslu eftir kosningar í Írak að þau myndu ekki skipta sér af innanríkismálum landsins í kjölfarið.

Abbas tekur öryggissveitir í gegn

Mahmoud Abbas, forseti Palestínu, hefur skipað þrjá nýja yfirmenn yfir öyggissveitum landsins. Þá hefur Abbas einnig neytt nokkur hundruð starfsmenn öryggissveita landsins til þess að fara á eftirlaun með nýjum lögum sem kveða á um að starfsmenn sveitanna verði að hætta störfum þegar sextugsaldri er náð.

Sneru til baka úr alþjóðageimstöð

Rússnesk geimskutla með áhöfn frá alþjóðageimstöðinni lenti í Kasakstan seint í gærkvöldi. Um borð voru Rússi og Bandaríkjamaður sem hafa verið í geimstöðinni síðan í október auk Ítala sem dvaldi þar undanfarna átta daga. Lendingin gekk vel og er áhöfnin við hestaheilsu að eigin sögn.

Segir af sér vegna spillingar

Stanislav Gross, forsætisráðherra Tékklands, sagði af sér embætti í morgun. Afsögnin kemur í kjölfar þess að upp komst um spillingu Gross við fjármögnun íbúðar sem hann keypti sér fyrir sex árum. Jiri Paroubek, félagi Gross í flokki Sósíaldemókrata, tekur við starfi forsætisráðherra Tékklands á hádegi í dag.

Talinn hafa misnotað 445 drengi

Finnskur karlmaður á fimmtugsaldri hefur verið hnepptur í varðhald grunaður um að hafa beitt 445 taílenska drengi kynferðisofbeldi. Hann hefur farið 26 sinnum til Taílands síðan árið 1989 og í fórum hans fannst nákvæmt bókhald yfir athafnir hans með drengjunum. Þetta er langumsvifamesti barnaníðingur í sögu Finnlands og sjálfsagt þótt víðar væri leitað, en upp komst um hann vegna rannsóknar hollensku lögreglunnar á svipuðu máli Hollendings.

Rússar stjórni lýðræðisþróun

Rússar ákveða sjálfir hvernig lýðræði þróast í landinu, sagði Vladímír Pútín í ávarpi til þjóðarinnar í gær og svaraði þannig meðal annars gagnrýni Condoleezzu Rice, utanríkisráðherra Bandaríkjanna. Hún gagnrýndi nýlega þróunina í Rússlandi en Pútín þykir í vaxandi mæli minna á valdamikla ráðamenn Sovétríkjanna fyrr á dögum.