Innlent

Hættulegur og gengur enn laus

Matthías Máni Erlingsson Hóf í september afplánun fimm ára dóms fyrir gróft ofbeldi gegn stjúpu sinni.
Matthías Máni Erlingsson Hóf í september afplánun fimm ára dóms fyrir gróft ofbeldi gegn stjúpu sinni.

„Ég skil mjög vel gagnrýni og aðfinnslur Fangavarðafélagsins og fangelsisyfirvalda," segir Ögmundur Jónasson innanríkisráðherra vegna þeirrar umræðu sem skapast hefur eftir að ofbeldismaðurinn Matthías Máni Erlingsson strauk af Litla-Hrauni í fyrradag.

„Ég mun vilja fara yfir þetta með fangelsisyfirvöldum og fulltrúa Fangavarðafélagsins og hlusta á þeirra sjónarmið," segir Ögmundur sem kveður mikinn niðurskurð hafa verið til fangelsismála á undanförnum árum. Augljóst sé að á sjái þegar framlögin séu skert um 20 til 25 prósent.

„Hins vegar erum við núna að ráðast í umtalsverðar úrbætur. Í fyrsta lagi hefur verið sett viðbótarfjármagn til að bæta aðstöðuna í fangelsum landsins – þótt enn sé það af skornum skammti – og síðan erum við að ráðast í smíði nýs fangelsis á Hólmsheiði, sem mun gjörbreyta stöðunni," segir Ögmundur. Hann boðar einnig að ýmsar breytingar á lögum fækki þeim sem afpláni refsingu í fangelsi.

Það muni draga úr álaginu á fangelsiskerfið.

Matthías Máni afplánar dóm fyrir tilraun til manndráps. Hann er 171 sentimetri á hæð. Ábendingar hafa borist um að til hans hafi sést víða á suðvesturhorninu eftir strokið.- sh, gar



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.