Hafrannsóknarskip landaði ónýtum afla

Henda varð megninu af afla Hafrannsóknaskipsins Árna Friðrikssonar, sem hann landaði á Austfjörðum í síðustu viku, þar sem fiskurinn var stór skemmdur vegna slæmrar meðferðar um borð.

Færð á heiðum spilltist í gær

Krapasnjór var á Holtavörðuheiði í gær og hálkublettir og éljagangur á Öxnadalsheiði. Hálkublettir voru á Bröttubrekku, Fróðárheiði, Vatnsskarði og Þverárfalli. Snjóþekja var einnig á flestum fjallvegum á Vestfjörðum.

Samherji og FISK Seafood eiga 75 prósenta hlut í Olís

Viðskipti Samherji og FISK Seafood, dótturfélag Kaupfélags Skagfirðinga (KS), eiga 37,5 prósenta hlut hvor í Olís. Kaupum félaganna á hlutnum eru sett ýmis skilyrði, meðal annars að stjórnarmenn, starfsmenn og eigendur að meira en eins prósents hlut í þeim mega ekki sitja samtímis í stjórn Olís svo að ekki verði til vettvangur fyrir samskipti keppinauta. Þetta kemur fram í ákvörðun Samkeppniseftirlitsins um málið sem birt var á fimmtudag. Fyrrum aðaleigendur Olís, þeir Einar Benediktsson forstjóri þess og Gísli Baldur Garðarsson, eiga nú 25 prósenta hlut

Vilja ekki sitja saklaus uppi með málskostnað

Tveir starfsmenn Kópavogsbæjar sem sátu í stjórn Lífeyrissjóðs starfsmanna Kópavogs í hruninu og sýknaðir voru af ákæru um ólöglega lánveitingu úr sjóðnum til bæjarins sitja uppi með hundruð þúsunda króna málskostnað umfram dæmdar málsvarnarbætur. Þeir vilja að lífeyrissjóðurinn greiði mismuninn.

Bólusetning kom í veg fyrir 20.000 svínaflensusýkingar

Sóttvarnalæknir áætlar að á Íslandi hafi bólusetning gegn svínainflúensu veturinn 2009/2010 komið í veg fyrir 20 þúsund sýkingar hið minnsta, 70 sjúkrahúsinnlagnir, sjö innlagnir á gjörgæsludeild og eitt dauðsfall.

Flúði til skrifta undan málþófi

Undanfarið ár hef ég nýtt lausan tíma, samhliða öðrum störfum, til að skrifa – til dæmis undir málþófi,? segir Magnús Orri Schram, þingmaður Samfylkingarinnar, sem í dag gefur út bókina Við stöndum á tímamótum. ?Maður má reyndar ekki vera með tölvu inni í þingsal en það var ágætt að fara stundum inn í hliðarherbergin og skrifa.?

Frásögnum um ofbeldi verður fylgt eftir

Könnun sem gerð var um afdrif, velferð og líðan barna sem dvöldu á níu meðferðarheimilum Barnaverndarstofu og Stuðlum á árunum 2000 – 2007 sýnir að hátt hlutfall barnanna segist hafa orðið fyrir ofbeldi á meðal dvöl þeirra stóð. Barnaverndarstofa tekur niðurstöðurnar alvarlega og hyggst fylgja þeim eftir með framhaldsrannsókn. Alls sögðust 14% barnanna hafa orðið fyrir ofbeldi af hendi starfsmanns og um 20% af hendi annarra barna í meðferðinni.

Landvernd vill stöðva framkvæmdir

Stjórn Landverndar fer fram á að Landsvirkjun stöðvi strax framkvæmdir fyrirtækisins við Bjarnarflag þar sem fyrirhugað er að reisa 45 megavatta jarðvarmavirkjun. Nauðsynlegt sé að bíða þess að Rammaáætlun um vernd og nýtingu náttúrusvæða hafi verið samþykkt á Alþingi. Einnig fer Landvernd fram á að nýtt umhverfismat vegna virkjunarinnar verði unnið enda sé það sem liggur fyrir að verða tíu ára gamalt.

Freyja býður sig fram til þings

Freyja Haraldsdóttir, framkvæmdastjóri NPA miðstöðvarinnar, hefur ákveðið að bjóða sig fram á lista Bjartrar framtíðar fyrir alþingiskosningarnar í vor. Freyja stefnir á að bjóða starfskrafta sína í Kraganum, eða SV-kjördæmi, en ákvörðun um skipun á lista liggur ekki fyrir frá hendi stjórnar flokksins.

Lognið á eftir storminum

Hrunið hleypti öllu upp í íslenskri pólitík. Fólk þurfti að tapa peningum til að það léti í sér heyra, en þá gerði það líka svo um munaði. Það flykktist út á götur og mótmælti og lögreglan beitti táragasi til að dreifa mannfjölda í fyrsta skipti síðan við inngöngu Íslands í NATO árið 1949.

Gáleysi getur kostað ofnæmisveik börn lífið

Íslenskir matvælaframleiðendur virðast oft ekki gera sér grein fyrir því að gáleysi við merkingar getur kostað barn með fæðuofnæmi miklar þjáningar og jafn vel lífið. Þetta var meðal þess sem fram kom á stofnfundi félags foreldra barna með ofnæmi og astma í dag.

Ríkið aðstoði bæjarfélög við að kaupa kvóta

Alþjóðleg ráðstefna um fiskveiðar var haldin í Háskóla Íslands í dag. Meðal þeirra sem þar fluttu erindi var Þráinn Eggertsson, prófessor sem mikið hefur fjallað um nýtingu auðlinda. Hann hefur kennt við virta háskóla í Bandaríkjunum og Þýskalandi og meðal annars hefur verið útnefndur alþjóðlegur heiðursprófessor við New York University í Bandaríkjunum.

Nýr formaður Samstöðu

Birgir Örn Guðjónsson, var kjörinn formaður Samstöðu flokks lýðræðis og velferðar, á aðalfundi flokksins sem lauk síðadegis í dag. Birgir Örn var eini frambjóðandinn. Varaformenn eru þau Pálmey H. Gísladóttir og Sigurbjörn Svavarsson. Lilja Mósesdóttir stofnaði flokkinn.

Opnunarveisla Samtaka um nýja stjórnarskrá

Fjöldi fólks var samankominn í gamla Ellingsen-húsinu í gær þegar kosningarskrifstofa Samtaka um nýja stjórnarskrá var opnuð. Þar voru meðal annars samankomnir stjórnlagaráðsþingmenn og alþingismenn til að stilla saman strengi sína fyrir kosningar um stjórnarskrá. Einnig var frumflutt lagið Undirstöður sem tónlistarmaðurinn Svavar Knútur samdi við texta úr fyrsta kafla frumvarpsins.

Vildi ekki fara á slysadeild þrátt fyrir stungusár á fæti

Maður, sem var með stungusár á fæti í nótt, var fluttur á slysadeild þvert gegn vilja sínum. Samkvæmt upplýsingum frá lögreglu átti hnífstungan sér stað skömmu eftir miðnætti en lögreglu var ekki tilkynnt um hana fyrr en nokkrum klukkutímum síðar. Þá kom maðurinn í hús í Setbergi alblóðugur.

Yfir 600 manns tóku þátt í æfingunni

Flugslysaæfingin á Reykjavíkurflugvelli í dag virðist hafa tekist mjög vel í flesta staði að sögn Árna Birgissonar, samræmingarstjóra flugvalla hjá Isavia. Æfingunni lýkur í dag en alls taka um 630 manns þátt í henni, sem gerir æfinguna að þeirri umfangsmestu sem haldin hefur verið hérlendis.

Smábátasjómenn komnir með kjarasamning

Kjarasamningur sjómanna hjá Sjómannasambandi Íslands við Landssamband smábátaeigenda hefur verið samþykktur. Atkvæði voru talin í húsakynnum ríkissáttasemjara í gær.

Flugslysaæfing á Reykjavíkurflugvelli

Búið er að virkja Samhæfingarstöðina í Skógarhlíð og allar björgunarstöðvar á höfuðborgarsvæðinu vegna flugslysaæfingar á Reykjavíkurflugvelli.

Göngum nú öll til góðs

Landssöfnun Rauða krossins, Göngum til góðs, hófst í morgun klukkan tíu og söfnunarstöðvar á nærri áttatíu stöðum á landinu verða opnar til klukkan sex í dag.

SÁÁ býður landsmönnum í Háskólabíó

SÁÁ heldur upp á 35 ára afmæli sitt í dag og af því tilefni er landsmönnum boðið í Háskólabíó klukkan tvö í dag. Á fimmtudaginn hófu samtökin undirskriftasöfnun þar sem stuðningi er lýst við frumvarp sem á að stuðla að því að hjálpa þeim sem enn eru hjálparþurfi í baráttunni við alkóhólisma og afleiðingar hans.

Íbúum í Vesturbyggð fjölgar

Samkvæmt upplýsingum frá Þjóðskrá búa nú 940 íbúar í Vesturbyggð og hefur þeim fjölgað um 40 frá því fyrir tveimur árum.

Norðmenn vilja íslenskt starfsfólk

Sendinefnd frá Sveitarfélaginu Sunndal í mið-Noregi er væntanleg hingað til lands um miðjan mánuð. Tilgangur heimsóknarinnar er að leita að starfsfólki á Íslandi en sveitarfélaginu og fyrirtækjum þar vantar 20 til 30 starfsmenn.

Til efnahagslegs helvítis og til baka

Hinn 1. október 2008 kynnti fjármálaráðuneytið nýja þjóðhagsspá. Hún gerði ráð fyrir að "eftir áralanga kröftuga uppsveiflu“ væri aðlögun að jafnvægi hafin í þjóðarbúinu. Samkvæmt henni myndi hagvöxtur verða 1,7 prósent á Íslandi árið 2008 og 1,1 prósent árið 2009. Spáð var að atvinnuleysi myndi aukast á því ári og verða 2,7 prósent.

Fjárhættuspil stöðvað í Reykjavík

Lögreglan á höfuðborgarsvæðinu lokaði í gærkvöld veitingastað í austurborginni vegna gruns um að þar væri stundað fjárhættuspil. Einn var handtekinn og var hann vistaður í fangageymslu lögreglu.

Segja bilun skýra mengunina

Umhverfisvöktun vegna álvers Alcoa Fjarðaáls í Reyðarfirði í sumar leiddi í ljós hækkaðan styrk á flúor í grasi í firðinum. Í tilkynningu Umhverfisstofnunar í gær kom fram að mengunin væri umfram viðmið fyrir grasbíta en ekki væri um að ræða hættu fyrir fólk. Skýringar á menguninni komu frá Fjarðaáli síðdegis en Umhverfisstofnun kallaði eftir nánari úttekt á orsökum og afleiðingum mengunarinnar frá fyrirtækinu.

Bændur enda flestir á skrá lögreglunnar

Líkur eru á að lögreglu berist í hrönnum tilkynningar um áburðarkaup bænda verði nýtt frumvarp til vopnalaga að veruleika. Til stendur að leggja frumvarpið fram á þingi eftir helgina. Í því er miðað við að tilkynna þurfi um sölu á áburði sem nota megi til að búa til sprengiefni fari magnið yfir 500 kíló á sex mánaða tímabili.

Herða viðurlög vegna laumufarþega

Siglingaverndarráð hefur skilað innanríkisráðuneytinu umbeðnum tillögum um leiðir til úrbóta vegna ítrekaðra tilrauna útlendinga til að brjótast inn á hafnarsvæði Eimskips og um borð í skip félagsins.

Sýslumaðurinn dró uppsögn til baka

Ekkert verður af lokun sýsluskrifstofunnar í Grindavík eins og sýslumaðurinn í Keflavík boðaði í síðustu viku.

Þrír skólar fengu inneign í tölvubúð

Þrír skólar fengu í vikunni viðurkenningu fyrir framúrskarandi árangur í eTwinning-áætlun Evrópusambandsins. Hver skóli fékk í verðlaun gjafabréf að andvirði 175 þúsund krónur í Tölvulistanum.

Æfa viðbrögð við hryðjuverkum

Northern Challenge, fjölþjóðleg æfing sprengjusérfræðinga, hófst í vikunni. Æfingar fara fram á Keflavíkurflugvelli og á fyrrverandi varnarsvæðum utan hans, í höfninni í Helguvík, Patterson-svæðinu og í Hvalfirði.

Stórhættulegur hundur felldur

Framkvæmdaráð Akraness hefur ákveðið að aflífa verði hund sem sýnt hefur verið fram á að sé stórhættulegur. Hundurinn hefur meðal annars bitið lögreglumann og fyrir liggur undirskriftalisti íbúa og fjöldi kvartana um ónæði af hundinum og ógnandi tilburði hans. Sérstaklega er tekið til þess að lögreglumaðurinn vilji að hundinum verði lógað. "Með hliðsjón af fyrirliggjandi gögnum telur framkvæmdaráð ekki þörf á að kalla eftir frekari sérfræðigögnum um hundinn,“ segir framkvæmdaráðið sem gefur eigandanum sjö daga frest til að tjá sig áður en endanleg ákvörðun verður tekin um afdrif dýrsins.- gar

Viðbúnaðurinn var ástæðulaus

Landhelgisgæslan hóf í gær leit að bát þar sem áhöfn hafði látið hjá líða að hlusta á fjarskipti. Báturinn hvarf úr eftirlitskerfum þegar hann var 35 sjómílur út af Horni, en vegna fjarlægðar voru tvær þyrlur Gæslunnar auk björgunarskips kallaðar út. Þrátt fyrir ítrekaðar tilraunir varðstjóra Landhelgisgæslunnar náðist ekki í bátinn eða aðra báta á sama svæði.

Stálu skotvopnum og veltu bíl

Lögreglan á Sauðárkróki handtók þrjá einstaklinga í hádeginu þar sem þeir biðu eftir strætó. Fólkið hafði um nóttina stolið skotvopnum, tveimur rifflum og tveimur haglabyssum auk skotfæra, úr aðstöðuskúr Skotfélagsins Ósmanns sem er nokkuð fyrir utan bæinn.

Tvær slösuðust en barnið slapp

Lögreglunni á Suðurnesjum barst í vikunni tilkynning þess efnis að á Heilbrigðisstofnun Suðurnesja væru staddar þrjár ungar konur með kornabarn og að þær væru slasaðar eftir umferðarslys.

Rann stjórnlaust niður í grjótagarð

Mannlaus sendibifreið með kerru aftan í lagði af stað frá útgerðarfyrirtækinu Vísi í Grindavík í gær, rann niður bratta brekku, áfram yfir götu og hafnaði á grjótgarði við höfnina.

Svartur pakki við Leifsstöð

Lögreglan á Suðurnesjum fékk í gær tilkynningu frá öryggisgæslunni í Flugstöð Leifs Eiríkssonar þess efnis að svartur pakki væri utan dyra við brottfarardyr Flugstöðvarinnar.

Efnuðust vel á því að vera í Stuðmönnum

Stuðmenn héldu tónleika í Hörpu í dag í tilefni af því að nú er verið að gefa út myndina Með allt á hreinu á nýjan leik. Þrjátíu ár eru liðin frá því myndin kom fyrst út.

Lögreglan lýsir eftir Ingólfi Snæ Víðissyni

Lögreglan á Selfossi lýsir eftir Ingólfi Snæ Víðissyni en síðast sást til hans 25 september. Ingólfur er 16 ára. Ekki er vitað hvernig hann er klæddur. Þeir sem geta gefið upplýsingar um ferðir Ingólfs eru beðnir um að hafa samband við lögregluna á Selfossi í síma 480-1010.

Fullyrðir að engin efni hafi fundist í fórum sínum

Víðir Þorgeirsson, forsprakki Outlaws vélhjólasamtakanna, fullyrðir að engin fíkniefni hafi fundist þar sem húsleit var gerð hjá honum í Vogum á Vatnsleysisströnd í fyrradag. Víðir, sem sjálfur hefur hlotið fimm ára fangelsisdóm fyrir aðild að e-töflusmygli, var handtekinn ásamt fimmtán öðrum sem tengjast samtökunum. Hann var svo látinn laus í dag, þar sem dómari féllst ekki á gæsluvarðhaldskröfu yfir honum. Tveir karlmenn sem tengjast samtökunum eru í varðhaldi og ein kona.

Í gæsluvarðhald eftir að dvöl á meðferðarheimili lýkur

Hátt í helmingur pilta sem dvaldist á meðferðarheimilum frá árinu 2000 til 2007 hefur setið í gæsluvarðhaldi eða fangelsi eftir að meðferðinni lauk. Félagsráðgjafi segir mikilvægt að fylgja börnum sem dvelja á meðferðarheimilum lengur eftir.

Fyrstu olíuvinnsluleyfin fyrir Drekasvæðið í pípunum

Fyrstu sérleyfin til olíuvinnslu í íslenskri lögsögu verða gefin út í næsta mánuði. Búist er við að tveir aðilar fái leyfi í fyrstu atrennu en Orkustofnun fresti útgáfu leyfis til þriðja umsækjandans þar til hann hefur tryggt sér reyndan erlendan samstarfsaðila.

Dagsskammtur: 188 þúsund ipadar og 288 þúsund iphone símar

Afkomutilkynning Apple fyrir þriðja ársfjórðung 2012 sýnir vel hversu mikil salan hjá fyrirtækinu hefur verið undanfarin misseri. Þannig seldust 17 milljónir ipad spjaldtölvur á fjórðunginum, á heimsvísu, og 27 milljónir iphone síma. Síðustu mánuðir hvers árs eru venjulega bestu mánuðir ársins ár hvert hjá Apple, en þá rata vörur fyrirtækisins oft í jólapakkana.

Vatn stórhættulegt fyrir flogaveika

Það er ekkert einsdæmi að þeir sem eru flogaveikir drukkni í vatni, segir Brynhildur Arthúrsdóttir, formaður Lauf - Félags flogaveikra. Vísir greindi frá því í morgun að ung kona, móðir þriggja ára stúlku, hefði drukknað í baðkari á föstudag fyrir viku. Efnt hefur verið til styrktartónleika til þess að sambýlismaður konunnar geti sent jarðneskar leifar hennar til Póllands, en konan var þaðan. Brynhildur segir að við dauðsföll sem tengja má flogaveiki, sé það oft ekki krampinn sjálfur sem dregur fólk til dauða, heldur aðstæðurnar sem fólk er í.

Vélhjólaslys við Reykjavíkurtjörn

Sjúkraliðið var kallað að Reykjavíkurtjörn nú rétt fyrir klukkan fjögur. Grunur leikur á að vélhjólmaður hafi þar lent í umferðarslysi. Frekari upplýsingar höfðu ekki fengist.

Mjög brugðið vegna fyrirhugaðra árása á lögreglumenn

"Mér er mjög brugðið að heyra þetta, að glæpasamtök, hvort sem það eru þessi glæpasamtök eða einhver önnur, skuli vera að safna upplýsingum um lögreglumenn með jafn skipulögðum hætti og raun virðist bera vitni um," segir Snorri Magnússon, formaður Landssambands lögreglumanna, Lögreglan staðfesti í dag að tilefni lögregluaðgerða í fyrrakvöld gegn meðlimum Outlaws væri rökstuddur grunur um fyrirætlanir meðlima vélhjólagengisins um hefndaraðgerðir gegn einstaka lögreglumönnum og fjölskyldum þeirra.