EasyJet hefur flug til Íslands

Breska lággjaldaflugfélagið easyJet hefur flug til Íslands í dag. Þá flýgur flugvél á vegum easyJet frá London til Keflavíkur þar sem vélin lendir klukkan 08.40. Fulltrúar ISAVIA og Ian Whitting, sendiherra Bretlands á Íslandi, munu taka á móti flugvélinni en við stjórnvölinn verður íslenskur flugmaður sem starfar hjá easyJet.

Ákærðir fyrir flókin og stórfelld fjársvik

Embætti sérstaks saksóknara hefur gefið út ákæru á hendur fjórum ungum mönnum fyrir stórfelld og flókin fjársvik og fjárdrátt sem í heild nema tugum milljóna króna. Lögregla hefur rannsakað málið frá því um sumarið 2009, eða í rúmlega tvö og hálft ár.

„Hæpið“ að klára viðræður fyrir kosningar

Össur Skarphéðinsson utanríkisráðherra telur hæpið að ljúka aðildarviðræðum við Evrópusambandið fyrir þingkosningar á næsta ári.

Herdís íhugar alvarlega forsetaframboð

Doktor Herdís Þorgeirsdóttir íhugar alvarlega að gefa kost á sér til embættis forseta Íslands. Hún segir ákvörðun sína byggja á því hvort hún fái nægan stuðning til framboðs. Herdís starfar sem lögmaður í Reykjavík. Hún er forseti Evrópusamtaka kvenlögfræðinga og starfar mikið fyrir Feneyjanefnd Evrópuráðsins á sviði mannréttinda.

Gagnrýnir ESB fyrir fjáraustur í kynningarmál

Annar aðillinn má ekki vera með tíu til fimmtán sinnum meiri fjármuni en hinn aðilinn þegar verið er að kynna mikilvægan málstað, segir Ásmundur Einar Daðason, þingmaður Framsóknarflokksins. Í viðtali við Reykjavík síðdegis í dag gagnrýndi hann þau miklu fjárútlát sem Evrópusambandið er reiðubúið til að greiða í kynningarmál á Íslandi í miðjum aðildarviðræðum. Máli sínu til stuðnings bendir Ásmundur Einar á Evrópustofu, sem er byrjuð að auglýsa og heldur opna fundi um málefni Evrópusambandsins. Þetta kosti 200 milljónir á ári og með þessu sé verið að afla stuðnings við Evrópusambandið.

Öllu innanlandsflugi aflýst í kvöld

Búið er að aflýsa öllu flugi Flugfélags Íslands um Reykjavíkurflugvöll í kvöld. Veðurspáin fyrir kvöldið er slæm. Spáð er sunnan 13-18 metrum á sekúndu og rigningi eða súld en skýjað verður norðaustantil. Sunnan og suðvestan 18-23 metrar á sekúndu á V- landi undir kvöld. Búist er við að það lægi smám saman í nótt og á morgun, fyrst S- og V-lands, en áfram hvasst fyrir norðan og austan.

Miklar kerfisbreytingar í sjávarútvegi - framsal takmarkað verulega

"Það er óhætt að segja að þarna séu miklar kerfisbreytingar í sjávarútvegi,“ sagði Jóhanna Sigurðardóttir forsætisráðherra, þar sem hún ásamt Steingrími J. Sigfússyni sjávarútvegsráðherra, kynntu tvenn frumvörp er varðar stjórn fiskveiða og veiðigjöld.

Veðurblíða á Austurlandi

Veðurblíða er nú á Austurlandi en hitastig á Neskaupstað mælist nú um fimmtán gráður. Þá er fjórtán stiga hiti á Vatnsskarði Eystra.

Ætla að setja heimsmet í tannburstun

Á morgun, þriðjudaginn 27. mars, klukkan 9.30 verður sett íslandsmet í tannburstun þegar Íþróttaálfurinn, nemendur í Snælandsskóla og starfsólk skólans taka sig til og bursta tennurnar í matsal skólans. Metið er hluti af átaki Barnaheilla - Save the Children á Íslandi um bætt tannheilbrigði hjá íslenskum börnum, en tannheilsa barna á Íslandi er í sjötta neðsta sæti í samanburði við OECD-löndin.

Már ósáttur við launakjörin - Seðlabankinn vill frávísun

Lögmenn Más Guðmundssonar seðlabankastjóra og Seðlabankans hittust í fyrirtöku í Héraðsdómi Reykjavíkur í dag þar sem farið var yfir frávísunarkröfu bankans í máli sem Már hefur höfðað gegn vinnuveitenda sínum vegna launamála. Munnlegur málflutningur stendur nú yfir.

Grænir fingur dæmdir

Tveir karlmenn um þrítugt voru dæmdir í skilorðsbundið fangelsi í Héraðsdómi Reykjavíkur í dag fyrir að rækta kannabisplöntur og fyrir að hafa haft maríjúana undir höndum og ætlað að selja fíkniefnið.

Opinn fundur um brjóstapúðamál á morgun

Samhjálp kvenna verður með fræðslufund þriðjudaginn 27. mars kl. 20.00. Á fundinum ætlar Geir Gunnlaugsson landlæknir að ræða um brjóstapúða í tengslum við uppbyggingu brjósts í kjölfar brottnáms vegna brjóstakrabbameins. Einnig mun hann svara fyrirspurnum en allir eru velkomnir á fundinn.

Kvótafrumvörp kynnt - bein útsending á Vísi

Bein útsending verður á Vísi frá blaðamannafundi sem hefst í Víkinni - Sjóminjasafni klukkan fjögur í dag. Þar munu þau Jóhanna Sigurðardóttir forsætisráðherra og Steingrímur J. Sigfússon sjávarútvegs- og landbúnaðarráðherra kynna tvö frumvörp um sjávarútvegsmál sem lengi hefur verið beðið eftir. Um er að ræða nýtt frumvarp um stjórn fiskveiða og frumvarp um veiðigjöld.

Ólafur Ragnar á Norðurslóðaráðstefnu í Boston

Ólafur Ragnar Grímsson forseti flytur í dag lokaræðu á alþjóðlegri ráðstefnu um framtíð Norðurslóða sem haldin er af Fletcher School við Tufts háskólann í Boston. Í tilkynningu frá embættinu segir að ræða forseta beri heitið "The Arctic: A New Model for Global Cooperation". "Upphafsræðu ráðstefnunnar flutti í gær John Kerry, formaður utanríkismálanefndar öldungadeildar Bandaríkjaþings og forsetaframbjóðandi demókrata árið 2004. Þátttakendur í ráðstefnunni eru sérfræðingar og áhrifamenn í málefnum Norðurslóða, svo og prófessorar og nemendur við Tufts háskólann.“

Amfetamín í frystinum, kannabis í örbylgjuofni og sveðja á háaloftinu

Lögreglan á Suðurnesjum gerði húsleit í íbúðarhúsnæði í umdæminu um helgina, að fengnum dómsúrskurði Héraðsdóms Reykjaness. Við leitina fannst meint amfetamín í frysti, meint kannabis og amfetamín í örbylgjuofni og hvítt duft í boxi á eldhúsborði.

Konan komin í leitirnar

Konan sem lögreglan lýsti eftir í morgun, er komin í leitirnar. Ekkert var vitað um ferðir hennar frá því hún fór frá heimili sínu í Þingholtunum í gærkvöldi en eftir að lýst var eftir henni kom hún í leitirnar.

Innbrot, ökumaður á ofsahraða og ölvunarakstur

Innbrot í heimahús í Grindavík var tilkynnt til lögreglunnar á Suðurnesjum um helgina. Rúða hafði verið brotin í svalarhurð og óboðinn gestur farið þar inn. Hann hafði haft á brott með sér sjónvarp, auk þess sem búið var að skemma tvo skjái og fleiri tæki á heimilinu. Lögreglan rannsakar málið.

Sífellt fleiri börn vilja fermast borgaralega

214 börn ætla að fermast borgaralega í ár og er það mesti fjöldi frá upphafi. Formaður Siðmenntar veit ekki hvers vegna börnunum fjölgar milli ára. Formaður Prestafélagsins undrast að börnin séu ekki fleiri en raun ber vitni. "Börnunum hefur fjölgað gífurlega hratt á síðustu fimm árum,“ segir Hope Knútsson, formaður Siðmenntar. "Við vitum ekki hvers vegna þetta gerist svona hratt, við erum ekki að gera neitt öðruvísi. Þetta verður sennilega bara þekktara með árunum.“

Vill nektardanslaus Norðurlönd

Siv Friðleifsdóttir, þingmaður Framsóknarflokksins, mun leggja fram tillögu um að öll Norðurlöndin taki upp svipaða löggjöf og Ísland í nektardansmálum. Þetta mun hún gera á Norðurlandaráðsþingi í haust. Tvö ár voru á föstudag liðin frá því að nektardans var bannaður á Íslandi.

Hafnaði tugmilljónum í typpin

"Hann vildi vita hvort áhugi væri á því að selja safnið og bauð yfir þrjátíu milljónir króna í það. En það kemur ekki til greina að selja, því safnið verður að vera á Íslandi," segir Hjörtur Sigurðsson reðurstofustjóri um þýskan auðkýfing sem vildi eignast Hið íslenzka reðasafn fyrir skemmstu. Þetta er þó ekki í fyrsta sinn sem hátt tilboð berst í safnið.

Hefur veitt um þriðjungi meira í framkvæmdir við Hverahlíðarvirkjun

Orkuveita Reykjavíkur hefur veitt um þriðjungi meira í framkvæmdir við Hverahlíðarvirkjun en áður var talið. Fulltrúi Vinstri grænna í stjórn segir nýja matið vekja upp spurningar um hvort verið sé að reyna finna röksemdir fyrir áframhaldandi virkjanaframkvæmdum.

Fíkniefnamál og innbrot

Fjögur fíkniefnamál komu til kasta lögreglunnar á Selfossi um helgina. Við húsleit í Hveragerði fundust um 100 grömm af kannabis auk tveggja plantna sem voru í ræktun.

Skotvopnum stolið á Selfossi

Um helgina var skotvopnum, tveimur kindabyssum og riffli, stolið úr bílskúr við íbúðarhús á Selfossi. Vopnin voru í læstum byssuskáp og lyklar að honum geymdir á sérstökum stað í bílskúrnum.

Lögreglan á Suðurnesjum á Facebook

Lögreglan á Suðurnesjum hefur nú fetað í fótspor lögregluembættisins á höfuðborgarsvæðinu, og slegist í hóp þeirra sem nota samskiptavefinn Facebook. Samkvæmt fréttavefnum Vf.is þá er tilgangur embættisins að koma betur til móts við íbúa umdæmisins og auka upplýsingastreymi og aðgengi lögreglu.

Ferðaþjónustan fær 0,5% af rannsóknafé

Ferðaþjónustan í landinu fær í sinn hlut 0,5% af opinberu rannsóknafé atvinnuveganna. Lítil þekking á ferðaþjónustunni og fátæklegar grunnrannsóknir eru greininni hættulegar. Á sama tíma eru gjaldeyristekjur greinarinnar árið 2011 áætlaðar um eða yfir 180 milljarðar króna.

Gæsirnar koma óvanalega snemma

Áttin var mjög hagstæð fyrir farflug um helgina og mikill meðvindur. Þannig sáu fuglafræðingurinn Jóhann Óli Hilmarsson og formaður Fuglaverndarfélags Íslands gæsahóp koma til landsins í gær, en það er óvanalega snemmt. Í viðtali við dfs.is á Suðurlandi sagði Jóhann Óli:

Númerum stolið af 600 bílum

lUm 600 tilkynningar um þjófnað á númeraplötum bifreiða hafa borist lögreglunni á höfuðborgarsvæðinu frá því að skráning slíkra mála hófst árið 2009. Hlutfall upplýstra mála er í kringum 10 til 20 prósent á ársgrundvelli, samkvæmt upplýsingum frá upplýsinga- og áætlanadeild lögreglunnar. Oftast hefur þjófnaðurinn tengst stuldi á eldsneyti.

Fleiri sektir verða vart niðurfelldar

Búið er að girða fyrir að mál sem varða brot á samkeppnislögum hljóti sömu örlög og olíusamráðsmálið hlaut fyrir Héraðsdómi Reykjavíkur á fimmtudag. Þar var felldur dómur um að íslenska ríkinu beri að endurgreiða olíufélögunum Esso (Ker hf.), Olís og Skeljungi sektargreiðslur vegna samkeppnisbrota upp á samtals 1,5 milljarða króna.

Seðlabankastjóri fyrir alþingsnefnd og héraðsdómi í dag

Már Guðmunsson seðlabankastjóri mun sitja fyrir svörum á fundi efnahags- og viðskiptanefndar Alþingis sem hefst núna klukkan hálf tíu. Fundurinn er opinn og verður sendur út bæði á sjónvarpsrás Alþingis sem og á netinu.

Íslendingur fékk 52 milljón styrk til rannsókna á Grænlandi

Dr. Friðgeir Grímsson steingervingafræðingur mun stjórna fjölþjóðlegum hópi vísindamanna við rannsóknir á Grænlandi og Færeyjum í sumar.

Líkamsárás við Fiskislóð

Karlmaður var fluttur á slysadeild, nefbrotinn, skorinn og bólgin í andliti, eftir að annar réðst á hann við gistiskýli borgarinnar við Fiskislóð á Grandanum um miðnætti.

Lögreglan lýsir eftir pólskri konu

Lögreglan á höfuðborgarsvæðinu lýsir eftir konu af pólskum uppruna, Iwona Popko, en ekki er vitað um ferðir hennar síðan hún fór frá heimili sínu í Þingholtunum klukkan tíu í gærkvöldi.

Aðgreining á nef- og munntóbaki liggur fyrir í haust

Aðgreining á nef- og munntóbaki mun ekki liggja fyrir fyrr en í haust. Þá er áætlað að leggja fram frumvarp til laga um breytingar á lögum um tóbaksvarnir. Meðal þeirra atriða sem tekið verður á í frumvarpinu er skilgreining á nef- og munntóbaki, að því er Margrét Erlendsdóttir, upplýsingafulltrúi velferðarráðuneytisins, greinir frá.

Tveir bílar eyðilögðust í eldi

Tveir mannlausir bílar eyðilögðust í eldi þar sem þeir stóðu fyrir utan iðnaðarhús við Bygggarða á Seltjarnarnesi.

Sumarbústaður brann til kaldra kola í nótt

Gamall sumarbústaður við Rauðavatn í Reykjavík brann til kaldra kola í nótt. Hann var mannlaus.

Vilja völl til að byggja upp rugby-íþróttina

„Við erum ekki að biðja um peninga heldur einungis svæði til að vinna með. Það er algjört lykilatriði að fá slíku svæði úthlutað, því þá skapast möguleiki til að sækja um styrki til Alþjóða rugbysambandsins, Rugbysambands Evrópu og víðar. Við fáum ekki styrki til að byggja upp aðstöðu ef við höfum ekki svæði til að byggja aðstöðu á,“ segir Kristinn Þór Sigurjónsson, formaður Rugby Ísland, félagasamtaka sem hafa það að markmiði að byggja upp rugby-íþróttina á Íslandi með ýmsum hætti.

Kallað á gjaldtöku vegna skipakomu

Hugmyndir eru uppi um að leggja sérstakt gjald á farþega skemmtiferðaskipa sem rynni til umbóta í umhverfismálum.

Gæti bætt gæði stórra útsendinga á netinu

Lektor í tölvunarfræði við Háskólann í Reykjavík vinnur nú að lausn sem talin er geta dregið úr álagi á netþjóna og þar með bætt gæði stórra útsendinga á veraldarvefnum. Alþjóðlegu tæknirisarnir Intel og Netflix hafa þegar sýnt verkefninu áhuga.

Allt að átta milljóna munur á verðmati

Ásett verð íbúðar getur haft afgerandi áhrif á endanlegt söluverð hennar. Í nýrri íslenskri rannsókn voru fasteignasalar beðnir um að meta sömu íbúðina og var allt að átta milljóna munur á mati þeirra.

Kynna nýtt kvótafrumvarp á morgun

Jóhanna Sigurðardóttir, forsætisráðherra, og Steingrímur J. Sigfússon, sjávarútvegs- og landbúnaðarráðherra, ætla að kynna nýtt frumvarp um stjórn fiskveiða og veiðigjöld. Fundurinn verður haldinn í Víkinni - Sjóminjasafni klukkan 16 á morgun. Jóhanna og Steingrímur munu fara yfir efni frumvarpanna.

Björn styður ekki Ólaf Ragnar í forsetakosningunum

Björn Bjarnason, fyrrum dómsmálaráðherra, vill að Ólafur Ragnar Grímsson, forseti Íslands, láti af embætti. Þetta segir Björn á Facebook-síðu sinni. Hann segir að það sé mikill misskilningur að hann styðji Ólaf Ragnar í komandi forsetakosningum. Hann telji þvert á móti að hann eigi að hverfa til annarra verkefna líkt og hann sagði í nýársávarpi sínu. Forsetakosningarnar fara fram í júní á þessu ári, en þrír hafa lýst yfir framboði. Þeir Ástþór Magnússon, Jón Lárusson, lögreglumaður og Ólafur Ragnar.

Hallgrímur í 8. sæti á Amazon

Bók Hallgríms Helgason, The Hitman's Guide to Housecleaning, eða 10 ráð til að hætta að drepa fólk og byrja að vaska upp, er í áttunda sæti á vinsældalista Amazon yfir bækur í Kindle-rafbókarformi. Bókin er gefin út af Amazon bæði í Kindle- og kiljuformi og kom inn á sölusíðuna á í lok janúar á þessu ári.

Tvær skærustu reikistjörnurnar sjást mjög vel í kvöld

Næstu tvö kvöld gefst landsmönnum tækifæri á að sjá tvær skærustu reikistjörnurnar og mánann dansa saman á himnum. Síðustu forvöð til að sjá þríeykið saman í langan tíma segir stjörnuáhugamaður.

Jón Bjarnason segir Dani ekki ráða við makríldeiluna

Nánast engar líkur eru taldar á því að Danir ráði við að opna á aðildarviðræður ESB við Íslendinga um sjávarútvegsmál. Þetta segir Jón Bjarnason, fyrrverandi sjávarútvegs- og landbúnaðarráðherra. Til stóð að opna umræðurnar í haust en þeim hefur ítrekað verið frestað og nú síðast vegna deilna um rétt Íslendinga til markrílveiða.

Þóra Arnórs íhugar forsetaframboð

Sjónvarpskonan Þóra Arnórsdóttir íhugar að bjóða sig fram gegn sitjandi forseta. Ný könnun sýnir að flestir þeirra sem vilja sjá nýjan forseta á Bessastöðum styðja Þóru.