Fleiri fréttir

Óveður hindrar viðræður um öryggi Íslands

Árlegum viðræðum íslenskra og bandarískra stjórnvalda um öryggismál, sem hefjast áttu í Reykjavík í dag, hefur verið frestað vegna óveðurs í Bandaríkjunum. Bandaríska sendinefndin átti að koma til Íslands í morgun en samkvæmt upplýsingum úr utanríkisráðuneytinu komst hún ekki frá Washington til New York vegna veðurs og missti því af fluginu til Íslands.

Þórður Hjaltested tekur við af Eiríki

Þórður Á. Hjaltested verður næsti formaður Kennarasambands Íslands. Þórður hafði betur gegn Elnu Katrínu Jónsdóttur og vann með 80 atkvæða mun. Hann tekur við formennsku Kennarasambandsins á þingi þess þann 8. apríl næstkomandi.

Einelti gegn kennurum tilkynnt til barnaverndar

„Einelti er meðal alvarlegustu samskiptavandamála sem upp koma á vinnustöðum og innlendar sem erlendar rannsóknir benda til þess að allt að 8 til 10% starfsmanna verði fyrir einelti í vinnu." Þetta kemur fram í bréfi sem vinnuumhverfisnefnd Kennarasambands Íslands sendi skólastjörnendum og trúnaðarmönnum KÍ í vor.

Fræðslustjóri útilokar ekki uppsagnir

Það stefnir í 400 milljóna króna halla á rekstri Menntasviðs Reykjavíkurborgar á þessu ári. Níu mánaða uppgjör var kynnt í menntaráði á fundi í síðustu viku. Ragnar Þorsteinsson segir að hallinn sé tilkominn vegna launaliðar annars vegar og hins vegar vegna annars kostnaðar sem erfitt hafi reynst að skera niður undanfarin tvö ár.

Dæmd í 2ja ára fangelsi fyrir fjárdrátt frá sendiráðinu í Vín

Tuttugu og níu ára gömul kona var í morgun dæmd í 2ja ára fangelsi fyrir að draga sér fé frá íslenska sendiráðinu í Vínarborg. 22 mánuðir dómsins eru skilorðsbundnir. Konan starfaði sem bókari hjá sendiráðinu og játaði að hafa dregið sér og notað heimildarlaust í eigin þágu 335 þúsund evrur, eða um 51 milljón íslenskra króna.

Sluppu ómeidd úr logandi bíl

Fjögur ungmenni sluppu ómeidd, þegar bíll sem þau voru í, fór út af veginum skammt frá Höfðabóli í Vestmannaeyjum í nótt. Mikið högg kom á bílinn og kviknaði í honum. Fólkið, sem allt var í bílbeltum, slapp út í tæka tíð og náði lögregla að slökkva eldinn áður en slökkviliðið kom á vettvang. Bíllinn er mikið skemmdur, en ekki liggur fyrir af hverju hann hafnaði utan vegar.

Tekst á við eftirhermu

Umdeild regnhlíf hönnuðarins Sruli Recht hefur dúkkað upp í sölu sem hönnun annars manns. Sruli segir að verið sé að stela hönnun hans.

Dómari tók sér frest til að úrskurða um gæsluvarðhald

Dómari tók sér í gærkvöldi frest til að úrskurða um kröfu lögreglunnar í Árnessýslu um gæsluvarðhaldsúrskurð yfir þremur mönnum, sem réðust með ofbeldi inn í heimahús á Selfossi í fyrrakvöld og rændu þar ýmsum verðmætum.

Tvöfalt fleiri greinast með lystarstol

Fjöldi þeirra sem leggjast inn á geðdeildir vegna lystarstols hefur tvöfaldast hér á landi á 26 árum. Eru það niðurstöður nýrrar rannsóknar: Lystar­stol 1983-2008: innlagnir, sjúkdómsmynd og lifun, sem birt er í nýjasta tölublaði Læknablaðsins.

Greiða jafnan lægri gjöld en nágrannarnir

Þrátt fyrir fyrirhugaðar hækkanir á gjaldskrá Reykjavíkur­borgar segja fulltrúar meirihlutans að borgarbúar greiði jafnan mun lægri skatta og gjöld en gengur og gerist í nágrannasveitar­félögunum.

Lausnin tímabundin eftir árs undirbúning

Ráðstöfun verkefna Varnarmálastofnunar liggur fyrir til bráðabirgða. Óvissu rúmlega fimmtíu starfsmanna er eytt með niðurstöðunni, segir formaður verkefnastjórnar. Stjórnsýslan við framkvæmd þess að leggja stofnunina niður er hins vegar harðlega gagnrýnd.

Félag múslima mun eitt fá moskulóðina

Páll Hjaltason, formaður skipulagsráðs Reykjavíkur, segir að Félag múslima muni fá lóð undir mosku frá borginni en ekki Menningarsetur múslima sem einnig sækir um lóð.

Eftirlitið framvegis hjá ríkinu

Matvælastofnun, MAST, mun ekki fela faggildum aðilum framkvæmd eftirlits með sjávarútvegsfyrirtækjum frá og með 1. mars 2011. Eftirlitið verður eftir þann tíma ríkisrekið. Þetta gengur þvert á vilja Landssambands íslenskra útvegsmanna, Samtaka fiskvinnslufyrirtækja og Samtaka atvinnulífsins og gegn tilmælum sjávar­útvegs- og landbúnaðarnefndar Alþingis.

Andvígir kvótasölu ríkisins

Farmanna- og fiskimannasambandið, Sjómannasambandið og Félag vélstjóra og málmtæknimanna hafa tekið höndum saman við Landssamband íslenskra útvegsmanna og mótmæla hugmyndum um sölu ríkisins á aflaheimildum.

Lánveiting í Búðarháls yrði jólagjöfin

Vonir eru bundnar við að Fjárfestingarbanki Evrópu muni í vikunni samþykkja að afgreiða lán til Landsvirkjunar vegna Búðarhálsvirkjunar í ljósi nýrrar stöðu í Icesave-málinu. Verkstjóri Ístaks á virkjunarsvæðinu segir að það yrði jólagjöfin í ár.

Bjarni Ben undir feldi

Bjarni Benediktsson, formaður Sjálfstæðisflokksins, er að fara yfir öll gögn sem tengjast nýjum Icesave-samningum. Hann mun ekki tjá sig fyrr en hann hefur kynnt sér málið til hlítar, segir Friðjón R. Friðjónsson, aðstoðarmaður hans.

Erill hjá lögreglunni í nótt

Lögreglan í Reykjavík hafði í nógu að snúast í nótt, en einkum var um útköll vegna hávaða og drykkjuláta að ræða.

Eyjafjallajökull heltók heimsbyggðina

Gosið í Eyjafjallajökli síðasta vor er einn af fimm stærstu atburðum ársins á heimsvísu. Þetta kemur fram í árlegri úttekt leitarvélarinnar Google, en auk gossins voru talin til jarðskjálftinn á Haítí, Vetrarólympíuleikarnir í Vancouver, olíuslysið í Mexíkóflóa og Heimsmeistaramótið í knattspyrnu.

Eiginmaðurinn talinn vera burðardýr

Lögreglan á Suðurnesjum handtók karlmann á þrítugsaldri í fyrrakvöld í tengslum við rannsókn á fíkniefnamáli sem upp kom í Leifsstöð á mánudagskvöld. Þá voru hjón á fertugsaldri tekin með tæplega þrjú hundruð grömm af kókaíni við komuna til landsins frá Kaupmannahöfn.

Gjöld Íslendinga hækka ekki

Íslenskir háskólanemar á Englandi þurfa ekki að óttast hækkanir á skólagjöldum með tilkomu nýrra laga þar í landi. Mikill styr hefur staðið um breytingar á lögum um hámarksskólagjöld í enska háskóla, frá haustinu 2012 verða gjöldin færð úr 3.290 sterlingspundum á ári upp í 9.000, sem er sama upphæð og nemar utan Evrópusambandsins, þar á meðal Íslendingar, hafa þurft að greiða hingað til.

Frístundahús ekki dæmd til niðurrifs

dómsmál Hæstiréttur segir að eigendur tveggja frístundahúsa í Kiðjabergi í Grímsnesi þurfi ekki að rífa húsin eins og einn nágranni þeirra krafðist.

Snúrur geta skaðað börn

Tvö til þrjú tilvik koma upp árlega hér á landi þar sem börn eru hætt komin eftir að hafa vafið snúrum af rimlagardínum um hálsinn á sér. Síðasta sumar mátti ekki miklu muna þegar barn féll niður á gólf í verslun eftir að hafa vafið slíkri snúru um hálsinn á sér.

Hafa góð áhrif á nærsamfélagið

Pan American Silver Peru hefur fengið Premio Desarrollo Sostenible 2010 verðlaunin (eða Verðlaun fyrir sjálfbæra þróun 2010) í flokki stuðnings við staðbundin verkefni tengd námuvinnslu. Í tilkynningu fyrirtækisins kemur fram að verðlaunin séu veitt fyrir fordæmisgefandi starf á vettvangi félags- og umhverfismála og jákvæð áhrif sem fyrirtækið hafi haft á nærsamfélög á athafnasvæðum sínum í Perú.

Krefst frávísunar með sömu rökum og áður

Baldur Guðlaugsson, fyrrverandi ráðuneytisstjóri, krefst þess að máli á hendur honum vegna 192 milljóna króna innherjasvika verði vísað frá dómi. Rökin fyrir því eru þau sömu og lágu til grundvallar kröfu um að rannsókn málsins yrði hætt fyrir réttu ári. Þeirri kröfu hafnaði Hæstiréttur

Íslenskir jeppar á methraða á pólinn

Hlynur Sigurðsson, starfsmaður frá íslenska fyrirtækinu Arctic Trucks, er á heimleið eftir jeppaferð á suðurpólinn. Talið er að hraðamet hafi fallið í ferðinni þar sem 2.300 kílómetrar voru lagðir að baki á fjórum og hálfum sólarhring.

Ríkið býður út lán í stað þess að semja

Samningaviðræður ríkisins og lífeyrissjóðanna um fjármögnun sjóðanna á tugmilljarða vegaframkvæmdum runnu út í sandinn á fimmtudag. Of mikið bar í milli þess sem ríkið var tilbúið til að greiða og þess sem sjóðirnir vildu fá.

Icesave-málið verður ekki klárað fyrir jól

„Ég fagna því mjög að þessi niðurstaða hafi náðst og ekki síst að það hafi náðst sátt í samninganefndinni, sem var meðal annars skipuð fulltrúa frá stjórnar­andstöðunni,“ segir Jóhanna Sigurðardóttir forsætisráðherra um Icesave-samninginn sem nú liggur á borðinu. „Þetta er gríðarlegur áfangi í endurreisninni.“

Umsvifamiklir kókaínsmyglarar gripnir

Tveir karlar voru handteknir nú í vikunni í tengslum við rannsókn lögreglunnar á höfuðborgarsvæðinu á innflutningi á kókaíni til landsins. Annar karlmaðurinn var handtekinn í gær en hinn í byrjun vikunnar, en þeir voru báðir teknir á höfuðborgarsvæðinu. Jafnframt lagði lögreglan hald á um 400 grömm af kókaíni sem reynt var senda til Íslands í tvennu lagi frá Suður-Ameríku.

Meiri trú á viðskiptalífinu en stjórnmálaflokkum

Um 53% Íslendinga telja spillingu hafa aukist á síðustu þremur árum, 32% telja hana hafa staðið í stað og að mati 15% hefur dregið úr spillingu. Þetta eru niðurstöður könnunar sem Capacent gerði fyrir hönd Transparency International.

Samtök ferðaþjónustunnar mótmæla umhverfisgjaldi

Samtök ferðaþjónustunnar mótmæla harðlega útfærslu umhverfisgjalds í frumvarpi fjármálaráðherra um farþega- og gistináttagjald sem lagt hefur verið fram. Í yfirlýsingu frá samtökunum segir að fyrirtæki í ferðaþjónustu þoli illa auknar álögur og að þarna sé verið að leggja til flókið og illframkvæmanlegt kerfi sem leggur of þungar byrðar á fyrirtækin.

Hollendingar áhugasamir um Icesave og greiðslugetu Íslendinga

Hollendingar sýna Icesave málinu mikinn áhuga sem eðlilegt er enda virðist sem Hollendingar fái loks greitt frá Íslendingum vegna Icesave eftir langdregnar viðræður. Sigríður Mogensen fréttakona Stöðvar 2 svaraði nokkrum spurningum varðandi málið á hollensku stöðinni RTL í morgun.

Ný vefsíða heimsminjanefndar opnuð

Heimsminjanefnd Íslands hefur opnað heimasíðu um heimsminjasamning UNESCO og framkvæmd hans hér á landi. Katrín Jakobsdóttir mennta- og menningarmálaráðherra og Svandís Svavarsdóttir umhverfisráðherra opnuðu síðuna formlega í gær. Heimsminjasamningurinn miðar að því að vernda bæði menningarminjar og náttúruminjar sem eru einstakar í heiminum. Á heimasíðunni má finna fréttir af samningnum, upplýsingar um aðild Íslands að honum og um Þingvelli og Surtsey, en það eru þeir staðir á Íslandi sem eru á heimsminjaskrá UNESCO.

Lögregla varar fólk við að skilja verðmæti eftir í bílum

Lögreglan á höfuðborgarsvæðinu varar eigendur og umráðamenn ökutækja við því að skilja verðmæti eftir í bílum. Í tilkynningu segir að nokkuð sé um innbrot í bíla á höfuðborgarsvæðinu en þjófum er ekkert heilagt og þeir stela jafnvel jólagjöfum ef því er að skipta.

Neytendastofa setur sölubann á Latabæjarhjálma

Neytendastofa hefur lagt bann á sölu hlífðarhjálma sem seldir eru undir vöruheiti Latabæjar. Hjálmarnir eru af gerðinni ATLAS og eru þeir framleiddir í bláum lit með mynd af íþróttaálfinum og bleikum lit með mynd af Sollu stirðu. Innflytjandi hjálmanna er Safalinn ehf.

EFTA-dómstóllinn staðfestir ábyrgð vinnuveitenda

Einungis í undantekningartilvikum getur það samræmst tilskipunum ESB um aðbúnað, hollustuhætti og öryggi á vinnustöðum að gera starfsmann ábyrgan fyrir öllu eða meginhluta tjóns sem hann verður fyrir vegna vinnuslyss, þegar fyrir liggur að vinnuveitandi hefur ekki farið að reglum um öryggi og heilsu á vinnustað. Þetta er staðfest í dómi EFTA-dómstólsins frá í morgun.

Vann flatskjá í vinaleik Vísis: „Alveg í skýjunum"

Guðrún Ósk Hansen, þriggja barna móðir í Vogum á Vatnsleysustönd, sat við tölvuna í gærkvöldi og var að tala við manninn sinn í Noregi á Skype þegar hún ákvað að gerast Facebook-vinur Vísis. Eiginmaður Guðrúnar starfar í Noregi þar sem hann fékk vinnu eftir atvinnuleysi hér á Íslandi. Guðrún Ósk er sjálf öryrki eftir alvarlegt bílslys og hafa þau hjónin því ekki haft mikið á milli handanna að undanförnu. Það kom henni því skemmtilega á óvart þegar hún fékk símtal þar sem henni var tilkynnt að hún hefði verið dregin út í Vinaleik Vísis og hreppt þar veglegan vinning.

Sjá næstu 50 fréttir

Mest lesið