Fleiri fréttir

Aukinnar bjartsýni gætir eftir fundinn með Strauss Kahn

Ríkisstjórnin bindur vonir við að önnur endurskoðun Alþjóðagjaldeyrissjóðsins á efnahagsáætlun Íslands geti farið fram í næsta mánuði án þess að lausn liggi fyrir í Icesave málinu. Aukinnar bjartsýni gætir eftir fund ráðherra með framkvæmdastjóra sjóðsins í dag

Veðurspá fyrir Fimmvörðuháls um helgina

Veðurstofa Íslands hefur gert veðurspá fyrir Fimmvörðuháls í ljósi þess að fjöldi fólks hefur hugsað sér að fara á svæðið um helgina. Spáin verður endurskoðuð á morgun og eða eftir þörfum.

Kristinn leiðir Framsókn í Reykjanesbæ

Kristinn Jakobsson, viðskiptafræðingur, skipta fyrsta sætið á framboðslista Framsóknarflokksins í Reykjanesbæ vegna sveitarstjórnarkosninganna í lok maí. Framboðslisti flokksins var samþykktur á fundi Fulltrúaráðs Framsóknarfélaganna í bæjarfélaginu í gærkvöldi.

Þingmenn sýni meiri ábyrgð í störfum sínum

Miðstjórn Rafiðnaðarsambands Íslands átelur harðlega það ábyrgðarleysi sem stjórnmálamenn hafa sýnt undanfarið ár með þeim vinnubrögðum sem þeir hafa viðhaft. Alvarlegt ástand efnahags- og atvinnumála fari enn versnandi.

Fjöldi fólks á leið austur að Fimmvörðuhálsi

Töluverð umferð hefur verið á Suðurlandsvegi í austurátt í dag og í morgun, samkvæmt upplýsingum frá lögreglunni á Selfossi og lögreglunni á Hvolsvelli. Búist er við því að umferð aukist enn frekar þegar líður á kvöldið.

Neytendastofa varar við áratugagömlum leikföngum

Neytendastofu hefur borist tilkynning um upplýsingaherferð sem framleiðandi Fisher-Price leikfanga hefur ákveðið að hrinda af stað. Upplýsingaherferðin varðar leikföngin „Litla fólkið" sem voru framleidd á árunum 1965 til 1991.

Leggja aukið fé í Nýsköpunarsjóð námsmanna

Katrín Jakobsdóttir mennta- og menningarmálaráðherra og Hanna Birna Kristjánsdóttir borgarstjóri hafa, fyrir hönd ráðuneytisins og Reykjavíkurborgar, ákveðið að leggja aukið fé í Nýsköpunarsjóð

Gríðarlegur verðmunur á páskaeggjum

Munur á hæsta og lægsta verði á eggjum frá Nóa Síríus var oftast á bilinu 20-30% og verðmunur á Freyju páskaeggjunum var á bilinu 14% - 17%, þegar verðlagseftirlit ASÍ kannaði málið á föstudag fyrir viku.

Nýr hraunfoss í Hvannárgili

Nýr 200 metra hraunfoss hefur myndast í Hvannárgili. Sjónarvottur sá þetta eftir hádegið í dag. Sjónarvotturinn er á staðnum núna og hefur fylgst með því sem fram fór á gosstöðvunum í morgun.

Hraunfossinn í Hrunagili er storknaður

Hraun er nú hætt að renna niður Hrunagil í eftir að hraunrennslið úr eldstöðinni á Fimmvörðuhálsi fór að renna í vestur og niður í Hvannárgil. Þetta hefur fréttastofa eftir jarðfræðingi sem staddur er á svæðinu.

Hraunið færðist um 6 metra á klukkutíma - myndir

Hraunið úr gosinu á Fimmvörðuhálsi færðist um 6 metra á klukkutíma, samkvæmt mælingu félaga úr Björgunarfélagi Árborgar sem fóru inn Hraungil í gærkvöldi. Þeir mældu hitan á vatninu í ánni og mældist það 29 gráður.

Menn hafa orðið úti á Fimmvörðuhálsi

Göngumenn um Fimmvörðuháls virðast sumir hverjir alls ekki gera sér grein fyrir aðstæðum á svæðinu eða hvernig nauðsynlegt er að vera útbúinn á svæðinu.

Starfsemi á Reykjavíkurflugvelli með eðlilegum hætti

Flug á Reykjavíkurflugvelli hefur verið með eðlilegum hætti í morgun, segir Hjördís Guðmundsdóttir, upplýsingafulltrúi Flugstoða. Hún segir að Flugstoðir harmi þann tilhæfulausa hræðsluáróður sem slökkkviliðsstjóri

Staðfest að hraun rennur í Hvannárgil

Flugvél Landhelgisgæslunnar er nú í könnunarflugi yfir eldstöðvunum á Fimmvörðuhálsi. Megin tilgangurinn er að kanna hvort hraun sé farið að renna í vesturátt og í átt að Hvannárgili. Í nótt varð hlaup í Hvanná að sögn Sveins Rúnarssonar lögreglumanns og er það talið benda til þess að hraun fari senn að renna niður í Hvannárgil.

TF-Sif fann pramma á reki suður af landinu

Eftirlitsflugvél Landhelgisgæslunnar fann óþekktan pramma á reki um 60 sjómílur suður af landinu, austan við Vestmannaeyjar, og getur skipum stafað hætta af honum.

Sjúkraliðar skora á heilbrigðisráðherra

Sjúkraliðar á Heilbrigðisstofnun Suðurlands skora á heilbrigðisráðherra að ganga fram fyrir skjöldu og krefjast þess að stjórnendur virði starfssvið og réttindi sjúkraliða.

Eldsneytisverð: Munar ellefu krónum hjá sama félaginu

Olíufélagið Skeljungur dró ti baka þriggja krónu hækkun á bensínlítranum síðdegis í gær, þegar hin félögin fylgdu félaginu ekki eftir með hækkunum. Samkvæmt athugun snemma í morgun var allt að ellefu króna mismunur á bensínverði hjá sama olíufélaginu.

Kolmunnaskipin snúa heim

Íslensku kolmunnaskipin, sem fóru til veiða vestur af Skotlandi nýverið, eru nú á heimleið eða komin heim, mörg hver með aðeins slatta um borð. Eftir nokkra góða daga, fór veður versnandi og hefur verið slæmt á veiðislóðinni dögum saman.

Bátur strandaði við Húsavík

Sextán tonna hraðfiskibátur, Lágey ÞH, strandaði á skeri við Héðinshöfða austur af Húsavík um klukkan tvö í nótt, en hvorugan skipverjann, sem var um borð, sakaði.

Erill hjá lögreglu í nótt

Töluverður erill var hjá lögreglunni á höfuðborgarsvæðinu vegna ölvunar á almannafæri og hávaða í heimahúsum í nótt. Hvergi kom þó til átaka. Ökumaður var stöðvaður grunaður um akstur undri áhrifum fíkniefna og fanst lítilræði af fíkniefnum á honum. Og þá var brotist inn í fyrirtæki í vesturborginni og þaðan stolið tölvu, en þjófurinn komst undan.

Besti flokkurinn nær tveimur mönnum inn

Besti flokkurinn fengi 12,7 prósenta fylgi og tvo borgarfulltrúa yrði kosið til borgarstjórnar Reykjavíkur í dag samkvæmt skoðanakönnun Fréttablaðsins sem gerð var í gærkvöldi.

Gera þarf upp á milli krónu og evru

„Fjármálafyrirtæki verða ekki hvítþvegin þótt skipt sé um stjórnendur, eigendur, nafn og kennitölu og ógreiddir reikningar eftirlátnir þrotabúum,“ segir Gylfi Magnússon, efnahags- og viðskiptaráðherra. Hann hélt ræðu á ársfundi Seðlabankans í gær. Sama segir hann gilda um Seðlabankann, ekki nægði að endurreisa hann og skipa nýja stjórnendur og fjármagna að nýju. „Gera þarf skýr skil milli fortíðar og framtíðar.”

Engin stjórn á flugumferð yfir gosinu

Mikill áhugi er á gosinu á Fimmvörðuhálsi og þeir sem hafa yfir loftförum að ráða leggja leið sína að gosinu. Stundum hefur mikið kraðak myndast í loftinu þegar tugir véla og þyrlna sveima kringum gíginn og einn flugmaður líkti því við villta vestrið. Engin stjórn er á flugleiðum einstakra flugvéla.

Flugmálastjórn þyrfti sérstaka deild fyrir E.C.A

Ef pólitísk ákvörðun verður tekin um að setja upp regluverk til að skrá orrustuþotur E.C.A. Program í íslenska flugflotann þyrfti Flugmálastjórn, samkvæmt heimildum Fréttablaðsins, að koma upp deild með sérfræðingum til að líta eftir starfseminni. Þeir þyrftu fyrst að gangast undir eins árs þjálfun erlendis, í ríki þar sem herþotur eru starfræktar.

Vilja stagbrú yfir Ölfusána

Ný veglína Suðurlandsvegar og tvær útfærslur brúarstæðis yfir Ölfusá er nú í umhverfismati. Vegurinn verður færður norður fyrir Selfoss og ný brú byggð yfir Ölfusá. Tvær leiðir yfir ána eru í skoðun og tvær mismunandi tegundir af brúm.

Ólykt og slysagildrur í ársgömlum rústum

Brunarústir við Klapparstíg 17 hafa staðið óhreyfðar og óvarðar í rúmlega ár. Íbúar í nálægu húsi nota ónýtan húsgrunninn sem sorphaug og börn leika sér á svæðinu. Íbúar hafa ítrekað kvartað til borgaryfirvalda vegna málsins.

Gagnrýnir rammaáætlun

Sigmundur Einarsson jarðfræðingur gerir alvarlegar athugasemdir við rammaáætlun um nýtingu vatnsafls og jarðvarma, en niðurstöður annars áfanga voru kynntar á dögunum. Þar eru mögulegir virkjunarstaðir metnir og þeim gefin einkunn, meðal annars eftir náttúrufari.

Umferð í grennd við gossvæðið gengur vel

Fjölmargir hafa lagt leið sína að eldstöðvunum í Fimmvörðuhálsi í kvöld, samkvæmt upplýsingum sem fengust hjá lögreglunni á Hvolsvelli. Leiðin upp Fimmvörðuháls er opin fyrir göngufólk en umferð um Eyjafjallajökul og Þórsmörk er bönnuð. Að sögn lögreglu hefur umferðin um svæðið gengið afar vel og ekkert óvænt komið upp fyrir utan að bíll bilaði skammt frá gönguleiðinni um Fimmvörðuháls. Unnið er að koma bílnum til byggða.

Sigurvegarinn færður niður í fimmta sæti

Bæjarfulltrúinn Erling Ásgeirsson, sem fékk kosningu í 1. sæti í prófkjöri Sjálfstæðisflokksins í Garðabæ í byrjun febrúar var færður niður í 5. sæti á fundi fulltrúaráðsins í kvöld. Áslaug Hulda Jónsdóttir sem hafnaði í 5. sæti var færð upp í 1. sætið. Tillaga í þessa veru var borin fram af Erling fyrir hönd þeirra sem hlutu bindandi kosningu í fimm efstu sæti listans, að fram kemur í tilkynningu. Í prófkjörinu röðuðust karlmenn í fjögur efstu sætin.

Baktjaldamakk í Ölfusi - bæjarstjórinn boðar sérframboð

„Það er klíka í baklandi Sjálfstæðisflokksins sem hefur ekki geta sætt sig við að ákveðinn meirihluti ráði. Það er hefð fyrir því að hér reyni ákveðnir höfðingjar úti í bæ að stjórna og þeir hafa greinilega tögl og haldir á þessum tveimur bæjarfulltrúum," segir Ólafur Áki Ragnarsson, bæjarfulltrúi Sjálfstæðisflokksins í Ölfusi, sem í dag var sagt upp störfum sem bæjarstjóri. Hann boðar sérframboð í vor ásamt bæjarfulltrúanum Sigríði Láru Ásberg.

20% sjúkrarýma lokað í sumar

Sumarið 2010 verður dregið úr starfsemi Landspítala eins og mögulegt er. Á síðastliðnum árum hefur fjölmörgum legurýmum verið lokað eða breytt í dagrými. Nú eru um 691 legurými til ráðstöfunar á spítalanum auk 50 rýma á sjúkrahóteli. Í sumar verður rúmlega 20% þessara rýma lokað í áföngum á 12 vikna tímabili eða 146. Í fyrra var hlutfalið tæp 13% og 23,5% fyrir tveimur árum.

Ekkert nýtt í tillögum framsóknarmanna

Steinunn Valdís Óskarsdóttir, varaformaður þingflokks Samfylkingarinnar, segist fagna tillögum Framsóknarflokksins um þjóðarsátt. Aftur á móti sé ekkert nýtt að finna í þeim.

Vorhreinsun hefst í Reykjavík eftir helgi

Vorhreinsun í Reykjavík hefst á mánudag eftir helgi í miðborginni og hverfum borgarinnar í umsjón framkvæmda- og eignasviðs og umhverfis- og samgöngusviðs. Starfsmenn hverfastöðva hefjast þá handa við almenna hreinsun á rusli á opnum svæðum, trjám og trjábeðum í borgarlandinu auk þess sem starfsmenn verða ráðnir tímabundið til starfa vegna verkefnisins. Þetta kemur fram í bókun sem Sjálfstæðisflokkur og Framsóknarflokkur lögðu fram í borgarráði fyrr í dag.

Framsóknarmenn kynntu tillögur sínar um þjóðarsátt

Sigmundur Davíð Gunnlaugsson, formaður Framsóknarflokksins, og Gunnar Bragi Sveinsson, þingflokksformaður, kynntu í dag fulltrúum annarra flokka og framboða á Alþingi tillögur þingflokksins: „Þjóðarsátt 2010 samstaða um endurreisn“ sem kynnt var í gær.

Meirihlutinn í Ölfusi sprunginn

Tveir bæjarfulltrúar úr meirihluta Sjálfstæðisflokksins í sveitarfélaginu Ölfusi hafa gengið til liðs við minnihlutann og myndað nýjan meirihluta. Frá þessu er greint á vef Ríkisútvarpsins.

Hundruð fyrirtæki talin hafa greitt út ólögmætan arð

Grunur leikur á að hundruð fyrirtækja hafi greitt út ólögmætan arð sem nemur nokkrum milljörðum króna á undanförnum árum. Ólögmætar arðgreiðslur verða í flestum tilvikum skattlagðar sem launatekjur og beinist skattlagningin að þeim sem þær fengu. Skattyfirvöld hyggjast skoða arðgreiðslur fimm ár aftur í tímann.

Gríðarlegur áhugi á eldgosinu

Yfir hundrað manns hafa lagt leið sína að eldstöðvunum í Eyjafjallajökli í dag. Unnið er að því að setja upp aðstöðu í Fljótshlíð til að almenningur geti séð gosið þaðan.

Bein útsetning frá eldstöðvunum

Í fréttum Stöðvar 2 sem hefjast innan skamms verður bein útsending frá eldstöðvunum á Fimmvörðuhálsi. Kristján Már Unnarsson, fréttamaður, er á staðnum og flytur sjónvarpsáhorfendum nýjustu tíðindi og myndir af gosinu. Hægt er að horfa á fréttatímann hér á Vísi.

Samfylkingin boðar til flokksstjórnarfundar

Flokksstjórn Samfylkingarinnar kemur saman næstkomandi laugardag á Hótel Loftleiðum í Reykjavík. Þetta er þriðji flokksstjórnarfundurinn frá kosningunum fyrir tæpu ári.

Lýst eftir stúlku sem hvarf frá Götusmiðjunni

Lögreglan á Selfossi lýsir eftir Svövu Hrönn Þórarinsdóttur 16 ára til heimilis í Hafnarfirði. Svava hvarf frá Götusmiðjunni í Grímsnesi aðfaranótt föstudagsins 19. mars.

Sjá næstu 50 fréttir

Mest lesið