Fleiri fréttir

Hálkublettir á Vesturlandi

Á Vesturlandi eru hálkublettir í Borgarfirði, á Bröttubrekku og víða á Snæfellsnesi. Á Vestfjörðum er hálka á Steingrímsfjarðarheiði og yfir Þröskulda einnig er hálka á Óshlíð og Súðavíkurhlíð. Hálkublettir eru á flestum öðrum leiðum.

Bankastjórar vaktir af Nýju Íslandi

Samtökin Nýtt Ísland munu vekja upp bankastjóra og forstjóra fjármálafyrirtækja á laugardagsmorgun til að minna á kröfur fólksins í landinu. Kröfurnar verða bornar fram á tíunda kröfu- og mótmæla fundi vetrarins á Austurvelli á laugardaginn kl 15:00.

Sex prófkjör í dag

Sex prófkjör fara fram víða um land í dag. Hjá Vinstri grænum fer fram prófkjör í Reykjavík og á Akureyri. Sjálfstæðismenn standa einnig í ströngu þar sem fjögur prófkjör eru hjá flokknum í dag.

Ökufantur tekinn á Suðurlandi

Rétt rúmlega tvítugur karlmaður var stöðvaður af lögreglunni á Selfossi þegar hann á 178 kílómetra hraða í nótt. Maðurinn ók Biskupstungnabraut þegar hann var stöðvaður. Maðurinn reyndist ekki ölvaður.

Flest bendir til mun betri Icesave-lausnar

Grundvöllur að nýjum samningaviðræðum um Icesave er í sjónmáli. Bjartsýni og jákvæðni gætir á öllum vígstöðvum. Samræður stjórnar og stjórnarandstöðu á Íslandi síðustu daga hafa gengið vel og fært menn nær hvorum öðrum. Góður tónn var í breskum og hollenskum ráðherrum á fundi með þremur flokksformönnum í Haag fyrir rúmri viku.

Breytingar verði gerðar af virðingu

„Það er mikilvægt, ef af verður, að breytingarnar verði framkvæmdar af virðingu við þetta merka hús,“ segir Júlíus Vífill Ingvarsson, formaður skipulagsráðs Reykjavíkur, um ósk eiganda Heilsuverndarstöðvar­innar á Barónsstíg að innrétta húsið sem hótel.

Gæti fengið sextán ára fangelsi

Brot karlmanns sem situr í gæsluvarðhaldi vegna gruns um gróf kynferðisbrot gegn fjórum unglingsstúlkum, sem hann kynntist í gegnum Facebook, varða allt að sextán ára fangelsi.

Villa í reikningi VG

Vinstrihreyfingin – grænt framboð oftaldi framlög frá einstaklingum en lét ekki getið um framlög til flokksins frá sveitar­félögum þegar ársreikningi 2008 var skilað til Ríkisendurskoðunar.

Fleiri á bráðamóttöku geðsviðs eftir hrunið

Komum á bráðaþjónustu geðsviðs Landspítalans fjölgaði um rúm tíu prósent frá því að hrun hófst í október 2008 og til loka september 2009. Notkun geðlyfja hefur hins vegar staðið í stað, eða heldur minnkað á sumum tegundum á milli ára 2008 og 2009. Tíðni sjálfsvíga hefur ekki breyst og sjálfsvígstilraunum sem leiða til komu á sjúkrahús hefur fækkað verulega allt frá árinu 2006 til 2009.

Sagði yfirmann sennilega leiðinlegasta mann í heimi

Ríkissaksóknari hefur ákært Odd Eystein Friðriksson, fyrrum starfsmann Sláturfélags Suððurlands fyrir ærumeiðandi móðganir og aðdróttanir í garð Steinþórs Skúlasonar, forstjóra Sláturfélagsins. Skrifin á Oddur Eysteinn að hafa birt nafnlaust á vefsíðu sem aðgengileg var almenningi.

Vilja öryggi

Samtök útvegsmanna og sjómanna skora á stjórnvöld að efla starfsemi Landhelgisgæslunnar svo hún fái sinnt lögbundnu eftirlits- og öryggishlutverki sínu. Tilefnið er alvarleg veikindi sjómanns um helgina á togaranum Sturlaugi Böðvarssyni. LHG gat ekki orðið við beiðni um aðstoð þar sem skipið var um sjötíu sjómílur frá landi og aðeins ein þyrluvakt til taks. Við slíkar aðstæður er þyrla ekki send lengra en tuttugu mílur á haf út.

Hrikalegt að horfast í augu við þetta

„Er það svo að Landhelgisgæslan geti ekki haldið úti lögbundnu hlutverki sínu nema með þeim peningum sem hún hefur haft og er lítið hægt að skerða þau framlög? Að þessu spyr ég mig þessa dagana. Allt sem gert er virðist ógna öryggi sjómanna og það er hrikalegt að þurfa að horfast í augu við það,“ segir Ragna Árnadóttir dómsmálaráðherra, um stöðu Landhelgisgæslunnar.

Bæjarstjórnin vill fá skýrari svör frá Alcan

Lúðvík Geirsson, bæjarstjóri í Hafnarfirði, segir að þrátt fyrir formlegt svar frá Rannveigu Rist, forstjóra Alcan á Íslandi, séu enn atriði sem þarfnist útskýringar varðandi viðhorf fyrirtækisins til nýrrar íbúakosningar um stækkun álversins í Straumsvík. Þetta kom fram á síðasta fundi bæjarráðs. Þar benti áheyrnarfulltrúi Vinstri grænna á að álversforstjórinn hefði sagt að fyrirtækið sæktist ekki eftir stækkun. Þess utan komi fram í svari fyrirtækisins að það hafi ekki aðgang að orku sem þurfi fyrir stækkunina. - gar

Fimm embætti héraðsdómara auglýst laus til umsóknar

Dómsmála- og mannréttindaráðuneytið auglýsir nú laus til umsóknar fimm embætti héraðsdómara í samræmi við lög nr. 147/2009 þess efnis að heimilt sé að fjölga héraðsdómurum tímabundið um fimm, úr 38 í 43. Í tilkynningu frá ráðuneytinu segir að gert sé ráð fyrir að dómarar verði 43 fram til 1. janúar 2013 en eftir þann tíma skuli ekki skipa í embætti héraðsdómara sem losna fyrr en þess gerist þörf, þar til dómarar í héraði verði aftur 38 að tölu.

Ekki kosið um stækkun álvers samhliða þjóðaratkvæðagreiðslu

Atkvæðagreiðsla um nýtt deiliskipulag sem felur í sér stækkun álversins í Straumsvík, fer ekki fram samhliða þjóðaratkvæðagreiðslunni um Icesave. Alcan greiddi á sínum tíma fyrir gerð deiliskipulags, sem bæjarstjórinn í Hafnarfirði segir lúta öðrum reglum er kostun á gerð aðalskipulags.

Aldrei nær samkomulagi

Fjármálaráðherra segir stjórn og stjórnarandstöðu nær því en nokkru sinni fyrr að ná saman um hvernig staðið yrði að nýjum samningum um Icesave við Breta og Hollendinga. Hann segir jákvætt ef Norðmenn vilji lána Íslendingum fyrir skuldbindingunni á betri kjörum, en engar formlegar viðræður hafi átt sér stað við Norðmenn um það.

Meirihluti frambjóðenda á móti flugvellinum

Meirihluti frambjóðenda í forvali Vinstri grænna fyrir borgarstjórnarkosningarnar í vor, sem á annað borð svöruðu fyrirspurn fréttastofunnar, vill að flugvallarstarfsemi verði lögð af í Vatnsmýrinni.

Minna skorið niður hjá HSS en talið var nauðsynlegt

Niðurskurður á þjónustu hjá Heilbrigðisstofnun Suðurnesja verður ekki jafn mikill og talið var. Þetta kemur fram í yfirlýsingu sem yfirstjórn stofnunarinnar sendir frá sér í kjölfar fundarhalda með Álheiði Ingadóttur heilbrigðisráðherra. Þar var farið ítarlega yfir stöðu HSS og niðurskurð á framlögum til stofnunarinnar á fjárlögum.

Kröfum Baldurs hafnað - áfrýjar til Hæstaréttar

Kröfum Baldurs Guðlaugssonar, fyrrverandi ráðuneytisstjóra, um ógildingu á kyrrsetningu eigna hans var hafnað í Héraðsdómi Reykjavíkur í dag. Arnar Þór Stefánsson lögmaður Baldurs hyggst kæra úrskurðinn til Hæstaréttar á mánudag.

Hosmany Ramos áfram í gæsluvarðhaldi

Hæstiréttur Íslands staðfesti í dag gæsluvarðhaldsúrskurð Héraðsdóms Reykjavíkur yfir Brasilíumanninum Ramos Hosmany en hann hefur verið í haldi síðan hann kom til landsins síðasta sumar.

Facebook nauðgari áfram í varðhaldi

Hæstiréttur staðfesti í dag gæsluvarðhaldsúrskurð Héraðsdóms Reykjavíkur yfir karlmanni á þrítugsaldri sem grunaður er um kynferðisbrot gegn þremur stúlkum á aldrinum 13 til 16 ára. Maðurinn heitir Ívar Anton Jóhansson og er 22 ára gamall. Hann kynntist stúlkunum á Facebook samskiptavefnum eins og rakið hefur verið í kvöldfréttum Stöðvar 2.

Þjóðfundur í Bolungarvík

Á morgun verður haldinn þjóðfundur í Íþróttahúsinu í Bolungarvík þar sem koma saman fulltrúar íbúa á Vestfjörðum, sem valdir eru með tilviljunarkenndu úrtaki úr þjóðskrá, og fulltrúar hagsmunaaðila af svæðinu. Þar er um að ræða fólk úr sveitarstjórnum, atvinnulífi, launþegasamtökum, stofnunum og stjórnmálaflokkum. 110 hafa skráð sig til þátttöku en 80 manns voru á þjóðfundi á Egilsstöðum síðastliðinn laugardag sem heppnaðist vel. Þetta kemur fram í tilkynningu frá forsætisráðuneytinu.

Brot 85 ökumanna mynduð í Vesturbænum

Brot 85 ökumanna voru mynduð á Hringbraut í Reykjavík í dag. Fylgst var með ökutækjum sem var ekið Hringbraut í vesturátt, að Furumel. Á einni klukkustund, eftir hádegi, fóru 627 ökutæki þessa akstursleið og því óku allmargir ökumenn, eða 14%, of hratt eða yfir afskiptahraða.

Bjarnfreðarson og Fangavaktin með flestar tilnefningar

Kvikmyndin Bjarnfreðarson og sjónvarpsþáttaröðin Fangavaktin í leikstjórn Ragnars Bragasonar fá langflestar tilnefningar til Edduverðlaunanna í ár. Bjarnfreðarson er tilnefnd til fimm verðlauna og Fangavaktin sjö í sitt hvoru lagi og þá eru kvikmyndmyndin og sjónvarpsþátturinn tilnefnd sameiginlega í sex flokkum. Aðalleikarnir Jón Gnarr, Jörundur Ragnarsson og Pétur Jóhann Sigfússon eru allir tilnefndir sem leikari ársins.

Lögðu hald á hundrað kannabisplöntur

Lögreglan á höfuðborgarsvæðinu stöðvaði kannabisræktun í íbúð í fjölbýlishúsi í Grafarholti síðdegis í gær. Við húsleit á áðurnefndum stað fundust um 100 kannabisplöntur en megnið af þeim var á lokastigi ræktunar. Húsráðandi, karl á þrítugsaldri, játaði aðild sína að málinu.

Rafmagnslaust í Mosfellsbæ

Fyrir stundu varð háspennubilun í Mosfellsbæ og er rafmagnslaust við Fitja og í Leirvogstungnahverfi. Verið er að vinna að viðgerð og vonast eftir að rafmagn komist á fljótlega, að fram kemur í tilkynningu frá Orkuveitu Reykjavíkur.

Hverfisgötufantar fengu níu mánaða dóm

Fjórir Lettar voru í dag dæmdir í níu mánaða fangelsi, þar af sex skilorðsbundna, fyrir fólskulega líkamsárás og innbrot haustið 2008. Mennirnir ruddust grímuklæddir inn í íbúðarhús við Hverfisgötu að kvöldi laugardags 25. október og réðust þar á fjóra samlanda sína. Þetta gerðu því þeir töldu sig eiga óuppgerðar sakir við einn þeirra sem staddur var í húsinu.

Þyrluþjónusta Landhelgisgæslunnar verði efld

Landssamband íslenskra útvegsmanna, Farmanna- og fiskimannasamband Íslands, Sjómannasamband Íslands og VM - félag vélstjóra og málmtæknimanna telja brýnt að efla þyrluþjónustu Landhelgisgæslunnar. Nýlegt atvik undirstriki að niðurskurður á rekstrarfé Gæslunnar ógni öryggi sjómanna á hafi úti.

Varðskip og flugvél Gæslunnar sinni eftirliti í Miðjarðarhafi

Flugvél og varðskip Gæslunnar sinni eftirliti í Miðjarðarhafi Allt útlit er fyrir að Landhelgisgæslan muni missa eina af þremur þyrlum sínum í maí. Forstjóri Gæslunnar segir að til standi að lána flugvél Gæslunnar og eitt varðskip til landamæraeftirlits í Miðjarðarhafi.

Þingmenn bera persónulega ábyrgð á uppsögnunum á RÚV

Starfsmenn Ríkisútvarpsins harma þá ákvörðun Alþingis og ríkisstjórnarinnar að skera framlög til RÚV niður um einn tíunda. „Þessi ákvörðun hefur leitt til þess að um fimmtíu starfsmenn Ríkisútvarpsins hafa nú misst vinnuna, bæði fastir starfsmenn og verktakar, í höfuðborginni og á landsbyggðinni. Sérhver alþingismaður ber persónulega ábyrgð á uppsögnunum,“ segir í yfirlýsingu sem starfsfólk Ríkisútvarpsins samþykkti nýverið.

Orkan fyrir norðan flutt suður?

Katrín Júlíusdóttir iðnaðarráðherra benti á Þingeyjarsýslur þegar Kristján Þór Júlíusson, þingmaður Sjálfstæðisflokks, spurði á Alþingi hvar ætti að fá raforku í þau verkefni sem virkjanir í neðri Þjórsá áttu að sinna. Kristján Þór sagði hins vegar að Norðlendingar myndu ekki standa eilíflega í því að flytja orkuna og lífsbjörgina suður.

Ráðherra eykur strandveiðikvótann um 2.000 tonn

Í frumvarpi um strandveiðar gerir ráð fyrir að heimild til strandveiða verði lögfest og fyrirkomulag veiðanna verði í meginatriðum það sama og í fyrra. Þannig er gert ráð fyrir að strandveiðar muni einkum takmarkast af þeim aflaheimildum sem ráðstafað er sérstaklega til veiðanna, eða allt að 6.000 lestum af óslægðum botnfiski í stað 3.995 lesta af þorski auk annarra tegunda líkt og var á síðasta ári.

Steingrímur: Fögnum samstarfsvilja Norðmanna

Fjármálaráðherra segir jákvætt að vilji sé til þess í Noregi að lána Íslendingum fyrir Icesaveskuldbindingunum. Þetta hafi þó ekki verið rætt formlega við norsk stjórnvöld.

Halli í Andra býður sig fram í prófkjöri

Prófkjör Sjálfstæðisflokksins í Mosfellsbæ fer fram á morgun, laugardag. Haraldur Sverrisson bæjarstjóri sækist einn eftir fyrsta sætinu en fimm mann sækjast eftir öðru sæti; Bryndís Haralds, Eva Magnúsdóttir, Hafsteinn Pálsson, Herdís Sigurjónsdóttir og Örn Jónasson.

Slökktu sinueld við Hofsstaðarskóla

Sinueldur logaði á svæði við Hofsstaðarskóla í Garðabæ í morgun. Slökkviliðið fékk tilkynningu um eldinn rétt fyrir klukkan ellefu en hann logaði í sinu á um hundrað fermetra svæði.

Engin rök fyrir ofurlaunum útvarpsstjóra

Skúli Helgason, þingmaður Samfylkingar, segir að spara þurfi meira í yfirstjórn Ríkisútvarpsins. Engin málefnaleg rök eru fyrir launum Páls Magnússonar útvarpsstjóra sem eru 1,5 milljónir króna á mánuði, að mati þingmannsins.

Styrktu rústabjörgunarsveitina um milljón

Fulltrúar Lionshreyfinginnar á Íslandi afhentu Slysavarnafélaginu Landsbjörg eina milljóna í gær svo að íslenska alþjóðabjörgunarsveitin sem sinnti nýverið björgunarstörfum á Haítí geti keypt tvær rafstöðvar. Slíkar rafstöðvar eru meðal þess búnaðar sem sveitin skyldi eftir á Haítí þegar hún fór þaðan.

Sjá næstu 50 fréttir

Mest lesið