Háskólanemar sviku út 300 milljóna bætur

345 háskólastúdentar í lánshæfu námi voru skráðir atvinnulausir á síðasta skólaári og þáðu atvinnuleysisbætur sem þeir áttu ekki rétt á. Þetta kom í ljós þegar nemendaskrár háskólanna voru keyrðar saman við upplýsingar um þá sem þegið hafa atvinnuleysisbætur.

Boðið að sýna Fridu í Mexíkó

Leiksýningin Frida… viva la vida verður að öllum líkindum sýnd í Mexíkó á næsta ári. Edgardo Bermejo Mora, menningarfulltrúi Mexíkó á Norðurlöndunum, var viðstaddur frumsýningu verksins á föstudag og varð svo hrifinn að hann ætlar að vinna að því að koma sýningunni á leiklistarhátíðir í Mexíkó. Þá hefur hann boðist til þess að finna þýðanda til að snara verkinu yfir á spænsku.

555 fasteignir í nauðungarsölu í Árborg

Samtals 199 fasteignir hafa verið seldar í nauðungarsölu hjá sýslumannsembættinu á Selfossi það sem af er þessu ári, að sögn Ólafs Helga Kjartanssonar sýslumanns. Þá eru 355 eignir nú í slíku söluferli. Til samanburðar má geta þess að allt árið í fyrra voru nauðungarsölur á fasteignum 129.

Í hundrað á fjórum sekúndum

„Þessi bíll ætti að útrýma hugmyndinni um sænska líffræðinginn við stýrið á litlum, kraftlausum og hallærislegum bíl,“ segir Teitur Þorkelsson hjá ráðgjafafyrirtækinu Framtíðarorku, um rafmagnssportbílinn Tesla.

Þykir sölumennska Securitas óábyrg

„Okkur finnst þetta óábyrg sölumennska og einkennilegt að fyrirtæki sem vill tengja sig við öryggi kjósi að kynna þjónustu sína á þennan hátt,“ segir Brynhildur Pétursdóttir, starfsmaður Neytendasamtakanna. Samtökunum hefur borist kvörtun vegna símasölu öryggisvörslufyrirtækisins Securitas.

Lögreglan mætti ekki á pókermótið

„Þetta hefur gengið eins og lygasögu. Pókerinn er orðinn gríðarlega vinsæll hérna á Íslandi og það komust færri að en vildu,“ segir Jóhann Ólafur Schröder, einn skipuleggjenda Íslandsmótsins í póker, sem haldið var um helgina.

Ókeypis bílastæðum fækkað

Gjaldfrjálsum bílastæðum fyrir starfsfólk Reykjavíkurborgar verður fækkað á næstu misserum. Ráðhúsið og skrifstofa borgarinnar í Borgartúni eru dæmi um mannmarga vinnustaði borgarinnar sem líklegt er að finni fyrir því.

Enn hefur ekki tekist að bera kennsl á hinn látna

Enn hefur ekki tekist að bera kennsl á ungan karlmann sem fannst látinn í Reykjavíkurhöfn fyrir hálfum sólarhring. Seinnipartinn í dag sendi lögregla frá sér tilkynningu með lýsingu á manninum. Þrátt fyrir að fjölmargir hafi í kjölfarið haft samband við lögreglu leiddi það ekki til þess að kennsl voru borinn á hinn látna.

Kanna hæfi starfsmanna gömlu bankanna sem enn starfa í bönkum

Fjármálaeftirlitið skoðar nú hæfi ákveðinna starfsmanna gömlu bankanna sem enn eru við störf í bönkunum og hvort þeir tengist málum sem eru til rannsóknar vegna bankahrunsins. Þá er hæfi allra lykilstjórnenda og stjórna allra fjármálafyrirtækja, vátryggingarfélaga og lífeyrissjóða til endurskoðunar.

Leita af leiguhúsnæði til að hýsa fanga

Rúmlega 1600 manns eru á biðlista um afplánun vararefsingar í fangelsi vegna ógreiddra fésekta samkvæmt skýrslu ríkisendurskoðunar. Útistandandi sektir nema tæpum milljarði króna og öll fangelsi landsins eru yfirfull.

Landsmenn óvelkomnir í sumarhöll Lýðs

Mikil öryggisgæsla er við sumarhús Lýðs Guðmundssonar í Fljótshlíð. Myndavélar og skilti eru til varnar því að ókunnugir fari upp að húsinu.

Einkaþota sem var í eigu Baugs tekin yfir

GE Capital, dótturfélag General Electric, hefur tekið yfir einkaþotu sem var í eigu dótturfélags Baugs en fyrirtækið átti veð í vélinni. Verðmat vélarinnar er í kringum tveir og hálfur milljarður íslenskra króna.

Óljóst hvort Borgarahreyfingin lifi út kjörtímabilið

Þingmenn Borgarahreyfingarinnar íhuga enn hvort þeir hyggist starfa áfram fyrir hreyfinguna eftir miklar deilur um lög og framtíð hennar á landsfundi í gær. Stjórnmálafræðingur segir skipulags-og reynsluleysi einkenna flokkinn og ómögulegt sé að segja til um hvort hann lifi út kjörtímabilið.

Úrslitin á Íslandsmeistaramótinu í póker ráðast í kvöld

Úrslit liggja ekki fyrir á Íslandsmeistaramótinu í póker sem nú fer fram í fyrsta skipti. Um 190 manns hófu leika í gær en þegar mótið hófst að nýju í dag voru um 30 spilarar eftir.

Biðja um hjálp við að bera kennsl á látinn mann

Lögreglan á höfuðborgarsvæðinu vinnur nú að því að bera kennsl á karlmann sem fannst látinn í Reykjavíkurhöfn á tíunda tímanum í morgun. Ekkert er vitað um tildrögin, en unnið er að rannsókn málsins.

Hulda starfar einungis í nokkrar vikur í heilbrigðisráðuneytinu

Í síðustu viku var tilkynnt að Hulda Gunnlaugsdóttir myndi taka að sér tímabundna verkefnisstjórnun í heilbrigðisráðuneytinu. Áður hafði verið tilkynnt að hún myndi taka sér ársleyfi frá störfum sem forstjóri Landspítalans en brotthvarf hennar hefur vakið vangaveltur en innan við ár síðan hún tók við sem forstjóri spítalans.

Dorrit ofarlega á lista yfir litríkustu maka þjóðarleiðtoga

Dorrit Moussaieff forsetafrú er í áttunda sæti á lista Time fréttaritsins yfir litríkustu maka þjóðarleiðtoga. Í tímaritinu er því lýst hversu hugmyndarík hún sé og hversu dugleg hún sé að vekja athygli á ýmsu sem Ísland hafi upp á að bjóða, eins og Omega 3 töflur, Latabæ, hnéaðgerðir, heilsulindir vatn á flöskum og lambakjöt. Þá liggi hún almennt ekki á skoðunum sínum.

Skáksveit Salaskóla Norðurlandameistari

Skáksveit Salaskóla í Kópavogi hefur tryggt sér Norðurlandameistaratitil grunnskóla í skák þrátt fyrir að ein umferð sé eftir. Sveitin hefur unnið allar viðureignir sína og á nú aðeins eftir að keppa við aðra sveit heimamanna, en Svíar sendu tvær sveitir til keppni. „Afrek þessarar sveitar eru einstök en hún skartar nú Íslandsmeistaratitli, Norðurlandameistaratitli og heimsmeistaratitli. Ólíklegt er að nokkur skáksveit grunnskóla hafi unnið þvílík afrek,“ segir á heimasíðu Salaskóla.

Ekki búið að bera kennsl á hinn látna

Ekki er búið að bera kennsl á ungan mann sem fannst látinn í Reykjavíkurhöfn í morgun. Lögregla telur að maðurinn hafi verið á þrítugsaldri. Ekkert er vitað um tildrög, en unnið er að rannsókn málsins.

Segja skýrslu vistheimilisnefndar lögfræðilegan orðaleik

Fólk sem var vistað á Kumbaravogi í æsku er afar ósátt við þann hluta skýrslu vistheimilisnefndar sem fjallar um Kumbaravog. Þau vilja að þessi tiltekni hluti skýrslunnar verði endurskoðaður. Þau segja að játning manns hjá lögreglu um kynferðisbrot hafi verið dregin í efa í skýrslunni. Skýrslan er lögfræðilegur orðaleikur, að mati Maríu Halldórsdóttur.

Þríeykið ákveður sig í vikunni

„Ég reikna með að við finnum út úr þessu einhvern tímann í næstu viku,“ segir Þór Saari. Þingmenn hreyfingarinnar íhuga nú eftir dramatískan landsfund hvort þeir muni starfa áfram fyrir Borgarahreyfinguna.

Lélegir stjórnmálamenn leita á náðir AGS

„Ef þú labbar um með skilti á maganum sem segir ég er hálfviti og kann ekki á hagkerfið mitt þá vill enginn koma með peninga inn í landið,“ segir Jón Daníelsson, hagfræðingur. Hann segir það merki um lélega stjórnmálamenn að hafa þurft að leita á náðir Alþjóðagjaldeyrissjóðsins.

Fann 12 ára gamalt skoskt flöskuskeyti

12 ára flöskuskeyti frá Peterhead í Skotlandi fannst í höfninni í Austur Landeyjum í gær. 19 ára gröfumaður sem fann það segist alltaf hafa dreymt um að finna flöskuskeyti og náði í sendandann.

Vonar að þingmennirnir starfi áfram fyrir Borgarahreyfinguna

Varaþingmaðurinn Valgeir Skagfjörð hlaut flest atkvæði í stjórnarkjöri Borgarahreyfingarinnar á fyrsta landsfundi hennar sem haldinn var í gær. Þrír þingmenn hreyfingarinnar gengu út af fundi eftir að lög voru sett var þvert á vilja þeirra. Valgeir segist vona að þingmennirnir þrír haldi áfram að starfa fyrir Borgarahreyfinguna.

Hlaut viðurkenningu sem fullgild alþjóðleg rústabjörgunarsveit

Alþjóðabjörgunarsveit Slysavarnafélagsins Landsbjargar hlaut í gær formlega vottun sem fullgild alþjóðleg rústabjörgunarsveit frá samtökum alþjóðlegra rústabjörgunarsveita sem starfa undir hatti Sameinuðu þjóðanna. 10 manna úttektarteymi frá samtökunum hefur undanfarna daga verið með sveitinni á strangri þriggja daga æfingu á Gufuskálum á Snæfellsnesi sem lauk í gær.

Fannst látinn í Reykjavíkurhöfn

Lögreglu og slökkviliði barst tilkynning um níuleytið í morgun um að maður væri í sjónum í Reykjavíkurhöfn. Þegar lögregla kom á staðinn var maðurinn látinn.

Óvenjulegum hitatölum spáð

Óvenjulegar hitatölur munu sjást víða norðaustanlands í dag en þar spáir Veðurstofan allt að 25 stiga hita. Á heimasíðu Einars Sveinbjörnssonar, veðurfræðings, kemur fram að hlýjast hafi mælst 26 gráður í september. Það hafi gerst þann 12. september árið 1949 á Dalatanga. Um 40 árum síðar varð svo nærri því jafn hlýtt á sama stað.

Líkir íslenska bankahruninu við fjársvik Madoffs

Eva Joly, ráðgjafi sérstaks saksóknara, segir í viðtali við breska blaðið Sunday Times að líkindi séu með íslenska bankahruninu og svikabrögðum hins alræmda fjársvikamanns Bernard Madoff.

Tíðindalítil nótt hjá lögreglumönnum

Nóttin virðist hafa verið með rólegra móti víðs vegar um landið. Þrír gistu fangageymslur lögreglunnar í Reykjavík en lögregla þurfti að hafa lítil afskipti af fólki í miðbænum. Tveir voru stöðvaðir undir morgun grunaðir um ölvunarakstur.

Laug til um hnífaárás á Selfossi

Karlmaður á tvítugsaldri laug að lögreglu þegar hann sagði tvo menn hafa ráðist á sig fyrir aftan verslun N1 á Selfossi í fyrrinótt og veitt sér áverka í andliti. Þetta gerði hann til að forðast frekari vandræði eftir að vasahnífur slæddist í andlit hans í unglingasamkvæmi í sumarbústað í uppsveitum Árnessýslu umrædda nótt.

40 kindur drukknuðu

Hátt í 40 ær og lömb drukknuðu seinnipartinn í gær þegar verið var að reka féð yfir á en varið var að smala fénu í Hraunsrétt í Aðaldal. Að sögn lögreglunnar á Húsavík voru ekki mikilir vatnavextir í ánni og óljóst hvað olli óhappinu.

Valgeir hlaut flest atkvæði hjá Borgarahreyfingunni

Niðurstöður í stjórnarkjöri á landsfundi Borgarahreyfingarinnar liggja fyrir eftir dramatískan dag. Varaþingmaðurinn Valgeir Skagfjörð hlaut flest atkvæði. Atkvæðisrétt í stjórnarkjörinu höfðu 658 félagar en 111 greiddu atkvæði eða um 17%.

Sérstakur saksóknari fær aðgang að gögnum í Bretlandi og Lúxemborg

Embætti sérstaks saksóknara hefur nú samið við yfirvöld í Lúxemborg og Bretlandi um aðgengi að gögnum og framkvæmd rannsóknaraðgerða. Ólafur Þór Hauksson, sérstakur saksóknari, segir þá stöðu geta komið upp að einstaklingur sem er viðriðinn bankahrunið hér á landi hafi einnig gerst brotlegur í Bretlandi.

Fluttur á slysadeild eftir bifhjólaslys

Ökumaður bifhjóls var fluttur á slysadeild eftir umferðarslys á Hringbraut á áttunda tímanum í kvöld. Litlar upplýsingar fengust hjá lögreglu og slökkviliði um líðan mannsins eða um aðdraganda slyssins , en lögreglumenn eru enn á staðnum. Að sögn sjónarvotta virðist ökumaðurinn hafa ekið á ljósastaur.

Skýrsla vistheimilisnefndar hvítþvottur og yfirklór

Þrír einstaklingar sem voru á vistheimilinu á Kumbarvogi á síðustu öld eru afar ósátt við skýrslu vistheimilisnefndar sem kynnt var í vikunni og kalla hana hvítþvott og yfirklór. Þau munu á mánudag krefjast þess að Jóhanna Sigurðardóttir,forsætisráðherra, láti endurskoða skýrsluna. Þetta kom fram í kvöldfréttum Ríkissjónvarpsins.

Þingmennirnir íhuga hvort þeir starfi áfram innan hreyfingarinnar

Upplausn ríkir hjá Borgarahreyfingunni og geta þingmenn hennar fara nú yfir stöðuna og hvort þeir geti hugsað sér að vinna áfram fyrir hreyfinguna. Tillaga var kjörin á landsfundi hennar í dag sem er þvert á vilja þingmannanna.

Magnús hættir í bankaráði Seðlabankans

„Þar sem störf mín hafa nú opinberlega verið tortryggð með ómaklegum hætti hef ég ákveðið að fara þess á leit við Alþingi að mér verði veitt lausn frá störfum sem bankaráðsmaður í Seðlabanka Íslands,“ segir Magnús Árni Skúlason, fulltrúi Framsóknarflokksins í bankaráði Seðlabankans, í yfirlýsingu sem hann sendi fjölmiðlum.

Enginn með allar tölurnar réttar í lottóinu

Enginn var með allar tölurnar réttar í lottóinu í kvöld og því verður potturinn fimmfaldur næst og stefnir í 35 milljónir. Einn heppinn var með allar tölurnar réttar í jókernum og fær að launum tvær milljónir. Lukkumiðinn var keyptur í Shell, Gylfaflöt.

Grænlenskir listamenn tróðu upp á Bessastöðum

Grænlenskir listamenn tróðu upp á Bessastöðum í dag. Um var að ræða kórinn Erinnap Nipaa frá Qaqortoq, en tilgangur heimsóknarinnar til Íslands er að styrkja menningartengsl landanna í kjölfar aukis sjálfstæðis Grænlands. Kórinn og trommuleikarinn sem fylgir honum ætla að halda þrenna tónleika hér á landi, á Seltjarnarnesi, í Reykjavík og á Akranesi, en Akranes og Kvakor-tog eru vinabæir.

Jákvæðni mikilvæg í garð þeirra sem greinast með krabbamein

„Mikilvægast er að vera jákvæður í garð aðstandenda sinna sem greinast með krabbamein," segir Randver Þorláksson leikari en konan hans greindist í tvígang með sjúkdóminn. Krabbameinsfélagið kynnti fjölda félaga fyrir bæði krabbameinssjúklinga og aðstandendur þeirra í dag.

Kveiktu í flaki flugvélar á fjölmennri æfingu

Kveikt var í flaki flugvélar að gerðinni Fokker 50 á flugslysaæfingu sem fór fram á Egilsstaðaflugvelli sem lauk á þriðja tímanum í dag. Rúmlega 200 manns tóku þátt í æfingunni. Bjarni Sighvatsson, æfingastjóri og starfsmaður Flugstoða, segir að æfingin hafi gengið vel en eins og ávallt í umfangsmiklum æfingum koma ýmis atriði fram sem mættu fara betur, að fram kemur í tilkynningu.

Fasískar tillögur samþykktar á landsfundi Borgarahreyfingarinnar

Landsfundur Borgarahreyfingarinnar samþykkti fundi sínum í dag fasískar tillögur, að mati fráfarandi formanns flokksins.

Fækkar á Íslandsmeistaramótinu í póker

Á fjórða tímanum í dag voru einungis átta af 180 keppendum fallnir úr leik á Íslandsmeistaramótinu í póker sem hófst í hádeginu á Hilton Hótel Nordica. Keppni verður framhaldið þangað til 18 keppendur standa eftir. Þá verður gert hlé fram til hádegis á morgun.

Engin viðbrögð frá Framsókn varðandi mál Magnúsar

Engin viðbrögð hafa borist frá forystu Framsóknarflokksins varðandi mál Magnúsar Árna Skúlasonar, fulltrúa flokksins í bankaráði Seðlabankans. Þeir þingmenn sem fréttastofa náði tali af vildu ekki tjá sig um málið.

Lögregla lýsir eftir vitnum að líkamsárás á Selfossi

Ráðist var á mann á þrítugsaldri fyrir aftan verslun N1 á Selfossi í nótt. Manninum var komið undir læknishendur en sauma þurfti 13 spor í andlit mannsins sem var í framhaldinu sendur heim.