Aldrei verið beðinn um eitthvað í staðinn fyrir styrki

„Miðað vð það umhverfi sem þá var þá þóttu þetta ekki háar fjárhæðir," segir Guðlaugur Þór Þórðarson, þingmaður Sjálfstæðisflokksins, um styrkveitingar vegna prófkjöra. Fram hefur komið í fjölmðlum að Guðlaugur Þór fékk samtals 4 milljónir króna frá FL Group og Baugi vegna styrkja.

VG ekki á móti olíuleit á Drekasvæðinu

„Vinstrihreyfingin - grænt framboð áréttar að flokkurinn hefur ekki lagst gegn olíuleit á Drekasvæðinu," segir í tilkynningu sem flokkurinn sendi frá sér fyrir stundu vegna fréttar á Stöð 2. Í tilkynningu segir að þingmenn

Fengu tæpar 12 milljónir frá Baugi

Baugur greiddi samtals 11,6 milljónir þeim 17 einstaklingum sem eru á lista DV yfir þá aðila sem fengu styrki fyrir prófkjör á árinu 2006. Fram hefur komið að upphæðirnar voru á bilinu 250 þúsund til tvær milljónir króna, en frambjóðendurnir fengu samsvarandi upphæðir greiddar frá FL Group. Í frétt DV kemur fram að listinn yfir styrkþega sé ekki tæmandi.

Á móti olíuvinnslu á Drekasvæðinu

Vinstri grænir leggjast gegn olíuleit á Drekasvæðinu. Kolbrún Halldórsdóttir umhverfisráðherra kallar Drekaútboðið óðagotsaðgerð, - olíuvinnsla samrýmist hvorki stefnu um sjálfbæra nýtingu orkulinda né skuldbindingum Íslands á alþjóðavettvangi.

Steinunn Valdís: Prófkjör kosta

Guðlaugur Þór Þórðarson og Steinunn Valdís Óskarsdóttir fengu fjórar milljónir króna frá Baugi og FL Group til að fjármagna prófkjörsbaráttu sína árið 2006. Prókjör kosta, barnaskapur að halda annað, segir Steinunn Valdís. Björn Ingi Hrafnsson og Guðfinna Bjarnadóttir fengu milljón hvort í styrk frá Baugi samkvæmt leynistyrkjalista stjórnmálamanna sem DV birtir í dag.

Sjálfstæðisflokkurinn fengi 2 menn í Kraganum

Það er ekki ofsagt að hið pólitíska landslag er að taka gríðarlegum breytingum þessar vikurnar. Þannig var samanlagt fylgi vinstri flokkanna í Kraganum minna en Sjálfstæðisflokksins í síðustu kosningum - í nýjustu könnun fréttastofu eru bæði Vinstri græn og Samfylking stærri en Sjálfstæðisflokkur.

Hvernig á að bjarga atvinnulífinu?

Fréttamennirnir Heimir Már Pétursson og Sólveig Bergmann halda áfram að krefja frambjóðendur svara við spurninga sem brenna á allri þjóðinni fyrir kosningarnar.

Fékk líka milljónir frá Baugi

Steinunn Valdís Óskarsdóttir þingmaður Samfylkingarinnar fékk tvær milljónir króna í styrk frá Baugi í prófkjörsbaráttunni árið 2006. Hún fékk einnig tvær milljónir frá FL Group líkt og Guðlaugur Þór Þórðarson þingmaður Sjálfstæðisflokksins. Þetta kemur fram á fréttavef DV, dv.is, sem hefur undir höndum lista yfir þá sem þáðu styrki frá Baugi í prófkjörum fyrir þingkosningarnar 2007.

Sameining á bráðamóttökum Landspítala framfaraskref

Sameining á bráðamóttökum Landspítala á einn stað yrði mikið framfaraskref fyrir starfsemi sjúkrahússins, ef öll önnur bráðastarfsemi sjúkrahússins yrði jafnframt sameinuð á sama stað. Þetta kemur fram í ályktun stjórnar læknaráðs Landspítala. Af slíku fyrirkomulagi hlytist bæði faglegur og fjárhagslegur ávinningur, að mati stjórnarinnar.

Bjarni Ben á fjölskylduhátíð Sjálfstæðisflokksins

Sjálfstæðisflokkurinn í Reykjavík og í Suðvesturkjördæmi efnir til fjölskylduhátíðar í Fjölskyldu- og húsdýragarðinum í Reykjavík á morgun, Sumardaginn fyrsta, kl. 17.00-19.00.

Samfylkingin með 35% í Reykjavík suður

Samfylkingin nýtur mest fylgis allra flokka í Reykjavíkurkjördæmi suður en fylgi flokksins mælist 34,7% í nýrri skoðanakönnun Capacent Gallup sem greint var frá í síðdegisfréttum Ríkisútvarpsins. Þrír flokkar ná kjördæmakjörnum mönnum á þing samkvæmt könnuninni.

Vaxtastefnan snara um háls atvinnulífsins

Þór Sigfússon, formaður Samtaka atvinnulífsins, segir að samtökin hafi ítrekað sagt að koma verði atvinnulífinu af stað til að hægt sé að skapa störf. Lækka verði vexti hratt. „Vaxtastefnan hérlendis hefur verið sem snara um háls atvinnulífsins. Háir vextir hérlendis lama hundruð fyrirtækja í hverjum mánuði og koma þeim úr umferð. Munum að hávaxtastefnan er heimatilbúin og ein stærsta einstaka ástæðan fyrir því hversu illa er komið fyrir landinu okkar,“ sagði Þór í ræðu á aðalfundi Samtaka atvinnulífsins í dag. Hann var endurkjörinn formaður með 74% greiddra atkvæða.

Fékk tvær milljónir frá Baugi

Guðlaugur Þór Þórðarson, þingmaður Sjálfstæðisflokksins fékk tvær milljónir króna frá Baugi í prófkjöri flokksins árið 2006 vegna þingkosninganna árið eftir. Þetta er sama upphæð og hann fékk frá FL Group í sama prófkjöri. Þetta fullyrðir fréttavefur DV, dv.is, í dag en þeir hafa undir höndum lista yfir þá sem fengu styrki frá Baugi í prófkjörinu.

Atvinnulaus sjálfstæðismaður á bak við nafnlausu auglýsingarnar

Einn af forsvarsmönnum hóps sem kallar sig Áhugafólk um endurreisn Íslands og birti nýverið umdeildar auglýsingar í Morgunblaðinu og Fréttablaðinu er flokksbundinn sjálfstæðismaður. Hópurinn hefur sent frá sér yfirlýsingu og undir hana skrifa Benedikt Guðmundsson og Sigurður Hjaltested. Í umræddum auglýsingum segir að bæði Vinstri grænir og Samfylkingin hafi talað um skattahækkanir í aðdraganda þingkosninganna. Flokkarnir hafa hinsvegar báðir gert athugasemdir við auglýsinguna og sagt þær uppfullar af rangfærslum. Sigurður segir í samtali við fréttastofu að þeir hafi fengið upplýsingarnar upp úr stefnu og viðtölum við frambjóðendur vinstriflokkanna í fjölmiðlum.

Vinstri grænir kæra fleiri myndbirtingar af Steingrími

Vinstri hreyfingin grænt framboð hefur kært auglýsingu Vefþjóðviljans, andriki.is sem haldið er úti af hægri mönnum, til siðanefndar SÍA en auglýsingin birtist í Fréttablaðinu í dag. Þar er birt mynd af Steingrími J. Sigfússyni formanni flokksins og vill flokkurinn kanna hvort myndbirtingin standist siðareglur SÍA. Áður hefur VG kært Sjálfstæðisflokkinn í Norðvesturkjördæmi fyrir svipaðar auglýsignar sem birst hafa í héraðsblöðum. Stjórnarmaður Andríkis segir merkilegt að VG hafi ekki gert neina efnislega athugasemd við auglýsinguna. Fordæmi eru fyrir myndbirtingum af fólki úr öðrum flokkum í kosningum.

Fulltrúar Framsóknarflokksins dýrastir

Kostnaður Reykjavíkurborgar vegna ferða- og dagpeningagreiðslna borgarfulltrúa og annarra fulltrúa borgarstjórnarflokkanna voru að minnsta kosti 16,3 milljónir króna á árunum 2006 til 2008. Heildargreiðslur vegna fulltrúa Framsóknarflokksins voru hlutfallslega hæstar miðað við fylgi í síðustu borgarstjórnarkosningum og fjölda borgarfulltrúa.

Segja fyrningu aflaheimilda aðför að 32.000 fjölskyldum í landinu

Félag ungs fólks í sjávarútvegi segir að fyrning aflaheimilda sé aðför að 32.000 fjölskyldum í landinu. Þetta kemur fram í tilkynningu frá félaginu en þar segir ennfremur að vinstriflokkarnir sem nú séu í framboði til Alþingis hafi það á stefnuskrám sínum að gera aflaheimildir sjávarútvegsfyrirtækja upptækar undir yfirskrift fyrningarleiðar.

Misskipting í vestrænum ríkjum jókst mest á Íslandi

Misskipting tekna varð meiri hér en í nokkru öðru vestrænu ríki á árunum 1993 til 2007. Þetta fullyrðir Arnaldur Sölvi Kristjánsson hagfræðingur hjá Þjóðmálastofnun Háskólans. Ríkustu tíu prósent Íslendinga tóku til sín fjörutíu prósent allra tekna í hittiðfyrra.

Þrjú hundruð manns taka þátt í hópmálsókn gegn bönkunum

Hátt í þrjú hundruð manns hafa ákveðið að taka þátt í hópmálsókn gegn bönkunum vegna lána sinna. Björn Þorri Viktorsson lögmaður segir marga íhuga alvarlega að hætta að borga af lánum sínum. Stefnt er að fyrsta prófmálið fari fyrir dómstóla strax í maí eða júní.

Átak til að rannsaka hugsanleg skattalagabrot

Fjármálaráðuneytið hefur í samvinnu við skattrannsóknarstjóra og ríkisskattstjóra ákveðið að hafið verði sérstakt átak til að rannsaka hugsanleg brot á skattalögum í tengslum við hrun bankanna og í aðdraganda þess.

Fangar á Litla-Hrauni kjósa til Alþingis í dag

Töluverður áhugi er meðal fanga á komandi kosningum en þeir munu kjósa utan kjörfundar í dag. Fulltrúi sýslumanns á Selfossi kemur í fangelsið og þeir sem vilja geta tekið þátt. Um 90 fangar eru á Litla-Hrauni nú en af þeim eru einhverjir útlendingar sem ekki hafa kosningarétt. Framsóknarflokkurinn er eini flokkurinn sem hefur rætt við kjósendur á Litla Hrauni í aðdraganda kosninganna.

ESB ekki að fara að taka upp íslenskættað kvótakerfi

Grétar Mar Jónsson, þingmaður Frjálslynda flokksins, fullyrðir að Evrópusambandið sé ekki að fara að taka upp íslenskættað kvótakerfi.

Íranar fagna boði um kjarnorkuviðræður

Yfirvöld í Íran taka vel í tilboð sex ríkja um að hefja viðræður um kjarnorkuáætlun landsins. Bandaríkin eru í hópi þeirra sem vilja ræða við Írana um málið og í yfirlýsingu frá stjórnvöldum sem lesin var upp í íranska ríkisútvarpinu í dag var greint frá því að þar á bæ fagni menn uppbyggilegum viðræðum um málið.

Sjálfstæðismenn fá frest fram yfir kosningar til að svara kæru VG

Sjálfstæðismenn í Norðvesturkjördæmi hafa frest fram yfir kosningar til að kom á framfæri sínum sjónarmiðum vegna kæru Vinstri grænna til siðanefndar SÍA, Sambands íslenskra auglýsingastofa. Þetta segir Jóhannes Gunnarsson, formaður siðanefndarinnar SÍA. Hann vill ekki tjá sig efnislega um kæruna.

Hugsanleg saksókn yfirheyrslureglusmiða

Ekki er útilokað að þeir embættismenn stjórnar George Bush, fyrrverandi Bandaríkjaforseta, sem settu reglur um aðferðir við að yfirheyra grunaða hryðjuverkamenn verði sóttir til saka að undirlagi Baracks Obama forseta.

Sneisafullar fangageymslur

19 gistu fangageymslur lögreglunnar á höfuðborgarsvæðinu í nótt sem er óvenju há tala að sögn varðstjóra. Flestir þurftu að sofa úr sér ölvímu en fjórir voru handteknir við innbrot.

Ólafur F. vill innkalla lóðir Björgólfa

Ólafur F. Magnússon vill að borgin leysi til sín lóðir sem Björgólfsfeðgar eiga í Reykjavík. Hann hefur boðað tillöguflutning þess efnis á næsta borgarstjórnarfundi. Er þar horft til lóða við Laugaveg þar sem listaháskóli er fyrirhugaður og Fríkirkjuveg 11.

Eldur í húsi Bakkavarar

Allt tiltækt lið Brunavarna Suðurnesja var kallað að yfirgefnu húsi á Framnesvegi í Reykjanesbæ um sjöleytið í kvöld. Húsið er autt, en mikinn reyk leggur frá húsinu.

Stórfyrirtæki styrktu frambjóðendur um milljónir króna

Stórfyrirtæki á borð við Baug og FL Group styrktu frambjóðendur í prófkjörum stjórnmálaflokkanna árið 2006 um milljónir króna, samkvæmt heimildum fréttastofu. Einstakir frambjóðendur þáðu allt að tvær milljónir í styrk. Helmingur þingmanna hefur ekki vilja gefa upplýsingar um fjármögnun prófkjörsbaráttunnar fyrir síðustu þingkosningar.

Tæknileg útfærsla hvenær þjóðin greiðir atkvæði um ESB

Vinstri grænir virðast tilbúnir að fallast á kröfu Samfylkingarinnar um að farið verði í aðildarviðræður við Evrópusambandið án undangenginnar þjóðaratkvæðagreiðslu. Ögmundur Jónasson heilbrigðisráðherra segir það samningsatriði og spurningu um tæknilega útfærslu á hvaða stigi leitað verði eftir vilja þjóðarinnar og nú sé tími til að opna allar gáttir í þessum efnum.

Þingmenn VG hlutu ekki styrki í prófkjörum

Enginn þingmaður VG né aðrir sem tóku þátt í prófkjörinu hlutu styrki til að kosta prófkjörsbaráttuna enda stríðir það gegn reglum flokksins. Eini útlagði kostnaður þeirra sem háðu prófkjörið var vegna heimasíðuuppsetningar,

Stjórnendur fyrirtækja geti endurskipulagt skuldir þeirra

Efling atvinnulífsins er eina ábyrga leiðin til að lágmarka lánsfjárþörf ríkisins, eftir því sem fram kemur í tillögum sjálfstæðismanna um efnahagsmál sem kynntar voru á blaðamannafundi i dag. Markmið sjálfstæðismanna með

Smyglskútumálið kostaði Gæsluna 10 milljónir króna

Aðgerð Landhelgisgæslunnar í smyglskútumálinu kostaði 10 milljónir króna, að því er stjórnendur Landhelgisgæslunnar telja.

Hvernig á að stoppa upp í 180 milljarða fjárlagagat?

Frambjóðendur til Alþingis verða krafðir svara við spurningum sem brenna á þjóðinni strax á eftir kvöldfréttum á Stöð 2. Þá munu þau Heimir Már Pétursson og Sólveig Bergmann spyrja hvernig stoppa eigi upp í 180 milljarða fjárlagagat.

Steingrímur: Sjálfstæðisflokkurinn á barmi örvæntingar

„Kosningabaráttan hefur gengið vel ef frá er talin örvænting Sjálfstæðisflokksins og hræðsluáróður og lygar í hans boði,“ segir Steingrímur J. Sigfússon, formaður Vinstrihreyfingarinnar græns framboðs. Að öðru leyti telur Steingrímur að yfirstandandi kosningabarátta hafi farið vel fram, en kosið verður til þings eftir fjóra daga.

Skútumennirnir komnir á Hraunið

Þremenningarnir sem handteknir voru um borð í skútunni SIRTAKI í fyrrakvöld eru nú komnir í loftið og lenda á Selfossi innan skamms. Þaðan verða þeir síðan fluttir í gæsluvarðhald á Litla-Hraun. Það er flugvél flugmálastjórnar sem flytur mennina.

Margir vilja ganga frá við Kárahnjúkavirkjun

Þrettán fyrirtæki tóku þátt í útboði vegna frágangsverks við Kárahnjúkavirkjun. Landsvirkjun óskaði í mars eftir tilboðum í frágang vinnusvæða á Fljótsdalsheiði, við Laugarfell og á Vestur-Öræfum.

Eiga fyrir ofurstyrkjum en vilja ekki endurgreiða strax

Gréta Ingþórsdóttir framkvæmdarstjóri Sjálfstæðisflokksins segir flokkinn eiga þær 55 milljónir sem hann hafi sagst ætla að endurgreiða FL Group og Landsbankanum. Hún sagðist ekki eiga von á því að styrkirnir yrðu endurgreiddir fyrir kosningar en Bjarni Benediktsson formaður flokksins sagði að þeir yrðu endurgreiddir þann 1.júní næstkomandi.

Ummæli Björgvins og Árna Páls óskynsamleg

Steingrímur J. Sigfússon, formaður Vinstrihreyfingarinnar græns framboðs, segir óskynsamlegt af Björgvini G. Sigurðssyni og Árna Páli Árnasyni, þingmönnum Samfylkingarinnar, að loka sig af með yfirlýsingum um Evrópumál og stjórnarsamstarf við Vinstri græna. Hann heldur ró sinni yfir ummælum tvíeykisins. „Ég held að þessir höfðingjar séu að reyna stappi stálinu í sjálfa sig," segir formaðurinn.

Sjálfstæðisflokkurinn eins og vönkuð kvíga

Össur Skarphéðinsson utanríkisráðherra gerir Bjarna Benediktsson formann Sjálfstæðisflokksins að umtalsefni á heimasíðu sinni í dag. Þar segir hann hinn nýja formann einkum hafa getið sér góðs orðs fyrir einstakan hæfileika til að skipta oft um skoðun. Össur segir að frá landsfundi hafi Bjarna tekist að vera jafnoft á móti skattahækkunum, og með þeim. Það sé út af fyrir sig afrek á svo stuttum formannsferli.

Ók á ljósastaur í Kópavogi

Bíl var ekið á ljósastaur á hringtorgi við Dalveg í Kópavogi fyrir stundu. Samkvæmt upplýsingum frá slökkviliði var talið að ökumaðurinn væri fastur í bílnum og því var tækjabíll sendur á staðinn ásamt sjúkrabifreið. Svo virðist vera sem maðurinn hafi komist út úr bílnum af sjálfsdáðum en óljóst er um meiðsli þar sem sjúkraflutningamenn eru enn á staðnum.

Papeyjarsmyglið: Skútumenn í gæsluvarðhald til 12.maí

Rúnar Þór Róbertsson og Árni Hrafn Ásbjörnsson ásamt hollenskum karlmanni voru allir úrskurðaðir í gæsluvarðhald til 12.maí næstkomandi í Héraðsdómi Austurlands fyrir stundu. Þremenningarnir voru handteknir í skútunni Sirtaki í fyrrakvöld en grunur leikur á að skútan hafi komið með rúm 100 kíló af fíkniefnum hingað til lands.

19 milljarða ávinningur að sameina Landspítala

Milljarða ávinningur er af því að sameina Landspítalann samkvæmt nýrri úttekt sem Hulda Gunnlaugsdóttir, forstjóri Landspítalans, kynnti í hádeginu. Sérfræðingar norsku hönnunar- og ráðgjafarfyrirtækjanna Momentum Arkitekter AS og Hospitalitet AS telja að ávinningurinn af því að sameina rekstur Landspítala vera um 19 milljarða króna á núvirði til næstu 40 ára. Mun dýrara sé fyrir íslenskt samfélag að reka Landspítalann áfram við núverandi aðstæður í Fossvogi og við Hringbraut en að sameina reksturinn.

Sjálfstæðismenn stígi fram og afneiti nafnlausum auglýsingum

Árni Páll Árnason, þingmaður og frambjóðandi Samfylkingarinnar, segir að Sjálfstæðisflokkurinn verði að stíga fram og afneita nafnlausum auglýsingum og stoppa nafnlausar vefsíður.

Hollendingurinn leigði skútuna á hálfa milljón

Dópsmyglararnir sem teknir voru nú um helgina staðgreiddu hálfa milljón króna fyrir tveggja vikna leigu á skútunni Sirtaki sem notuð var við smyglið. Þrír þeirra eru þessa stundina í Héraðsdómi Austurlands á Egilsstöðum þar sem þeir bíða þess að verða úrskurðaðir í gæsluvarðhald.