Viða hálka eða hálkublettir á landinu

Það er hálka á Sandskeiði, Hellisheiði og í Þrengslum. Hálka er á flestum leiðum á Suðurlandi, þó er þæfingur í Grafningnum og nokkrum öðrum útvegum. Þungfært er á Krísuvíkurvegi, Ísólfsskálavegi og Bláfjallavegi sunnan Bláfjalla.

Sigmundur: Ætlum ekki að afhenda óútfylltan tékka

Það vantaði upp á raunhæfar leiðir til að hrinda í framkvæmd þeim hugmyndum sem þegar eru komnar fram, segir Sigmundur Davíð Gunnlaugsson, formaður Framsóknarflokksins. „Það er samstaða um markmiðin þetta snýst um leiðirnar," segir Sigmundur.

Engin ríkisstjórn fyrr en eftir helgi

Þingflokksfundi Framsóknarflokksins sem haldinn var í Alþingishúsinu í dag er lokið. Þingmenn sem komið hafa út af fundinum hafa ekkert viljað tjá sig við fréttamenn og vísa þeir allir á formann sinn Sigmund Davíð Gunnlaugsson. Hann hefur haldið til fundar við þau Steingrím J. Sigfússon og Jóhönnu Sigurðardóttir.

Árni sammála AGS um seinagang í endurreisn bankakerfisins

Alþjóðagjaldeyrissjóðurinn telur að endurreisn íslenska bankakerfisins hafi gengið of hægt, segir Árni M. Mathiesen starfandi fjármálaráðherra. Hann tekur undir gagnrýni sjóðsins og segir að endurreisn bankanna verði að ganga hraðar. Aftur á móti hafi Alþjóðagjaldeyrissjóðurinn lýst ánægju sinni með fjárlögin og hvernig gangi að endurreisa krónuna. Þetta kom fram í fyrirspurnartíma fráfarandi ráðherra sjálfstæðismanna á fundi flokksins á Grand hótel í dag.

Mótmæla kjaralækkandi aðgerðum Reykjavíkurborgar

„Starfsmenn Reykjavíkur hafa sætt lakari kjörum en aðrir, undir því yfirskyni að þeir byggju í staðinn við atvinnuöryggi. Það hlýtur því að sæta furðu að þegar á þetta atvinnuöryggi reynir skuli þeir þurfa að greiða það enn hærra verði,“ segir í ályktun sameiginlegs félagsfundar Fræðagarðs, Kjarafélags viðskiptafræðinga og hagfræðinga, Stéttarfélags bókasafns- og upplýsingafræðinga og Stéttarfélags lögfræðinga, sem haldinn var í dag.

Mótmælt í Dimmuborgum

Mótmæla- og samstöðufundur verður haldinn í Dimmuborgum í Mývatnssveit á morgun laugardag. „Okkur, sem stöndum að mótmælum hér í Mývatnssveit finnst rétt að safnast saman enn á ný og láta af okkur vita. Þótt áfangasigrar hafi unnist, er ekki öllum kröfum mótmælenda fullnægt. Þar sem unnið er að stofnun nýrrar ríkisstjórnar og fleiri málum finnst okkur þó rétt að staldra við og sjá hverju fram vindur,“ segir í tilkynningu. Sem fyrr verður mótmælt á Hallarflöt í Dimmuborgum klukkan 15.

Yfirvinna endurskoðuð - engar uppsagnir

Hallur Páll Jónsson, mannauðsstjóri Reykjavíkurborgar, segir að við endurskoðun á yfirvinnu hjá starfsmönnum Reykjavíkurborgar hafi rauði þráðurinn í aðgerðunum verið að tryggja störf starfsmanna. Þeir sem hæst launin hafa taka á sig hlutfallslega mesta lækkun fastra heildarlauna og við endurskoðun fastlaunasamninga sé sú regla höfð i heiðri að lækka ekki föst heildarlaun sem eru undir 300 þúsund krónum.

Reginhneyksli verði hætt við hvalveiðarnar

Einar K. Guðfinnsson, starfandi sjávarútvegs- og landbúnaðarráðherra, telur að það væri reginhneyksli ef minnistjórn Samfylkingar og Vinstri grænna ákveði að breyta ákvörðun hans em heimilar hvalveiðar. Þetta kom fram í fyrirspurnartíma fráfarandi ráðherra sjálfstæðismanna á fundi þeirra á Grand hótel í dag.

Lúðvík vísar ummælum Gunnars Páls einnig á bug

Lúðvík Lúðvíksson, sem er í framboði til formanns hjá VR segir ummæli Gunnar Páls Pálsonar formanns VR varla svara verð og dæma sig sjálf. Vísar hann þeim alfarið á bug. Lúðvík er að vitna til viðtals sem birtist við Gunnar Pál í fréttum Stöðvar 2 þar sem hann velti því upp hvort upplýsingum úr Kaupþingi hefði verið lekið úr bankanum til þess að hafa áhrif á formannskjörið.

Íslenskur friðargæsluliði til starfa í Palestínu

Ólöf Magnúsdóttir, fulltrúi Íslensku friðargæslunnar, heldur um helgina til starfa í Palestínu í tveggja mánaða verkefni hjá Barnahjálp Sameinuðu þjóðanna, UNICEF. Í tilkynningu frá utanríkisráðuneytinu segir að Ólöf mun aðstoða staðarskrifstofu Barnahjálparinnar við að miðla upplýsingum um aðstæður barna á átakasvæðum Palestínu og neyðaraðstoð þeim til handa.

Ný ríkisstjórn kynnt á morgun

Búið er að fresta þingflokksfundum Vinstri grænna og Samfylkingarinnar þangað til klukkan 10 í fyrramálið. Fyrirhugað var að ný ríkisstjórn yrði kynnt á Austurvelli síðar í dag en búist er við að ekki verði af fyrr enn í hádeginu á morgun. Flokksstjórnarfundi Samfylkingarinnar sem halda átti í dag hefur einnig verið frestað og hefst hann klukkan 11 í fyrramálið.

Nýskráningar ökutækja dragast saman um 90 prósent

Umferðarstofa hefur tekið saman yfirlit yfir nýskráningar ökutækja og eigendaskipti á fyrstu 23 dögum ársins borið saman við sama tímabil árið á undan. Í ljós kemur mjög mikil fækkun nýskráninga.

Fleiri en þúsund í sjósund í janúar

Sjósund virðist vera að slá í gegn. Starfsfólk Ylstrandarinnar í Nauthólsvík segir fjölgun gesta þar í janúar ævintýri líkasta, en 1036 gestir hafa skráð sig í gestabók strandarinnar í mánuðinum.

Fundi þingflokks Samfylkingarinnar frestað

Þingflokksfundi Samfylkingarinnar sem átti að hefjast klukkan 15 hefur verið frestað til klukkan 10 í fyrramálið. Flokksstjórn Samfylkingarinnar á að koma saman klukkan 16 á Nasa og ræða stjórnarsáttmála og ráðherraskipan tilvonandi ríkisstjórnar. Líklegt verður að teljast að þeim fundi verði einnig frestað til morguns.

Vaxandi spenna í þinghúsinu

Fæðing nýrrar ríkisstjórnar virðist ganga treglegar en búist var við. Framsóknarmenn voru ekki sáttir við þau drög að nýjum ríkisstjórnarsáttmála sem þeim voru kynnt í morgun. Þeir fengu ný drög til skoðunar í hádeginu og fundar þingflokkur Framsóknarflokksins um þau.

Raddir fólksins boða til sigurhátíðar

Sautjándi mótmælafundur Radda fólksins verður haldinn á Austurvelli á morgun laugardag klukkan 15. Samtökin boða til sigurhátíðar.

Fjölmörgum snjóbrettum stolið

Töluvert er um að snjóbrettum sé stolið þessa dagana. Að undanförnu hafa lögreglu borist margar slíkar tilkynningar, flestar ef ekki allar úr Bláfjöllum. „Þar hafa óprúttnir aðilar verið á ferð en þeir virðast nota tækifærið á meðan snjóbrettafólkið hvílir lúin bein og borðar nestið sitt. Allmörg snjóbretti hafa horfið með þessum hætti og því er full ástæða til að vera betur á varðbergi,“ segir í tilkynningu frá lögreglu.

Leiðir málefnahóp um endurreisnarstarf

Vilhjálmur Egilsson, framkvæmdastjóri Samtaka atvinnulífsins, mun leiða málefnahóp Sjálfstæðisflokksins fyrir landsfund flokksins um endurreisn íslensks efnahagslífs. Tilkynnt var um þetta á fundi sjálfstæðismanna á Grand Hótel.

Indefence.is í breskar sögubækur

Landsbókasafn Bretlands - British Library - hefur ákveðið að varðveita vef indefence.is sem heimild um fjármálakreppuna fyrir fræðimenn framtíðar.

Óskar: Grunnlaun ekki lækkuð heldur dregið úr yfirvinnu

Grunnlaun starfsmanna Reykjavíkurborgarar lækka ekki heldur verður dregið úr yfirvinnu, að sögn Óskars Bergssonar formanns borgarráðs. „Við höfðum náttúrulega samráð við okkar sviðsstjóra en það er hugsanlega misjafnt hvernig menn hafa unnið úr því hver fyrir sig. Við erum ekki að lækka grunnlaun heldur að draga úr yfirvinnu."

Geir: Stjórnarmyndun langt komin áður en Ingibjörg kom heim

Fullt er út úr dyrum á fundi sjálfstæðismanna á Grand hotel sem hófst klukkan eitt. Á fundinum fer Geir H. Haarde, formaður flokksins og fráfarandi forsætisráðherra yfir stöðuna og það „uppbyggingarstarf sem framundan er í íslensku þjóðfélagi,“ eins og sagði í tilkynningu frá flokknum. Í máli Geirs kom meðal annars fram að hann telji myndun nýrrar ríkisstjórnar hafa verið langt komna áður en Ingibjörg Sólrún Gísladóttir sneri heim frá Svíþjóð.

Samfylking óskar skýringa á launabreytingum

Samfylkingin hefur sent borgarstjóra og mannauðsstjóra Reykjavíkurborgar bréf og óskað skýringa á framgöngu við uppsagnir fastlaunasamninga og launalækkun hjá starfsfólki borgarinnar sem áformaðar eru.

Bifreið stolið í Borgartúni

Í gærmorgun rétt fyrir klukkan tíu var bifreiðinni PA 301, sem er 2ja dyra hvítur Nissan Sunny árgerð 1994 stolið úr porti við Borgartún 7.

Loftrýmiseftirlit í höndum utanríkisráðherra

Formaður Vinstri grænna segir loftrýmiseftirlit Atlantshafsbandalagsríkja yfir Íslandi drauga frá fyrri ríkisstjórnar og að flokkurinn vilji ekki sóa peningum í slíkt brölt. Það verði hins vegar í höndum utanríkisráðherra nýrrar ríkisstjórnar að annast framkvæmd slíkra mála.

Ný ríkisstjórn kynnt við styttu Jón Sigurðssonar

Stefnt er að því að ný ríkisstjórn Samfylkingar og Vinstri grænna verði kynnt við styttu Jóns Sigurðssonar á Austurvelli klukkan sex í kvöld þar sem búsáhaldabyltingin svokallaða hófst. Gert er ráð fyrir að Ingibjörg Sólrún Gísladóttir, formaður Samfylkingarinnar, gangi á fund Ólafs Ragnars Grímssonar, forseta Íslands, eftir hádegið og að forseti feli Jóhönnu Sigurðardóttur umboð til að mynda stjórn. Að öllum líkindum verður kosið laugardaginn 25. apríl.

Hjúkrunarfræðingar vara við sparnaðaraðgerðum

Stjórn Félags íslenskra hjúkrunarfræðinga varar við afleiðingum þeirra sparnaðaraðgerða sem boðaðar hafa verið hjá Heilsugæslu höfuðborgarsvæðisins. Í ályktun stjórnarinnar segir að öflugt starf hafi verið byggst upp á þremur heilsuverndarsviðum en það eru miðstöð heilsuverndar barna, miðstöð mæðraverndar og miðstöð tannverndar.

Mánudagsútgáfu DV hætt

Biríngur, útgáfufélag DV, hefur ákvaðið að fækka útgáfudögum og héðan í frá kemur DV ekki út á mánudögum. Blaðið mun koma út frá þriðjudegi til föstudags. Þetta er gert til að mæta samdrætti á auglýsingamarkaði og mikilli hækkun á kostnaði. Aðgerðunum fylgja engar uppsagnir á ritstjórn DV.

Undirbúningi rafrænnar sjúkraskrár verði hraðað

Lagt er til í áliti stýrihóps um upplýsingatækni að undirbúningi rafrænnar sjúkraskrár fyrir landið allt verði hraðað. Stýrihópur um upplýsingatækni hefur skilað áfangaskýrslu sinni til Guðlaugs Þórs Þórðarsonar, heilbrigðisráðherra, og hvetur eindregið til átaks í rafrænum samskiptum í heilbrigðisþjónustu.

Frjálslyndir funda um stjórnarmynd

Miðstjórn Frjálslynda flokksins hefur verið boðuð til fundar á morgun laugardag í húsnæði flokksins við Skúlatún. Þar mun Guðjón Arnar Kristjánsson, formaður Frjálslynda flokksins, greina frá viðræðum um stjórnarmyndun og aðkomu flokksins að þeim, eins og segir í tilkynningu frá flokknum.

25 vilja stýra þjónustumiðstöð fyrir blinda

Tuttugu og fimm umsóknir bárust um starf forstjóra nýrrar Þjónustu- og þekkingarmiðstöðvar fyrir blinda, sjónskerta og daufblinda einstaklinga. Lög um stofnunina voru samþykkt á Alþingi 18. desember síðastliðinn.

Stjórnarmyndunarviðræðum haldið áfram

Viðræðunefndir Samfylkingar og Vinstri grænna komu saman til fundar í herbergi forsætisnefndar Alþingis í Alþingishúsinu klukkan hálf tíu og sögðu samningamenn við fréttamann rétt fyrir fundinn að þau ætluðu ekki að standa upp af þessum fundi fyrr en að því verki loknu.

Vísar ásökunum Gunnars Páls á bug

Kristinn Örn Jóhannesson, frambjóðandi í formannskjöri VR hefur sent frá sér yfirlýsingu vegna ummæla Gunnars Páls Pálssonar í fréttum Stöðvar 2 þann 28. janúar. Þar vísar hann ásökunum Páls Gunnars um að skjölum úr Kaupþingi sé lekið í fjölmiðla til þess að hafa áhrif á formannskosninguna á bug, fyrir sitt leyti.

Fjallað um lopavörusöfnunina á BBC

Lopavörusöfnun fyrir aldraða Breta sem Bítíð á Bylgjunni hratt af stað á dögunum hefur vakið töluverða athygli í Bretlandi og breskir miðlar fjallað ítarlega um hana. Í morgun var Heimir Karlsson, umsjónarmaður þáttarins, í beinni útsendingu í sjónvarsþættinum vinsæla Daily Politics á BBC 2.

Geir ræðir við sjálfstæðismenn

Vegna sviptinganna í íslenskum stjórnmálum að undanförnu boðar Sjálfstæðisflokkurinn félaga sína til stjórnmálafundar á Grand Hótel í dag til að fara yfir stöðuna og verkefnin framundan.

Rehn segir aðild Íslands hvalreka fyrir ESB

Ísland gæti verið komið í Evrópusambandið fyrr en varði, jafnvel árið 2011, ef marka má ummæli embættismanna í Brussel og íslenskra stjórnmálamanna í breska blaðinu Guardian í dag.

Þriggja manna leitað eftir rán

Lögreglan á höfuðborgarsvæðinu leitar enn þriggja grímuklæddra manna, sem ógnuðu starfsfólki Pítunnar við Skipholt með hnífi um tíuleytið í gærkvöldi og hurfu á brott eftir að hafa tæmt peningakassann, eða sjóðsvélina.

Erill hjá lögreglu í nótt

Óvenjumikill erill var hjá lögreglu í gærkvöldi og í nótt vegna ölvunar og pústra meðal veitingahúsagesta í miðborginni. Að minnsta kosti tvisvar þurfti lögregla að stilla til friðar vegna slagsmála, en enginn þurfti þó að leita læknis og enginn var handtekinn.

Á annað hundrað á stofnfundi kvennaframboðs

Á annað hundrað konur mættu á stofnfund nýs kvennaframboðs að Hallveigarstöðum í Reykjavík í gærkvöldi og voru fundargestir sammála um nauðsyn þess að efna til kvennaframboðs fyrir næstu þingkosningar.

Gylfi Magnússon verður viðskiptaráðherra

Gylfi Magnússon, dósent í hagfræði við Háskóla Íslands, verður viðskiptaráðherra í nýrri ríkisstjórn, sem væntanlega verður kynnt í dag. Þá þykja sterkar líkur á að Björg Thorarensen, prófessor í lögfræði við Háskóla íslands, verði dómsmálaráðherra.

Bílslys á gatnamótum Kringlumýrarbrautar og Borgartúns

Bílslys varð á gatnamótum Kringlymýrarbrautar og Borgartúns rétt fyrir klukkan 19:00 í kvöld. Að sögn lögreglu voru tveir bílar fluttir af vettvangi óökuhæfir en ekki liggja fyrir upplýsingar um slys á fólki.

Tímamóta ríkisstjórn hvað jafnréttismál varðar

Búist er við því að ný ríkisstjórn verði mynduð formlega á laugardaginn. Þetta kom fram í máli Jóhönnu Sigurðardóttur verðandi forsætisráðherra í fréttum Stöðvar 2 nú í kvöld. Steingrímur J. Sigfússon sagði að um tímamóta ríkisstjórn væri að ræða hvað varðar jafnréttismál, en búist er við jöfnu hlutfalli karla og kvenna.

Stálu 20 kartonum af Winston sígarettum

Brotist var inn í Aðalsjoppuna við Tjarnargötu í Vogunum um kl. 01:00 aðfararnótt mánudags. Þaðan var stolið um 20 kartonum af Winston sígarettum. Í öryggismyndavél Aðalsjoppunar sást til tveggja ungra manna við verknaðinn.

Fjórar F-16 orrustuþotur annast loftrýmisvarnir

Fjórar F-16 orustuþotur munu annast loftrýmisvarnir Íslands þegar Danir taka að sér verkið í mars. Framkvæmdastjóri Atlantshafsbandalagsins segist vona að eftirlitið haldi áfram en það sé nýrrar ríkisstjórnar Íslands að ákveða hvort svo verð.

Lögregla lokaði spilavíti í miðborginni

Lögregla fór um helgina inn í spilavíti í miðborg Reykjavíkur og stöðvaði fjárhættuspil sem þar var í gangi. Í spilavítinu er jafnan spilað upp á hundruðir þúsunda króna.

Atvinnuleysistryggingasjóður gæti tæmst fyrir árslok

Búist er við að 14 þúsund manns verði komnir í hóp atvinnulausra eftir helgi og fjöldinn verði um tuttugu þúsund í vor. Atvinnuleysistryggingasjóður mun að óbreyttu tæmast fyrir árslok.