Margmenni við fuglaskoðun í Sesseljuhúsi

Góð mæting var í Sesseljuhús, fræðslusetur um umhverfismál og sýningarhús um sjálfbærar byggingar, um helgina þegar Jóhann Óli Hilmarsson, formaður Fuglaverndunarfélags Íslands, hélt þar fyrirlestur um fugla og fuglaskoðun.

Berst við hvítblæði með bjartsýni að vopni

Versti parturinn við að upplifa beinmergsskipti er geislameðferðin. Þetta segir Sigrún Þórisdóttir, 25 ára gömul móðir, sem greindist með hvítblæði ekki alls fyrir löngu. Sigrún lagði land undir fót í byrjun maí og fór til Svíþjóðar í beinmergsskipti.

Veruleg óvissa um kjaraviðræður framhaldsskólakennara

Veruleg óvissa er um framhald kjaraviðræðna framhaldsskólakennara og ríkisins og hafa samningaviðræður gengið hægt. Þetta kemur fram í yfirlýsingu frá Félagi framhaldsskólakennara. Þar er bent á að kjarasamningur framhaldsskólakennara hafi runnið út um síðustu mánaðamót.

Skipulagsstofnun leggst gegn Bitruvirkjun

Skipulagsstofnun leggst gegn því að Bitruvirkjun á Hellisheiði verði reist vegna verulegra neikvæðra og óafturkræfra áhrifa á landslag, útivist og ferðaþjónustu. Þá setur stofnunin skilyrði fyrir Hverahlíðarvirkjun.

Undir áhrifum amfetamíns, kannabis og e-töflu við akstur

Tveir ökumenn undir tvítugu voru gripnir við fíkniefnaakstur í umdæmi lögreglunnar á Akranesi í liðinni viku.

Ekið á tvo fjórtán ára pilta

Lögregla og sjúkrabíll voru kölluð að Ingólfsstræti í miðbæ Reykjavíkur fyrir um klukkutíma síðan. Þar hafði verið ekið á tvo fjórtán ára pilta og voru þeir fluttir á slysadeild í kjölfarið.

Radavarar gagnslausir á Akranesi

Ökumenn sem telja sig geta sloppið frá laganna vörðum á Akranesi með því að nota svokallaðan radarvara geta gleymt því nú því lögreglan þar á bæ hefur fest kaupa nýju laser-hraðamælingartæki.

Ekki útlendingahatur heldur listgjörningur

Veggspjöld merkt svissneska þjóðernisflokknum SVP hafa valdið nokkurri umræðu síðustu daga. Voru þau víða hengd upp í miðbænum um helgina. Samkvæmt heimildum Vísis er það svissneski listamaðurinn Christoph Büchel sem stendur fyrir veggspjöldunum sem eru hluti af listgjörningi.

Ofbeldisbrot algengasti brotaflokkur Kvíabryggjufanga

Flestir þeirra fanga sem afplána dóma sína í fangelsinu Kvíabryggju í Grundarfirði sitja þar vegna ofbeldisbrota, átta af 21 fanga. Næstalgengasti brotaflokkurinn eru fíkniefnabrot

Fjölbreytilegri samgöngur til að bæta lýðheilsu

Auka þarf fjölbreytileika í samgöngum og þétta byggð til þess að bæta lýðheilsu í höfuðborginni að mati formanns skipulagsráðs Reykjavíkurborgar. Mengun af völdum umferðar er þegar byrjuð að hafa veruleg áhrif á heilsu ungra barna.

Vextir af almennum lánum hækka ef ríkisábyrgð verður aflétt

Forstjóri Íbúðalánasjóðs á síður von á því að yfirlýsingar stjórnvalda um breytingar á sjóðnum hafi mikil áhrif á eftirspurn eftir lánum þar á næstu dögum eða vikum. Hann telur að vextir á almennum lánum Íbúðalánasjóðs komi til með að hækka ef ríkisábyrgð verður aflétt.

Fasteignasamningar ekki færri í mörg ár

Aðeins 45 fasteignakaupsamningar voru gerðir á öllu höfuðborgarsvæðinu í síðustu viku, sem er hið minnsta í mörg ár. Fara þarf 12 ár aftur í tímann til að sjá sambærilegan meðalfjölda síðustu 12 vikna þrátt fyrir mikla fjölgun fasteigna á þessum 12 árum.

Einn handtekinn í tengslum við árás í Þverholti

Lögreglan á höfuðborgarsvæðinu hefur handtekið einn mann í tengslum við rannsókn á líkamsárás í Þverholti í fyrrinótt.

Nýtt ferjutilboð Eyjamanna gildir til hádegis á morgun

„Við gerðum tilboð á föstudaginn og það rennur út á hádegi á morgun,“ sagði Elliði Vignisson, bæjarstjóri í Vestmannaeyjum, inntur eftir stöðunni í viðræðum ríkisins og Eyjamanna um smíði og rekstur nýrrar Vestmannaeyjaferju.

Bjargað úr sjálfheldu í Patreksfirði

Björgunarsveitarmenn á Vestfjörðumi komu í gær manni til aðstoðar sem lenti í sjáheldu fyrir ofan Gjögra í Patreksfirði.

Útlendingahatarar aftur á ferð

Stóru skilti merkt Svissneska þjóðarflokknum undir fyrirsögninni „Tryggjum öryggið“ hefur verið komið fyrir uppi á Kjalarnesi og blasir við ökumönnum á leið að Hvalfjarðargöngum.

Segir forseta borgarstjórnar í fullkominni afneitun

Össur Skarphéðinsson iðnaðarráðherra segir Hönnu Birnu Kristjánsdóttur, forseta borgarstjórnar, í fullkominni afneitun þegar hún segi allt sé í stakasta lagi hjá meirihlutanum í borginni.

Vefsíða MA varð fyrir skemmdarverkum

Vefsíða Menntaskólans á Akureyri er löskuð eftir að hafa orðið fyrir skemmdarverkum. Á vefnum kemur fram að hluti gagnagrunnsins hafi orðið fyrir skemmdum en unnið sé að því að gera við hann og koma vefnum í rétt horf.

Breiðavíkursamtökin opin áhugafólki um barnaverndarmál

Bárður Ragnar Jónsson var kjörinn formaður Breiðavíkursamtakanna á aðalfundi nú um helgina. Eftir því sem fram kemur í tilkynningu frá samtökunum voru samþykktar breytingar á lögum félagsins sem fela það í sér að samtökin eru nú opin öllu áhugafólki um barnaverndarmál og sögu þeirra.

Sautján óku of hratt á Seltjarnarnesi

Brot 17 ökumanna voru mynduð við hraðaeftirlit lögreglu á Seltjarnarnesi á föstudag.

Ekki útlit fyrir frumvarp um Breiðavík á þessu þingi

Ekki er útlit fyrir að frumvarp um skaðabætur til handa Breiðavíkurdrengjunum náist inn á þetta þing.

Kísilvegurinn í sundur vegna vatnavaxta

Kísilvegurinn, eða vegurinn um Hólasand á milli Húavíkur og Mývatnssveitar, rofnaði á tveimur stöðum í gærkvöldi vegna vatnavaxta.

Fjárhagur sveitarfélaga fer versnandi

Vegna þróunar í efnahagsmálum bendir allt til þess að fjárhagur sveitarfélag hér á landi versni um allt að fimm milljarða króna á þessu ári. Þau verða því mörg hver að skera niður verkefni og sinna aðeins þeim verkum sem lögbundin eru. K

Á batavegi eftir að hafa innbyrt ólyfjan

Mennirnir tveir sem hnigu hniður á skemmtistað í miðborg Reykjavíkur í nótt eru á batavegi. Líðan þeirra er eftir atvikum ágæt að sögn læknis.

Slökkvilið kallað að Úlfarsfelli

Slökkvilið var kallað að gróðurhúsi við rætur Úlfarsfells vegna koldíoxíðsleka á sjötta tímanum í dag. Sjúkraflutningamenn voru einnig sendir á vettvang.

Fyrstu heimilismennirnir boðnir velkomnir

Fyrstu heimilismennirnir voru boðnir velkomnir á deild L-1 í dag sem Grund hefur með samningi við Landaspítala tekið að sér að reka. Deildin er biðdeild fyrir aldraða þar sem áhersla er lögð á heimilisfólk með heilabilun.

Ísland ekki á lista yfir samkeppnishæfar þjóðir

Ísland er ekki lengur á lista IMD-viðskiptaháskólans í Sviss yfir samkeppnishæfustu þjóðir heims. Listinn hefur verið birtur síðan 1989. IMD-viðskiptaskólinn, sem var stofnaður 1990 með samruna tveggja viðskiptaskóla sem árisinn Alcan og Nestlé ráku, hefur séð um að gera hann. Ísland var í þriðja sæti á listanum fyrir tveimur árum og í fyrra var Ísland í sjöunda sæti.

Tveir urðu fyrir árás

Tveir menn urður fyrir alvarlegum líkamsárásum í nótt. Annar þeirra varð fyrir árása þar sem hann var við störf sem dyravörður á skemmtistað í miðborginni. Hinn var á ferð um Þverholt í Reykjavík þegar hópur manna koma aðvífandi í bíl, stökk út, og réðist á hann með bareflum.

Tveir meðvitundarlausir eftir ólyfjan

Tveir karlmenn voru fluttir meðvitundarlausir á sjúkrahús eftir að þeir hnigu niður á skemmtistað í miðborg Reykjavíkur í nótt.

Þrír gistu fangageymslur á Suðurnesjum

Mikið var að gera hjá lögreglu á Suðurnesjum vegna slagsmála og óláta í miðbæ Keflavíkur í nótt. Þrír aðilar gistu fangaklefa vegna ölvunar og óláta. Lögregla var fimm sinnu kölluð til vegna hávaða í heimahúsum

Yfirvaldið á Álftanesi sagt hunsa Hæstarétt

Eigandi lóðarinnar Miðskóga 8 á Álftanesi segist ekki una því að bæjaryfirvöld gefi Hæstarétti langt nef með því að afmá sjávarlóð hans út af skipulagi. Forseti bæjarstjórnar býr ofan við lóðina og telur nýtt einbýlishús ekki rúmast þar.

Fundað um kjaramál

Samninganefndir BSRB og ríkisins ætla að hittast klukkan 10 í fyrramálið en samninganefndirnar funduðu í dag.

Lettar latastir við að telja fram

Auk Íslendinga greiðir fólk frá tuttugu og níu þjóðlöndum skatta á Íslandi. Pólverjar eru fjölmennastir en Filipseyingar eru duglegastir við að skila inn skattframtölum. Lettar eru hins vegar latastir við að skila inn framtali.

Fjölmenni í Fjölskyldu- og húsdýragarðinum

Það var mikið fjör í Fjölskyldu- og húsdýragarðinum í dag þar sem áskrifendur Stöðvar 2 og fjölskyldur þeirra gerðu sér glaðan dag í boði Stöðvar 2. Að vanda var afar fjölmennt en gert er ráð fyrir að ríflega 16 þús manns hafi verið í garðinum þegar hæst stóð, í mildu og góðu veðri.

Enn mótmælt við kínverska sendiráðið

Lítill hópur safnaðist saman í stutta stund fyrir utan kínverska sendiráðið í hádeginu í dag. Sem fyrr var verið að mótmæli framgöngu Kínverja í málefnum Tíbet. Lögregla var viðstödd og segir að mótmælin hafi farið friðsamlega fram.

Anna kjörin formaður Rauða kross Íslands

Anna Stefánsdóttir var í dag kjörin formaður Rauða kross Íslands á aðalfundi félagsins. Hún tekur við af Ómari H. Kristmundssyni sem gegnt hefur formennsku síðastliðin tvö ár. Anna var kjörin með lófataki á aðalfundinum sem haldinn var í Kópavogi.

Þrengt að réttinum til gjafsóknar

Verulega hefur verið þrengt að réttinum til gjafsóknar, að mati Ragnars Aðalsteinssonar hæstaréttarlögmanns.

Ævintýrahöll við Fríkirkjuveg

Guðrún Ásmundsdóttir, fulltrúi minnihlutans í menningar- og ferðamálaráði, leggur til að Fríkirkjuvegur 11 verði gerður að Ævintýrahöll barnanna í sumar.

Ósáttir við að vera stimplaðir ofbeldisseggir

Ungu mennirnir sem fyrr í kvöld voru sakaður um svíðingsskap við Hlíðaskóla í dag höfðu samband við Vísi og eru ósáttir við fréttaflutning Vísis og Stöðvar 2 af málinu. Þeir segja atburðarrásina hafa verið allt aðra en þá sem sagt var frá í fréttum. Að þeirra sögn var það húsvörðurinn við skólann sem hóf stympingarnar en ekki þeir.

Boða aðgerðir við þinglok

Haukur Birgisson, bílstjórinn sem lagði bíl sínum fyrir hlið olíubirgðastöðvarinnar í Örfirisey, segist hafa látið af mótælunum í bili. Hann boðar aðgerðir á Austurvelli við þinglok.

Lagði trukknum fyrir hliðið að Örfirisey

Flutningabíl og jeppa var á sjöunda tímanum lagt fyrir aðalhlið olíubirgðastöðvarinnar í Örfirisey. Bílstjórinn sagði í samtali við fréttamann Stöðvar 2 að með aðgerðunum væri meiningin að trufla olíuflutninga olíufélaganna. Nóg væri komið af sífelldum hækkunum og því hefði hann ákveðið að grípa í taumana.

Rétthafar stefna Istorrent á ný

Aðstandendur Istorrent.is skráaskiptasíðunnar hafa sent frá sér fréttatilkynningu. Þar segir að rétthafasamtökin sem fengu lögbann sett á vefinn á sínum tíma hafi nú höfðað nýtt mál til staðfestingar lögbannsins og að svo virðist sem lögbannið sé því enn í gildi. Áður hafði héraðsdómur vísað málinu frá vegna vanreifunnar og tók Hæstiréttur undir þann dóm þann 8. maí síðastliðinn. Í tilkynningunni segir einnig að þolendur lögbannsins muni krefjast skaðabóta vegna tjóns sem þeir segjast hafa orðið fyrir vegna lögbannsins.

Pistorius standi jafnfætis öðrum keppendum

Forstjóri stoðtækjafyrirtækisins Össurar segir spretthlauparann Oscar Pistorius standa janffætisr ófötluðu keppendum á Ólympíuleikunum. Pistorius gengur með tvo gervifætur frá fyrirtækinu. Alþjóðlegur áfrýjunardómstóll í íþróttamálum úrskurðaði í dag að hann mætti keppa á Ólympíuleikunum nái hann ólympíulágmarkinu.

Lögregla handtók mann við skrifstofu Félagsþjónustunnar

Karlmaður sem hefur í tvígang ráðist inn á skrifstofu Félagsþjónustunnar í Hafnarfirði hefur verið handtekinn. Maðurinn réðst þangað inn í gær, sparkaði upp hurð og var með hótanir.

Ofbeldisfullir unglingar við Hlíðaskóla

Nokkrir unglingar sem komu með bolabít inn á frístundaheimili Hlíðaskóla í dag jusu svívirðingum yfir starfsfólk og réðust á húsvörð, þegar reynt var að fá þá til þess að fara.