Þrír handteknir eftir eltingarleik á Akureyri

Lögreglan á Akureyri handtók i nótt þrjá karlmenn á þrítugsaldri, eftir að hafa elt þá akandi á miklum hraða um vegleysur í útjaðri bæjarins um stund.

Óvíst hvenær þjóðvegurinn fyrir norðan verður opnaður

Óvíst hvenær þjóðvegurinn fyrir norðan verður opnaður en hamfaraflóð hljóp úr stóru lóni eða stöðuvatni við Biskupsháls á Mývatnsöræfum, skammt frá Grímsstöðum á fjöllum á tólfta tímanum í gærkvöldi og sópaði þjóðveginum í burtu á að minnsta kosti 200 metra kafla og skemmdi hann víðar.

Málflutningur í Baugsmálinu fyrir Hæstarétti klukkan átta

Málflutningur hefst nú klukkan átta í Hæstarétti í þeim anga Baugsmálsins sem enn er fyrir dómi.

Geir Haarde undrast dóm Hæstaréttar

"Ég undrast þennan dóm,“ sagði Geir Haarde forsætisráðherra um dóm Hæstaréttar frá því á fimmtudag síðastliðinn, en þá var framkvæmd útboðs vegna sölu á hlut íslenska ríkisins í Íslenskum aðalverktökum (ÍAV) dæmd ólögmæt. Salan fór fram árið 2003.

Hringvegurinn rofinn á 200 metra kafla fyrir norðan

Hringvegurinn er í sundur á um 200 metra löngum kafla í vestanverðum Biskupshálsi, skammt frá Grímsstöðum á fjöllum. Að sögn lögreglunnar á Húsavík hefur veginum bókstaflega skolað burtu en gríðarlegar leysingar eru á svæðinu. Vöruflutningabíll frá Flytjanda lenti í vatnselgnum en ökumanninum tókst að forða sér áður en vegurinn gaf sig og bíllinn valt ofan í fljótið sem hafði myndast. Hann er talinn ónýtur.

Andstæðingum tekist að gera málstað Sjálfstæðisflokksins ótrúverðugan

Vilhjálmur Þ. Vilhjálmsson, oddviti sjálfstæðismanna í borgarstjórn Reykjavíkur segir umræðu síðustu mánaða hafa verið afar erfiða. Í könnun Gallup gerði kemur fram að flokkur hans myndi missa tvo borgarfulltrúa yrði gengið til kosninga í dag. Flokkurinn er við það að missa þriðja manninn yfir til Samfylkingar sem myndi þýða að sá flokkur næði hreinum meirihluta í borginni. Hann veltir því fyrir sér hvers vegna könnunin sé birt núna og viðurkennir að andstæðingum flokksins hafi tekist vel upp í því að gera málstað hans ótrúverðugan.

Sjálfstæðisflokkurinn uppspretta sundurlyndis og ráðaleysis

Dagur B. Eggertsson, oddviti Samfylkingarinnar í borgarstjórn Reykjavíkur segist ekki geta verið annað en ánægður með niðurstöður könnunarinnar sem Gallup lét gera og greint var frá í kvöldfréttum RÚV. Í könnuninni er flokkur Dags nálægt því að ná hreinum meirihluta í borginni.

Fundu töluvert af fíkniefnum á tveimur stöðum í borginni

Lögregla á höfuðborgarsvæðinu lagði hald á fíkniefni á tveimur stöðum í borginni á föstudag í húsleitum sem miða að því að draga úr sölu og dreifingu fíkniefna.

NSS mótmæla áformum um Bitruvirkjun

Náttúruverndarsamtök Suðurlands NSS, hafa gert athugasemdir við auglýstar breytingar á aðalskipulagi sveitarfélagsins Ölfuss fyrir árin 2002 - 2014. Frestur til að skila inn athugasemdum rennur út í dag. Í athugasemdunum leggjast samtökin „alfarið gegn áformum um virkjun við Bitru, áður nefnd Ölkelduhálsvirkjun og telja að virkjunin rýri verulega lífsgæði íbúa í Hveragerði og í næsta nágrenni.“

Sprengja fannst á svæði Hringrásar í Helguvík

Um miðjan dag í dag fundu starfsmenn Hringrásar í Helguvík sprengjuvörpusprengu innan um járnaúrgang. Í tilkynningu frá lögreglunni á Suðurnesjum kemur fram að hún hafi lokað staðnum af þar til starfsmenn sprengjudeildar Landhelgisgæslunnar komu og fjarlægðu sprengjuna til eyðingar.

Greiddi sekt á lögreglustöðinni með stolnu korti

Karlmanni sem stal greiðslukorti tókst að svíkja út tæplega 340 þúsund krónur í verslunum á einum og hálfum sólarhring. Hann notaði kortið meðal annars til að greiða sekt á lögreglustöðinni í Reykjavík.

Samfylkingin nálægt hreinum meirihluta

Samfylkingin er nálægt því að ná hreinum meirihluta í borgarstjórn Reykjavíkur ef marka má könnun sem Gallup gerði og RÚV greindi frá í kvöldfréttum sínum. Flokkurinn bætir við sig þremur borgarfulltrúm og fengi sjö og einn borgarfulltrúi bætist í hóp Vinstri grænna í Ráðhúsinu sem fengju þá þrjá. Næsti maður inn væri hins vegar fulltrúi Samfylkingarinnar sem færi inn á kostnað Sjálfstæðismanns.

Ekkert amar að Ítalanum á Breiðamerkurjökli

Nú er komið í ljós að ekkert amar að ítalska ferðamanninum sem óttast var um á Breiðamerkurjökli í dag. Þyrla Landhelgisgæslunnar, TF-GNÁ, var send á staðinn en henni hefur verið snúið við.

Þyrla Landhelgisgæslunnar leitar Ítala

Þyrla Landhelgsigæslunnar, TF-GNÁ, er nú að fara að leita Ítala við Breiðamerkurjökul eftir að neyðarsendir hans sendi frá sér boð á fjórða tímanum.

Vilja að Reykjavíkurborg taki við flóttamönnum í stað Akraness

Fulltrúar Samfylkingarinnar, Vinstri - grænna og Framsóknarflokksins í velferðarráði Reykjavíkurborgar hyggjast leggja fram þá tillögu í ráðinu á morgun að borgin taki á móti 30 flóttamönnum frá Palestínu sem væntanlegir eru til landsins.

Efast um hæfi sveitarstjórnar í Bitruvirkjunarmáli

Landvernd hefur efasemdir um hæfi sveitarstjórnar Ölfuss til þess að fjalla um breytingar á skipulagi sveitarfélagsins í tengslum við byggingu Bitruvirkjunar. Þetta kemur fram í athugasemd sem samtökin hafa sent Sveitarfélaginu Ölfusi.

Skýrslutökur hefjast á föstudag

Skýrslutökur yfir stúlkunum þremur sem kært hafa séra Gunnar Björnsson sóknarprest á Selfossi fyrir kynferðislega áreitni hefjast á föstudaginn. Ekki hafa fleiri kærur borist vegna prestsins.

Ráðist á Guðmund í Byrginu

Ráðist var á Guðmund Jónsson, sem kenndur er við Byrgið, við heimili hans í Grímsnesi um kvöldmatarleytið í gær.

Eins prósents atvinnuleysi í apríl

Atvinnuleysi í nýliðnum aprílmánuði reyndist eitt prósent á landinu. Er það um átta prósentum minna en á sama tíma fyrir ári þegar það var 1,1 prósent.

Slökkviliðið hreinsar upp olíu í Elliðavogi

Slökkviliðið á höfuðborgarsvæðinu er nú að hefja hreinsun á olíu sem fór í sjóinn í gær. Aðgerðin fer fram í Elliðavogi og búast menn við að vera í þessu eitthvað fram eftir degi. Talsverð olía fór í sjóinn.

Dagur: Ráðning Jakobs Frímanns að vissu leyti læknamistök

Dagur B. Eggertsson, borgarfulltrúi Samfylkingarinnar, segist ekki munu eltast við orð sem Jakob Frímann Magnússon, nýráðinn framkvæmdastjóri miðborgarmála, viðhafði um hann í Mannamáli á Stöð 2 á sunnudag.

Þrír kenndir við stýri - tveir við sama stýrið

Lögregla á Seyðisfirði átti nokkra góða spretti í síðustu viku ef marka má frásögn á fréttavef lögreglunnar. Nokkuð var um umferðarlagabrot ýmiss konar og bar þar hæst ölvunarakstur þriggja ökumanna en þar af voru tveir teknir á sama ökutækinu, þó ekki á sama tíma.

Íslenskt blogg frá jarðskjálftunum í Kína

Tvær ungar íslenskar konur blogga frá borginni Chengdu í Kína, sem hefur verið skekin af jarðskjálftum undanfarinn sólarhring.

Guðbjartur þingmaður ræður sér aðstoðarkonu

Guðrún Vala Elísdóttir hefur verið ráðin sem aðstoðarmaður Guðbjarts Hannessonar þingmanns. Guðrún Vala er búsett í Borgarnesi en ólst upp í Dölunum. Hún lauk stúdentsprófi frá Menntaskólanum í Hamrahlíð 1987, BA prófi í mannfræði frá Háskóla Íslands 1995, Bed próf frá Kennaraháskóla Íslands 1996, Diploma Ed í stjórnun 2001 og Diploma Ed í sérkennslufræðum 2004 frá framhaldsdeild Kennaraháskóla Íslands.

Boruðu dýpstu holu landsins

Menn á vegum Jarðborana slógu á dögunum aðeins þriggja mánaða gamalt met við borun á Skarðsmýrarfjalli á Hellisheiði. Holan sem boruð var reyndist 3.322 metrar og var þar með 211 metrum dýpri en fyrri methola sem lokið var við í febrúar.

Áskilja sér allan rétt verði af Bitruvirkjun

Bæjarstjórn Hveragerðis samþykkti aukafundi í morgun harðorða bókun gegn Bitruvirkjun sem rísa á í nágrenni bæjarins. Þar áskilja forsvarsmenn bæjarins sér allan rétt til aðgerða verði af virkjuninni.

Dæmdur fyrir ölvun í björgunaraðgerðum

Karlmaður var í Héraðsdómi Suðurlands í dag dæmdur til þess að greiða 160 þúsund krónur í sekt til ríkissjóðs fyrir að hafa ekið bifreið sinni undir áhrifum áfengis.

Vilja strætó milli Borgarness og Reykjavíkur

Sveitarstjórn Borgarbyggðar hefur samþykkt samhljóða að óska eftir sérleyfi fyrir akstursleiðina á milli Borgarness og Reykjavíkur þegar leyfið losnar um áramót.

Mikill viðsnúningur á nýskráningu ökutækja á síðustu vikum

Nýskráðum ökutækjum á fyrstu 130 dögum ársins fækkaði lítillega, eða um 0,6 prósent, á milli ára samkvæmt samantekt Umferðarstofu.

Minnkandi vinningslíkur í Lottóinu

Möguleikar á að fá fyrsta vinning í Lottóinu minnka úr einum á móti 500 þúsundum niður i einn á móti 650 þúsund, eftir að Lottótölunum var fjölgað um tvær eða upp í fjörutíu.

Forsætisráðherra beri ábyrgð á sölu á hlut í ÍAV

Þingmaður Vinstri - grænna segir sölu á 40 prósenta hlut ríkisins í Íslenskum aðalverktökum siðlausa og kallar forsætisráðherra til ábyrgðar. Hæstiréttur hefur úrskurðað að salan sé ólögmæt.

Ekið á gangandi vegfaranda í miðbænum

Ekið var á gangandi vegfaranda á Skothúsvegi í miðbænum fyrir stundu. Lögregla og slökkvilið eru á vettvangi en frekari upplýsingar er ekki að fá um málið að svo stöddu.

Ekkert því til fyrirstöðu að afgreiða frumvarp Valgerðar

Ekkert er því til fyrirstöðu að afgreiða frumvarp Valgerðar Bjarnadóttur um afnám eftirlaunalaganna sem setið hefur fast í allsherjarnefnd Alþingis síðan í haust, segja þingflokksformenn Framsóknarflokksins og Vinstri - grænna.

Skýrslutökur í TR-máli

Skýrslutökur fara fram í Héraðsdómi Reykjavíkur í dag yfir sakborningum í fjársvikamáli tengdu Tryggingastofnun ríkisins.

Saksóknari í Byrgismáli segir niðurstöðuna ásættanlega

Sigríður Friðjónsdóttir saksóknari sem sótti hið svokallaða Byrgismál fyrir ákæruvaldið segist nokkuð sátt með niðurstöðu héraðsdóms frá því á föstudag. Þá fékk Guðmundur Jónsson gjarnan kenndur við Byrgið þriggja ára fangelsisdóm. Guðmundur var dæmdur í öllum ákæruliðunum.

Kannast ekki við að strandað hafi á sjálfstæðismönnum

Arnbjörg Sveinsdóttir, þingflokksformaður Sjálfstæðisflokksins, kannast ekki við að það hafi strandað á sjálfstæðismönnum að breyta eftirlaunalögunum umdeildu á vordögum 2006.

Sendi Kínverjum samúðarkveðju vegna hamfara

Ólafur Ragnar Grímsson, forseti Íslands, sendi í dag forseta Kína, Hu Jintao, samúðarkveðju vegna þeirra hörmunga sem orðið hafa í kjölfar jarðskjálftanna í Kína.

Ákærður fyrir að stela Merrild-kaffi úr vinnuskúr

Við Héraðsdóm Reykjaness var í dag þingfest ákæra á hendur tæplega sextugum karlmanni.

Harður árekstur á Vesturlandsvegi í morgun

Þrennt var flutt á sjúkrahús á Akranesi eftir harðan árekstur tveggja fólksbíla við Skorholt, rétt við Hafnarfjall, á Vesturlandsvegi um áttaleytið í morgun.

Metaðsókn að skíðasvæðum landsins

Um 170 þúsund manns sóttu skíðasvæðin á Íslandi á liðnum vetri og er það mesta aðsókn síðan talningar hófust. Þetta kemur fram í tilkynningu frá skíðasvæðunum en forsvarsmenn þeirr héldu ársfund sinn fyrir helgi á skíðsvæðinu í Oddskarði.

Verðmæti útfluttra sjávarafurða jókst um þrjú prósent

Verðmæti útflutningsframleiðslu sjávarafurða nam 127 milljörðum króna á síðasta ári og jókst um tæp þrjú prósent frá árinu á undan. Þetta kemur fram í nýju riti Hagstofunnar.

Árleg karfavertíð er hafin djúpt á Reykjaneshryggnum

Árleg karfavertíð er hafin djúpt á Reykjaneshryggnum og eru yfir 30 togarar byrjaðir veiðar þar.

Tveir þjófar handteknir á Kleppsvegi í morgun

Lögreglumenn handtóku tvo menn á Kleppsvegi um sex leitið í morgun, eftir að menninrir höfðu farið ránshendi um geymslur í fjölbýlishúsi við götuna.

Svartolía lak úr flutningaskipi í Sundahöfn

Slökkviliðsmenn af höfuðborgarsvæðinu voru fram undir miðnætti að hreinsa upp svartolíu , sem lak úr flutningaskipinu Medemborg, þar sem það lá við Vogabakka í Sundahöfn.

Lýst eftir vitnum að skemmdarverkum á Akranesi

Lögreglan á Akranesi lýsir eftir vitnum að skemmdarverkum, sem unnin voru í bænum á föstudagskvöldið og aðfararnótt laugardags.