Fleiri fréttir

Verklagsreglur settar um þvagsýnatöku

Kristján L. Möller samgönguráðherra hefur skipað nefnd til þess að búa til reglugerð um samræmdar verklagsreglur fyrir öll lögregluumdæmi um hvernig standa skuli að þvagsýnatöku þegar fólk er grunað um akstur undir áhrifum vímugjafa en neitar að veita þvagsýni. Þetta kom fram í svari hans við fyrirspurn Katrínar Júlíusdóttur, flokkssystur hans, á Alþingi í dag.

Einsemd og einangrun eykst

Innflytjendur hér á landi eru gjarnan illa settir félagslega. Þetta á sérstaklega við um eiginkonur farandverkamanna sem hafa enga tengingu við íslenskt samfélag. Rauði kross Íslands stendur nú fyrir átaki til að fá fólk til sjálfboðavinnu við ýmis verkefni á vegum samtakanna, meðal annars til að aðstoða þennan hóp.

Æ fleiri kveðja nagladekkin

Æ fleiri landsmenn hafna nagladekkjunum og búa sig undir vetrarfærðina með öðrum leiðum. Fagnaðarefni, segja heilbrigðisyfirvöld, enda minni hætta á svifryki.

Banna súludans en leyfa stauradans

Á síðasta fundi landbúnaðarnefndar Borgarbyggðar var samþykkt að nektar-eða súludans yrði alfarið bannaður í sveitarfélaginu. Hinsvegar hefði nefndin ekkert á móti því að leyfa stauradans. Í framhaldi af þessu bárust fregnir af því að stjórn sveitarfélagsins ætli að beita sér af alefli fyrir uppsetningu á ljósastaur í sveitarfélaginu.

Handtekinn fyrir að stela blómum

Lögregla handtók í gær karlmann í Kópavogi um kvöldmatarleytið vegna gruns um þjófnað en þetta er í annað skiptið á nokkrum dögum sem hann var handtekinn vegna slíks.

Bensínverð hækkar í kjölfar hækkunar á olíuverði

Verð á olíutunnu lækkaði örlítið í morgun eftir að hafa farið yfir 88 bandaríkjadollara vestanhafs í gær. Tunnan hefur hækkað um tæpa átta dollara á nokkrum dögum og byrjaði sú hækkun að skila sér í bensínhækkun hér á landi í morgun.

Útvarpsstjóri með þreföld laun þingmanna

Páll Magnússon útvarpsstjóri er með nærri þreföld laun þingmanna. Hann er með 1500 þúsund á mánuði, eftir því sem fram kemur í Fréttablaðinu í morgun.

Fráleitt að kalla Herdísi heim frá Írak

Jason Jones, fulltrúi bandaríska sjónvarpsþáttarins The Daily Show, sem staddur er hér á landi sagði fráleitt af íslenskum stjórnvöldum að kalla heim Herdísi Sigurgrímsdóttur fulltrúa Íslands í Írak. Jones lét öllum illum látum á blaðamannafundi sem hann boðaði til á Hilton hótelinu fyrir stundu.

Tölur um skattbyrði bárust ekki OECD í tæka tíð

Engar tölur um heildarskattbyrði á Íslandi í samanburði við önnur lönd eru birtar í nýjustu skattaskýrslu OECD. Ástæðan er sú að tölurnar bárust ekki til OECD frá fjármálaráðuneytinu íslenska í tæka tíð.

Jafnt kynjahlutfall í ráðum hjá nýjum meirihluta

Jafnt kynjahlutfall er samanlagt hjá nýjum meirihluta í níu helstu ráðum borgarinnar og þá er hlutfallið 60-40 körlum í hag hjá minnihluta sjálfstæðismanna. Hins vegar er enginn karlmaður í mannréttindanefnd borgarinnar.

Frjósemi í fjósinu í Húsdýragarðinum

Ný íbúi í Húsdýragarðinum leit dagsins ljós í gær þegar kýrin Blökk bar myndarlegum nautkálfi. Hann reyndist 44 kíló við burð og braggast vel að sögn stjórnenda Húsdýragarðsins.

Metupphæð greidd fyrir verk Ólafs Elíassonar

Listaverkið Fivefold eye eftir Ólaf Elíasson seldist fyrir litlar 80 milljónir króna á uppboði hjá Christie´s í Lundúnum á sunnudaginn var. Það er að líkindum mesta upphæð sem greidd hefur verið fyrir verk eftir Íslending að sögn Jóhanns ÁgúSts Hansens, listmunasala hjá Gallerí Fold.

Umferðaróhöpp á helstu stofnæðum

Töluverðar umferðartafir urðu í borginni í morgun vegna umferðaróhappa sem urðu á stofnbrautum sem liggja frá nágrannasveitarfélögum og úthverfum inn í Reykjavík.

Starfandi á vinnumarkaði fjölgar um átta þúsund milli ára

Starfandi fólki á vinnumarkaði fjölgaði um 7.600 á þriðja ársfjórðungi þessa árs miðað við sama tímabil í fyrra samkvæmt tölum Hagstofunnar. Á þriðja ársfjórðungi voru nærri 185 þúsund manns sem jafngildir því að atvinnuþátttaka hér á landi sé 84 prósent.

Leigja þorskkvóta af Rússum

Íslenskir útgerðarmenn eru farnir að leigja þorskkvóta af Rússum í Barentshafi. Verðið er aðeins 64 krónur á kílóið, en við íslandsstrendur gengur leigukvótinn á um og yfir 200 krónur kílóið.

Kastaðist á kyrrstæðan bíl

Sautján ára kappa á tryllitæki, brást bogalistin þegar hann var að reykspóla í hringi á bílastæði útgerðarfélagsins Brims á Akureyri upp úr miðnætti. Hann missti stjórn á bílnum, sem kastaðist á kyrrstæðan bíl og þaðan upp í steinbeð, þar sem hann hafnaði á gamalli skipsskrúfu, sem þar er til skrauts.

Féll fyrir borð á slöngubát

Björgunarsveitarmaður , sem var við æfingar, féll fyrir borð á slöngubáti á fullri ferð í Hofsvík við Kjalarnes laust fyrir klukkan níu í gærkvöldi. Félagar hans fundu hann ekki í myrkrinu og kölluðu eftir aðstoð þyrlu Landhelgisgæslunnar, sem var við æfingar við Akranes.

Eskimo bregst við umfjöllun um átröskun

Eskimo vill koma eftirfarandi yfirlýsingu á framfæri vegna umfjöllunar í fjölmiðlum um heimildarmynd um veikindi ungrar stúlku sem þjáist af átröskunarsjúkdómi.

Ástæða til að Geir grípi inn í?

Sá styr sem staðið hefur um fyrrverandi borgarstjóra hefur dregið úr trúverðugleika hans segir prófessor í stjórnmálafræði, sem spyr sig hvort ástæða sé til að formaður flokksins grípi inn í málið.

Lífsnauðsyn að fá meðferðarstofnun fyrir átröskunarsjúklinga

Alma Geirdal, formaður Forma, félags sjúklinga með átröskun, segir lífsnauðsynlegt að koma á meðferðarstofnun fyrir sjúklinga með þennan lífshættulega sjúkdóm. Hún segir rétt að fárveik stúlka með átröskun hafi fengið tilboð um módelstörf hjá Eskimo. Talsmenn Eskimo segja að stúlkan hafi aldrei starfað hjá fyrirtækinu.

Nafn mannsins sem lést í Krýsuvík

Vélhjólamaðurinn sem lést í gær eftir að hafa farið útaf Krýsurvíkurvegi um klukkan 16 í gær hét Magnús Jónsson. Magnús var 32 ára gamall, búsettur í Jöklaseli í Reykjavík. Hann var barnlaus en lætur eftir sig sambýliskonu.

Árni tók við verðlaunum í Lávarðadeildinni

Árni Finnsson, formaður Náttúruverndarsamtaka Íslands, hlaut í dag Animal Action verðlaunin sem Alþjóðlegu dýraverndunarsamtökin (IFAW) veita árlega. Árni veitti verðlaununum viðtöku í Lávarðadeild enska þingsins í London.

Sóttu veika konu í hlíðar Valahnjúks

Þyrla Landhelgisgæslunnar, TF-GNÁ, lenti nú á fimmta tímanum við Landspítalann í Fossvogi eftir að hafa sótt hollenska konu upp í hlíðar Valahnjúks í Þorsmörk.

Berst fyrir lífi tveggja ára gamallar dóttur sinnar

Ragna Erlendsdóttir er 27 ára gömul, einstæð, tveggja barna móðir. Fyrir 12 dögum greindist Ella Dís, tæplega tveggja ára gömul dóttir hennar með SMA. Það er lífshættulegur og ólæknandi hrörnunarsjúkdómur sem ræðst á mænuna og veldur lömun.

Héraðsdómur staðfestir stjórnvaldssekt Skífunnar

Héraðsdómur Reykjavíkur hefur hafnað þeim kröfum Árdegis að fella úr gildi úrskurð áfrýjunarnefndar samkeppnismála um að félagið skyldi greiða 65 milljónir króna í stjórnvaldssekt vegna samkeppnisbrota.

Prestar og Samtökin 78 þinga

Prestar og Samtökin 78 munu efna til málþings í Þjóðminjasafninu á fösturdaginn kemur en þar á að ræða hjónabandið og staðfesta samvist. Fundarstjóri verður Ólafur Stephensen en málshefjendur verða fimm.

Mannekla rædd í fyrramálið

Dagur B. Eggertsson, nýr borgarstjóri, lýsti því yfir á borgarstjórnarfundi í dag að ekki yrðu gerar meiri háttar stjórnkerfisbreytingar á þessu kjörtímabili.

Vilhjálmur vill að borgarstjórn styðji málssókn Svandísar

Vilhjálmur Þ. Vilhjálmsson, fráfarandi borgarstjóri, lagði fram tillögu á fundi borgarstjórnar í dag um að borgarstjórnin styddi við málssókn Svandísar Svavarsdóttur vegna eigendafundar Orkuveitu Reykjavíkur. Þessa tillögu lagði hann fram fyrir hönd borgarstjórnarflokks Sjálfstæðisflokksins sem nú er í minnihluta.

Uppsagnir á Reykjalundi, störf boðin út

Sjö starfsmönnum á Reykjalundi hefur verið sagt upp störfum, þar á meðal þremur vaktmönnum auk starfsfólks í þvottahúsi og við símavörslu. Jón Benediktson framkvæmdastjóri Reykjalundar segir að um sparnað og hagræðingu sé að ræða í rekstrinum.

Dæmt í morðmáli Gísla Þorkelssonar

Búist er við að dómur falli í Jóhannesarborg í vikunni í morðmáli Gísla Þorkelssonar sem myrtur var í Suður-Afríku sumarið 2005. Fjórir vinir Gísla eru ákærðir fyrir aðild að morðinu, en einn þeirra, Willie Theron, játaði við yfirheyrslur að vera valdur að dauða hans.

Kosið í nefndir og ráð í borginni

Björn Ingi Hrafnsson verður formaður borgarráðs en auk hans sitja Svandís Svavarsdóttir, Margrét Sverrisdóttir og Björk Vilhelmsdóttir í borgarráði fyrir X-listann eins og hann var nefndur í atkvæðagreiðslu um fulltrúa í nefndum og ráðum borgarinnar á borgarstjórnarfundi í dag.

Mokar „framsóknarflórinn" úr iðnaðarráðuneytinu

„Vatnalögin eru eitt af þeim stóru ágreiningsmálum sem komin eru upp á milli stjórnarflokkanna. Þeir vita ekkert hvernig þeir eiga að leysa úr málinu,“ sagði Valgerður Sverrisdóttir, fyrrverandi iðnaðarráðherra við upphafi þingfundar í dag.

Samið um flug til Vestmannaeyja

Flugfélag Íslands skrifaði á dögunum undir samning við Vegagerðina um flug milli Reykjavíkur og Vestmannaeyja. Í framhaldi af útboði sem haldið var sl. sumar ákvað samgönguráðherra að fela Vegagerðinni að semja við Flugfélag Íslands um flug á þessari leið.

Margrét tekur Hönnu Birnu sér til fyrirmyndar

Nýr meirihluti Samfylkingarinnar, Vinstri - grænnna, Framsóknarflokksins og Frjálslyndra og óháðra tók formlega við völdum í borgarstjórn Reykjavíkur í dag þegar fram fór borgarstjórnarfundur. Borgarstjórnarfundurinn hófst klukkan 14 og var byrjað á því að greiða atkvæði um nýjan forseta borgarstjórnar.

Bryndís verður stjórnarformaður OR tímabundið

Bryndís Hlöðversdóttir, fyrrverandi þingmaður og núverandi aðstoðarrektor á Bifröst, verður stjórnarformaður Orkuveitu Reykjavíkur á meðan pólitískir fulltrúar í borginni fara yfir málefni fyrirtækisins í heild sinni. Þetta kemur fram í tilkynningu frá nýjum meirihluta.

Kvíðaraskanir hjá börnum áhyggjuefni

Börn eru kvíðin, haga sér illa, eru stressuð, þunglynd og með lífstíl fræga fólksins á heilanum. Þetta er niðurstaða rannsóknar á grunnskólabörnum í Bretlandi, þeirri fyrstu sinnar tegundar í 40 ár. Hér á landi eru kvíðaraskanir hjá börnum að verða meira áberandi og talið að nokkuð vanti upp á að greina tilfelli.

Landsmenn hugi að tungunni

Menntamálaráðuneytið hefur sent út dreifibréf þar sem hvatt er til þess að landsmenn hugi nú, eins og undanfarin ár, að íslenskri tungu þann 16. nóvember og dagana þar í kring.

Sjá næstu 50 fréttir

Mest lesið