Hass í póstkassa

Hass og kannabisefni fundust á heimili konu á Norðurlandi sem ákærð hefur verið fyrir fíkniefnalagabrot. Ákæra á hendur henni var þingfest í Héraðsdómi Norðurlands vestra í gær.

Whole Foods auglýsa Ísland á nýjan leik

Bandaríska verslanakeðjan Whole Foods hefur ákveðið að hefja markaðssetningu á íslenskum vörum á nýjan leik. Þetta var ákveðið eftir að Einar K. Guðfinsson sjávarútvegsráðherra tilkynnti að ekki yrðu gefin út frekari leyfi til hvalveiða að sinni. Auglýsingar sem hafa beðið niðri í skúffum verða nú settar upp í verslunum keðjunnar í New York, Washington og Boston.

Enn verða banaslysin í umdæmi Selfosslögreglu

Átta slys hafa orðið í umferðinni í ár. Fimm þeirra í umdæmi lögreglunnar á Selfossi. Þá lést ökumaður eftir árekstur bifhjóls og strætisvagns við Akranes 16. júlí síðastliðinn. Í byrjun júlí lést ökumaður eftir bílveltu við Norðurá og banaslys varð eftir bílveltu í Hörgárdal í mars.

Íslendingar næst umburðalyndastir allra þjóða

Íslendingar eru næst umburðarlyndastir allra vestrænna þjóða. Svíar eru umburðarlyndastir samkvæmt nýrri rannsókn sem unnin er af tveimur virtum háskólum, öðrum breskum og hinum áströlskum.

Sjálfstæðisflokkurinn þarf að hugsa sinn gang

Sjálfstæðisflokkurinn hefur barið höfðinu í steininn í stað þess að kanna gaumgæfilega hvort raunhæft og æskilegt sé að taka upp evru hér á landi, segir Valgerður Sverrisdóttir, fyrrverandi utanríkisráðherra.

Ekki brot á samningum

Boðaðar aðgerðir Flugfreyjufélags Íslands eru brot á kjarasamningum segir forstjóri Icelandair. Ekki rétt segir formaður félagsins en á fjölmennum félagsfundi flugfreyja í gær var ákveðið að vinna ekki yfirvinnu.

4 milljarðar í djúpborunarverkefni

Íslendingar munu fyrstir þjóða hefja djúpborun en samningur þar að lútandi hefur verið undirritaður. Meðal þeirra sem taka þátt í samningnum er álfyrirtækið Alcoa sem leggur 300 milljónir króna verkefnisins.

FHM birti mynd af berbrjósta táningsstúlku

Karlatímaritið FHM braut siðareglur þegar það birti mynd af berbrjósta fjórtán ára stúlku, en myndin var tekin án samþykkis hennar. Siðanefnd fjölmiðla í Bretlandi komst að þessu.

Stærst í jarðhitavirkjunum

Safna á fimmtíu milljörðum til að fjármagna útrásararm Orkuveitu Reykjavíkur sem ætlar að verða stærsta jarðhitafyrirtæki í heimi. Bjarni Ármannsson hefur lagt hálfan milljarð í púkkið.

Ekki fórna öryggi fyrir minni mengun

Ekki má fórna öryggi vegfarenda til að draga úr svifryki, segir framkvæmdastjóri FÍB, og er andvígur því að leggja gjald á þá sem nota nagladekk eins og vinnuhópur hefur lagt til.

Ætla að fylgjast með erlendum starfsmönnum

Jóhanna Sigurðardóttir, félagsmálaráðherra, hefur ákveðið að fara í skipulagt átak til að fylgjast með fyrirtækjum sem hafa erlenda starfsmenn í vinnu. Þetta var niðurstaða fundar sem ráðherra átti með forystumönnum Alþýðusambands Íslands í dag.

Hefnd úr hæstu hæðum ?

Hin umdeilda auglýsingu Símans, þar sem síðasta kvöldmáltíðin er sviðsett hefur verið afturkölluð. Ekki er það þó að kröfu sannkristinna heldur virðist í auglýsingunni sem bæði Jesús og Júdas séu viðskiptavinir Vodafone. Síminn er þarna að auglýsa nýjustu tegund af farsímum sínum, sem eru myndsímar með meiru. Og mikið rétt, það eru þarna myndir af Jesús og Júdasi. En undir myndunum má sjá glitta í merki Vodafone.

Vill fund hið fyrsta vegna hugmynda Þorbjargar Helgu

Helga Björg Ragnarsdóttir, fulltrúi Vinstri - grænna í leikskólaráði, hefur óskað eftir fundi í ráðinu hið fyrsta í ljósi ummæla Þorbjargar Helgu Vigfúsdóttur, formanns leikskólaráðs, um mögulegar breytingar á rekstrarformi leikskóla borgarinnar.

Faxaflóahafnir selja hlut sinn í Hafnarhúsinu

Stjórn Faxaflóahafna samþykkti á fundi sínum í dag tillögu Björns Inga Hrafnsson, formanns stjórnarinnar, að fela hafnarstjóra að auglýsa eignarhluta hafnarinnar í Hafnarhúsinu við Tryggvagötu, skrifstofuhúsnæði í Laugarnesi og Slysavarnafélagshúsið að Grandagarði 14. til sölu.

Byrja á fyrstu djúpborunarholunni næsta sumar

Hafist verður handa við að bora fyrstu djúpborunarholuna hér á landi við Kröflu næsta sumar samkvæmt samkomulagi sem kynnt var í dag. Holan verður 4-5 kílómetra djúp. Þá verða boraðar tvær aðrar djúpar holur, á Reykjanes og á Hengilssvæðinu.

Reykjavík Energy ætlar að nota 50 milljarða kr. í útrásarverkefni

Reykjavik Energy Invest hyggst búa yfir um 50 milljarða króna hlutafé til að hefja fjármögnun alþjóðlegra jarðhitaverkefna. Eftir að hóf starfsemi hefur fjöldi erlendra og innlendra fjárfesta lýst yfir áhuga á þátttöku í fyrirtækinu. Stefnt er að því að gefa út nýtt hlutafé í fyrirtækinu og að Orkuveita Reykjavíkur verði kjölfestufjárfestir með um 40% hlutafjár.

Hallbjörn endurheimtir Skagaströnd

Hallbjörn Hjartarson kántrímeistari og útvarpsstjóri segist ánægður með að búa aftur á Skagaströnd, en það nefnist heimahreppur hans nú á ný, eftir að nafninu var breytt úr Höfðahreppi í byrjun mánaðarins.

Fjölgar í strætó eftir að frítt varð fyrir nema

36 þúsund fleiri tók strætó í ágúst síðastliðnum en í sama mánuði í fyrra og nemur aukningin fimm prósentum á milli ára. Vöxtinn má rekja til þess að framhaldsskólanemar fengu frítt í strætó eftir því sem segir í frétt frá umhverfissviði borgarinnar.

Íslenskt vatn tilnefnt til verðlauna vegna sjálfbærni

Vatn frá Icelandic Glacial, sem er í eigu Jóns Ólafssonar, keppir í lokaúrslitum um þekktustu verðlaun sem veitt eru fyrir vatnsframleiðslu í heiminum. Verðlaunin nefnast BottledWaterWorld Awards og eftir því sem fram kemur í tilkynningu etur Icelandic Glacial kappi við Coca Cola og Danone, sem framleiðir hið fræga Evian-vatn, um verðlaunin.

Íslensk stjórnvöld berjast gegn barnahermennsku

Íslensk stjórnvöld hafa á undanförnum árum styrkt verkefni gegn barnahermennsku í Mið-Afríku, Sri Lanka og Síerra Leone. Verkefnin eru bæði á vegum Barnahjálpar Sameinuðu þjóðanna, UNICEF, og Rauða krossins og miða að því að koma börnum sem gegnt hafa barnahermennsku til hjálpar og gera þeim kleift að takast á við eðlilegt líf. Í ár hefur Ísland einnig styrkt verkefni Rauða krossins vegna baráttu gegn barnahermennsku í Síerra Leóne.

Vinna gegn launamun og endurmeta kjör kvennastétta

Jóhanna Sigurðardóttir félagsmálaráðherra og Árni Mathiesen fjármálaráðherra hafa ákveðið að skipa þrjá starfshópa til þess að fylgja eftir markmiðum ríkisstjórnarinnar á sviði jafnréttismála í samræmi við stefnuyfirlýsingu ríkisstjórnarinnar. Hóparnir eiga að vinna gegn óútskýrðum launamun og endurmeta kjör svokallaðra kvennastétta.

Faxaflóahafnir hafa áhuga á eignum NATO í Hvalfirði

Uppboð á fyrrum eigum NATO í Hvalfirði kom til umræðu á stjórnarfundi Faxaflóahafna í dag. Gísli Gíslason hafnarstjóri fór yfir stöðu málsins. Í framhaldi af því samþykkti hafnarstjórn að fela hafnarstjóra að taka upp viðræður við sveitarstjórn Hvalfjarðarsveitar um gerð tilboðs í eignirnar.

HA hýsir nýja meistaranámsleið fyrir HV

Háskólinn á Akureyri og Háskólasetur Vestfjarða hafa skrifað undir viljayfirlýsingu um að Háskólinn á Akureyri taki að sér að hýsa nýja námsleið Háskólaseturs Vestfjarða í haf- og strandsvæðastjórnun.

Hátt í 8.000 Pólverjar fá kennitölu á einu ári

Samkvæmt upplýsingum frá Þjóðskrá fengu tæplega 15.000 útlendingar úthlutað kennitölu á tímabilinu frá 1. ágúst í fyrra og til 31. júlí í ár. Af þessum fjölda eru 7.665 Pólverjar. Næstflestir eru Lithár eða 994, Þjóðverjar eru 594 og Lettar eru 520 svo dæmi séu tekin.

Orkuveitan rukkar milljónir fyrir verk sem áður voru unnin án gjalds

Gunnar Birgisson, bæjarstjóri í Kópavogi segir augljóst að stefnubreyting hafi orðið hjá Orkuveitu Reykjavíkur undanfarið. Hann segir fyrirtækið rukka ótæpilega fyrir verk sem áður var ekki rukkað fyrir. Hann tekur ný dæmi af Nýbýlavegi og Dalvegi þar sem OR hafi farið fram á margar milljónir króna fyrir að færa til lagnir.

Flytja inn falsstinningarlyf í stórum stíl

Íslenskir karlmenn virðast ekki vera neinir eftirbátar norskra kynbræðra sinna í að falla fyrir gylliboðum sem berast í tölvupósti og lofa stórstígum framförum í bólinu.

Páll ber höfuð og herðar yfir norræna útvarpsstjóra í bílamálum

Páll Magnússon útvarpsstjóri ber höfuð og herðar yfir aðra útvarpsstjóra á Norðurlöndunum í bílamálum. Raunar er aðeins einn þeirra, Kenneth Plummer, hjá Dansk Radio með bíl á vegum fyrirtækisins og kemst sá ekki í hálfkvist við Audi Q-7 glæsijeppa Páls upp á 9,2 milljónir kr. Plummer keyrir um á Honda CR-V Executive árgerð 2005 sem kostar um 2,7 milljónir kr.

Einungis átta prósent vilja leggja niður Íbúðalánasjóð

Aðeins átta prósent fasteignakaupenda vilja að bankarnir taki alfarið við húsnæðislánum og að Íbúðalánasjóður verði lagður niður. Þetta kemur fram í nýrri könnun Capacent Gallup.

Segir álagsgreiðslur hafa verið blekkingar

Álagsgreiðslur til leikskólakennara sem borgarráð samþykkti nýlega voru blekking og til þess gerðar að friðþægja samfélagið, segir formaður Félags leikskólakennara. Formaður Leikskólaráðs segir verið að útfæra greiðslurnar svo þær nái líka til leikskólanna.

Vitlaus og vanhugsuð ákvörðun

Valgerður Sverrisdóttir, fyrrverandi utanríkisráðherra, segir það vanhugsaða og vitlausa ákvörðun hjá arftaka sínum að kalla heim íslenskan upplýsingafulltrúa í Írak. Utanríkisráðherra sé að slá sig til riddara heimafyrir í stað þess að vinna með bandalagsþjóðum í NATO.

Riddarakross fyrir störf í þágu íslenskunnar

Ólafur Ragnar Grímsson, forseti Íslands, sæmdi í dag tvo prófessora við Háskólann í Leeds riddarakrossi hinnar íslensku fálkaorðu fyrir störf þeirra í þágu íslenskrar tungu og íslenskra fræða.

Hlutfall vanskila hjá einstaklingum ekki lægri í sex ár

Hlutfall vanskila af útlánum fjármálafyrirtækja reyndist 0,6 prósent á öðrum ársfjórðungi þessa árs. Það er 0,1 prósentustigi minna en á fyrsta ársfjórðungi. Tölur Fjármálaeftirlitsins sýna vanskilahlutföll af lánum hafa verið á bilinu 0,5 til 0,7 prósent á síðustu síðustu tveimur árum og eru það lægstu hlutföll vanskila sem sést hafa á rúmlega sex ára tímabili sem yfirlit Fjármálaeftirlitsins nær yfir.

Ekki búist við að aðgerðir flugfreyja raski flugi

Icelandair á ekki von á að boðaðar aðgerðir flugfreyja valdi röskun á flugi félagsins. Á fjölmennum félagsfundi Flugfreyjufélagsins í gær var samþykkt ályktun þar sem uppsagnir voru harmaðar og að farið skyldi að því fordæmi flugmanna að vinna ekki umfram vinnuskyldu.

Áhrifa kaupstefnunnar í Frankfurt gætir langt út fyrir bókmenntirnar

Verði Íslendingar fyrir valinu sem gestaþjóð á bókakaupstefnunni í Frankfurt árið 2011 mun áhrifanna hér á landi gæta langt út fyrir bókmenntirnar, segir framkvæmdastjóri JPV útgáfu. Hann telur Íslendinga eiga góða möguleika á að hreppa hnossið en þeir etja kappi við Finna um sætið.

Afrekaskrá ráðherra misrýr eftir hveitibrauðsdaga

Þegar litið er á hvað ráðherrar ríkisstjórnarinnar hafa afrekað á hveitibrauðsdögum ríkisstjórnarinnar í sumar er eftirtekjan misrýr eftir embættum. Jóhanna Sigurðardóttir félagsmálaráðherra ber af en embætti hennar hefur mokað frá sér hverju málinu á fætur öðru í þágu skjólstæðinga sinna.

Engin ákvörðun í máli lögreglumanns sem misnotaði aðstöðu sína

Enn hefur engin ákvörðun verið tekin af hálfu Ríkislögreglustjóra í máli lögreglumannsins sem ákærður var fyrir að misnota stöðu sína með því að láta aka sér í forgangsakstri út á Keflavíkurflugvöll. Manninum var gert að greiða 200 þúsund krónur í sekt en verið er að meta hvort hann haldi starfi sínu í lögreglunni.

Kviknaði í neyðarlýsingarskilti

Eldinn í verslun Pennans í Hafnarfirði í morgun má rekja til neyðarlýsingarskiltis í versluninni. Vaktstjóri hjá slökkviliðinu segir það kaldhæðnislegt að eldurinn hafi kviknað með þessum hætti en skiltinu er ætlað að lýsa fólki leiðina út úr versluninni, komi upp neyðartilvik, til dæmis eldsvoði.

Dregur úr vöruskiptahalla milli mánaða

Vöruskiptajöfnuður var neikvæður um 12 milljarða í ágúst síðastliðnum samkvæmt bráðabirgðatölum Hagstofunnar. Fram kemur í frétt fjármálaráðuneytisins um málið að vöruskiptahallinn hafi minnkað á milli mánaða en hann var nærri 15 milljarðar í júlí.

Eldur í Pennanum

Eldur kviknaði í verslun Pennans við Strandgötu í Hafnarfirði laust fyrir klukkan sex í morgun. Slökkviliðið kom á vettvang og slökkti eldinn áður enn hann næði útbreilðslu, en húsnæðið fylltist af reyk og sóti þannig að töluvert tjón hlaust af.

Íslendingar meðal þeirra bestu í heimi í nýsköpun

Íslendingar eru meðal fremstu þjóða heims samkvæmt bandarískum lista yfir hnattræna sköpunargáfu. Bandaríski prófessorinn Richard Florida hrósar Íslendingum í hástert fyrir sköpunarþrótt í nýlegri metsölubók.

Straumur ætlar að tvöfalda starfsemina á þremur árum

Straumur-Burðarás ætlar að tvöfalda starfsemi sína á næstu þremur árum með kaupum á fyrirtækjum og með því að styrkja núverandi starfsemi sína. Stjórnendur bankans segja það ekki sitt hlutverk að svara því hverjir séu eigendur fimm prósenta hlutar sem keyptur var fyrir fáeinum vikum.

Aðeins fjögur almenningssalerni í miðborginni

Aðeins fjögur almenningssalerni eru í miðborg Reykjavíkur og eru tvö þeirra lokuð að hluta eða öllu leyti á næturnar. Lögreglan handtók á þriðja tug manna um helgina fyrir að kasta af sér vatni á almannafæri.

Sveitarfélögin vilja jafnlaunastefnu - ekki KÍ

Formaður leikskólakennara vísar meintri jafnlaunastefnu KÍ til föðurhúsanna og segir að það séu sveitarfélögin sem komi í veg fyrir að hægt sé að bæta kjör leikskólakennara á höfuðborgarsvæðinu. Hugmyndir meirihlutans um fyrirtækjaleikskóla myndu ýta undir stéttskiptingu, segir fulltrúi Samfylkingarinnar í leikskólaráði.

Ellefu teknir fyrir ölvunarakstur um helgina

Ellefu ökumenn voru teknir fyrir ölvunarakstur á höfuðborgarsvæðinu um helgina. Sex voru stöðvaðir á laugardag, fjórir á sunnudag og einn í nótt. Níu voru teknir í Reykjavík og tveir í Hafnarfirði. Þetta voru níu karlar á aldrinum 20-48 ára og tvær konur. Önnur er á þrítugsaldri en hin á fimmtugsaldri, eftir því sem fram kemur í tilkynningu frá lögreglunni.

Fasteignakaupendur vilja Íbúðalánasjóð í óbreyttri mynd

Mikill meirihluti fasteignakaupenda vill að Íbúðalánasjóður starfi áfram í óbreyttri mynd. Þetta kemur fram í nýrri könnun sem Capacent Gallup gerði fyrir Íbúðalánasjóð í júní og júlí. Tæplega 83% eru þessarar skoðunar samkvæmt könnuninni. Ámóta margir og í sambærilegri könnun í lok síðasta árs.