Tveir létust í banaslysi í Öxnadal

Tveir drengir létu lífið í umferðarslysi við Jónasarlund í Öxnadal í nótt. Vegfarandi tilkynnti lögreglu laust fyrir klukkan hálfþrjú að fólksbíll á norðurleið hefði farið út af veginum. Í bílnum voru fjórir piltar á aldrinum 15 til 18 ára.

Reksturinn verði aðskilinn

Skilja verður fullkomlega að rekstur og stjórn Flugleiða-Fraktar annars vegar og Bláfugls og Flugflutninga hins vegar samkvæmt ákvörðun Samkeppnisráðs í gær. Samkeppnisyfirvöld töldu ástæðu til íhlutunar vegna samruna FL Group, Bláfugls og Flugflutninga til að tryggja virka samkeppni í flugfrakt milli Íslands og annarra landa.

Nýr kjarasamningur samþykktur

Starfsmannafélag Hafnarfjarðar og launanefnd sveitarfélaga náðu samkomulagi um nýjan kjarasamning í dag. Samningurinn og bókanir eru á sömu nótum og samningur sem gerður var við Samflot bæjarstarfsmanna í lok maí.

Tuttugu teknir fyrir hraðakstur

Tuttugu voru stöðvaðir fyrir of hraðan akstur í Öxnadal milli klukkan sjö í gærkvöld og tvö í nótt. Sá sem hraðast ók mældist á 164 kílómetra hraða.

Breyting á skipan ráðuneyta

Það er tímabært að breyta skipan ráðuneyta og sú endurskoðun mun hefjast í haust. Þetta sagði Halldór Ásgrímsson forsætisráðherra í þjóðhátíðarávarpi sínu í morgun.

Hraðakstur vandamál

Áberandi mikið var um hraðakstur á þjóðvegum landsins í gær og fyrradag og höfðu flest lögregluembætti við þjóðveginn nóg að gera við eftirlit.

Endaði sár á spítala

Eftirför lögreglunnar á Selfossi vegna ökumanns sem sinnti í engu stöðvunarmerkjum endaði með því að viðkomandi ók bíl sínum útaf og þurfti að flytja hann á slysadeild.

Tólf Íslendingar sæmdir fálkaorðu

Tólf Íslendingar voru sæmdir heiðursmerki hinnar íslensku fálkaorðu við hátíðlega athöfn á Bessastöðum í dag. Á meðal þeirra voru Eiður Smári Guðjohnsen knattspyrnumaður, Jóhann R. Benediktsson, sýslumaður á Keflavíkurflugvelli, og Vilhjálmur Þ. Vilhjálmsson, formaður Sambands íslenskra sveitarfélaga.

Aflýst vegna banaslyssins

Hátíðarhöldum í tilefni þjóðarhátíðardagsins var aflýst í Garðinum í dag vegna banaslyssins í Öxnadal í nótt. Annar piltanna sem lést var búsettur í bænum og hinn, sem búsettur var í Keflavík, átti ættir að rekja þangað.

Nöfn piltanna sem létust

Piltarnir sem létust í umferðarslysi í Öxnadal í nótt hétu Sigurður Ragnar Arnbjörnsson, 18 ára, til heimilis að Kirkjuvegi 18, Reykjanesbæ, og Þórarinn Samúel Guðmundsson, 15 ára, til heimilis að Silfurtúni 18c í Garði. Þjóðhátíðahöld í Garðinum voru látin niður falla vegna slyssins í dag, enda eiga báðir ættir að rekja þangað.

Lögfræðiálit á hæfi Halldórs

Stjórnarandstaðan ætlar að kalla eftir áliti lögfræðinga á hæfi forsætisráðherra til að fjalla um sölu Búnaðarbankans. Formaður Samfylkingarinnar segir nauðsynlegt að skoða öll tengsl sem hafi getað valdið vanhæfi, meðal annars vinatengsl forsætisráðherra og Finns Ingólfssonar, forstjóra VÍS.

Endurskipulagning hefst í haust

Það er tímabært að breyta skipan ráðuneyta. Endurskipulagning hefst í haust og á að ljúka á sem skemmstum tíma. Þetta var meðal þess sem Halldór Ásgrímsson forsætisráðherra sagði í morgun í sínu fyrsta þjóðhátíðarávarpi.

Fimm féllu í ómegin við Austurvöll

Hátíðarhöld fóru vel fram í Reykjavík í dag og lögðu tugir þúsunda leið sína í miðborgina. Veðurblíðan var með eindæmum og hitinn var reyndar svo mikill - og kannski hátíðleiki stundarinnar - að ekki færri en fimm féllu í ómegin undir hátíðardagskránni á Austurvelli í morgun.

Ráðuneytum fækkað í sex?

Árni Magnússon félagsmálaráðherra telur að fækka megi ráðuneytunum í allt að sex og sameina ríkisstofnanir um leið. Hann segir stjórnarflokkana sammála um þörfina á breytingum.

Parið úrskurðað í gæsluvarðhald

Erlent par, sem er talið hafa flutt tvo bílaleigubíla úr landi með Norrænu og er auk þess grunað um fjárdrátt og skjalafals, var seint í gærkvöldi úrskurðað í gæsluvarðhald fram á fimmtudag. Nauðsynlegt þótti að tryggja að fólkið færi ekki úr landi og var parið því úrskurðað í gæsluvarðhald á forsendum rannsóknarhagsmuna.

Rjómablíða í Reykjavík

Það var sannkölluð 17. júní stemning í miðbæ Reykjavíkur enda léku veðurguðirnir við hvern sinn fingur. Borgarbúar spókuðu sig léttklæddir um borgina, sem skartaði sínu fegursta. Á Arnarhóli var skipulögð dagskrá langt fram á nótt.

Eiður Smári fékk riddarakross

Forseti Íslands, Ólafur Ragnar Grímsson, veitti í gær tólf einstaklingum heiðursmerki hinnar íslensku fálkaorðu við hátíðlega athöfn að Bessastöðum.

Fólk féll í öngvit

Fimm áhorfendur fengu aðsvif á hátíðarsamkomunni á Austurvelli í gærmorgun.

Tveir dóu í umferðarslysi

Tveir unglingspiltar létu lífið þegar bifreið sem þeir voru í lenti utan vegar í mynni Öxnadals aðfaranótt föstudags.

Búnir að semja

Starfsmannafélag Hafnarfjarðar og launanefnd sveitarfélaga náðu samkomulagi um nýjan kjarasamning á fundi sem haldinn var í gær, 17. júní.

Stoltur af íslensku þjóðinni

Halldór Ásgrímsson forsætisráðherra boðaði breytingar á stjórnsýslu landsins í sinni fyrstu þjóðhátíðarræðu í blíðskaparveðri á Austurvelli í gær. Hann kallaði jafnframt eftir auknu samstarfi ríkis og atvinnulífs á sviði nýsköpunar.

Milljarða fram úr áætlunum

Skólar og heilbrigðisstofnanir fóru mest umfram heimildir árið 2004. Átta ráðuneyti héldu sig innan marka en þrátt fyrir það fór rekstur stofnana 1,7 milljarða fram úr fjárlögum.

Ökklabrotnaði í Rauðuskörðum

Björgunarsveitir frá Ólafsvík og Dalvík voru kallaðar út í dag til aðstoðar vegna göngufólks sem hafði lent í vandræðum í Rauðuskörðum Ytri Árdal. Kona í hópnum datt og öklabrotnað. Tólf björgunarsveitarmenn héldu fótgangandi á staðinn á sjötta tímanum í kvöld og var reiknað með að þeir kæmu á tíunda tímanum í kvöld með konuna í sjúkrakörfu, niður að sjúkrabíl sem flytur hana til Akureyrar.

Þrjátíu handteknir

Höfð voru afskipti af 30 manns á aðfararnótt laugardags í aðgerðum lögreglu gegn handrukkurum. Enginn þeirra er enn í haldi lögreglu.

Tekinn með fíkniefni í bíl

Lögreglan í Kópavogi tók mann með fíkniefni nú undir morgun. Fíkniefnin fundust við reglubundið umferðareftirlit en maðurinn var farþegi í bíl sem lögreglan stöðvaði. Skýrsla var tekin af manninum og telst málið upplýst. Í ljós kom við þetta tækifæri að ökumaður bifreiðarinnar var með útrunnin ökuréttindi.

Fengu hákarl á línuveiðum

Áhöfnin á Bensa Egils frá Hólmavík fékk óvæntan afla fyrr í vikunni þegar hún var að línuveiðum í Húnaflóa. Þetta kemur fram í <em>Bæjarins besta</em>. Þegar línan var dregin fannst áhöfninni eins og síðasti fiskurinn væri óvenju stór og þungur enda reyndist þar vera á ferðinni hákarl sem var 4,3 metrar á lengd.

Ók inn í malarhrúgu

Malarhrúga varð á vegi ökumanns í Njarðvík í gærkvöldi. Hrúgan stóð við vegarbrúnina og ók maðurinn inn í hana. Hann gaf þá skýringu að hann hefði ekki séð hrúguna en hún hafði ekki dulist fjölda ökumanna enda hafði hún staðið þarna allan daginn án þess að ekið væri á hana. Einhverjar skemmdir urðu á bíl mannsins en hann var þó ökufær á eftir.

Áttum öll jafnan þátt

Áttum öll jafnan þátt í mótmælunum - Yfirlýsing frá mótmælendunum tveimur sem ekki sitja í gæsluvarðhaldi. Arna Ösp Magnúsardóttir og Ólafur Páll Sigurðsson, tvö þeirra sem stóðum að mótmælum á alþjóðlegri álráðstefnu á hótel Nordica í fyrradag, segjast í yfirlýsingu sem barst Talstöðinni í gærkvöld að þau vilji vekja athygli á að gríðarlegt misræmi og ójafnrétti sem þau segja að hafi átt sér stað við málsmeðferð Bretans Paul Gill sem handtekinn var fyrir sama verknað og þau. Paul situr nú í gæsluvarðhaldi sem kunnugt er en Örnu og Ólafi Páli var sleppt úr haldi.

Mótmæla mismunun við ráðuneyti

Boðað hefur verið til mótmælastöðu við dómsmálaráðuneytið klukkan tvö vegna Englendingsins sem úrskurðaður var í gæsluvarðhald eftir mótmælaaðgerðirnar á Nordica-hóteli. Í fundarboði segir að enginn skilji hvers vegna maðurinn fái aðra meðferð en hin tvö sem einnig voru handtekinn eftir að hafa slett grænum vökva á fundargesti álráðstefnunnar sem haldin var á hótelinu.

Rætt við ríkisendurskoðanda

Fjárlaganefnd Alþingis kemur saman nú í hádeginu til að ræða skýrslu Ríkisendurskoðanda um hæfi forsætisráðherra til að fjalla um sölu á hlut ríkisins í Búnaðarbankanum. Sigurður Þórðarson ríkisendurskoðandi verður kallaður fyrir nefndina. Stjórnarandstaðan telur ýmislegt orka tvímælis í úttekt hans á hæfi forsætisráðherra og ætlar að ákveða næstu skref í málinu eftir fundinn í dag.

Vilja að Gill verði látinn laus

Íslendingarnir tveir sem tóku þátt í mótmælaaðgerðunum á Nordica-hótelinu ásamt Englendingnum Paul Gill telja gæsluvarðhaldsúrskurðinn yfir Gill óskiljanlegan og ranglátan. Meðferðinni á Gill verður mótmælt við dómsmálaráðuneytið klukkan tvö í dag.

Frekari aðgerðir gegn handrukkurum

Ekki liggur fyrir hvort einhverjir þeirra þrjátíu sem grunaðir eru um handrukkun eða tengsl við handrukkara verði ákærðir. Talið er að hópurinn sem ná þarf til sé mun stærri og eru frekari aðgerðir í undirbúningi.

Fjárdráttur á sambýli verði kærður

Meintur fjárdráttur starfsmanns á sambýli á vegum Reykjavíkur verður kærður til lögreglu, reynist grunur á rökum reistur.

Hefur ekki þegið fleiri boð

Dorrit Moussaieff forsetafrú hefur ekki þegið fleiri boð með einkaþotu Baugs en það, sem <em>Séð og heyrt</em> sagði frá í gær. Forsetaskrifstofan hefur gefið þá skýringu að Dorrit hafi hitt forstjóra Baugs og unnustu hans í Feneyjum og þá boðist að fljúga með þeim heim í einkaþotunni.

Töldu sprengjuhótun felast í miða

Lögreglan var kvödd að útibúi Íslandsbanka við Lækjargötu fyrir hádegið vegna grunsamlegs miða. Samkvæmt lögreglu töldu starfsmenn bankans sig geta lesið sprengjuhótun út úr þeim skilaboðum sem á honum voru og var lögregla því kölluð til. Talið er að börn hafi staðið að baki gabbinu en miðinn sem fjaðrafokinu olli er í vörslu lögreglunnar.

Bíll fastur undir Höfðabakkabrú

Umferðartafir hafa orðið á Vestulandsvegi undir Höfðabakkabrúnni í vestur en þar er flutningabíll fastur. Bíllinn, sem er frá fyrirtækinu BM-Vallá, var með mikið járnvirki á pallinum, þar af stóð járnsúla hátt upp í loftið og hún rakst undir brúna með þeim afleiðingum að bíllinn er fastur.

Bjartviðri syðra á morgun

Íbúar í höfuðborginni og á suðvesturhorni landsins geta glaðst yfir því að veðrið á morgun, þjóðhátíðardaginn, verður með besta móti.

Áfrýjar úrskurði til Hæstaréttar

Englendingurinn Paul Gill sem úrskurðaður var í gæsluvarðhald þar til á mánudag eftir að hafa slett grænum vökva á fundargesti álráðstefnu á Nordica-hótelinu hefur áfrýjað úrskurðinum til Hæstaréttar. Tveir Íslendingar tóku þátt í mótmælunum með honum á hótelinu en var sleppt úr haldi lögreglu.

Efla kennslu í tryggingarétti

Háskóli Íslands og Tryggingastofnun ríkisins hafa gert með sér samning sem hefur það markmið að efla kennslu og rannsóknir í almannatryggingarétti með sérstakri áherslu á lífeyristryggingar. Þetta er í fyrsta sinn sem lagadeild Háskólans gerir slíkan samning við stofnun utan Háskólans að því er segir í sameiginlegri tilkynningu frá stofnunum.

Nektarmyndir af stúlkubörnum

Meðal þess sem lögreglan fann í tölvu reykvísks manns sem sætir nú rannsókn vegna gruns um kynferðisofbeldi gegn fjórum stúlkubörnum, voru nektarmyndir af þeim.

Fyrsti samningur sinnar tegundar

Háskóli Íslands og Tryggingastofnun ríkisins hafa gert með sér samning um eflingu kennslu og rannsóknir í almannatryggingarétti með sérstakri áherslu á lífeyristryggingar. Um tímamótasamning er að ræða því lagadeild Háskóla Íslands hefur ekki áður gert slíkan samning við stofnun utan HÍ.

Dæmdur fyrir að taka við þýfi

Héraðsdómur Reykjavíkur dæmdi í dag þrítugan karlmann í sjö mánaða fangelsi, þar af fimm mánuði skilorðsbundið í þrjú ár, fyrir að hafa þann 5. janúar síðastliðinn tekið við þremur fartölvum að verðmæti um 700 þúsund krónur úr höndum bróður síns þrátt fyrir að honum hafi mátt vera ljóst að þeim hefði verið stolið úr versluninni Office One um nóttina.

Varað við lausagöngu kinda

"Þær eru farnar að sýna sig á þjóðveginum og fólki vissara að hafa varann á þegar ekið er hér um," segir Reynir Gunnarsson, rekstrarstjóri Vegagerðarinnar á Hornafirði.

Úthlutað úr Barnamenningarsjóði

Barnamenningarsjóður hefur lokið úthlutun styrkja í ár. Alls sóttu 53 aðilar um styrki til 57 verkefna og var styrkjum samtals að fjárhæð 1,5 milljónir króna úthlutað í ár.

Ógnvænlegt ástand vegna offitu

Offita er samfélagslegt vandamál, sem allir verða að taka saman höndum gegn, segir Anna Björg Aradóttir hjúkrunarfræðingur hjá Landlæknisembættinu. Hún segir ástandið hér á landi ógnvænlega.