Nektarmyndir af stúlkubörnum

Við rannsókn á tölvubúnaði mannsins fannst mikið af barnaklámefni, að sögn Sigurbjörns Víðis Eggertssonar aðstoðaryfirlögregluþjóns í Reykjavík. Þar á meðal voru nektarmyndir af stúlkubörnunum sem maðurinn er grunaður um að hafa misnotað, þó ekki þeirri yngstu, sem var þriggja ára þegar brotin eru talin hafa verið framin, samkvæmt upplýsingum Fréttablaðsins. Megnið af klámefninu í tölvu mannsins reyndist hafa verið sótt á erlenda barnaklámvefi og hlaðið þaðan inn á tölvu hans. Maðurinn sem er á fertugsaldri hefur á bakinu fjórar kærur vegna meints ofbeldis gegn stúlkubörnunum fjórum. Stúlkurnar voru á aldrinum þriggja til þrettán ára þegar ofbeldið er talið hafa átt sér stað. Er það hafði staðið yfir um árabil og er maðurinn ásakaður fyrir að hafa snert stúlkubörnin eða hafa látið þau snerta sig á ósæmilegan hátt. Maðurinn var yfirheyrður í mars, en gengur nú laus. Sigurbjörn Víðir vildi ekki tjá sig um hvort hann hefði játað eða neitað við yfirheyrslur