Bara bætur vegna útboðs árið 1996

Líklegt er að Reykjavíkurborg fari aðeins fram á skaðabætur frá olíufélögunum Olís, Essó og Skeljungi vegna eins af þremur útboðum sem snertu borgina og fjallað er um í úrskurði áfrýjunarnefndar samkeppnismála.

Hálfur milljarður í landnámsbæinn

Oddviti Sjálfstæðisflokksins í borgarstjórn gagnrýnir það sem hann kallar gríðarlega mikinn kostnað borgarinnar vegna landnámsskálans í Aðalstræti. Borgarstjóri segir kostnaðinn vera í samræmi við áætlanir. Heildarkostnaður borgarinnar vegna landnámsbæjarins verður því vel yfir hálfan milljarð króna.

Halldór fær falleinkunn

Helmingur landsmanna telur að Halldór Ásgrímsson hafi staðið sig illa eða frekar illa sem forsætisráðherra samkvæmt könnun Fréttablaðsins. Prófessor í stjórnmálafræði við Háskóla Íslands segir að útkomuna vera með því lakasta sem hann hafi séð. Sígandi lukka er best segir aðstoðarmaður Halldórs.

Segir könnun Gallups marktækari

Fylgi Sjálfstæðisflokks og Samfylkingar er nær hnífjafnt ef marka má könnun Fréttablaðsins í dag. Vinsældir Framsóknarflokksins hafa hins vegar sjaldan verið minni en varaformaður hans telur könnun Gallups marktækari.

Lyf eru aðeins skammtímalausn

Lyf eru aðeins skammtímalausn í meðferð geðraskana hjá börnum og ráðast ekki að rótum vandans þó þau slái á einkennin, segir danskur sérfræðingur sem staddur er hér á landi.

Ókurteisi færist í vöxt

Ókurteisi og niðurlægjandi framkoma við fólk í þjónustustörfum hefur færst í vöxt á undanförnum árum. Starfsmenn Tryggingastofnunar fá reglulega sérstaka áfallahjálp vegna erfiðra viðskiptavina og hefur verið kennt að hengja áhyggjurnar upp á snaga í lok vinnudags.

Bíða eftir megrun á Reykjalundi

Þrjú hundruð sextíu og sex manns bíða eftir að komast í megrun á Reykjalundi, þar af 250 sem ætla í skurðaðgerð til að minnka í sér magann. Offita er vaxandi heilbrigðisvandamál hér á landi en samt sem áður sáu stjórnvöld ekki ástæðu til að geta hennar í heilbrigðisáætlun sem gildir til ársins 2010.

Aðferð veigameiri en verknaður

Aðferðin sem notuð er við nauðgun skiptir meira máli heldur en verknaðurinn sjálfur samkvæmt lögum. Þetta er niðurstaða kandídatsritgerðar í lögfræði við Háskóla Íslands.

Vill efla trúverðugleikann

Bjarnason, þingmaður Vinstri grænna, er flutningsmaður þingsályktunartillögu um sjálfstæði og eflingu Fjármálaeftirlitsins. Hann vill að fjármálaeftirlitið verði fært undir alþingi til að efla trúverðugleika þess en það er nú undir viðskiptaráðherra.

Áfram í öryggisgæslu á Sogni

Móðirin sem varð ellefu ára dóttur sinni að bana og særði son sinn á Hagamel í lok maí í fyrra er gert að sæta áfram öryggisgæslu á réttargeðdeildinni að Sogni. Hún er ekki talin sakhæf og segir í áliti geðlæknis að hún hafi verið alls ófær um að stjórna gerðum sínum þegar hún framdi verknaðinn.

Máli Fischers frestað

Bobby Fischer verður enn að bíða eftir íslenskum ríkisborgararétti. Allsherjarnefnd ákvað í morgun að fresta málinu á ný þar sem frekari rökstuðnings væri þörf.

Árni í formannsframboð?

Háværar raddir eru uppi innan Framsóknarflokksins um að Árni Magnússon félagsmálaráðherra muni bjóða sig fram til formennsku í Framsóknarflokknum á flokksþinginu sem haldið verður í lok þessa mánaðar. 

Könnunin skemmtilegt gisk

Össur Skarphéðinsson, formaður Samfylkingarinnar, segir könnun Fréttablaðsins í raun skemmtilegt gisk blaðsins. Spurt sé „hverju menn spái“ en „ekki hvað menn vilji“. Það sé stór galli á könnuninni.

Fangelsisreksturinn lagður niður

Leggja þarf niður fangelsisrekstur í Hegningarhúsinu við Skólavörðustíg á næstu þremur árum, að mati Fangelsismálastofnunar. Þetta kemur fram í svari dómsmálaráðherra við fyrirspurn þingmanna Samfylkingarinnar um breytingar í fangelsismálum.

Vaktirnar aflagðar vegna sparnaðar

Sparnaður og hagræðing er ástæða þess að sólarhringsvaktir á heilbrigðisstofnun Suðurnesja voru lagðar af, segir framkvæmdastjóri stofnunarinnar. Aðstoðarlandlæknir hefur sagt í fréttum að ástæðurnar séu faglegar.

277 milljónir í veg um Svínahraun

Verktakafyrirtækið KNH á Ísafirði átti lægsta tilboð í lagningu nýs vegar um Svínahraun. KNH bauð 277 milljónir króna sem reyndist 77 prósent af kostnaðaráætlun en alls bárust níu tilboð.

Enginn játaði sök

Í morgun var þingfest í Héraðsdómi Reykjavíkur ákæra gegn fimm mönnum fyrir brot gegn lögum um virðisaukaskatt og staðgreiðslu opinberra gjalda. Fjórir mannanna voru sakfelldir á sínum tíma fyrir stórfelldan fjárdrátt frá Landssíma Íslands og hlutu dóma fyrir. Enginn mannanna játaði sök í morgun.

Gagnagrunnur um líffæragjafa

Gagnagrunnur sem inniheldur upplýsingar um viljuga líffæragjafa er eitt af því sem landlæknir vill koma á fót fyrr heldur en síðar. Unnið er að gerð sérstakrar líknarskrár, sem meðal annars tekur til lífæragjafa. Landlæknir segir þörfina fyrir líffæri fara vaxandi. </font /></b />

Vopnaleit á de Palace

Enginn kemst inn á skemmtistaðinn de Palce í miðborg Reykjavíkur nema undirgangast vopnaleit. Hnífar hafa fundist á gestum. Málleitartæki eru víða í dyrum skemmtistaða í útlöndum.

Nordica vinsæl en menningin í sókn

Fimm af fyrirtækjunum fimmtán sem mynda úrvalsvísitölu Kauphallarinnar halda aðalfundi sína þetta árið á Nordica hótelinu. Þrjú kjósa Grand hótel, eitt Hótel Sögu, fjögur halda á vit menningarinnar og funda í söfnum og listasölum og tvö fyrirtæki halda sinn fund í eigin húsnæði.

Ekki sakhæf í Hagamelsmálinu

Kona, sem í fyrra varð 11 ára dóttur sinni að bana í Vesturbæ og særði unglingsson sinn, skal sæta öryggisgæslu. Héraðsdómur Reykjavíkur kvað upp dóm þar að lútandi fyrir nokkrum mínútum. Þetta þýðir á mannamáli að rétturinn hefur komist að þeirri niðurstöðu að hún sé ekki sakhæf og verður hún því áfram vistuð að réttargeðdeildinni að Sogni.

Læknar fái að auglýsa

Auglýsingabann í heilbrigðisþjónustu verði afnumið og læknar, tannlæknar og aðrar heilbrigðisstéttir fái að auglýsa þjónustu sína segir í tillögu sem lögð hefur verið fram á Alþingi.

Yfir þrjátíu dalir í símaskránni

Fjöldi landsmanna er kenndur við dali af ýmsu tagi og er það líkast til algengasta ending íslenskra ættarnafna. Lausleg athugun leiðir í ljós að Blöndal nafnið sé algengast og skipta þeir hundruðum sem það bera.

Skrá hinsta vilja sinn

Líknarskrá þar sem fólk getur skráð og undirritað hinsta vilja sinn varðandi læknismeðferð er í smíðum hjá Landlæknisembættinu, að sögn Sigurðar Guðmundssonar landlæknis.

Lesblinda dregur úr viðbragðsflýti

Lesblinda getur dregið úr viðbragðsflýti ökumanna samkvæmt niðurstöðum nýrrar rannsóknar sem Hermundur Sigmundsson, við háskólann í Þrándheimi í Noregi, stóð fyrir. Niðurstöðurnar eru kynntar í nýjasta tölublaði <em>New Scientist</em>.

Græðarar vilja fá starfsfrið

Græðarar vilja starfsfrið, segir formaður Bandalags íslenskra græðara. Stéttin er orðin fjölmenn hér á landi og sífellt fleiri leita svokallaðra "óhefðbundinna" lækninga. Frumvarp liggur fyrir Alþingi um starfsemi græðara. </font /></b />

Átta á ári bíða líffæra

Átta Íslendingar á ári hafa að meðaltali verið á biðlista eftir nálíffærum, það er líffærum úr dánu fólki,  á árabilinu 1992 - 2002, að sögn Sigurbergs Kárasonar sérfræðings á gjörgæsludeild Landspítala-háskólasjúkrahúss.

Ávísanirnar hugsanlega greiddar út

Hjá VR er til athugunar að endurskoða orlofsávísanafyrirkomulagið á næsta ári, jafnvel með það í huga að greiða upphæðina út.

Helmingur notar orlofsávísunina

Tæplega helmingur þeirra tæplega 15 þúsund félagsmanna VR, sem fær orlofsávísun frá VR á hverju ári, notar hana. Ávísunin er bundin við viðskipti í ákveðnum fyrirtækjum.

Svik upp á sjötta tug milljóna

Fjórmenningarnir sem hlutu dóm í Landssímamálinu svokallaða hafa, ásamt fimmta manni, verið ákærðir fyrir að svíkja undan skatti á sjötta tug milljóna króna með brotum á lögum um virðisaukaskatt og staðgreiðslu opinberra gjalda.

Skattsvik verður að uppræta

Rætt var um skýrslu starfshóps um umfang skattsvika á Íslandi á alþingi í gær. Í skýrslunni, sem birt var í desember kom fram að skattsvik á Íslandi nema allt að því 35 milljörðum króna.

10% fimm ára barna með geðröskun

Tíunda hvert fimm ára barn er með geðröskun samkvæmt nýrri íslenskri rannsókn og er þetta heldur hærra hlutfall en í nágrannalöndunum. Mun fleiri börn sýna einkenni geðraskana. 

Afgangs hrossakjöt til Rússlands

Útflutningur íslensks hrossakjöts til Rússlands hefur aukist síðan fyrst var farið að flytja kjöt þangað fyrir um fjórum árum að sögn Erlends Á. Garðarssonar, framkvæmdastjóra Kjötframleiðenda.

Milljónir í sekt fyrir skattsvik

Fimmtugur maður hefur verið dæmdur í fjögurra mánaða fangelsi og til að greiða 5,1 milljón króna í sekt vegna skattsvika fyrirtækis sem hann var framkvæmdastjóri hjá. Fyrirtækið hét Pandíón og rak skemmtistaðinn Club Vegas.

Aðalstræti 10 í upprunalegt horf

Borgaryfirvöld hyggjast gera samkomulag við Minjavernd um að hún taki Aðalstræti 10 til vörslu til 35 ára. Steinunn Valdís Óskarsdóttir borgarstjóri að húsið verðu endurbætt og fært í upprunalegt horf.

Skrúfað niður í ensku þulunum

Útvarpsréttarnefnd beinir því til Íslenska sjónvarpsfélagsins, sem rekur Skjá einn, að hætta útsendingum á knattspyrnuleikjum sem ekki fylgir tal eða texti á íslensku. Magnús Ragnarsson, framkvæmdastjóri Skjás eins, segir að skrúfað verði niður í ensku þulunum um helgina. Óráðið sé hvað gert verði eftir helgi.

Borgin undirbýr kröfugerð

Borgarráð samþykkti í gær að fela Vilhjálmi H. Vilhjálmssyni hæstaréttarlögmanni að útbúa kröfugerð á hendur Olís, Essó og Skeljungi vegna ólögmæts samráðs þeirra.

Dregið fyrir stjörnurnar

Borgaryfirvöld hafa hafnað hugmynd menningar- og ferðamálasviðs borgarinnar um að slökkva tímabundið á götulýsingu í Reykjavík.

Metfjöldi farþega í Leifsstöð

Farþegum um Flugstöð Leifs Eiríkssonar fjölgaði um tæp sextán prósent í janúar miðað við sama tíma í fyrra. Þeir hafa aldrei verið fleiri í janúarmánuði eða tæplega 86 þúsund.

Sjálfstæðismenn vilja launanefnd

Sjálfstæðismenn í minnihluta bæjarráðs Hafnarfjarðar mótmæltu í gær staðhæfingu Starfsmannafélags Hafnarfjarðar um að bæjarstjórnin standi að grjótharðri láglaunastefnu með því að eiga aðild að launanefnd sveitarfélaga.

Dettifoss á leið til Rotterdam

Þýski dráttarbáturinn Primus er nú með Dettifoss í togi á leið til Rotterdam. Skipin lögðu af stað á ellefta tímanum í morgun og sækist ferðin vel. Það er áætlað að skipin verði komin til Rotterdam á miðvikudaginn en hluti stýris Dettifoss datt af skipinu austur af landinu fyrir helgina.

Sagði sig úr Samfylkingunni

Aðalheiður Sigursveinsdóttir, sem kjörin var í stjórn Freyju, félags Framsóknarkvenna í Kópavogi, í síðustu viku sagði sig úr Samfylkingunni sama dag og hún var kjörin í stjórn Framsóknarfélagsins. 

Hátt í 200 nýskráningar í Framsókn

Á annað hundrað manns skráðu sig í Framsóknarflokkinn í Kópavogi í dag og er búist við átakafundi hjá félagi Framsóknarmanna í bæjarfélaginu í kvöld. Það er best fyrir flokkinn að leggja niður deilur og láta komandi flokksþing einkennast af sáttum, segir aðstoðarmaður Halldórs Ágrímssonar.

Kolkrabbi rekur öldung úr paradís

"<font face="Times New Roman">Þ</font>a<font face="Times New Roman">ð</font> er smekklaust og si<font face="Times New Roman">ð</font>laust a<font face="Times New Roman">ð</font> <font face="Times New Roman">æ</font>tla s<font face="Times New Roman">í</font>num eigin b<font face="Times New Roman">ö</font>rnum b<font face="Times New Roman">ú</font>sta<font face="Times New Roman">ð</font>i <font face="Times New Roman">á</font> landi sem <font face="Times New Roman">ö</font>nnur fj<font face="Times New Roman">ö</font>lskylda hefur r<font face="Times New Roman">æ</font>kta<font face="Times New Roman">ð</font> <font face="Times New Roman">í</font> yfir 40 <font face="Times New Roman">á</font>r," segir Margr<font face="Times New Roman">é</font>t Bl<font face="Times New Roman">ö</font>ndal, d<font face="Times New Roman">ó</font>ttir Tryggva Bl<font face="Times New Roman">ö</font>ndal, n<font face="Times New Roman">í</font>r<font face="Times New Roman">æð</font>s sumab<font face="Times New Roman">ú</font>sta<font face="Times New Roman">ð</font>areiganda, sem n<font face="Times New Roman">ú</font> hefur fengi<font face="Times New Roman">ð</font> br<font face="Times New Roman">é</font>f fr<font face="Times New Roman">á</font> Einari Sveinssyni, stj<font face="Times New Roman">ó</font>rnarformanni <font face="Times New Roman">Í</font>slandsbanka, <font face="Times New Roman">þ</font>ess efnis a<font face="Times New Roman">ð</font> fj<font face="Times New Roman">ö</font>lskyldan eigi a<font face="Times New Roman">ð</font> hypja sig burt fr<font face="Times New Roman">á</font> Nesjav<font face="Times New Roman">ö</font>llum.

Loðnuhátíð á Eskifirði

Það var hátíðarstemmning á Eskifirði í dag en þá var búið að landa þar þrjátíu þúsund tonnum af loðnu. Til hátíðarbrigða var boðið upp á tertu til að fagna þessum merka áfanga. Loðnan á vertíðinni hefur þótt afar gott hráefni og góð til vinnslu.